ဗၟာ  ၊ အၚ်္ဂလိက် ၊  Font ၊  Converter

Breaking News
Home / သၟာန်သွဟ် / ဆဵုဂဗသၟာန်သွဟ်ကဵု သၟာတက် Drum ဂကောံဂဳတမန် ပိုၚ်ပိုၚ်

ဆဵုဂဗသၟာန်သွဟ်ကဵု သၟာတက် Drum ဂကောံဂဳတမန် ပိုၚ်ပိုၚ်

သၟာပရိုၚ်ချူ:

အဳန်ရဳ။ ။ ဗွဲကိုပ်ကၠာဏံ ဆက်ကဵုမိတ်ယၟု ကဵု ဇာတိဌာန်တုပ်ကသုက်ညိ ဂွံဟာ?
ပိုၚ်ပိုၚ်။ ။ ယၟုဂှ်တှေ် ပိုၚ်ပိုၚ်၊ ဂွံအယုက် (၂၄) သၞာံ ဇာတိဂှ် ကွာန်ကအ်တာ၊ လၟုဟ်မံၚ်ဒၟံၚ် ကွာန်ကအ်ဗိန်ရ၊ ပ္ဍဲကောံဒေံနွံမံၚ်ပိဂှ် ဒှ်ကောန်မရနုက်ကဵု ၜါရ။

အိန်ရဳ။ ။ ဗီုလဵု ဂွံလုက်စုက်စိုပ်ကၠုၚ် ပွဳပွူဂဳတမန်ဂှ်ရော?
ပိုၚ်ပိုၚ်။ ။ ဂွံစိုပ်ကၠုၚ်ဂကောံဂဳတမန်ဂှ်တှေ် နူကဵုသွဟ်စှ်တန်တုဲ ၜိုတ်အကြာသၞာံ (၂၀၀၈) ဂှ်ရ၊ နူကၠာဟွံဂွံ စိုပ်ဂကောံ နွံမံၚ်ပ္ဍဲကွာန်ဂှ်လေဝ် ဝါသနာမံၚ်ကဵု တိၚ်တိုက်တံတှေ် သ္ၚိညးသ္ပခမဳပယျၚ်တံဂှ်လေဝ် ကေၚ်တိၚ်တိုက်ကၠုၚ် နွံမံၚ်ညိညိကီု၊ လက္ကရဴဏံ ဂွံစိုပ်ကၠုၚ်ဂကောံဂှ် ဂွံကၠုၚ်အဆက်နူကဵု အ္စာကၞေဟ်အးဘယ် နွံမံၚ်ဗ္ဒာဲသ္ၚိပိုဲဂှ်ရ အဲလေဝ် ထေက်ကဵု ဒးတၚ်ဂုဏ်ကဵုညးကီုရ။

ပိုၚ်ပိုၚ်
ပိုၚ်ပိုၚ်

အိန်ရဳ။ ။ ပါဲနူဂကောံဂဳတမန်တုဲ ပ္ဍဲကဵုဂကောံတၞဟ်ဟ်တံရော ကေၚ်တိၚ်တိုက်ကၠုၚ်လဝ် နွံမံၚ်ကီုဟာ?
ပိုၚ်ပိုၚ်။ ။ ဂကောံတၞဟ်ဟ်တံဂှ် ကေၚ်တက်လဝ်ဟွံမွဲပုဟ် စလုပ်ဗက်ဂှ် လုပ်ဂကောံဂဳတမန်ဟဂှ်ရ။

အိန်ရဳ။ ။ ပါဲနူကဵုကွတ်တက် Drum ဏံတုဲ ကွတ်အနုသုခုမတၞဟ်ဟ်တံရော မုလေပ်လဝ် နွံဒၟံၚ်ဏီရော? တုဲပၠန် ကွတ်ဇကုလေပ်လဝ်တံဏံဂှ် သွက်ဂွံဗ္တောန်အာကဵု ညးတၞဟ်တံရော အစဳဇန်နွံဒၟံၚ်ကီုဟာ?
ပိုၚ်ပိုၚ်။ ။ ပါဲနူ Drum တုဲတှေ် ဂဳတာတံလေဝ် တိၚ်ဂွံမံၚ်ညိညိကီု၊ ဆေၚ်ကဵု ကပေါတ်အနုသုခုမတံတှေ် မိက်ဂွံတိၚ်လေပ်မံၚ်ဖၟိုတ်ရ၊ major ဇကုဂှ် ဒှ်မံၚ် Drum တှေ် ဇကုဒးဂစာန် လ္ပာ်ဏံဂၠိုၚ်ရလေဝ်၊ အစဳဇန်ဂွံဗ္တောန် ကဵုညးတၞဟ်တံဂှ်တှေ် ပြဟ်ဟ်ဏံဂှ် ဟွံမွဲဏီ၊ ဆ္ဂး ချပ်လဝ်ဂှ်နွံ၊ ဒှ်မံၚ်ကွတ် Drum တံဏံဂှ် ဍေံသၠဲလးမံၚ်တှေ် ဇကုဂွံဗ္တောန်ကဵု ညးတၞဟ်တံပၠန်ဂှ် ဇကုကဵုဇကုလေဝ် ဒးကေတ်မံၚ်အခိၚ်လ္ၚတ် တၟာဂလိုၚ်ကီုရ။

အိန်ရဳ။ ။ သွက်ဂွံလေပ် ကွတ်တံဏံဂှ် နူကဵုအခိၚ်လဵု ဆဵုကဵုအ္စာ စဗ္တောန်ကၠုၚ်လဝ်ရော?
ပိုၚ်ပိုၚ်။ ။ နူဍောတ်တ်တေံ ဇကုကလၚ်ဒွက်ဂၠိုၚ်ကီု၊ ဆဵုမၞိဟ်တက် Drum တံတက်တုဲတှေ် ဇကုလေဝ် ဗက်ဟဍံက်မဍေံဒးမံၚ်၊ တုဲတှေ် လစိုပ်ဂကောံဂဳတမန်ဏံမှ ဂွံဗ္တောန်လဝ် ပ္ဍဲဍုၚ်လ္ဂုၚ် ၜိုတ်မွဲၜါဂိတုကီု ဒှ်မံၚ်ဂွံအခိၚ် ဂှ်လေဝ် အောန်မံၚ်၊ အ္စာ(အေးမၚ်း)တံ (ရဲလေး) တံ ဂှ်တှေ် ဒှ်အ္စာဗ္တောန်လဝ်ကဵုအဲ ကၠာအိုတ်ရ။

အိန်ရဳ။ ။ ကၠောန်တိၚ်တိုက်ဒၟံၚ်တံဂှ် ယဝ်ရရံၚ်ကဵု ပရေၚ်ပိုန်ဂြပ် ဂွံဂယျိုၚ်လမျီုနကဵုကမၠောန်ဏံ မွဲအယုက်တှေ် ဟွံပြေပြံၚ်စကွေံကွေံပုဟ်ထေၚ်ရ၊ ၜိုန်ဂှ်လေဝ် မုဟိုတ် ဂွံဆက်ကၠောန်ဒၟံၚ်ဖိုဟ်ရော?
ပိုၚ်ပိုၚ်။ ။ ဣဏံဂှ် ဒှ်မံၚ်ပ္ဍဲကဵု ဂကူဇကုလေဝ် မၞိဟ်တိၚ်တိုက်တံ အောန်ဒၟံၚ်ညိကီု၊ တုဲပၠန် ကမၠောန်ဏံဂှ် ဒှ်ကမၠောန်ဝါသနာဇကုတုဲတှေ် ဟွံမိက်ဒေါံလေဝ်ပါကီုရ၊ ညးတိၚ်တိုက်လ္ၚဵုတံဂှ် ပ္ဍဲစိုတ်ဍေံတေံ ဝါသနာဍေံ ဟွံအိုတ်ဏီပုဟ်၊ ဆ္ဂး တၚ်ခက်ခုဲနွံတုဲတှေ် ဒးဒေါံဇူအာလေဝ်နွံရ။

အိန်ရဳ။ ။ ရံၚ်အာလ္ပာ်အနုသုခုမ ဂဳတမန်ပိုဲတံတှေ် မၞိဟ်ဝါသနာ ဒယှေ်ဒွက်တံသၟးဂၠိုၚ် မၞိဟ်တိၚ်တိုက်တံ အောန်မံၚ်ဂှ် နကဵုပိုၚ်ပိုၚ် ဗီုလဵုညာတ်ကေတ် ပ္ဍဲလ္တူဏံဂှ်ရော?
ပိုၚ်ပိုၚ်။ ။ လုက်စုက်မံၚ်ကဵု ဒွက်တံသၟးဂၠိုၚ်လေဝ်ကီု၊ ဒွက်တှေ် ဒယှ်လောဲမံၚ်ဏောၚ် ထေၚ်မံၚ်ဗီုဂှ်ကီု၊ မၞိဟ်တိၚ်တိုက်တံဂှ်တှေ် ညးတၞဟ်တံ ဟွံတီစကွေံကွေံပုဟ်လေဝ်၊ တုဲတှေ် ကမၠောန်တံဏံဂှ် စိုတ်ဟွံပါတှေ် ကဵု ဇြဟတ်ဓရိုဟ်လေဝ် ဟွံဂွံပုဟ်၊ ဝါသနာပါဇေတ်တ်မှ ကၠောန်ကမၠောန်ဍေံဂြိပ်ဏောၚ်၊ လ္ၚဵုဂှ် ဝါသနာမံၚ်ကီုဖိုဟ်ရ။ ဒုၚ်ပတိတ်ဇြဟတ်ဟွံမာန်တှေ် ကမၠောန်ဏံဂှ် ဍေံအာဍာ်ဇမၠိၚ်ဟွံမာန်ပုဟ်၊ ခက်ခုဲတိုန်ညိဗက်ဂှ် ဒေါံထောံဟဂှ်ရ။

အိန်ရဳ။ ။ ကၠောန်ကၠုၚ်လဝ် နူ (၂၀၀၈) တေံရတှေ် ဂွံစိုပ်ကၠုၚ်အခိၚ်လၟုဟ်ဏံမာန်ဂှ် တၚ်ခက်ခုဲလဵုတံ ဒးတတ်ထပါ်ကၠုၚ်လဝ်နွံကီုရော?
ပိုၚ်ပိုၚ်။ ။ အခက်ခုဲတံဂှ်တှေ် ပ္ဍဲကဵုသ္ၚိဇကုဂှ် ညးဟွံမိက်ကဵုစဇြဟတ်ပုဟ်၊ ပုရိသာတ်တံလေဝ် ဟွံကဵု ဇြဟတ်ဏီကီု၊ လ္ပာ်တိၚ်တိုက်တံဂှ် အခက်ခုဲ ဟွံမွဲစမံၚ်ရ၊ နူကၠာဟွံဂွံ လုပ်ဂကောံဂဳတဂှ် ကေၚ်တက်မံၚ် ပ္ဍဲသ္ၚိညိ ညိတှေ် ဟွံခက်ခုဲစကွေံကွေံပုဟ်လေဝ်။

အိန်ရဳ။ ။ ပ္ဍဲကဵု Drum မွဲစုမ်ဂှ် မုပါလုပ်မံၚ်ကီုရော၊ တုဲတှေ် ကပေါတ်လဵုတံဂှ် ဒှ်အဓိကအိုတ်ရော?
ပိုၚ်ပိုၚ်။ ။ ပ္ဍဲ Drum မွဲစုမ်ဂှ်တှေ် (Bass Drum)၊ ( Snare Drum) တံ ၝပိုဲလိုန်မံၚ် ( Hi- hat)တံ pedal တံ ဍေံနွံဏောၚ်၊ ပိဏံတှေ် ဒှ်အဓိကဍေံရ၊ တုဲတှေ် ခဍေဝ်ဍေံ၊ ပါဲနူဂှ်တှေ် သောဲသောဲပြောဲပြောဲတံလေဝ် နွံမံၚ်ဏီ၊ ဆ္ဂး ယဝ်ရပိုဲမိက်ဂွံထပ်ဗပေၚ်တၞဟ်ဟ်တံတှေ် နွံတၟာဂလိုၚ်ဏီ။

အိန်ရဳ။ ။ ဂွံတက်ဒွက်ဂကူလဵုမှ နကဵုမၞိဟ်တိၚ်တိုက်မွဲ မိပ်သၠောၚ်သ္ပဝ်ဂၠိုၚ်ရော လဴထ္ၜးစကဵုညိဂွံဟာ?
ပိုၚ်ပိုၚ်။ ။ အဲဂှ်တှေ်စောဲကဵု သွာၚ် (Rock)၊ (Metal) တံဂၠိုၚ်တှေ် ဂွံတိၚ်တက်ဒွက်ဂကူဂှ် မိပ်ဂၠိုၚ်ညိ၊ Reggae ကဵု (slow-rock) တံလေဝ် စောဲမံၚ်ညိညိ၊ ဆ္ဂးတှေ် ပိုဲရဲတိၚ်တက်တံဂှ် ဒးကလၚ်ဖၟိုတ်ဏောၚ် ဒွက်တံဂှ်၊ ဒးသ္ပမံၚ်အာရီုကဵုဍေံ ဒးစောဲမံၚ်ဍေံမှဂွံ၊ ပ္ဍဲကဵု (show) မွဲမွဲတှေ် ပိုဲတက်ဒွက် (Rock) ကဵု (Disco) တံတှေ် ပုရိ သာတ်တံ ဍေံဒးစိုတ်ဂၠိုၚ်၊ ပွိုၚ်ဍုၚ်ကအ်ကြိက်၊ ဘာအၚ်၊ ပွိုၚ်ဍုၚ်ကျာ်မြဟ် တံတှေ် ဍေံဒးစိုတ်ဒွက် (Disco) ဂၠိုၚ်ရ။

အိန်ရဳ။ ။ ကေၚ်တိၚ်တိုက်ကၠုၚ်လဝ်ဂှ်လေဝ် တၟာလအ်ကီုယျတှေ် ပ္ဍဲစၚ်ဗီုလဵု ဒၞာဲလဵုတံဂှ် မိပ်အိုတ်ရော?
ပိုၚ်ပိုၚ်။ ။ နကဵုအဲတှေ် အဓိက အဲဂွံဂ္ဇံခုၚ် Drum အဲဂွံကၠောန်မံၚ်ကမၠောန်ဏံဂှ် အဲမိပ်မံၚ်တွဵုရ။ ဆ္ဂး ပ္ဍဲဂှ်တှေ် ပုရိ သာတ်တံဂၠိုၚ်တှေ် ပဵုခိုဟ်လေဝ်၊ ပုရိသာတ်တံ ဍေံမိပ်ဍေံ ခအဴမံၚ်တှေ် မၞိဟ်တိၚ်တက်တံလေဝ် အလဵုလဵုဍေံ မိပ် တိုန်ဏောၚ်။

အိန်ရဳ။ ။ ကေၚ်တိၚ်တိုက်ပၠောပ်ကၠုၚ်လဝ် ပ္ဍဲကဵုကဝးဂှ် ဂွံမုစိကဝးယျရော?
ပိုၚ်ပိုၚ်။ ။ ကၠာဟွံဂွံစိုပ်ဂကောံဂဳတမန်ဂှ် ကေၚ်တိၚ်တက်လဝ် ပ္ဍဲကဝး ဒွက်လှေ်ကချိၚ် (နာဲကၚ်း)တံဂှ် ပိုဲတက်လဝ်ကဵု မွဲဒွက်ၜါဒွက်ကီု၊ တုဲတှေ် ပ္ဍဲကဵုကဝး အဗ္ဘအ် (ပ္တောံ)တံ၊ ကဝးသြန်ဆာဲတံ လက္ကရဴဏံ ကဝးအဗ္ဘအ် (ဘဝမွဲဘဝ)ဏံ တုဲတှေ်ဒွက် ဆဝ်မ္ၚုဟ်ကၟာတ်ရုၚ်တံ တၞဟ်ဟ်တံလေဝ်နွံမံၚ်ဏီ ရိုဟ်ဟွံဒးရ။

အိန်ရဳ။ ။ ဒွက်အ္စာချူဒွက်လဵုတံ ရဲကၠောန်အခိုက်ဗီုလဵုဂှ် နကဵုမၞိဟ်တိၚ်တိုက်မွဲ တက်စ လောဲညိရော?
ပိုၚ်ပိုၚ်။ ။ ဆေၚ်ကဵုကၠောန်အခိုက် ပ္ဍဲကဵုဒွက်မန်တှေ် အ္စာပါမောက္ခဆာန်တံ၊ Eco တာရာတံ ကၠောန် အခိုက်ဂှ် တက်စဍေံကလိတ်ကလောတ်ဂၠိုၚ်ရ။

အိန်ရဳ။ ။ စပ်ကဵုသုခုမတံတုဲ မုဂွံမိက်ဂွံဟီုဗ္ကန်ကဵု ကောန်ဂကူမန်တံနွံရော?
ပိုၚ်ပိုၚ်။ ။ ဆေၚ်ကဵု Drum တံတှေ် မိက်ဂွံကဵုကၠောန်၊ မိက်ဂွံကဵုလ္ၚတ်၊ သၟာတိၚ်တက်မန် Drummer တံကီု ဆေၚ်ကဵုသၟာတိၚ်ဂဳတာတံကီု၊ (Keyboard)တံကီုစုၚ်ရလေဝ် မိက်ဂွံကဵုကၠောန်၊ မန်ပိုဲတံလေဝ် အာဍုၚ်မ္ၚး ဂၠိုၚ်မံၚ်၊ လညာတ်လ္ပာ်ဏံဍေံဂၠိုၚ်မံၚ်ညိရ၊ မၞိဟ်တိၚ်တက်တံအောန်မံၚ်တှေ် မိက်ဂွံကဵုကၠောန်ဂၠိုၚ်ၚ်ရ။

ဗှ်မာန်မံၚ်

ကမၠောန်ၜဵုတွဵုရးမန် ဗီုလဵုဂွံကလေၚ်ယာဍိုပ်မာန် ဆဵုဂဗသၟာန်သှ်

သယံဇာတတွဵုရးမန် ပရေၚ်ပိုန်ဒြပ်ကမၠောန်ၜဵုယအ်သဝ်စှေ်ကၠုၚ်မံၚ်တံဂှ် ထမံက်ကမၠောန် SME ကဵု ပရေၚ်ဂၠေံသြန်ဗါန် Bank ကီု သၞောဝ်လ္ၚဵုလပါ်အလဵုအသဳတံပလေဝ်ကဵုမာန်မ္ဂး ကလေၚ်ခိုဟ်တိုန်မာန်ရောၚ် အေဝ်ဒဳတာ ဗညာအံၚ် ဆဵုဂဗသၟာန်သှ်လဝ် တၠဖဴၜဵု ကောန်ဂကောံ …

Leave a Reply

%d bloggers like this: