ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ဟိုတ်နူဖ္ဍိုက်ပၠောပ်နၚ်ကၠိက်သေံ ဟွံလုပ်ကဵုသၞောဝ်ဂှ်ရ ရဲဝဳကၠိက် ပ္ဍဲတွဵုရးဍုၚ်မန် ဆောံဗြံဂၠိုၚ်

ဟိုတ်နူဖ္ဍိုက်ပၠောပ်နၚ်ကၠိက်သေံ ဟွံလုပ်ကဵုသၞောဝ်ဂှ်ရ ရဲဝဳကၠိက် ပ္ဍဲတွဵုရးဍုၚ်မန် ဆောံဗြံဂၠိုၚ်

သၟာပရိုၚ်ချူ:

နူကဵုဍုၚ်ဗြဝတဳ ပယျဵုသေံ-ဗၟာတေံမွဲတဆံၚ် ဟိုတ်နူဇက်ပၠောပ်နၚ်ကၠိက်သေံ ပ္ဍဲတွဵုရးဍုၚ်မန် ဟွံလုပ်ကဵုဗွိုၚ်သၞောဝ်ဂှ်ရ ကမၠောန်ဝဳဖ္ဍတ်ကၠိက် အပ္ဍဲဒေသဟုံဗြံဒၟံၚ်ရောၚ် ရဴဝွံ ဂွံတီကေတ် နူညးမဝဳဖ္ဍတ်ကၠိက်တံရ။

နူဂၠံၚ်ဍုၚ်ဗြဝတဳတေံမွဲတဆံၚ် ကၠုၚ်အပ္ဍဲတွဵုရးဍုၚ်မန်ဏံဂှ် ကၠိက်သွံစဂွံ လုပ်အဝေါၚ်ဗွဝ်ဖျာသၟးဟွံက ကောန်ကၠိက်တံကီု သီုကဵုဖျုန်ကၠိက်ဒုၚ်ဗဂံက်လဝ်(ကဵုလဝ်ဓါတ်ဂံက်က်)တံလေဝ် ပါလုပ်ကၠုၚ် ဟွံသေၚ်ကဵုသၞောဝ်ကီုရောၚ် ဂွံတီကေတ် နူဂကောံဇၞော်ကမၠောန်ဝဳဖ္ဍတ် တွဵုရးဍုၚ်မန်ရ။

နူပယျဵုဗြဝတဳ ဗီုဇက်ဖ္ဍိုက်နၚ်ကၠိက်ဍုၚ်သေံ (MNA)
“ကၠိက်ကၠုၚ်နူသေံကဵု ကၠိက်ပ္ဍဲအမူတံဂှ် အဆံၚ်ဍေံတၞဟ်ခြာကွေံကွေံ၊ ကၠိက်သေံဂှ် ဇၞော်လေဝ်ဇၞော်၊ ဖျုန်သွဍေံလေဝ်ခိုဟ်၊ အခါရသွံပၠန်လေဝ် ဍေံဖအောန်လဝ်ၚုဟ်တှေ် ဗွဝ်ဖျာကၠိက်အမူတံ လှာပ်စှေ်အာတုဲ သွံရာန်စ ၚုဟ်ထ္ပက်စှေ်အာတၟာဂလိုၚ်ယျ၊ ကိစ္စဏံ ဖန်ပသောၚ်ကဵုဟွံမာန်တှေ် ရဲဝဳကၠိက်တံ ဒးဆဵုအခက်ခုဲဇၞော်ဇၞော်မာန်ဏောၚ်” သာ်ဝွံ ဥူဖေတိၚ် ညးဝဳကၠဳ နူကွာန် (နတ်ကြီးချောၚ်း) ပွိုၚ်ဍုၚ်ပံၚ် ဂးရ။

ဒၟါနူကၠိက်သေံ လုပ်စိုပ်ကၠုၚ်ဂှ်ရ ကၠိက်ဝဳပ္ဍဲဒေသဇကု မွဲပသာတှေ် နူကဵုၚုဟ် နွံမံၚ် ၄၆၀၀ ဒကေဝ်ဂှ် တဆေတ်စှေ်အာ ၃၈၀၀ ဒကေဝ်၊ ကေါန်ကၠိက်မွဲ ၚုဟ်နွံ ၁ ကိုဋ်ဒကေဝ်ဂှ် လၟုဟ်တှေ် ၚုဟ်စှေ်အာ ၅ ဠက်ဘာ်ကီုလေဝ် မၞိဟ်ရာန်ဟွံမွဲ ဒှ်ဒၟံၚ်ဗီုဂှ်ရောၚ် ညးဝဳကၠိက်တံ ဟီုရ။

ဒၟါနူကၠိက်သေံတံဏံရ ပြဟ်ဟ်ဏံ ကၠိက် လၟိဟ် ၁၅၀၀ ပြၚ် နူခရိုၚ်ဝဳဖ္ဍတ်ကၠိက် ၅၀ ခရိုၚ် အပ္ဍဲတွဵုရးမန်ဏံ ၜိုန်စိုပ်ဒၟံၚ်အခိၚ်သွံကီုလေဝ် နူဒေၚ်ရာန်ကၠိက်တံ ဟိုတ်နူဟွံကၠုၚ်ရာန်ဂှ်ရ ကျဒၟံၚ်သြန် ၂၅၀ ကိုဋ်ဒကေဝ်ရောၚ် ဂွံတီကေတ် နူဂကောံဇၞော်ကမၠောန်ဝဳဖ္ဍတ် တွဵုရးဍုၚ်မန်ရ။

“ဆက်အာ အတိုၚ်ဏံရမ္ဂး ကမၠောန်ဝဳဖ္ဍတ်ကၠိက် အပ္ဍဲဒေသ ဒိုအ်အာအိုတ်ဏောၚ်၊ ဗွဝ်ဖျာလေဝ် ကၠေံအာဏောၚ်၊ ဗွဝ်ဖျာ ကၠောန်ပ္တိတ်ဖျုန်ကၠိက်ဟွံမွဲတှေ် ဗွဝ်ဖျာဖျုန်ကၠိက်လေဝ်ဟွံမွဲရ၊ အခါဂှ်မ္ဂး ဂွံဆက်ဝဳကၠိက်ပၠန်ဂှ် အကာဲအရာဟွံကဵုရ၊ ဝဳဂၠိုၚ်ၚ်တှေ် ကျဂၠိုၚ်ၚ်ဏောၚ် စိုပ်ဒၟံၚ်အဆံၚ်ဂှ်ဣရရောၚ်” သာ်ဝွံ မၞိဟ်မွဲတၠ ဝဳဒၟံၚ်ကၠိက် ပ္ဍဲမတ်မလီု ဂးရ။

ကၠိက်ဟွံလုပ်ကဵုသၞောဝ် နူဍုၚ်သေံဂှ် ဍေံစလုပ်ကၠုၚ် ၜိုတ်ဂိတုဂျောန်တေံတုဲ စိုပ်ၜိုတ်ဂိတု အံက်တဝ်ဗာဂှ် ဍေံလိုအ်လုပ်ကၠုၚ် မွဲမွဲဗ္တံတှေ် နကဵုကွဳစက် သၠာ ၆ ၊လၟိဟ်ကၠိက် ၜိုတ် ၄၀၀၀ ပၠောပ်နၚ်ဒၟံၚ် ပ္ဍဲဍုၚ်ဗၟာဏံဏောၚ် သာ်ဝွံ ကိုဝ်ညိုဝ်မေန် ညးအုပ်ကာ ဂကောံဇၞော် ကမၠောန်ဝဳဖ္ဍတ် တွဵုရးမန် ဂးရ။

သ္ပဟိုတ်ကဵုကၠတ်ပၠောပ်ဒၟံၚ် ကၠိက်ဍုၚ်သေံတုဲ ပရေၚ်ဒတုဲဖဵုပိုန်ဂြပ် သၟာဝဳဖ္ဍတ် မကၠောန်ဒၟံၚ် သွက်ပရေၚ်စသုၚ်မံၚ်စံၚ်သ္ၚိဌာန် နကဵုကမၠောန်ဝဳဖ္ဍတ်ကၠိက်တံ ဒးဒုၚ်ဇီုကပိုက်ကဵုဘဲကၠိက်သေံတုဲ သွက်ဂွံမၚ်မွဲစဵုဒၞါ ဖန်ပသောၚ်ကဵု ကိစ္စဏံဂှ် ပ္ဍဲဂိတုဒဳဇြေမ်ဗာ ၁၃ တုဲကၠုၚ်ဏံ နူဂကောံဇၞော် ကမၠောန်ဝဳဖ္ဍတ် တွဵုရးဍုၚ်မန် ပ္တိုန်ထ္ၜးလဝ်ကဵု အလဵုအသဳ တွဵုရးရ။

ကၠိက်ဍုၚ်သေံ ပၠောပ်နၚ်ဟွံလုပ်ကဵုသၞောဝ်ဏံဂှ် စိုပ်ဆပ္ဍဲတွဵုရးမန်သၟးဟွံသေၚ် လ္ပာ်လ္ဂုၚ်၊ မာန္တလေဝ်၊နေပျဳဒဝ်တေံလေဝ် စိုပ်ဒၟံၚ်ကီုရောၚ် ဂွံတီရ။

ဗှ်မာန်မံၚ်

ကၟိန်ဍုၚ်ပံၚ်ကောံဇေတ်တ် ညံၚ်ဂွံမံက် ကေုာံ ကံကုသဵုဇကု ဇကုညံၚ်ဂွံဖန်ကေတ်မာန် ကောန်ဂကူမန်တံ အာတ်မိက်

အလုံကောန်ဂကူမန် ညဳသာအိုတ်ညိ၊ ကၟိန်ဍုၚ်ပံၚ်ကောံဇေတ်တ် ဒးမံက်ဂတဝ်ရောၚ်၊ ကံကုသဵုဇကု ဇကုညံၚ်ဂွံဖန်ဖက်မာန် သာ်ဝွံ မပ္တံတၚ် (၃) တၚ် စွံအဓိကတုဲ ပ္ဍဲအသေအဟာန် တ္ၚဲကောန်ဂကူမန်ဗဟဵု (၇၁) ဝါ …

Leave a Reply

%d bloggers like this: