ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ရန်ကဵုသ္ဘၚ်သဳကၠဳပေန်လုၚ် ၂၁ ဗွဝ်ကၠံတုဲ ဂကောံမှာဇန်မန်နာနာတအ် ဓရီုသဳကၠဳရၚ်သ္ကံဏောၚ်

ရန်ကဵုသ္ဘၚ်သဳကၠဳပေန်လုၚ် ၂၁ ဗွဝ်ကၠံတုဲ ဂကောံမှာဇန်မန်နာနာတအ် ဓရီုသဳကၠဳရၚ်သ္ကံဏောၚ်

သၟာပရိုၚ်ချူ: >

ဂကောံမန်နာနာဂမၠိုၚ် နွံပ္ဍဲတွဵုရးမန် ပံၚ်ကောံညးသ္ကအ်တုဲ ပ္ဍဲဂိတုဂျုလာဲ (၂) မံက်တေံမ္ဂး ကၠောန်သ္ပ “ပေါဲဆဵုဂဗချပ်ဓရီု သွက်သ္ဘၚ်သဳကၠဳ ပေန်လုၚ် ၂၁ ဗွဝ်ကၠံ” ပွိုၚ်ၜါတ္ၚဲ ပ္ဍဲၝောံခန်ပိုၚ်ခေတ် အရာပ်မြဟ်သာယေန် ဍုၚ်မတ်မလီုဏောၚ် ဂွံတီလဝ်ရ။

အစဳဇန် ပေါဲသဳကၠဳ CSO မန် (Copy)
အစဳဇန် ပေါဲသဳကၠဳ CSO မန် (Copy)

တၚ်ရန်တၟံ ပေါဲသဳကၠဳဂကောံမန်နာနာဏံဂှ် စပ်ကဵုကဏ္ဍပရေၚ်ဍုၚ်ကွာန်မ္ဂး သွက်ဂွံဓမံက်ပ္တိုန် ရမျှာၚ်ညးဍုၚ်ကွာန်မန်တံ ညံၚ်ဂွံပါလုပ်အလုံဖအိုတ်မာန်ကီု။ ဂွံရမျှာၚ်ညးဍုၚ်ကွာန်တံတုဲ သွက်ဂွံအာပ္တိုန်ထ္ၜး ပ္ဍဲပေါဲသဳကၠဳ ဆေၚ်ကဵုပရေၚ်ၜိုဟ်လလံ အဆံၚ်ကၟိန်ဍုၚ်တေံကီု။ ပါ်ပရအ်ပ္တိုန်ထ္ၜးကဵု ကုဂကောံမသ္ပစၞးဂကူမန် မဂွံအခေါၚ်တိုန် သ္ဘၚ်သဳကၠဳ ပေန်လုၚ် ၂၁ ဗွဝ်ကၠံဂှ်တုဲ သွက်ဂွံပ္တိုန်ထ္ၜးသဳကၠဳအာကီု။ စပ်ကဵုကဏ္ဍ ပ္တန်ဍုၚ်ပံၚ်ကောံဝှဒ္ဒရဴမ္ဂး ဒုၚ်သဇိုၚ် ဒတူလိုၚ် လ္တူလညာတ် အခေါၚ်မတုပ်သၟဟ် အလုံကောန်ဍုၚ်အရၚ် ဂှ်တုဲ သွက်ဂွံပ္တိုန်ထ္ၜးသဳကၠဳအာကီု။ စွံတၚ်ရန်တၟံ သာ်ဝွံတုဲ ကၠောန်အာပေါဲဆဵုဂဗသဳကၠဳဂှ်ဏောၚ် ဂးရ။

“ဂကောံမှာဇန်ဗွဲမဂၠိုၚ်တံရ လုက်စုက်ကဵုညးဍုၚ်ကွာန်ဂၠိုၚ်တှေ် ရမျှာၚ်ညးဍုၚ်ကွာန်တံ နွံဗီုလဵုရောဂှ် သ္ပ Forum ပေါဲသဳကၠဳတုဲ ပြၚ်ဏာကဵု ညးစၞးမန် မတိုန်သ္ဘၚ်သဳကၠဳပေန်လုၚ် ၂၁ ဗွဝ်ကၠံဂှ်ဏောၚ်” နာဲဂံၚ်လွဳ နူကမ္မတဳကၠောန်ဗဒှ် ပေါဲသဳကၠဳ ဟီုရ။

ပ္ဍဲပေါဲသဳကၠဳဂှ် ကိစ္စ သၟတ်တံကဵု ဂဥုဲၜူမာဲ၊ ပရေၚ်ကဏ္ဍမၞိဟ်ဗြဴ၊မူဝါဒ ပရေၚ်လစွံစိုတ် ဆေၚ်ကဵု အခေါၚ်အရာမၞိဟ် ရဲဒှ်ဒဒိုက်ဂမၠိုၚ်၊ကိစ္စပရေၚ်တိ၊ ပရေၚ်ပါ်ပရအ် သယံဇာတ၊ ပရေၚ်ဗလိုက်တံ၊ ပရေၚ်ပညာ၊ ကဏ္ဍဂကောံရဲအရာပ် မၚ်ရံၚ်အကာဲအရာပရေၚ်ဒိုအ်ပန်ပှော် နမပ္တံသာ်ဏံ သဳကၠဳအာဏောၚ်တုဲ သ္ဂုတ်သွာတ်တိတ်ကၠုၚ် နူပေါဲသဳကၠဳဂှ် ကဵုဏာ ညးစၞးဗော်မန် မအာတိုန်သ္ဘၚ်သဳကၠဳတေံဏောၚ် နာဲဂံၚ်လွဳ ဂးရ။

တုဲပၠန်ညးစၞးဂမၠိုၚ် နူဗော်ဍုၚ်မန်တၟိ၊ ဗော်ဒဳမဵုကရေဇြဳအလုံရးမန် ကေုာံဗော်ကောန်ဂကူမန်တံလေဝ် ပရေၚ်လစွံစိုတ် လ္တူသ္ဘၚ်သဳကၠဳပေန်လုၚ် ၂၁ ဗွဝ်ကၠံကီု၊ ပရေၚ်လစွံစိုတ် ဒတူလိုၚ် လ္တူမူဝှိဒ္ဒရဴကီု ညးတံပ္တိုန်ထ္ၜးသဳကၠဳကီုဏောၚ် စုတ်လဝ် ပ္ဍဲအစဳဇန်ပေါဲသဳကၠဳဂှ် ဂွံဆဵုကေတ်ရ။

သွက်ဂွံတိုန်ပေါဲဆဵုဂဗသဳကၠဳဏံဂှ် ဂကောံပရေၚ်ဝေါဟာမၞိဟ် နူပွိုၚ်ဍုၚ်ဘာအၚ်၊ကအ်ကြိက် တွဵုရးကရေၚ်၊ ပွိုၚ်ဍုၚ်ဍာ်ဗု ရးတၞၚ်သြဳ ကေုာံ ဂကောံပရေၚ်ဝေါဟာမၞိဟ်မန် ၜိုတ် ၁၂၀ ဂကောံ ဘိက်လဝ်နွံ ကမ္မတဳကၠောန်ဗဒှ် ဂးရ။

သ္ဘၚ်သဳကၠဳၜိုဟ်လလံဍုၚ် ပေန်လုၚ် ၂၁ ဗွဝ်ကၠံဂှ် အလဵုအသဳ (NLD) က္ဍိုက်ပ်တုဲ သွက်ဂွံကၠောန်ဗဒှ် ပ္ဍဲသၞာံ ၂၀၁၆ ဂိတုအဝ်ဂါတ် သတ္တဟ လက္ကရဴအိုတ်ဂှ် စဳဇန်မံၚ်ဖိုဟ် ဂွံတီကေတ်ရ။

About Mon News Agency

ဗှ်မာန်မံၚ်

ဗီုရုပ် ဂတဵုမုက် တ္ၚဲကောန်ဂကူမန် မရနုက်ကဵု (၇၁)ဝါ ဗဟဵု သၞာံဏံဂှ် ချပ်ရန်လဝ် ဓမံက်ထ္ၜးအာ ဝၚ်သ္ကိုပ်ပၞာန် ဗညာစိၚ်

ဗီုရုပ်ဂတဵုမုက် တ္ၚဲကောန်ဂကူမန် မရနုက်ကဵု (၇၁) ဝါ ဗဟဵု ကၠောန်ဗဒှ်ပ္ဍဲကဵု ပွိုၚ်ဍုၚ်ဘာအၚ် ကွာန်ထဝ်ပၠၚ်ဂှ် ကမ္မတဳတအ် ချပ်ရန်လဝ် ဓမံက်ထ္ၜးအာ ဝၚ်သ္ကိုပ်ပၞာန်ဗညာစိၚ် ရောၚ်ဂွံတီကေတ်ရ။ Related

Leave a Reply

%d bloggers like this: