Categories
ပရိုၚ်

ကိစ္စဟီုစောတ်စောဲကု ဂကောံပၠန်ဂတးရပ်လွဟ်တံ ရဲပကီုပရာပ်ဂှ် သဘာဝ ဟွံဍာံရောၚ် ဒုဥက္ကဌ UNFC ဟီု

ကာလရဲဒပ်ပၞာန်အလဵုအသဳတံ ဝေၚ်ထ္ပက်ဒၟံၚ်ပၞာန် ပလီုပလာ် ဂစိုတ်ဂယိုၚ်ဒၟံၚ်ကောန်ညးဍုၚ်ကွာန် ကောန်ဂကူတံဂှ် အလဵုအသဳမုဟွံဟီုမွဲသာ်တုဲ အခိၚ်ဒပ်ပၠန်ဂတးကောန်ဂကူတံ ဝေၚ်ပၞာန်တ္ၚဲဏံမှ ဟီု တိုန်ဂလာန် ရဲပကီုပရာပ်ဂှ် သဘာဝဟွံဍာံရောၚ် ဒုဥက္ကဌဒပ်ပံၚ်ကောံ ကောန်ဍုၚ်အရၚ် UNFC နာဲဟံသာ ဟီုရ။

“လ္ပာ်ဒပ်ပၞာန်အလဵုအသဳတံဂှ် ဝေၚ်ထ္ပက်ဒၟံၚ်ပၞာန်ဒေသကောန်ဂကူတံဂှ် လံကၠုၚ်မံၚ်ရ၊ အလဵုအသဳတံမု ဟွံဟီုပုဟ်၊ အခိၚ်ဂကောံပၠန်ဂတးရပ်လွဟ်တံ လုပ်ဗ္တိုက်မွဲအလန်ဓဝ်ဂှ် စောတ်စောဲစုတ်ရဲဂကောံရဲပကီု ပရာပ်ဏောဝ်ဟီုဂှ် သဘဝဍေံဟွံဍာံပုဟ်’ ဒုဥက္ကဌ UNFC နာဲဟံသာ အခိၚ်ဆဵုဂဗ ဒဳဇြေန်ဗါ ရ ဂှ်ရ။

ဒုဥက္ကဌ UNFC နာဲဟံသာ (MNA)
ဒုဥက္ကဌ UNFC နာဲဟံသာ (MNA)
လ္တူဂကောံပၠန်ဂတးရပ်လွဟ် (၄)ဂကောံ (KIA,TNLA,MNDAA,AA) တံဂှ် ကြဴနူကဵု လုပ်ဗ္တိုက်သၞေဟ်ပ ယျဵု ကြုက်-ဗမာ မူသေဝ် တုဲကၠုၚ်နဝ်ဝေမ်ဗါ (၂၀)ဂှ်တုဲ အကြာဒပ်ပၞာန်အလဵုအသဳတံကဵု ဂကောံပၠန်ဂတး ရပ်လွဟ်မဟာမိတ်(၄)တံ ဒှ်ကၠုၚ်ပေဲါဗ္တိုက်ဆက်က်တုဲ ဂလာန်ပ္တိုန်ထ္ၜး စိုပ်အာဇရေၚ်ကၠတ်ထဝ်ညးရ။

ပ္ဍဲကဵုဂလာန်ပ္တိုန်ထ္ၜးကောံဓရီုကၠတ်ထဝ်ညးဍုၚ် နူကဵုဌာနဝန်ဇၞော် ပရေၚ်စဵုဒၞာဝန်ဇၞော်ကၟိန်ဍုၚ် (ကာကွယ် ရေး ၀န်ကြီးဌာန ပြည်ထောၚ်စုဝန်ကြီး) တုဲကၠုၚ်ဂှ် ဂလာန်ဝွံ ညးစၞးဒစဵုဒစးဂၠိုၚ်တုဲ ဟွံဒှ် ဒတန်ရ၊ ဆဂးဂှ် တုဲကၠုၚ် ဒဳဇြေန်ဗါ ၆ ပ္ဍဲကဵုကောံဓရီုကၠတ်ထဝ်တွဵုရးဍုၚ်သေံဂှ် ညးစၞးဒပ်ပၞာန်တံကဵု ညးစၞးဗော် ကျဖောအ် တံ ဂွံဆန္ဒမာဲလ္ပာ်လၟိဟ်ဂၠိုၚ်တုဲ ဂလာန်ပ္တိုန်ထ္ၜးကိစ္စရဲပကီုပရာပ်ဂှ် ဒှ်အာဒတန်ရ။

“အဃောဂစာန်တက်မံၚ်ကျာ စပ်ကဵုပရေၚ်ထ္ပက်လိက်ကသုက် (NCA)ဏံဂှ် ယဝ်ရ လစွံစိုတ်သာ်ဏံ တှေ် ပရေၚ်တက်ကျာဂှ်ဍေံသ္ၚောဲဒှ်မာန်မံၚ်လေဝ်၊ ပေဲါပၞာန်တ္ၚဲဏံဂွံဒှ်ကၠုၚ်ဂှ် ထ္ပက်မံၚ်ပၞာန်ကဵုရဲဒေသတံဂှ် ညးတံဒုၚ်ဟွံမာန်ဂှ်ရ ကလေၚ်ဝေၚ်ဗီုဏံဏောဝ်၊ ဠဒပ်ပၠန်ဂတးတံဝေၚ်ပၞာန်ဗီုဏံဂှ်မှ ကၠုၚ်ပန်ကဵုက္ၜၚ်ကျာ လုပ်စံၚ်ကွာန် ဂစိုတ်ဂယျိုၚ်ညးဍုၚ်ကွာန်ပဗီုဏံဂှ် ကၠောန်ကၠုၚ်မံၚ်လံကွေံရ၊ ယဝ်သဒးသ္ၚဳဂၠိပ်ကၠးကၠးတှေ် ညးဂှ်ညးပကီုပရာပ်ရော ဍေံကၠးမံၚ်ရ” ဒုဥက္ကဌ နာဲဟံသာ ဆက်ဟီုရ။

ကြဴနူကဵု ဝန်ဇၞော်စဵုဒၞာဂီုကၠီုတံ ပ္တိုန်ကၠုၚ်ဂလာန် လ္တူရဲဂကောံပၠန်ဂတးတံ ဟီုကၠုၚ်ရဲပကီုပရာပ်ဂှ်ကီု၊ သ္ပ ဏာဒတန်ပ္ဍဲကဵုကောံဓရီုကၠတ်ထဝ်တွဵုရးသေံဂှ်ကီု၊ အကြာကောန်ဂကူမွဲကုမွဲကီု၊ အကြာသၟာပရေၚ်ဍုၚ် ကွာန်ဗွဲမဂၠိုၚ်တံကီု ဟီုဂး တးပဲါ စောဒကကၠုၚ်ဒၟံၚ်နာနာသာ်မံက်ကၠုၚ်နွံရ။

လက္ကရဴနူကဵု ဒပ်မဟာမိတ်ဒိုဟ်သၟဝ်ကျာ(၄)ဂကောံတံ လုပ်စဗ္တိုက် ဍုၚ်ပယျဵုကြုက် မူသေဝ်တုဲဂှ် အကြာ ဒပ်ပၞာန်အလဵုအသဳ ကဵု ဒပ်ပၞာန်ရဲပၠန်ဂတးတံဂှ် ပရေၚ်စံၚ်ပလီုကွာန်၊ ပရေၚ်ဂစိုတ်ဂယျိုၚ် က္တဵုဒှ်ကၠုၚ်တုဲ မွဲလ္ပာ် ကဵုမွဲလ္ပာ်ဂှ် ဟီုစောတ်စောဲဒၟံၚ် ရဲပလီုပလာ်ပကီုပရာပ် ရောၚ် စောတ်စောဲဒၟံၚ်ညးသ္ကံ ရ။

နူတဲကၠာဂှ် ဂကောံဟွံဂွံထ္ပက်စၟတ် (NCA) ဏီ UNFC ကဵု အလဵုအသဳဂှ် ချိၚ်ရန်လဝ်အကြာဂိတုဒဳဇြေန်ဗါ အဒေါဝ်ဂိတုမ္ဂး သွက်ဂွံဆဵုဂဗညးသ္ကံနွံကီုလေဝ်၊ လက္ကရဴနူကဵု ဒှ်ပေဲါဗ္တိုက်ညးသ္ကံကုဂကောံပၠန်ဂတးမဟာ မိတ်(၄)ဂကောံတံတုဲ သွက်ဂွံချိၚ်ရန်တက်ကျာဂှ် ဒဵုတ္ၚဲဏံ ပညဳတ္ၚဲဟွံတုဲဒှ်ဏီရ။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.