Categories
ပရိုၚ်

ပ္ဍဲဍုၚ်ကျာ်ပိ မၞိဟ်ဗြဴမွဲတၠ ဒးဒုၚ်ပန်ဂစိုတ်

ပ္ဍဲဂိတုမာတ် (၃) သၞာံ ၂၀၁၆ အခိၚ်ဗ္တံ ၜိုတ် (၉) နာဍဳ ပ္ဍဲဍုၚ်ကျာ်ပိ (ပယဵုဗၟာ-သေံ)ဂှ် ညးဗြဴမွဲတၠ ဒးဒုၚ်ပန်ဂစိုတ်လဝ် နကဵုလွဟ်တုဲ ကရောံညးဂှ်
မၞိဟ်တြုံမွဲတၠလေဝ် ဒးလဝ်ဘဲဝပ်ကီု ဂွံတီကေတ်ရ။

ညးဗြဴချိုတ်အာဂှ်ဝွံ နွံယၟု နာန်ဇြာၚ်ခါမ် အာယုက် ၜိုတ် (၄၀) သၞာံ၊
မကၠုၚ်နူ ဍုၚ်ဠာယှဵု တွဵုရးသေံဇၞော်တေံဒှ်တုဲ ကံလွဟ်ဂှ် နူသ္ကဲပါၚ်ကၞက်ပါဲ
ကၠိုဟ်တိတ်လ္ပာ် တံက္တက်ပုၚ်တုဲ လောတ်ချိုတ်မံၚ် ပ္ဍဲကၠံထ်ၜိုတ်မွဲ
မၞုံအရာပ်အုံကရေၚ်၊ ဍုၚ်ကျာ်ပိဂှ်ရောၚ် သာ်ဝွံ ကောန်ဍုၚ်ကျာ်ပိ
ညးဟွံမိက်ဓမံက်ယၟုမွဲ ဟီုရ။

သၟတ်တြုံ မ္ဒးလဝ်လွဟ် ကရောံဍေံဂှ် နွံယၟုသဝ်လှမေန် အယုက် (၂၈) ကၠုၚ်နူ
ပွိုၚ်ဍုၚ်ဗုဗ္ဗသဳရိ၊ ဍုၚ်နေပျဳတဝ်တေံတုဲ ဒးလဝ်ဘဲဝပ် ပ္ဍဲ ဂဒအ်ဗြာတ်ကဵု
ကံတဲပါဲတုဲ ဒုၚ်ဝဳမံၚ် ပ္ဍဲရုၚ်ဂဥုဲ ဍုၚ်ကျာ်ပိရ။

“ ဍေံတံညးၜါ စိုပ်ကၠုၚ်ဍုၚ်ကျာ်ပိဂှ် မုလေဝ်ဟွံလအ်ဏီ၊ညးတၞဟ်ဟီုဂှ်
ဒှ်ကယျာန်ညးသ္ကံပရူလှုဲလှာ်” သာ်ဝွံ အယျၚ်ဂှ် ဂးရ။

မၞိဟ်ဗြဴဒးဒုၚ်ပန်ဂစိုတ်(MNA)
မၞိဟ်ဗြဴဒးဒုၚ်ပန်ဂစိုတ်(MNA)
ဂဗုတ် က္တဵုဒှ်အာ ပ္ဍဲကၠံထၜိုတ် အရာပ်အုံကရေၚ်ဂှ်ဝွံ မၞိဟ်တလတဲဂှ်
ယၟုလှအံၚ်၊မံၚ်ဒၟံၚ်အရာပ် ၁ ၊ ဍုၚ်ကျာ်ပိရဂှ် ဂွံတီကေတ် နူသဝ်လှမေန်
(မၞိဟ်ဒးဘဲဝပ်) ဂှ်ကီုရ။

ပ္ဍဲဗွိုၚ်က္တဵုဒှ်အာဂှ် ဂွံဆဵုကေတ် ခၞော်ကံ (9MM) တုဲ ဗၠာဲသၟိၚ်တံ
ကပှ်ဂိုၚ်လဝ် ရဴဝွံ ကောန်ဍုၚ်ကျာ်ပိဂှ် ဟီုရ။

 သဝ်လှမေန် ညးမ္ဒးဘဲဝပ် (MNA)

သဝ်လှမေန် ညးမ္ဒးဘဲဝပ် (MNA)
ကိစ္စဏံ နူရုၚ်ဗၠာဲသၟိၚ်ကျာ်ပိ ပံက်လဝ်အမှု ကုနာဲလှအံၚ် နကဵု (ပ ၅/၂၀၁၆)
ၝောံပိုဒ် ၃၀၂ ရဂှ်လေဝ် ဂွံတီလဝ် နူဗၠာဲသၟိၚ်မွဲတၠရ။

အမှုဂစိုတ်မၞိဟ် က္တဵုဒှ်အာ ပ္ဍဲကျာ်ပိ လၟုဟ်ဏံဂှ်ဝွံ အပ္ဍဲသၞာံ ၂၀၁၆ ဏံမ္ဂး
မဒှ်အမှုဂစိုတ်မၞိဟ် က္တဵုဒှ်အာ ကၠာအိုတ်မွဲရ။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.