ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ဗော်ကောန်ဂကူမန် ပြံၚ်သၠာဲဒၞာဲ ရုၚ်ဌာန်ဂအုပ်ဗဟဵုရောၚ်

ဗော်ကောန်ဂကူမန် ပြံၚ်သၠာဲဒၞာဲ ရုၚ်ဌာန်ဂအုပ်ဗဟဵုရောၚ်

သၟာပရိုၚ်ချူ:

ရုၚ်ဌာန်ဂအုပ်ဗဟဵု ဗော်ကောန်ဂကူမန် မပံက်လဝ် ပ္ဍဲကဵုဂၠံၚ်ရာဇာဓိရာဇ် အရာပ်မျာၚ်သာယျာ ဍုၚ်မတ်မလီုဂှ် ပ္ဍဲကဵုပွိုၚ် မွဲဂိတုဏံ ပြံၚ်သၠာဲဒၞာဲတၟိတုဲ ပံက်အာရုၚ်ဌာန်ဂအုပ်ဗဟဵုဒၞဲါတၞဟ်ခြာမွဲရောၚ် ဂွံတီကေတ်ရ။

ပ္ဍဲကဵုရုၚ်ဌာန်ဂဥုပ်ဗဟဵုလၟုဟ်ဝွံ ဂွံအခေါၚ်စကာလဝ် မသက္ကုၚုဟ်မးတုဲ လၟုဟ်ဝွံ သွက်ညးတၠဌာန်တံ သၟိက်မိက် ဂွံစကာပၟိက်ပူဂဵုတုဲ မ္ဒးပြံၚ်သၠာဲပံက်အာ ပ္ဍဲဒၞာဲတၟိမွဲပၠန်ရောၚ် ညးအုပ်ကာနာနာ ဗော်ကောန်ဂကူမန် နာဲလျးတၟး ဟီုရ။

ရုၚ်ဌာန်ဂအုပ်ဗော်ကောန်ဂကူမန် မၞုံဂၠံၚ်ရာဇာဓိရာဇ် အရာပ်မျာၚ်သာယာ မတ်မလီု (MNA)
ရုၚ်ဌာန်ဂအုပ်ဗော်ကောန်ဂကူမန် မၞုံဂၠံၚ်ရာဇာဓိရာဇ် အရာပ်မျာၚ်သာယာ မတ်မလီု (MNA)
“ရုၚ်ဏံဂှ် နူကဵုရဲသ္ၚိညးမွဲကဆံၚ် ဆက်နၚ်ဖုၚ်ကဵုအဲကီုရ။ ရုၚ်ဏံဂှ် ညးတံကဵုမံၚ်လဝ်မးမး ၜိုတ်ပိပန်သၞာံယျလေဝ်။ ပိုဲလေဝ် ဒးမံၚ်ဒၟံၚ်ဂှ် ညှာမံၚ်စိုတ်ရ။ အတိုၚ်ညးကဵုမံၚ် ညးဟီုလဝ်ဂှ်လေဝ် တ္ၚဲဗြဲဍေံစိုပ်ယျ။ ညးတံလေဝ် မိက်ဂွံက လေၚ်ကေတ်တှေ် ၜိုတ်ဂိတုဏံအိုတ် ပိုဲပြံၚ်ဏောၚ်။ ပိုဲလေဝ် ဂၠာဲလဝ်ဒၞာဲတုဲယျ” သာ်ဝွံ နာဲလျးတၟး ဟီုကဵုသၞံၚ်တိုၚ် ပ္ဍဲဂိတုအံက်တဝ်ဗာ ၁၈ ဂှ်ရ။

ပြဟ်ဟ်ဏံဝွံ အဃောရေၚ်တၠုၚ်မံၚ် ကိစ္စချုက်လိက်ကသုက် လိၚ်သ္ၚိ သွက်ဂွံပံက်ရုၚ်ဖိုဟ်တုဲ ဒၞာဲပံက်ရုၚ်တၟိဂှ် လေဝ် ပ္ဍဲကဵုအရာပ်မျာၚ်သာယျာ ဍုၚ်မတ်မလီုပၠန်ရောၚ် ညးဆက်ဟီုရ။
ပ္ဍဲကဵုဗော်ကောန်ဂကူမန်ဂှ် ပြဟ်ဟ်ဏံ ဥက္ကဋ္ဌဇၞော် နာဲၚုဲတိၚ်ကီု ဒု-ဥက္ကဋ္ဌ (၁) တြေံ ကေၚ်ကာဗဟဵု နာဲသိုက် လောန် (ဝန်ဇၞော်ကၟိန်ဍုၚ်) ကီု ပ္တိုန်လဝ်လိက် အာတ်မိက်နုက်တိတ်နွံရောၚ် ဂွံတီကေတ်ရ။

ဒုၚ်သ္ဇိုၚ်ကဵုလိက်နုက်တိတ် ညးတာလျိုၚ်တံဂှ် ပ္ဍဲကဵုဂိတုအံက်တဝ်ဗာ (၁၈) ဏံ ကၠောန်ကေၚ်ဓရီုကေၚ်ကာဗဟဵု တုဲ သွက်ဂွံကလေၚ်ဟဍာံ ပၟိက်ဆန္ဒညးဥက္ကဋ္ဌဇၞော်ဂှ် ဒုဥက္ကဋ္ဌ (၁) နာဲတေန်အံၚ်၊ ဒုဥက္ကဋ္ဌ (၂) နာဲဇၞူမန်၊ လျိုၚ်ဌာန ဗော် (နာဲပါန်အံၚ်) မၞိဟ်ပိကီု သွက်ဂွံကလေၚ်သၟာန်ပၟိက်ဆန္ဒ နာဲသိုက်လောန်ဂှ် ကဵုလဝ်တာလျိုၚ် နာဲပါန်အံၚ် ရောၚ် နာဲလျးတၟး ဂးရ။

နဒဒှ်ရုၚ်ဂအုပ်ဗဟဵုဂှ် အခိၚ်စဒက်ပ္တန် ဗော်ဒဳမဝ်ကရေသဳမန်ဂှ် စွံပ္တန်လဝ် ပ္ဍဲကဵုသ္ၚိနာဲသိုဝ်မျေအ် ၜိုတ်မွဲသၞာံကီု ဗွဲကြဴ စိုပ်အပ္ဍဲ ၂၀၁၄ ဂှ် စွံပ္တန်လဝ်ဌာန်ဂအုပ်ဗဟဵုဒၞာဲ ဂၠံၚ်ရာဇာဓိရာဇ်ဂှ် ဒှ်သ္ၚိပူဂဵု နာဲသိုက်လောန်ဂှ် ညး သၠးကဵုလဝ်မသက္ကုၚုဟ်မး ရောၚ်။

ပ္ဍဲကဵုသၞာံ (၁၉၈၉) တေံ ဒက်ပ္တန်ကၠုၚ်လဝ် ဗော်ဒဳမဝ်ကရေဇြဳကောန်ဂကူမန် လုပ်ကၠုၚ်လဝ်ပေဲါရုဲမာဲ (၁၉၉၀) ကီု ဗွဲကြဴဏံ ပ္ဍဲသၞာံ (၂၀၁၂) ဂှ် ကလေၚ်ထပ်ပ္တန်လဝ် ကဵုယၟုဗော်ဒဳမဝ်ကရေသဳမန်ပၠန်ရောၚ်။ ပ္ဍဲကဵုသၞာံ (၂၀၁၃) ဂှ် ပံၚ် ကောံကဵု ဗော်ဒဳမဵုကရေဇြဳအလုံရးမန် (ညးနွံပၟိက်ပံၚ်) တံတုဲ ထပ်ပြံၚ်သၠာဲလဝ်ယၟု ဗော်ကောန်ဂကူမန်ရောၚ်။

ဗော်ကောန်ဂကူမန်ဂှ် ပ္ဍဲပေဲါရုဲမာဲ (၂၀၁၅) ဂှ် လုပ်ပြိုၚ်လဝ် ပ္ဍဲကဵုကၠတ်ထဝ်နာနာဂှ် ပ္ဍဲကဵုကၠတ်ထဝ်ကောန်ဂကူ (၁) တၠ၊ ကၠတ်ထဝ်တွဵုရးဍုၚ်မန်ဂှ် (၂) တၠ ဇၞးကၠုၚ်လဝ်မာဲနွံတုဲ ပ္ဍဲကဵုအလဵုအသဳတွဵုရးဍုၚ်မန်ဂှ် ကလိဂွံလဝ် ဝန်ဇၞော်မွဲဒၞာဲ ရောၚ် ဂွံတီကေတ်ရ။

About Mon News Agency

ဗှ်မာန်မံၚ်

ဗီုရုပ် ဂတဵုမုက် တ္ၚဲကောန်ဂကူမန် မရနုက်ကဵု (၇၁)ဝါ ဗဟဵု သၞာံဏံဂှ် ချပ်ရန်လဝ် ဓမံက်ထ္ၜးအာ ဝၚ်သ္ကိုပ်ပၞာန် ဗညာစိၚ်

ဗီုရုပ်ဂတဵုမုက် တ္ၚဲကောန်ဂကူမန် မရနုက်ကဵု (၇၁) ဝါ ဗဟဵု ကၠောန်ဗဒှ်ပ္ဍဲကဵု ပွိုၚ်ဍုၚ်ဘာအၚ် ကွာန်ထဝ်ပၠၚ်ဂှ် ကမ္မတဳတအ် ချပ်ရန်လဝ် ဓမံက်ထ္ၜးအာ ဝၚ်သ္ကိုပ်ပၞာန်ဗညာစိၚ် ရောၚ်ဂွံတီကေတ်ရ။ Related

Leave a Reply

%d bloggers like this: