Categories
ပရိုၚ်

မြေက်ဍိုတ်တ် ၆၁ ဂကူ နွံအပ္ဍဲဖျာတွဵုရးဍုၚ်မန်ဂှ် ဗက်သီဖအိုတ်ရောၚ်

မြေက်ဍိုတ်တ် လၟိဟ်တဆိပ် ၆၁ ဂကူ ဟွံထေက်ကဵုစ သွံဒၟံၚ်ပ္ဍဲဆေၚ်တွဵုရးဍုၚ်မန်ဂမၠိုၚ်ဂှ် ဗက်သီအာဖၟိုတ် ရောၚ် ဂွံတီကေတ် နူဌာနက္ဍိုက်ပ်ကောပ်ကာဲ စၞစသုၚ်ကေုာံဂဥုဲဇဗ တွဵုရးဍုၚ်မန်ရ။

မြေက်ဍိုတ်တ် နကဵုတဆိပ် ရ၉ ဂကူ သွံဒၟံၚ်ပ္ဍဲဖျာတံဂှ် ကေတ်ဗၞတ်ညိညိတုဲ စဂွံ ဟွံဂွံ စၟဳစၟတ်ပါ်ရံၚ်ဓါတ် ပ္ဍဲနေပျဳဒဝ်ဂှ် ပ္ဍဲမြေက်ဍိုတ်တ် တဆိပ် ၆၁ ဂကူဂှ် ဓါတ်စဟွံဂွံ Aflatoxas B1 ပါလုပ်နွံမံၚ်ရောၚ် ဂွံဆဵုကေတ် ဂးရ။

မြေက်ဍိုတ်တ်မွဲဂကူ ဗီုဖျောန်ပ္တိုန်လဝ်အရံၚ် (Internet)
မြေက်ဍိုတ်တ်မွဲဂကူ ဗီုဖျောန်ပ္တိုန်လဝ်အရံၚ် (Internet)
“လိက်စၞောန် နူနေပျဳဒဝ်တေံ စိုပ်ကၠုၚ်ပ္ဍဲပိုဲဂှ် နူနဝ်ဝေမ်ဗာ ၂၉ တေံရ။ ဆလအ်ဂွံဗက်သီရောဂှ် ပိုဲဟီုကၠးကၠးဟွံဂွံဏီ။ နူလၟုဟ်ယဝ်ပိုဲဟီုတှေ် ရဲဖျာတံ ဂွံပရိုၚ်တုဲ ဍေံတံပၞုက်ထောံ ဂိုၚ်ထောံအိုတ်ဏောၚ်၊ တဆိပ် ၆၁ ဂကူ နွံကဵု Aflatoxas B1 ဂှ်လေဝ် ပိုဲဂွိုအ်သီဏီတှေ် မုတဆိပ်ရောဟီုဂှ် လဴကဵုဟွံမာန်ဏီ” သာ်ဝွံ ဒံက်တာဖျူဖျူခေန် သ္ကိုပ်စၞောန်ပ္ညုၚ်ဍောတ် နူဌာနက္ဍိုက်ပ်ကောပ်ကာဲ စၞစသုၚ်ကေုာံဂဥုဲဇဗ တွဵုရးဍုၚ်မန် ဟီုရ။

မြေက်ဍိုတ်တ် ၆၁ ဂကူ သွက်ဂွံသီလၟုဟ်ဏံဂှ် ပ္ဍဲဍုၚ်မတ်မလီု သွံဂၠိုၚ်အိုတ်တုဲ ယဝ်စဒးမြေက်ဍိုတ်တ် နွံကဵုဓါတ် Aflatoxas B1 ဏံမ္ဂး ယဲဂြိုဟ်ကှ်၊ ကေန်သာဂြိုဟ် ကေုာံ ယဲဆေၚ်ကဵုဂြိုဟ်တံ က္တဵုဒှ်မာန် ဒံက်တာဂှ် ဂးရ။

ကေတ်လဝ်မြေက်ဍိုတ်တ် ရ၉ ဂကူ နူကဵုဖျာ အပ္ဍဲတွဵုရးဍုၚ်မန်တုဲ စမ်ၜတ်စၟဳစၟတ်လဝ်ဂှ် ဟွံဂွံလိက်ထံက်ဂလာန် FDA (ဌာနက္ဍိုက်ပ်ကောပ်ကာဲ စၞစသုၚ်ကေုာံဂဥုဲ) တုဲ သွံမံၚ်ဂှ် တဆိပ် နွံ ရ၆ ဂကူ ရဴဝွံ ဂွံတီလဝ် နူဌာနက္ဍိုက်ပ်ကောပ်ကာဲ စၞစသုၚ်ကေုာံဂဥုဲဇဗ တွဵုရးမန်ရ။

ဌာနက္ဍိုက်ပ်ကောပ်ကာဲ စၞစသုၚ်ကေုာံဂဥုဲဇဗ တွဵုရးဍုၚ်မန်ဝွံ ပ္ဍဲသၞာံ ၂၀၁၆ ဏံ ပပ္တံနူဂိတု ဇာန်နဝါရဳ ဒဵုကဵုစိုပ် အံက်တဝ်ဗာ ဗၞတ် ၁၁ ဝါ ကၠောန်ကၠုၚ် ပရေၚ်စၟဳစၟတ် စံၜတ် စၞစသုၚ် အပ္ဍဲဖျာတံဂှ်တုဲရ ဂွံတီကေတ်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.