ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ပ္ဍဲကွာန်နှေဟ်ခရေၚ် သၟာၚ်နူမၞိဟ်သုၚ်စောဲသွံပရးဂဥုဲၜူမာဲ ၅ တၠတုဲ ၜိုန်ရပ်ဂွံမခတိုဟ်မွဲမကီုလေဝ် စၟတ်လဝ်ကောန်ဒုဟ်အဓိကဂှ် ရပ်ဟွံဂွံဏီ

ပ္ဍဲကွာန်နှေဟ်ခရေၚ် သၟာၚ်နူမၞိဟ်သုၚ်စောဲသွံပရးဂဥုဲၜူမာဲ ၅ တၠတုဲ ၜိုန်ရပ်ဂွံမခတိုဟ်မွဲမကီုလေဝ် စၟတ်လဝ်ကောန်ဒုဟ်အဓိကဂှ် ရပ်ဟွံဂွံဏီ

သၟာပရိုၚ်ချူ:

ပ္ဍဲဂိတုအဝ်ဂါတ် ၁၄ ဖါနူဂယးပြဟ်ဂှ် ဗၠာဲသၟိၚ်ကေုာံရဲဂကောံဂီုကၠီုကွာန်တံ ဂွံပရိုၚ်တုဲ လုပ်ဂၠိုက်ဂၠာဲ ဂဥုဲၜူမာဲ ပ္ဍဲကွာန်နှေဟ်ခရေၚ် ပွိုၚ်ဍုၚ်ရေဝ်ဂှ် မ္ၚးနူမၞိဟ်သုၚ်စောဲ သွံပရးမွဲတဆံၚ် ၅ တၠတံဂှ်တုဲ ၜိုန်သီဂွံ မခတိုဟ်မွဲမ ပ္ဍဲသ္ၚိညးမသွံပရးဂဥုဲၜူမာဲ တမ်မူလဂှ်ကီုလေဝ် မၞိဟ်နွံဒုဟ်အဓိကဂှ် ရပ်ဟွံဂွံဏီ ဂွံတီကေတ်ရ။

အခါရလုပ်ဂၠိုက်ဂၠာဲပ္ဍဲသ္ၚိ မၞိဟ်ဒုဟ်အဓိက နာဲ(စိုးခက်) ကော် နာဲ(ကျော်ခက်) အယုက် (၂၉) ယၟုအပါ နာဲထောန်ကျာၚ် ကွာန်နှေဟ်ခရေၚ် အရာပ် ၅ ဂှ် မၞိဟ်ဒုဟ်အဓိကဂှ် ဟွံမွဲပ္ဍဲသ္ၚိ တိတ်အာလ္ပာ်လဵု ကေတ်ဟွံဒး သမ္ဘာဍေံ မိသဳတာမန် ဂးရ။ ရဲဂၠိုက်ဂၠာဲတံ ဆက်ဂၠိုက်ဂၠာဲ အပ္ဍဲသ္ၚိပၠန်ဂှ် ဂၠာဲဂွံမခတိုဟ် (ကော်မခတိုဟ်သတ်အနာတ်) မွဲမ ပ္ဍဲလ္တူဒူ ဗ္ဒမ်တိက်ဂှ်ကီုရောၚ် နာဲယှိုဲ နူဂကောံပလိုတ်ပၟတ်အရန် ကွာန်နှေဟ်ခရေၚ် မပါလုပ်ကရောံညးဂၠိုက်ဂၠာဲဂှ် ဂးရ။

ဗီုဂွံဆဵုကေတ် မိသဳတာမန် ကေုာံမခတိုဟ်မွဲမ ပ္ဍဲရုၚ်ဗၠာဲသၟိၚ်ဍုၚ်လၟိုၚ် (MNA)

“ပ္ဍဲဍေံ မခတိုဟ်နွံမွဲမဏောၚ်ဂှ် မိၚ်လဝ်ပရိုၚ်တၟာလအ်ရ။ အခိၚ်ဗ္တံဟွံဂံၚ်အာသ္ၚိဍေံတုဲ တ္ၚဲတၟးမှ အခါအာသ္ၚိဍေံဂှ် ဍေံဟွံမွဲပ္ဍဲသ္ၚိရ။ ဗ္တံဂှ် ဍေံဟွံစဴတိက် ပ္ဍဲသ္ၚိပုဟ်။ ပ္ဍဲသ္ၚိဂှ် ဗြဴဍေံ၊ ခါံသဳဍေံကဵု ကောန်ဍေံရနွံ” သာ်ဏံ နာဲယှိုဲ ဟီုကဵုဌာန်ပရိုၚ်မန်ရ။
လၟုဟ်မ္ဂး မိသဳတာမန် သမ္ဘာနာဲသဵုခိတ် ကော် ကျဝ်ခိတ်ဂှ် ဒးဒုၚ်ပံက်လဝ်အမှု ပ္ဍဲဗ္ဒိုပ်ဗၠာဲသၟိၚ် ဍုၚ်လၟိုၚ် နကဵုဥပဒေလွဟ်လက်နက် ၝောံပိုဒ် ၁၉ ရ။

“ကျဝ်ခိတ်ဂှ် ပိုဲရပ်ဟွံဂွံဏီ။ တုဲတှေ် သွံပရးဂဥုဲၜူမာဲတုဲ မၞိဟ်သုၚ်စောဲမံၚ်ဂဥုဲတံဂှ်လေဝ် ရပ်ဂွံတုဲယျ။ ပြဟ်ဟ်ဏံ ပိုဲပံက်အမှု ကေတ်လဝ်အရေဝ် ကုရဲဒုဟ်တံဂှ်ဖိုဟ်ရ” သာ်ဝွံ ညးက္ဍိုပ်ဗၠာဲသၟိၚ် နာၚ်ဝေန်တိၚ် နူဗ္ဒိုပ်ဗၠာဲသၟိၚ် နှေဟ်ခရေၚ် ဟီုရ။

ဗီုဂှ်ကီု ပ္ဍဲသ္ၚိ သဵုမေန်နာၚ် ကော် အဠေန် အယုက် ၂၁ ၊အရာပ် ၅ ၊ ကွာန်နှေဟ်ခရေၚ်ဂှ်လေဝ် သီဂွံ ဂဥုဲၜူမာဲ ICE သုညဒဿမ မွဲဂရာမ် သီုကပေါတ်အဆက်စပ်ဍေံကီု နူကောန်ဗာဲ အယုက် ၂၈ ကေုာံ လေဝ်တိၚ် ကော် လေဝ်မျေအ် တန်တဴဒၟံၚ်ပ္ဍဲတာဲကၠတ်ထ္ၜိုတ် ကရပ်ဂၠံၚ်ပသဲကွဳပၟတ်ဂှ် သီဂွံ ဂဥုဲ ICE သုညဒဿမ သုညၜါဂရာမ်ကီု အတိုၚ်လဟီုဍေံတံညးၜါမ္ဂး ပ္ဍဲဇြဝ်ဝေန်ထောန် ကော် ၚေဝ်ဝ် အယုက် ၂၂ ကေုာံ မာံဇြဝ်ဥူ အယုက် ၂၃ တံ ရာန်သုၚ်စောဲကၠုၚ်မွဲစွံဂှ် ရပ်ဂွံ ICE ၆ ဂှ်ကီု ရာန်လဝ် နူကျဝ်ခိတ်ရောၚ် ဍေံတံဟီုပ္တိတ်လဝ် ညးဇၞော်ဗ္ဒိုပ်ဗၠာဲသၟိၚ် နှေဟ်ခရေၚ် ဟီုရ။

ကုမၞိဟ် ၅ တၠ မရပ်ဂွံလဝ်ဏံကီု သီုကဵု သဵုခိတ် ကော် ကျဝ်ခိတ် မပါဲဒဴဒၟံၚ်ဂှ်ကီု ပံက်အမှု ရပ်စပ်စၟဳစၟတ်ဒၟံၚ် ပ္ဍဲဗ္ဒိုပ်ဗၠာဲသၟိၚ်ဍုၚ်လၟိုန် နကဵုပိုဒ်ဒုဟ် (မူး/စိတ် ၁၅/၁၆/(ဂ)/ ၂၁) ဖိုဟ်ရောၚ် ဂွံတီကေတ်ရ။

ကျဝ်ခိတ် ဒးဒုၚ်သၠေဟ်လဝ် နဒဒှ်မၞိဟ်ဒုဟ်အဓိကဂှ် ဒှ်ကောန်မန် ဇာတိကွာန်ခလံက်ခပြု ပွိုၚ်ဍုၚ်ပံၚ်၊ ဍေံမွဲဟာန်ဂြောဝ်ဂတာဍေံ ကၠုၚ်ဖျေံသဇိုၚ် တန်တဴပ္ဍဲကွာန်နှေဟ်ခရေၚ်တုဲ ယၟုမြဟ်ပြာကတ်ဒၟံၚ် နကဵုပရေၚ်သွံရာန်ဂဥုဲၜူမာဲဂှ် လအ်ကၠုၚ် ၂ သၞာံပြၚ်ဣရ၊ ကၠာတေံ ကေၚ်ဂၠိုက်ဂၠာဲကၠုၚ် ပ္ဍဲသ္ၚိဍေံကီုလေဝ် မုလေဝ်ဟွံဆဵုမွဲသာ် သ္ကိုပ်ပရေၚ်အုပ်ဓုပ်ကွာန်နှေဟ်ခရေၚ် ဟီုရ။

ဗှ်မာန်မံၚ်

ဝါဒဍုၚ်အေန်ဒဳယစၟဳသ္ၚဳရံၚ်ဗၟံက် Act East Policy ကေုာံ ဒေသမဏိပူရ ဟွံၜိုဟ်လလမ်

ဝါဒဍုၚ်အေန်ဒဳယစၟဳသ္ၚဳရံၚ်ဗၟံက် Act East Policy ဟိုတ်နူဂွံအခေါၚ်တိုန်စိုပ် ပ္ဍဲပေဲါသဳကၠဳ အ္စာလိက်ပရိုၚ်ဍုၚ်ဗၟာ-အေန်ဒဳယ နကဵုအစဳဇန် ဂတးဂတန်ရေၚ်တၠုၚ်မဳဒဳယာ ကေုာံ အပ္ဍဲဒေသ အကြာဍုၚ်ဗၟာကဵု Related

Leave a Reply

%d bloggers like this: