ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ကိစ္စဒက်ဗော်တၟိ မံက်ကၠုၚ်ဍာံမ္ဂး ဂကောံရေၚ်တၠုၚ်တံ ဟွံဒုၚ်တဲ

ကိစ္စဒက်ဗော်တၟိ မံက်ကၠုၚ်ဍာံမ္ဂး ဂကောံရေၚ်တၠုၚ်တံ ဟွံဒုၚ်တဲ

သၟာပရိုၚ်ချူ:

ဂကောံချဳဓရာၚ်ဒၟံၚ်သွက်ဂွံဓမံက်ပ္တိုန်ဗော်တၟိတံ ပရိုၚ်တိတ်မံၚ် အကြာဏံ ဇြဟတ်မွဲမွဲ ယဝ်ထပ်ဒက်ဗော် တၟိမွဲပၠန်ဒှ်ဍာံမ္ဂး နကဵုဂကောံရေၚ်တၠုၚ်တံ ဟွံဒုၚ်တဲရောၚ် ဟီုဓမံက်ဏာ ပ္ဍဲဂိတုဒ္ဂိုန် (၁၄)မံက်၊ ဂျူ လာၚ် (၇)ဂှ်ရ။

“အကြာဏံပရိုၚ်တိတ်မံၚ် ဇြဟတ်မိက်ဂွံပံက်ဗော်မွဲမွဲဂကောံတအ် ယဝ်ရဒှ်ပံက်ဗော်တၟိဍာံမ္ဂး နကဵုဂကောံ ရေၚ်တၠုၚ်ပိုဲတံ ဟွံဒုၚ်တဲရောၚ်၊ ဒဒှ်ရ ဟွံဒုၚ်တဲဂှ်လေဝ် သတ္တဟဂတတေံ နကဵု ကမ္မတဳက္ဍိုက်ပ်တံ ချိၚ်ဆဵုအာ ကဵု ဇြဟတ်ဟီုဓမံက်မံၚ် သွက်ဂွံပံက်ဗော်တၟိဂှ်တုဲ သဳကၠဳအာညးကအ်ရောၚ်” သာ်ဝွံ ညးနွံအခေါၚ်ဟီုဂး ကမ္မတဳက္ဍိုက်ပ် ဂကောံရေၚ်တၠုၚ် နာဲဝဏ္ဏ ဟီုထ္ၜးရ။

ကောံဓရီုကမ္မတီကဍိုက်ပ် (MNA)

အကြာကာလဏံဂှ် ပရိုၚ်နူကဵုဌာန်ပရိုၚ် မန်-ဗၟာ တအ်ကီု၊ ပရိုၚ် မုက်လိက် မဟာဇန်လ္ၚဵုတအ်ကီု ချူဓမံက် ကၠုၚ် သွက်ဂွံပံက်ဗော်တၟိနွံတုဲ၊ ညးဂမၠိုၚ်တအ် ဟီုဂရိုဟ် ပါ်ပဲါကၠုၚ်ဇၞော်ကဵုဇြဟတ် ဒှ်ကၠုၚ်နွံရ၊ လ္တူဏံ ကမ္မတဳ က္ဍိုက်ပ်တအ် အရာဒှ်ဟွံထေက်ဂှ် ဂွံထိၚ်ဒဝ်အာ သိက္ခာယေန်သၞာၚ်ပရေၚ်ဍုၚ်ကွာန် မန်ရောၚ် ညးဆက်ဟီုရ။

ဂကောံရေၚ်တၠုၚ်သ္ပလဝ်စၞး မွဲပွိုၚ်ဍုၚ် (၅)တၠ နူကဵု ကောံဓရီုသမၠဲလၟေၚ် (၃) တုဲကၠုၚ်ဂိတုဂျောန် (၁၇) ပ္ဍဲ ဘာဓါတုမာလာ ဍုၚ်မတ်မလီုဂှ် ကလေၚ်ရုဲစှ်ဒက်ပ္တန်လဝ် ကမ္မတဳက္ဍိုက်ပ် (၁၇)တၠတုဲ၊ သွက်ဂွံအာလုပ် ပံၚ်ဇြဟတ်ကရောံဂကောံပညဳပညပ်တအ်ရ။

ၜိုန်ဂှ်လေဝ် ပြဟ်ဟ်ဏံ လလအ်ဂကောံပညဳပညပ်ကဵု ဗော်ဍုၚ်မန်တၟိတံ ဂွံဆဵုသောၚ်ကလးညးသ္ကအ်ဂှ် ပရေၚ်ကမၠောန် ပညဳ ပညပ် အကြာဗော်ပရေၚ်ဍုၚ်ကွာန်မန်တံဂှ် ဂကောံပညဳပညပ်တံ ဒေံါဇူလဝ်ကၠာတုဲ နကဵုဂကောံ ရေၚ်တၠုၚ် တံလဝ် ဆက်အာသာ်လဵုရောဂှ် သွက်ဂွံကော်ကောံဓရီုသမၠဲလၟေၚ် (၄) နွံရောၚ် ဂွံတီကေတ်ရ။

“ဂကောံရေၚ်တၠုၚ်တအ်ဗီုလဵုဆက်အာ-ဟွံအာ၊ ကမ္မတဳက္ဍိုက်ပ် (၁၇) ဏံ ညးစၞး ဂမၠိုၚ် ဆက်ကဵုတာလျိုၚ် နွံ/ဟွံမွဲ၊ ယဝ်ရဆက်ကဵုအာတာလျိုၚ်ပၠန်ရောၚ် ဒှ်တှေ်၊ ဂကောံရေၚ်တၠုၚ်ဏံ စှေ်ပွိုၚ်ဍုၚ်ဂလိုၚ်တုဲ အကာဲ အရာဗော်မန်တအ်ဂှ် စှေ်သောၚ် ကလး-အခိၚ်ဂှ် ကံက်အာတၚ်နၚ် လစွံစိုတ်ညးဍုၚ်ကွာန်တအ် လ္တူဗော် တံ သာ်လဵုရောဂှ် ရောၚ်” နာဲဝဏ္ဏ ဆက်ဟီုထ္ၜးရ။

ဆက်စပ်ကဵုကိစ္စဗော်တၟိဝွံတုဲ ပ္ဍဲကဵုခေတ်ဒဳမဝ်ကရေဇြဳ မအာမံၚ်ကဵုသၞောတ်ဗော်ဇဳအခိၚ်တ္ၚဲဏံဂှ် ဗော်ပရေၚ်ဍုၚ်ကွာန် သ္ပစၞးကဵုဂကူမန် နွံမွဲကဵုဒှ်၊ ဂၠိုၚ်နူကဵုလၟိဟ်မွဲၜါကဵုဒှ် တၚ်ကော်ဆဴသွက်ပရေၚ် ကောန်ဂကူပိုဲဟွံသေၚ်သၟးဟွံက သီုကဵုမ္ဒး ဒုၚ်တၠုၚ်ရောၚ်၊ ဗော်ဂၠိုၚ်မ္ဂး ညးဍုၚ်ကွာန်ကောန်ဂကူမန်တံ က္လိဂွံ အခေါၚ်ရုဲစှ်က္ဍိုပ်သ္ကိုပ်မၞုံကဵုစရာဲဍာ်ဒ္ကေဝ် အပ္ဍဲဗော်မဆေၚ်စပ်တံဂှ် ဂၠိုၚ်ကၠုၚ်ရောၚ် နာဲမန်သဝ်နဲ ဟီုဂးရ။

ပ္ဍဲကဵုဗွိုၚ်ကောန်ဂကူမန်အခိၚ်တ္ၚဲဏံဂှ် ဗော်ပရေၚ်ဍုၚ်ကွာန် ကောန်ဂကူမန် မလုပ်ဗွိုၚ်သၞောဝ် နွံဒၟံၚ် ဗော်ကောန်ဂကူမန်၊ ဗော်ဒဳမဵုကရေဇြဳအလုံဒေသရးမန် ကေုာံ ဗော်ညးဗြဴ (မန်) တံ (၃) ဗော်တုဲ ယဝ်ရဒှ် ဓမံက်ပ္တိုန် ဗော်တၟိဏံမွဲဗော်ပၠန်မ္ဂး ဒှ်အာ (၄) ဗော်ရောၚ်။

About Mon News Agency

ဗှ်မာန်မံၚ်

ညးဒေသကွာန်မှိၚ်ဂနိၚ် ၜိုတ် (၁၀၀) တၠ ဓမံက်ထ္ၜးဆန္ဒ ကုညးစၞးကၠတ်ထဝ်တွဵုရး ဒေသမာဲစၟတ် (၁) ပွိုၚ်ဍုၚ်မုဟ်ဍုၚ်

ညးစၞးကၠတ်ထဝ်တွဵုရးဍုၚ်မန် ဒေသမာဲစၟတ် (၁)၊ ပွိုၚ်ဍုၚ်မုဟ်ဍုၚ် ဒဝ်မျတိၚ်္ဂဳမဝ် ဟိုတ်နူပဲါတးထောံ သ္ကိုပ်အုပ်ဓုပ်ကွာန် နူကဵုတာလျိုၚ်တုဲ ပ္ဍဲဂိတုသေပ်တေမ်ဗာ (၂၁)၊ အခိၚ်ဗဂါပ်ဂယး (၈း၃၀) နာဍဳဂှ် ညးကောန်ကွာန်ဒေသမှိၚ်ဂနိၚ် ၜိုတ် …

Leave a Reply

%d bloggers like this: