ရဲနူဍုၚ်သၟာၚ်တံ ဟိုတ်နူကၠုၚ်ဓလိုက်တံဒြပ်ဂှ်ရ အာဲကၟာဲယေန်သၞာၚ်မန်တြေံတြဟ် အပ္ဍဲတွဵုရးမန်ပိုဲဏံ လီုလာ်ကၠုၚ်ဂှ်ဂွံဆဵုကေတ် ဌာန်ဒ္တန်ပရေၚ်အခေါၚ်အရာမၞိဟ်ဍုၚ်မန် (HURFOROM) ဂးရ။
Category: ပရိုၚ်
ပ္ဍဲကောံဓရီုမုက်ဇဳ ဂကောံပၠန်ဂတးရပ်လွဟ် ကောန်ဍုၚ်အရၚ် မတုဲအာပ္ဍဲဂျူလာၚ် ၃၀ ဂှ်ဝွံ အခါရသဳကၠဳပရေၚ်ဍုၚ်ကွာန်မ္ဂး ဒုၚ်သဇိုၚ်ကဵု မူပိက္ဍိုပ်တက်ကျာ (အလဵုအသဳ၊ ဂကောံရပ်လွဟ်ကောန်ဍုၚ်အရၚ်၊ ဗော်ပရေၚ်ဍုၚ်ကွာန်) တုဲ သွက်ဂွံသဳကၠဳအာကီု၊ မူသဇိုၚ်ဒ္စါံတၚ် ဆေၚ်ကဵုအရာဒက်ပ္တန် ကၟိန်ဍုၚ်ပံၚ်ကောံဖေဝ်ဒရေဝ်ကီု၊ ဒပ်ပၞာန်ကၟိန်ဍုၚ်ပံၚ်ကောံဂှ် သွက်ဂွံစွံသၟဝ်အုပ်ဓုပ်အလဵုအသဳအရာပ်ကီု နမပ္တံသာ်ဏံ မူသဇိုၚ်ဂအုံမွဲ(ဘုံသဘောထား) ဖျေံကၠုၚ်မာန်တုဲ ဆက်သဳကၠဳအာ ကုအလဵုအသဳရောၚ် ဂွံတီကေတ်ရ။
ပ္ဍဲတွဵုရးဍုၚ်မန်ဝွံ ကောန်ၚာ်မၞုံအာယုက်အကြာ ၅ သၞာံကဵု ၁၇ သၞာံတအ်ဂှ် တိုန်ဘာအောန်မံၚ်ဗွဲမလောန်တုဲ ကောန်ၚာ် ၆၄ က္ဍိုပ်ကၠံဟေၚ် တိုန်ဘာမာန်အိုတ်ရောၚ်ဂှ် နူဂကောံ UNICEF ရုၚ်လစှေ်ပ္ဍဲမတ်မလီု မစ္စစ် Anne-Cecile Vialle ဟီုဏာပ္ဍဲ ဂိတုဂျူလာၚ် ၂၅၊ တ္ၚဲစၟတ်သမ္တီ UNICEF ဍုၚ်မတ်မလီုပေၚ် ၁၀ သၞာံ ကၠောန်ဗဒှ်ပ္ဍဲ ၚိုဲမိုဝ် ဟို၀်တေဝ် ဍုၚ်မတ်မလီုဂှ်ရ။
အခိၚ်ဥတုဗြဲ သၟာဗ္ၚတံ ဂွံပတမ်မ (ပတမ်သြောံ) ဂှ် သၟာကမၠောန်ပတမ်မတံ ဟွံရုမ်ဂပ်ကီု၊ ဗြဲအောန်တုဲ တိဝါ တံ ဍာ်ကှ်ဒၟံၚ်ကီု၊ ခရိတ်ပတမ်မလေဝ် က္ဍၚ်နူသၞာံအာတေံကီု အခက်အခုဲနာနာသာ် ကတဵုဒၟံၚ်ရောၚ် သၟာဗ္ၚဒေ သနာနာတံ ဟီုတဴအိုတ်ရ။
တ္ၚဲသၟတ်မန်အလန်ပဥ္စမဏံမ္ဂး ကၠောန်အာပ္ဍဲကဵုပွိုၚ်ဍုၚ်ဇြပ်ဗုရောၚ် ဂကောံသၟတ်မန်ပွိုၚ်ဍုၚ်ဇြပ်ဗုတံ သ္ပကောံဓရီုတုဲ ဖျေံဏာလဝ်သ္ဂုတ်သွာတ်နွံရောၚ် ဂွံတီကေတ်ရ။
အခါစိုပ်အခိၚ်ကၠောန်သ္ဘၚ်သဳကၠဳ ပေန်လုၚ် ၂၁ ဗွဝ်ကၠံတေံလေဝ် ညံၚ်ဂွံဆဵုညးသ္ကံကဵု က္ဍိုပ်သ္ကိုပ်ကောန်ဍုၚ်အရၚ် မကၠုၚ်တိုန်ကောံဓရီုဏံမွဲဝါပၠန်ဂှ် စၟဳမံၚ်ရောၚ် သာ်ဝွံ Mr.Sun Guoxiang ကလုတ်တၟေၚ် သွာၚ်ပရေၚ်ကေၚ်ကာအာယှ နူဌာနပရေၚ်ဍုၚ်သၟာၚ် ကၟိန်ဍုၚ်ကြုက် ဂးဏာဂလာန် ပ္ဍဲကောံဓရီုမုက်ဇဳ ဂကောံပၠန်ဂတးရပ်လွဟ် ကောန်ဍုၚ်အရၚ်ဂှ်ရ။
ယဝ်သဳကၠဳကိစ္စ ဒက်ပ္တန်ကၟိန်ဍုၚ်ပံၚ်ကောံ ဖေဝ်ဒရေဝ်ဒဳမဝ်ကရေဇြဳမ္ဂး ရးတနၚ်သဳ၊ ရးဨရာဝတဳ ကဵု ရးသေတ်ကါၚ် သၟဝ်ကျာတံဂှ် ညံၚ်ဂွံသ္ပသမ္တီ နဒဒှ်တွဵုရးကောန်ဂကူဂလိုၚ်ဂှ် ပ္တိုန်ထ္ၜးအာရောၚ် ရန်လဝ်သာ်ဂှ် နာဲဟံသာ ဒုဥက္ကဌ UNFC ဂးရ။
ဂကောံရပ်လွဟ်ကောန်ဍုၚ်အရၚ်တံကီု ဗော်ပရေၚ်ဍုၚ်ကွာန်ကောန်ဍုၚ်အရၚ်တံကီု သွက်ဂွံပါ်တိတ် နူကၟိန်ဍုၚ်ပံၚ်ကောံဂှ် ညးလဵုလေဝ် အာတ်မိက်လဝ်ဟီုဂးလဝ်ဟွံမွဲရောၚ် ဒုဥက္ကဌ UNFC နာဲဟံသာ ဟီုဂးလဴက္လးဏာ ပ္ဍဲပေါဲသောၚ်က္လးပရိုၚ် မာၚ်ဂျာယာန်ဂှ်ရ။
ပ္ဍဲအသေအဟာန် ဗော်ဒဳမဝ်ကရေဇြဳအလုံရးမန် (AMDP/တ္ကံခၟိုၚ်) ပေၚ် (၆)သၞာံဂှ် ဆန္ဒသၟတ်ကောန်ဗော်တံ နွံပၟိက်ကဵုဗော်မန် ဒဒှ်မွဲဗော်ဟေၚ်ရဂှ် ဓမံက်ထ္ၜးဆန္ဒအိုတ်ရ။
ပ္ဍဲပွိုၚ်ဍုၚ်ရေဝ် တွဵုရးဍုၚ်မန်ဂှ် ရန်ကဵုသွက်ဂွံ သဳကၠဳသောၚ်က္လး ပရေၚ်ပြသၞာ အကြာတၠကေမၠာန် ကဵု သၟာကေမၠာန်ဍာ် မက္တဵူဒှ်ဒၟံၚ်ပ္ဍဲၜဳဇၞော်တေံဂှ်တုဲ ပ္ဍဲဂိတုဂျူလာၚ် ၂၃ ၜိုန်ကၠောန်သ္ပပေါဲသဳကၠဳမွဲကီုလေဝ် သၟာကေမၠာန်တံ မွဲလေဝ်ဟွံဂွံအခေါၚ်တိုန် သာ်ဝွံ ဂွံတီကေတ် နူညးမတိုန်စိုပ်တံရ။