Categories
ပရိုၚ်

ကၠောန်သဘၚ်ရတ်ထဝ် ဘာတန်သၠုၚ် စၟတ် (၁) ဍုၚ်ဇြပ်ဗုရောၚ်

ခတ္တာနန် – သဘၚ်ရတ်ထဝ် ပေၚ် ၅၀ သၞာံ ဘာတန်သၠုၚ် စၟတ် (၁) ဍုၚ်ဇြပ်ဗုဂှ် စနူဂိတုဒဳဇြေမ်ပါ ၂၇ ကၠောန်ဗဒှ်အာ ပွိုၚ်ပိတ္ၚဲရောၚ်ဂှ် ဥက္ကဋ္ဌ ကမ္မတဳ ကၠောန်ဗဒှ်သဘၚ်ကၞာ ဟီုရ။

ဘာတန်သၠုၚ် စၟတ်(၁) ဍုၚ်ဇြပ်ဗု
ဘာတန်သၠုၚ် စၟတ်(၁) ဍုၚ်ဇြပ်ဗု
အပ္ဍဲပွိုၚ် ၅၀ သၞာံဏံ ပရေၚ်ဇၞော်မောဝ်ကၠုၚ် မုနွံဂှ် ဂွံတီကီု၊ ဂွံတီကေတ် ဂုဏ်ဖဵုဘာဏံ ဝဳၜံၚ်ပတိတ်လဝ် မၞိဟ်မၞုံကဵုစရာဲကီု ရန်တၟံအဓိကတုဲ ကၠောန်သဘၚ်ကၞာဏံဏောဝ်” သာ်ဝွံ ဥက္ကဋ္ဌ ကမ္မတဳ ကၠောန်ဗဒှ်သဘၚ်ကၞာ ဥူခေန်မိုၚ်ဥူ ဟီုရ။

အတိုၚ်အစဳအဇန် သဘၚ်ကၞာဂှ်မ္ဂး ပ္ဍဲဂိတုဒဳဇြေမ်ပါ ၂၇ ဂှ် ပံက်သဘၚ်ကၞာ၊ ပံက်တၟံတိုၚ် ပုတ်ဂၠတ်လဝ်ဝၚ်ဘာ၊ ပံက်တိုက်ရံၚ်လိက် စၟတ်သမ္တီ သဘၚ်ရတ်ထဝ်၊ ပံက်ဗဒမ်ထ္ၜးပရေၚ်ပညာ ၄ ဗဒမ်တုဲ ပ္ဍဲတ္ၚဲဒုတိယဂှ် ကဵုဒါန်ဖါပ်သၚ် ကေုာံ ပူဇဴအာစာတံဂှ် ကၠောန်ဗဒှ်အာရောၚ် ဂွံတီကေတ်ရ။

သွက်သ္ဂောံတိုန်စိုပ် သဘၚ်ကၞာဂှ် ဘိက်ပၟိၚ်လဝ် သကိုပ်ဝန်ဇၞော် တွဵုရးမန် ကေုာံ ဂကောံဂမၠိုၚ်၊ ဥက္ကဋ္ဌ ကၠတ်ထဝ် ကေုာံ ဂကောံဂမၠိုၚ်၊ သကိုပ်ဗၠာဲသၟိၚ်တွဵုရးကေုာံ ဂကောံဂမၠိုၚ်၊ သကိုပ်ပရေၚ်ပညာတွဵုရး၊ ညးစၞးကၠတ်ထဝ် မၞုံအပ္ဍဲပွိုၚ်ဍုၚ်ဂမၠိုၚ်၊ ညးစၞး နူဌာနမဆေၚ်စပ်ဂမၠိုၚ်၊ အာစာ နူကွာန်ရးဂမၠိုၚ် ကေုာံ ကွးဘာတံကီုရောၚ်ဂှ် ဥူခေန်မိုၚ်ဥူ ဟီုရ။

“သြန်ဗွဝ် သွက်သဘၚ်ရတ်ထဝ်ဂှ်တှေ် ဖံက်မာဲဏောၚ်။ မွဲတၞးတှေ် သွံ ၁၅၀၀ ဒကေဝ်၊ ဂွံၜိုတ် မွဲကၠံကိုဋ်။ တုဲတှေ် ဒုၚ်ဒါန် နူကွးဘာတြေံ။ ပတိတ်မဂ္ဂဇြေန်ကဵု ကပေါတ်စၟတ်သမ္တီဏောၚ်။ ဂွံပရဲ နူဂှ်တှေ် သုၚ်စောဲသွက်သဘၚ်ကၞာဏောၚ်။ ပရဲ ဂွံနူပရေၚ်လဟိၚ်စိုတ်တံဂှ်လေဝ် စုတ်ပ္ဍဲသဘၚ်ကၞာဏောၚ်” သာ်ဝွံ ညးဆက်ဟီုရ။

ဘာတၚ်သၠုၚ် စၟတ် (သ) ဍုၚ်ဇြပ်ဗုဝွံ ပ္ဍဲသၞာံဗ္တောန်ပညာ သၞာံ ၂၀၁၁ – ၂၀၁၂ ဂှ် အလုံတွဵုရးမန် ဂွံလဝ်ကဆံၚ်အံၚ်ခိုဟ်အိုတ် လၟေၚ်ဒုတိယ ရ။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.