ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ပ္ညဳပ္ညပ်ချပ်ဓရီု သွက်ဂွံသိုၚ်ရုၚ်စက် သမၠုၚ်ပ္တိုန်အဆံၚ်ထ္ၜိုတ် ပ္ဍဲတွဵုရးဍုၚ်မန်

ပ္ညဳပ္ညပ်ချပ်ဓရီု သွက်ဂွံသိုၚ်ရုၚ်စက် သမၠုၚ်ပ္တိုန်အဆံၚ်ထ္ၜိုတ် ပ္ဍဲတွဵုရးဍုၚ်မန်

သၟာပရိုၚ်ချူ:

ရန်ကဵုထ္ၜိုတ်တွဵုရးဍုၚ်မန် သ္ဂောံလုပ်စိုပ် ဗွဝ်ဖျာခိုဟ်ဟ်တုဲ သွက်ဂွံသိုၚ်ခၞံရုၚ်စက် သမၠုၚ်ပ္တိုန် အဆံၚ်ထ္ၜိုတ်ဂှ် ပ္ဍဲဂိတုအဝ်ဂါတ် (၁) တုဲကၠုၚ်ဏံ ကၠောန်ကၠုၚ်ကောံဓရီု ပ္ဍဲၝောံခန်ဟံသာ (ဟသာၚ်္ခန်းမ) ရုၚ်ဂကောံအလဵုအသဳတွဵုရးမန်တုဲ သ္ကိုပ်ဝန်ဇၞော်တွဵုရးမန် တိုန်စိုပ်ဟီုပၟိၚ်ဂလာန်ကီုရ။

“တ္ၚဲဏံဟီုတှေ် ၚုဟ်ထ္ၜိုတ်ဂၠးတိကဵု ၚုဟ်ထ္ၜိုတ်ဍုၚ်ဗၟာ ပ္ဍဲမွဲပံၚ် ခြာဒၟံၚ် ၂၀၀ ဒကေဝ်။ ဗွဝ်ဖျာထ္ၜိုတ် ပ္ဍဲမတ်မလီု ညံၚ်ဂွံဒှ်ဂှ် ဖန်ကဵုဏောၚ်။ ကေုာံရုၚ်စက် ကၠောန် Value added မာန်ဂှ်လေဝ် ပ္ညဳလဝ်တုဲဣရ။ ဒဵုကဵုအဆံၚ် RSS1 ညံၚ်ဂွံကၠောန်မာန်ဂှ် ဂစာန်ကဵုအိုတ်ညိ” သာ်ဝွံ သ္ကိုပ်ဝန်ဇၞော်တွဵုရးမန် ဒံက်တာအေဇြာန် ဂးရ။

သ္ကိုပ်ဝန်ဇၞော်တွဵုရးဍုၚ်မန် အဃောဟီုဒၟံၚ်ဂလာန် ပ္ဍဲကောံဓရီုပ်ညဳပ်ညပ် သွက်ဂွံသမၠုၚ်ပ္တိုန်အဆံၚ် ဍာ်ဒကေဝ်ထ္ၜိုတ် (Facebook)
ဥပမာ သိုၚ်ရုၚ်စက်သမၠုၚ်အဆံၚ်ထ္ၜိုတ်ဏံ ယဝ်အိုတ် ၜိုတ် ၂၀၀၀ ၜါလ္ၚီကိုဋ်မ္ဂး တၠကမၠောန် ညံၚ်ဂွံဒုၚ် ၈၀၀ ကိုဋ်၊ အလဵုအသဳ ညံၚ်ဂွံဒုၚ် ၁၂၀၀ ကိုဋ်ဂှ် အစဳဇန်နွံတုဲ သွက်ဂွံဗိုၚ်ပသောၚ်ကဵု ပရေၚ်ရဲကၠအ်ထ္ၜိုတ်တံ ဒးဒုၚ်ဂိလဝ်ဂှ် လ္ပာ်အလဵုအသဳ တာလျိုၚ်ညံၚ်ဂွံပြေ ဖန်ကဵုဏောၚ်၊ လ္ပာ်ရဲကၠအ်ထ္ၜိုတ်တံလေဝ် ညံၚ်ဂွံဗိုၚ်ဂစာန်ကဵုကီု သ္ကိုပ်ဝန်ဇၞော် ဆက်ဖ္တိုက်ဖၟောဝ်ဏာရ။

“ပ္ဍဲတွဵုရးဍုၚ်မန် မွဲသၞာံ ထ္ၜိုတ်တိတ် လျိုၚ် (၁) ကိုဋ်တာန်၊ မွဲတာန်တှေ် တော်ကဵုၚုဟ်ဂၠးတိမ္ဂး ဒးဒုၚ်ဂိ ဒဝ်ဠာအမေရိကာန် (၃၀၀) ဒဝ်ဠာ၊ တာန် (၁) ကိုဋ်တှေ် ဒးဒုၚ်ဂိအာ ဒဝ်ဠာ (၃၀) မဳလျာန်ဣရ။ ယဝ်သြန်ဗၟာမ္ဂး ဒးချောံအာ (၃၉၀) ဗဳလျာန်ရ။ သြန်ဂလိုၚ်ဏံ ယဝ်ကၠောန် ပဠေဝ် သိုၚ် ဘာဗ္တောန်လိက် ရုၚ်ဂဥုဲ ဂၠံၚ်ဍာန်ဒဒန်တံမ္ဂး ကၠောန်မာန်ခိုဟ်ဟ်ရ။ ဗာတ်ဂျေတ်အလဵုအသဳဂှ် မွဲသၞာံတှေ် တွဵုရးဍုၚ်မန် ဂွံ ဆ ၆၈ ဗဳလျာန်ဓဝ်” သာ်ဝွံ သ္ကိုပ်ဝန်ဇၞော် တွဵုရးဍုၚ်မန် ဂးရ။

ပ္ဍဲကောံဓရီုပ္ညဳပ္ညပ်ကမၠောန်သမၠုၚ်ပ္တိုန် အဆံၚ်ထ္ၜိုတ်ဏံ ဝန်ဇၞော်ဂမၠိုၚ် နူဂကောံအလဵုအသဳ တွဵုရးဍုၚ်မန်၊ ရဲဌာနဆေၚ်စပ်ဂမၠိုၚ် သီုတၠကမၠောန်ထ္ၜိုတ်လ္ၚဵုလ္ၚဵုတံလေဝ် တိုန်စိုပ်ကီု ဂွံတီကေတ်ရ။

“ရုၚ်စက်သမၠုၚ်ပ္တိုန်အဆံၚ်ထ္ၜိုတ်ဏံ မွဲပွိုၚ်ဍုၚ်မွဲမ ယဝ်သိုၚ်ကဵုမာန်တှေ် ထ္ၜိုတ်အဆံၚ်စိုပ်ပ် ကၠောန်ပ္တိတ်ဂၠိုၚ်ၚ်မာန်ဏောၚ်။ ရဲကၠအ်ဍောတ်တ်တံ ပ္တိတ်တမ် ဓလိုက်တမ် ဟွံမာန်ပုဟ်။ ထ္ၜိုတ်တိတ်တ္ၚဲဏံ ယဝ်ဂွံသွံတ္ၚဲဏံမှ သွက်ညးတံပြေပြံၚ်မာန်ဏောၚ်တှေ် သွက်ဂွံကၠောန်ထ္ၜိုတ်ခိုဟ်ဟ် အးအးဂှ် ကဵုအခိၚ်ဟွံမာန်ပုဟ်” သာ်ဝွံ ဥူတိတ်ဥူ ညးအုပ်ကာ ဂကောံကမၠောန်ထ္ၜိုတ် ပွိုၚ်ဍုၚ်ကျာ်မြဟ် ဟီုရ။

လၟုဟ်ဏံ ပ္ဍဲပွိုၚ်ဍုၚ်ပံၚ် ကေုာံပွိုၚ်ဍုၚ်ကျာ်မြဟ် ဒၞါဲလ္ၚဵုတံ အတိုၚ်ဖျေံလဝ်ဗ္ၜတ်ဂှ်ဟေၚ် ကၠောန်ဒၟံၚ် သွက်ဂွံသိုၚ်ရုၚ်စက်ဣရ တၠကမၠောန်ထ္ၜိုတ်တံဂးရ။

“ပ္ဍဲတွဵုရးမန်ပိုဲဏံ ထ္ၜိုတ်ဍာ်ဒှ်ဒှ် ထ္ၜိုတ်တၞးဒှ်ဒှ် ဒးပၠောပ်ဒၟံၚ် ပ္ဍဲရုၚ်ဍောတ်တ် နွံပ္ဍဲကွာန်ဂှ်ရတှေ် ၚုဟ်မး ၜိုတ်ဍေံတံကဵုဂှ်ရ ဂွံ။ ဂွံတိုန်ပၠောပ်ပ္ဍဲဍုၚ်ဇၞော်တေံလေဝ် အာဟွံမာန်ပုဟ်။ ရဲကၠအ်ထ္ၜိုတ်ပ္ဍဲကွာန်တံဂှ် ကွာတ်ထ္ၜိုတ်တုဲတှေ် ဆၜိုတ်သွံရ ညးတံတီ။ ဍာ်ဒကေဝ်ထ္ၜိုတ် Quality ဗီုလဵုရောဂှ် ဟွံဟီုအိုတ်ပုဟ်။ အဆံၚ် Quality ဂွံပလံၚ်ဒၞါဲတၞဟ်ဟ် Export ဂှ်ကၠောန်ဟွံမာန်ပုဟ်။ အခါရသွံတှေ် ဟွံဂွံပရဲ၊ ကျဟုံလေဝ်နွံ။ ဟိုတ်နူအဆံၚ်ဟွံစိုပ်ဂှ်ရ ဒးဒုၚ်ဍဵုၚုဟ်တုဲ ဒးသွံဏါ” သာ်ဝွံ မိဇဳဇဝါ တၠကမၠောန်ထ္ၜိုတ် ကွာန်တၟံဗြဴ (တောၚ်ကလေး) ပွိုၚ်ဍုၚ်ကျာ်မြဟ် ဂးရ။

ယဝ်သိုၚ်ခၞံရုၚ်စက်သမၠုၚ်အဆံၚ်ထ္ၜိုတ် မာန်မ္ဂး ကမၠောန်ထ္ၜိုတ် တွဵုရးဍုၚ်မန်ဏံ ဇၞော်မောဝ်မာန်ဏောၚ်တုဲ ညးညးအဲအဲ ဗိုၚ်ပံၚ်ကၠောန်အိုတ်ညိ သ္ကိုပ်က္ဍိုက်ပ်တွဵုရး နူဌာနက္ဍိုက်ပ်စၞောန်ပ္ညုၚ် ပရေၚ်ဓလိုက်တမ်ရိုဟ် ကေုာံကမ္ပဏဳဂမၠိုၚ် တွဵုရးဍုၚ်မန် ဟီုပၟိၚ်ပၟဟ်လဝ်ကီုရ။

About Mon News Agency

ဗှ်မာန်မံၚ်

သွက်ဂွံဗဒှ်ခအံၚ်ပရေၚ်ဝဳဖ္ဍတ် ဇၟာပ်ပွိုၚ်ဍုၚ် ပ္ဍဲတွဵုရးဍုၚ်မန်ဂှ် ဂၠာဲဒၟံၚ်ဂအာၚ်ဖိုဟ်

သွက်ဂွံပ္တန်ဗဒှ်ခအံၚ်ဝဳဖ္ဍတ်တိရစ္ဆာန် (မွေးမြူရေးဇုံ) ပ္ဍဲဇၟာပ်ပွိုၚ်ဍုၚ် တွဵုရးဍုၚ်မန်ဂှ် နူဂကောံအလဵုအသဳ တွဵုရးဍုၚ်မန် ဂၠာဲဒၟံၚ်တိဂအာၚ်ဖိုဟ်ရောၚ် သာ်ဝွံ ဒုၚ်သဇိုၚ်ကဵု ညးစၞးမွဲတၠသၟာန်လဝ် ပ္ဍဲကောံဓရီုလၟေၚ်သတ္တမ ကၠတ်ထဝ်တွဵုရးဍုၚ်မန် အလန်ဒုတိယ တ္ၚဲလက္ကရဴအိုတ် သေပ်တေမ်ဗာ …

Leave a Reply

%d bloggers like this: