ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ပ္ဍဲတွဵုရးဍုၚ်မန် ဗဒေံါဆေဝ်ဒဝ်လဝ် ဍာ်သွုၚ် ၃ ဂကူ

ပ္ဍဲတွဵုရးဍုၚ်မန် ဗဒေံါဆေဝ်ဒဝ်လဝ် ဍာ်သွုၚ် ၃ ဂကူ

သၟာပရိုၚ်ချူ:

ပ္ဍဲတွဵုရးဍုၚ်မန် ပၞောဝ်ကဵုဍာ်သုၚ် မသွံတရးဒၟံၚ်တံ ညံၚ်ဟဂွံသွံတရး ဍာ်သုၚ် ၃ ဂကူဂှ် နူဌာနဆေၚ်စပ် တာဒၞါဗဒေံါလဝ်ဗွဲယာယဳရောၚ် ဂွံတီလဝ် နူဌာနက္ဍိုက်ပ် ကောပ်ကာဲစၞစသုၚ်ကေုာံဂဥုဲဇဗ တွဵုရးဍုၚ်မန်ရ။

ကမၠောန်ကၠောန်ပ္တိတ်ဍာ်သုၚ် “မိုးမြၚ့်သာ” နူဍုၚ်ကျာ်မြဟ်၊ “ဝၚ်းလတ်” နူတ္ကံခၟိုၚ်၊ “ချယ်ရီသန်႔” နူဍုၚ်မတ်မလီုတံ ဂရၚ်ပ္တီအာတ်မိက်လဝ် သွက်ဂွံဆက်အယုက်လာၚ်ဇြေန်ကမၠောန်တုဲ နူဌာနဆေၚ်စပ်တံ ဟွံကဵုသွံရာန် ဒးဒုၚ်ဗဒေံါလဝ်ဗွဲယာယဳ ဂးရ။

အဃောက်ဗက်သွံဒၟံၚ်ဍာ်သုၚ် (ဨရာဝတဳ)
“ပြဟ်ဟ်ဏံ ကမၠောန်ဍာ်သုၚ် ၃ ဏံ ၜိုန်စမ်ၜတ်လဝ် ဒဵုကဵုဗၞတ်ပန်ဝါကီုရလေဝ် ဟွံအံၚ်ဇၞး(ဟွံစိုပ်ဗ္ၜတ်) ဏီဖိုဟ်၊ဍာ်ပ္ဍဲကမၠောန် ၃ ဏံ ကေၚ်စမ်ၜတ်လဝ် ဗၞတ် ၄ ဝါကီုလေဝ် ဟွံစိုပ်အဆံၚ်ဍာ်သွုၚ် အးအးဏီ၊ ပံၚ်တောဲကဵုကမ္မတဳကောပ်ကာဲစၞစသုၚ်ကေုာံဂဥုဲဇဗပွိုၚ်ဍုၚ်တုဲ စှေ်လ္ၚတ်စမ်ၜတ်လဝ်နွံ” သာ်ဝွံ ဒံက်တာသဵုနာၚ် သ္ကိုပ်စၞောန်ပ္ညုၚ် နူဌာနက္ဍိုက်ပ်ကောပ်ကာဲ စၞစသုၚ်ကေုာံဂဥုဲဇဗ တွဵုရးဍုၚ်မန် ဟီုရ။

ပ္ဍဲကမၠောန်ဍာ်သုၚ်(ချယ်ရီသန်႔) ကၠောန်ပ္တိတ်ဒၟံၚ် ဗူ ၃ အဇာ (1 Liter, 20 Liter ဗူဗုဗု, 20 Liter ဗူကေဝ်ဝ်) တုဲ 20 Liter ဗူကေဝ်ဝ်ဂှ် အတိုၚ်စွံလဝ်ဗ္ၜတ် အဏုဇဳဝ ဂှ် ဟိုတ်နူဟွံစိုပ်အဆံၚ် ဟွံအးၚးဂှ်ရ ပပ္တံနူ ဂိတုအဝ်ဂါတ် ၈ တုဲ ညံၚ်ဟဂွံဆက်သွံတရးပ္ဍဲဗွဝ်ဖျာဂှ် နူကမ္မတဳသ္ကိုပ်သ္က ကောပ်ကာဲ စၞစသုၚ်ကေုာံဂဥုဲဇဗ ပွိုၚ်ဍုၚ် ကၟာတ်လဝ်ရောၚ် ဂွံတီကေတ် နူတၠကမၠောန်ဍာ်သွုၚ် (ချယ်ရဳသန်႔) ရ။

စပ်ကဵုပရေၚ်ကမၠောန်ဍာ်သုၚ်ဏံတုဲ ပ္ဍဲရုၚ်စက်တံ ဗီုလဵုပြုပြေၚ်ထိၚ်ဒဝ်လဝ်ကပေါတ်စက်၊ အကာဲအရာ ကၠောန်လဝ်ဗ္ဒမ်နွံဗီုလဵု၊ စပ်ကဵုကမၠောန်ဍာ်သုၚ်တုဲ တၚ်ယုတ်ဒေက် တၚ်ဒးဗပေၚ် နွံဗီုလဵု၊ ပ္ဍဲဍာ်သုၚ်တံဂှ် ဍေံဂပ်ဝ်ဒၟံၚ်ကဵု GMP (Good Manufacturing Practice) ကီုဟာ၊ ကပေါတ်အဏုဇဳဝ ပါလုပ်ဂလိုၚ်လဵု၊ Coliform စၟစၟန် ညံၚ်ပ္ဍဲအသုဘမၞိဟ်ဂှ် နွံ ဟွံမွဲ၊ ကပေါတ်ဓာတု နွံ ဟွံမွဲတံဂှ် နူကဵုဌာနက္ဍိုက်ပ် ကောပ်ကာဲစၞစသုၚ်ကေုာံဂဥုဲဇဗတွဵုရး ဟွံရုဲအခိၚ် ကၠောန်အာအစဳဇန် လုပ်စၟဳစၟတ် လွာဲလွာဲဂှ်ဏောၚ် ဂးရ။

အပ္ဍဲတွဵုရးဍုၚ်မန် ကမၠောန်ဍာ်သုၚ် ဂွံလဝ် လာၚ်ဇြေန် FDA တုဲုတုဲကဵု ကမၠောန်ဍာ်သုၚ် အဃောအာတ်လဝ် လာၚ်ဇြေန်ဂှ် နွံ ၅၉ ရုၚ်ရောၚ် ဂွံတီကေတ် နူစရၚ် ဌာနက္ဍိုက်ပ်စၞစသုၚ် ကေုာံဂဥုဲဇဗ တွဵုရးဍုၚ်မန်ရ။

ဌာနက္ဍိုက်ပ်စၞစသုၚ်ကေုာံဂဥုဲဇဗ တွဵုရးဍုၚ်မန်ဏံဂှ် စပံက်လဝ် နူသၞာံ ၂၀၁၄ တေံရ၊ ပ္ဍဲသၞာံ ၂၀၁၅ ဂှ် သ္ပဂရုကဵုကမၠောန်ဍာ်သုၚ် စၟဳစၟတ်ကၠုၚ်ဗွဲတၟေၚ်ကီုရ၊ ပ္ဍဲသၞာံ ၂၀၁၆ ဂှ် လုပ်စၟဳစၟတ် ဖျာစၞ ကွာၚ်ၜဲယိုဟ်ၜန် ပ္ဍဲဘာဗ္တောန်လိက် သီုကဵုလုပ်စၟဳစၟတ် မြေက်ဍိုတ်တ်ဟွံထေက်ကဵုစ မသွံဒၟံၚ်ပ္ဍဲဆေၚ်ဖျာတံကီုရဂှ်လေဝ် ဂွံတီကေတ် နူ FDA တွဵုရးကီုရ။

ဍာ်သုၚ် ဟွံလုပ်ကဵုသၞောဝ် ပ္ဍဲဗွဝ်ဖျာတံကီု၊ လိက်ထံက်ဂလာန် အခေါၚ်ကၠောန်ပ္တိတ်ဟွံမွဲ မွဲသာ် ကၠောန်ပ္တိတ်ဒၟံၚ် စၞစသုၚ်တံဂှ်ကီု၊ ကမၠောန်ကၟာတ်ဗဒေံါလဝ် ဗွဲယာယဳ တံဂှ်ကီု ယဝ်ကၠောန်ပ္တိတ် သွံရာန်ဒၟံၚ်ဏီမ္ဂး အတိုၚ်လၟေၚ်ဥပဒေဟေၚ် ပ္တိုန်အမှု ကေတ်အာအရေဝ်ဏောၚ် နူ FDA လလောၚ်လဝ်ရ။

ဗှ်မာန်မံၚ်

ဗော်ပရေၚ်ဍုၚ်ကွာန်ပၠတရဴ မဟာဇန်တံ ပံၚ်ကောံ ကော်ကောံဓရီုဇၞော်ပရေၚ်ဂကူမန်ထေက်

သွက်ဂွံသောၚ်က္လးအာ ပြသၞာ အကြာကောန်ဂကူမန်ကီု အကြာဗော်ပရေၚ်ဍုၚ်ကွာန်တံကီု၊ သွက်ဂွံလးအာ မဟာဗျူဟာ သွက်ပေဲါရုဲမာဲ (၂၀၂၀) တေံတုဲ ဗီုကေၚ်ကၠောန်လဝ် ကောံဓရီုဇၞော်ပရေၚ်ဂကူမန် သၞာံ (၂၀၁၃) တေံရ ဗော်ပရေၚ်ဍုၚ်ကွာန် …

Leave a Reply

%d bloggers like this: