Categories
ပရိုၚ်

ပ္ဍဲဍုၚ်လ္ဂုၚ်ပံက်မံၚ် တန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ်ယျ

တန်ဗ္တောန်လိက်ပတ်မန်ကေုာံ အရေဝ်မန်ဝွံ မွဲသတ္တဟ ၅ တ္ၚဲ မွဲတ္ၚဲပွိုၚ်၂ နာဍဳ ဗ္တောန်ကဵုရောၚ်ဂှ် ဒုဥက္ကဌ ကမ္မတဳလိက်ပတ်ယေန်သၞာၚ်မန် ဍုၚ်လ္ဂုၚ် နာဲသဵုကျဳ ဟီုရ။

အပ္ဍဲဂိတုမာတ်ချ် စၟတ်တ္ၚဲ ရ အခိၚ်ဗ္တံ ၅ နာဍဳဂှ် ပံက်လဝ်အခန်ကၞာ တန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ် လ္တူဍုလ္ဂုၚ်ရဂှ် ဂွံတီကေတ်ရ။

“ ပိုဲတံဂှ် ဟိုတ်နူဒှ်မံၚ်ကောန်ဂကူမန်ဂှ်ရ ဒုၚ်သ္ဇိုၚ်ကဵုစိုတ်ဓာတ်ဆာန်ဂကူတုဲ ဒးဗ္တောန်လိက်မန် အရေဝ်မန်ရ၊ ပိုဲတအ်ပ္တိုန်ထ္ၜးလဝ် လ္တူမုက်လိက် facebook တုဲမံၚ်ရ၊ သွက်ဂွံစုတ်ပ္ဍဲလိက်ပရိုၚ်ဂှ်လဝ် စဳဇန်လဝ်နွံမံၚ်၊ ယဝ်ရ ဟွံလေပ်လိက်မန်တှေ် မပ္တံကဵု လိက်မန် ဒွက်မန် ယေန်သၞာၚ်မန်တံဂှ် ဂွံဗှ် ဂွံဒယှေ် ဂွံထိၚ်ဒဝ်အာမာန်ဟွံသေၚ်ပုဟ် “ သာ်ဏံ နာဲသဵုကျဳ ဆက်ဟီုရ။

သွက်ဂွံဗ္တောန်လိက်ပတ်မန်ကေုာံ အရေဝ်မန်ဂှ် ညးတံ ပါ်လဝ် ၂ တန်တုဲ ကောန်ၚာ်အာယုက် ၅ သၞာံ လ္ပာ်လတူတံ စတိုန်မာန်မံၚ်ရောၚ်ဂှ် ဂွံတီကေတ်ရ။

တန်ဗ္တောန်ဝွံ နဒဒှ် ညးဟီုအရေဝ်မန်ဟွံလေပ်တံဂှ်မ္ဂး ကိုပ်ကၠာအိုတ် ဗတောန်အာကဵုအရေဝ်မန်ကၠာတုဲ လေပ်အရေဝ်မန်မှ ဗ္တောန်အာကဵုလိက်မန်ရ၊ တုဲပၠန် ကွးဘာ သွက်တန်ဗ္တောန်ဏံဂှ် စၟတ်သမ္တီ ပိုၚ်ခြာလဝ် အာယုက်ဟွံမွဲရဂှ် အ္စာတန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ် နာဲသဟာဲ ဟီုရ။

"ကောန်ၚာ်တံဏံဂှ် မံၚ်ဒၟံၚ်ပ္ဍဲဍုၚ်လ္ဂုၚ်လအ်တုဲ ခါရဗ္တောန်ကဵုကောန်ၚာ်တံ နကဵုရမျာၚ်မန်ဇေတ်တ်တှေ် ဍေံတံ ဟွံကၠိုဟ်လေဝ်နွံ၊ ဟိုတ်ဂှ်ရ နကဵုရမျာၚ်ဂှ်တှေ် ဒှ်မံၚ်အခက်ခုဲရ၊ ဣဏံဂှ်တှေ် ပိုဲတံ ကလေၚ်ပလေဝ်ဂွံမံၚ်၊ ဆဂး ခက်မံၚ်မွဲဂှ်တှေ် ဍုၚ်လ္ဂုၚ်ဂှ် ဇၞော်မံၚ်၊ ဗွဲမဂၠိုၚ်ဂှ်တှေ် စိုပ်ကၠုၚ်အခိၚ်ကညၚ်ယျတှေ် ဗီုညးကဵုညး ဒးသွဟ်မံၚ်လိက်အိုတ်တုဲ ဒးဒေံါဇူလဝ် မွဲချိန်ခဏရ၊ တုဲပၠန်ကြပ်ကၠုၚ်ကဵု အခိၚ်အတးရတေတှ် ဂွံကဵုအခိၚ်ကဵုတန်ဗ္တောန်ဂှ် ဒှ်အခက်ခုဲပၠန်၊ ခက်ခုဲအိုတ်မွဲဂှ်တှ် အခိၚ်ရ" သာ်ဏံ နာဲသဟာဲ ဆက်ဟီုရ။ 

တန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ် ပံက်လဝ်လၟုဟ်ဏံဝွံ ကောန်ကွးဘာ ၃၀၀ တၠ ပြၚ်ၚ်နွံတုဲ ပ္ဍဲကဵုပွိုၚ်ဍုၚ် ၁၅ ပွိုၚ်ဍုၚ်ဂှ် မွဲအခိၚ်ဓဝ် ဗ္တောန်မံၚ်ရဂှ် ဂွံတီကေတ်ရ။

သၟာၚ်နူဂှ်ပၠန် တန်ဗ္တောန်ဝွံ ၜိုတ်ပွိုၚ်မွဲဂိတု ပံက်အာတုဲ အပ္ဍဲဂိတုဧပြဳ စၟတ်တ္ၚဲ ၄ ဂှ် ဒှ်တ္ၚဲသွဟ်လိက်၊ အပ္ဍဲဂိတုဧပြဳ စၟတ်တ္ၚဲ ရ ဂှ် ဒှ်တ္ၚဲစှေ်ဘာတန်ဗ္တောန်ကေုာံ ကဵုလာပ်တဆိပ်ကြာ ကုကွးဘာတံရောၚ်။

တန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ်ဝွံ လောန်ကၠုၚ်ၜိုတ် ၃၀ သၞာံတေံ စဗ္တောန်ကၠုၚ်လဝ်တုဲ သၞာံတုဲကၠုၚ်ဏံဂှ် ကောန်ကွးဘာ တိုန်တန်ဗ္တောန်တံ ၃၅၀ တၠ တိုန်စိုပ်လဝ်အိုတ်ရဂှ် ဂွံတီကေတ်ရ။ 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.