Category: ပရိုၚ်

ပ္ဍဲကဵုဂိတုမာတ် (၈) (မာ်အိုတ်) ဂှ် ကၠောန်ဗဒှ် သဘၚ်သၟာန်သွဟ်လိက်ဘာသာမန် ပ္ဍဲအလဵုအသဳပေၚ် (၁၀၀) သၞာံ ပ္ဍဲဘာကျာ်ဒေါဝ်သာသၞာ (၂၅၀၀) ဂှ် က္ဍိုပ်သ္ကိုပ်သၚ်နူဍုၚ်သ်အာၚ် က္ညကၠုၚ်စိုပ်ကဵုဇြဟတ်ကီုရောၚ်။

ပရေၚ်သိုၚ်ခၞံမံၚ် ရုၚ်စက်တိဗုတ်မတ်မလီု Mawlamyine Cement Ltd. (MCL) ညောန်ကဵု အာစိုပ်ဒတုဲဂှ်ရ အတိုၚ်ချိၚ်ကြန်လဝ်အခိၚ် ၜိုတ်ဘာ်သၞာံ ၂၀၁၆ ဏံမ္ဂး ရုၚ်စက်ဏံ စဂေတ်ရဏောၚ်ဂှ် Mr.Wijit Terasarun ဒါရာ်တာ ပရေၚ်အုပ်ဓုပ် ကမ္ပဏဳ MCL ဟီုလဴကဵု ဌာန်ပရိုၚ်ဗၠးၜးမန်ရ။

သွက်တ္ၚဲမၞိဟ်ဗြဴ အလုံဂၠးကဝ် စိုပ်ကၠုၚ် မရနုက်ကဵု ၁၀၅ ဝါ ပ္ဍဲဂိတုမာ (၈) မံက်၊ သၞာံ ၂၀၁၆ ဏံဂှ် နူညးအုပ်ကာကုလသမဂ္ဂ ပလံၚ်ဗ္စိုပ်လဝ် လိက်သဝဏ်ကီုရောၚ် ဂွံတီကေတ်ရ။

ပ္ဍဲကွာန်ဂမၠိုၚ် မၞုံပွိုၚ်ဍုၚ်မုဟ်ဍုၚ် တွဵုရးဍုၚ်မန်တံဂှ် ပပ္တံနူဂိတုမာတ် (၄) မံက်တုဲ စပံက်ဗ္တောန်ဒၟံၚ်လိက်ပတ်မန် ဥတုကညၚ် ကေုာံ ယေန်သၞာၚ်ဗုဒ္ဓဘာသာ ပွိုၚ်မွဲဂိတုယျရောၚ် ဂွံတီကေတ်ရ။

“အစဳဇန် အဂုဏ်တံဂှ် ဂိတုမာ် (၁၁) စွေက်တှေ် စပံက်တန်ဗ္တောန် ပရေၚ်ယေန်သၞာၚ်ကေုာံ လိက်မန် ဥတုကညၚ်တုဲ စိုပ်ဂိတုဖဝ်ရဂိုန် (၁၂) စွေက်မ္ဂး လုပ်သှ်လိက် အဆံၚ်ပွိုၚ်ဍုၚ်ဏောၚ်၊ အကြာဏံဂှ် ဂွံအခိၚ်ဗ္တောန် ပွိုၚ်မွဲဂတုဓဝ်ရ။ ပ္ဍဲပွိုၚ်ကာလ မွဲဂိတုဏံဂှ်ရ ဒးဗ္တောန်အာ” သာ်ဝွံ တၠဂုဏ်သဳဟ ဖက်ဆောညးအုပ်ကာ ဂကောံလိက်ပတ်ယေန်သၞာၚ်မန် ပွိုၚ်ဍုၚ်မုဟ်ဍုၚ် ဂးရ။

တန်ဗ္တောန် ပရေၚ်ယေန်သၞာၚ် ကေုာံ လိက်မန်ဥတုကညၚ် ပွိုၚ်ဍုၚ်မုဟ်ဍုၚ်ဝွံ မူဟိုတ် ပြဟ်နူ ပွိုၚ်ဍုၚ်တၞဟ်ဟ်ရောမ္ဂး ပ္ဍဲပွိုၚ်ဍုၚ် မုဟ်ဍုၚ်ဏံ ကောန်ၚ္ၚာ်ဗွဲမဂၠိုၚ်ဂှ် သှ်လိက်ပ္တိုန်တန်(ဘာအလဵုအသဳ) တုဲဗက် သ္ဒးတိုန်မံၚ်ကျူယှေန်ဏီ၊ ပ္ဍဲပွိုၚ်မွဲဂိတုဏံ သီုဒးကတ်ဗ္တောန်မံၚ်လိက်မန်ဏီတုဲ ပွိုၚ်မွဲဂိတုဏံ ကျူယှေန်လေဝ် ညံၚ်ဟဂွံလီု၊ လိက်မန်လေဝ် ညံၚ်သ္ဂောံကတ်ဗ္တောန်ကေတ်မာန် ရန်သာ်ဂှ်တုဲ ပိုဲမ္ဒးပံက် ပြဟ်နူ ပွိုၚ်ဍုၚ် တၞဟ်ဟ်ရ တၠဂုဏ်သဳဟ ဂးရ။

ပ္ဍဲပွိုၚ်ဍုၚ်မုဟ်ဍုၚ်ဝွံ ပွိုၚ်တိုက် နွံ (၁၁) ပွိုၚ်တိုက်၊ ဘာလကျာ် နွံ (၈၇) ဘာတုဲ ဗ္တောန်ကၠုၚ်ဒၟံၚ် လိက်မန်ဥတုကညၚ်ရ ဂွံတီကေတ်။

နနဲကွာန်တာမသုန်ဏံကီု ကွာန်တၞဟ်ဟ်တံလေဝ် ပ္ဍဲဘာတန်မူလ ကီု၊ တက်ကၞာထး ပ္ဍဲဒၞါဲမွဲမွဲတုဲကီု၊ ပ္ဍဲသ္ၚိတံကီု ဗီုဂပ်ဝ်ကဵု ကွာန်ညးကုညးဂှ် ဗ္တောန်မံၚ်အိုတ်ရဂှ်လေဝ် ဂွံတီကေတ် နူရဲဒေသတံရ။

အ္စာၝောံ မိယေန်သၞာၚ် ဗ္တောန်ဒၟံၚ်ပ္ဍဲကွာန်တာမသုန်ဂှ် “မိက်ဂွံကဵု လိက်မန်ဇၞော်မောဝ်တိုန်ဟေၚ်ရ၊ ပွမသ္ပ ဂုန်စရာဲသာ်လဵုလေဝ် ဟွံစၟဳလဝ်ရ။ နစေတနာ အ္စာၝောံမန်မွဲ ဗ္တောန်ကဵုပေၚ်ၚ် ပ္ဍဲပွိုၚ်မွဲဂိတုဏံဏောၚ်၊ ဗ္တောန်ဂွံ ခန်ဗ္တောန် မွဲၜါ ခန်ဗ္တောန်မ္ဂး သၟာန်သှ် စံရံၚ်ဏောၚ်၊ ပ္ဍဲမွဲဂိတုဏံတှေ် ကၠောန်ကဵု ပရေၚ်စံၜတ် သၟာန်သှ် မသုန်တြဴဝါရ” သာ်ဝွံ အ္စာၝောံဂှ်ဂးရ။

ပွိုၚ်ဍုၚ်မုဟ်ဍုၚ်ဝွံ ပ္တန်လဝ် နကဵု (၁၁) ပွိုၚ်တိုက် မတွံဂး ပွိုၚ်တိုက်တာမသုန်၊ ပွိုၚ်တိုက် ကွိက်ဝါန်-နာၚ်ပြာၚ်၊ ပွိုၚ်တိုက် ကံခပုၚ်-ကွာန်တာ၊ ပွိုၚ်တိုက် မုဟ်ဍုၚ်၊ ပွိုၚ်တိုက်ဝၚ်ဒုန်၊ ပွိုၚ်တိုက်တဵုဂူ၊ ပွိုၚ်တိုက်နာသၠုၚ်၊ ပွိုၚ်တိုက်ကၟာဝက်၊ ပွိုၚ်တိုက်ကၠအ်သတ်၊ ပွိုၚ်တိုက် ဒဵုမာဲ-ဆက်တောဲ၊ ပွိုက်တိုက် နှေဟ်ဗ္ဒဝ် တံရ။

တန်ဗ္တောန်လိက်မန်ဥတုကညၚ် ကေုာံ ပရေၚ်ယေန်သၞာၚ်ဝွံ ဗ္တောန်ဒၟံၚ် မွဲဒၞါဲဓဝ်ဟွံသေၚ်ရ၊ ပ္ဍဲတွဵုရးမန်၊ တွဵုရးကရေၚ်၊ ရးဗဂေါ၊ ရးလ္ဂုၚ်၊ ရးမာန္တလေ၊ ရးတၞၚ်သြဳ ကေုာံ ဒၞါဲကောန်ဂကူမန်တံ တန်တဴမံၚ်ဂှ် ဗ္တောန်ဒၟံၚ် လိက်မန်ဥတုကညၚ် ရိုဟ်ဟ်သၞာံ ဂွံတီလဝ်ရ။

ပ္ဍဲကဵုအသေအဟာန်ကောံဓရီုဒစးဒုၚ် ကောံဓရီုဇၞော်ပရေၚ်ဂကူမန် ဗွိုၚ်အပ္ဍဲဍုၚ်
ခြာဟွံလအ်သွက်ဂွံ ကၠောန်ဂှ် ပရေၚ်သုၚ်စောဲအလာံဂှ် ဒှ်မံၚ်ဝိဝါဒတုဲ
အလာံလဵုလေဝ် ဟွံသုၚ်စောဲဏီရောၚ် ကမ္မတဳကၠောန် ဗဒှ်ကောံဓရီုတံ သ္ဂးရ။

ပ္ဍဲဂိတုမာတ် (၃) သၞာံ ၂၀၁၆ အခိၚ်ဗ္တံ ၜိုတ် (၉) နာဍဳ ပ္ဍဲဍုၚ်ကျာ်ပိ (ပယဵုဗၟာ-သေံ)ဂှ် ညးဗြဴမွဲတၠ ဒးဒုၚ်ပန်ဂစိုတ်လဝ် နကဵုလွဟ်တုဲ ကရောံညးဂှ်
မၞိဟ်တြုံမွဲတၠလေဝ် ဒးလဝ်ဘဲဝပ်ကီု ဂွံတီကေတ်ရ။

သွက်ရုၚ်စက်တိဗုတ်မတ်မလီု (MCL) မသိုၚ်ပ္တန်လဝ် ပ္ဍဲဂတှေ်ဒေသ ဒဵုသာဲ ပွိုၚ်ဍုၚ်ကျာ်မြဟ် တွဵုရးဍုၚ်မန် သ္ဂောံဂေတ်ဂှ် ဟိုတ်နူစကာ ချးတၟံဏောၚ်ဂှ်ရ ရဲဒေသတံ ဟွံစှေ်စိုတ်တုဲ လၟုဟ်မ္ဂး ကောန်ဒေသ လၟိဟ် ၄ လ္ၚီပြၚ်တံ ထ္ပက်လဝ်စၟတ်တဲ ဒ္စဵုဒ္စးရ ဂွံတီကေတ်ရ။

ကမ္ပဏဳတိဗုတ်မတ်မလီု MCL သ္ဂောံဗ္ဂေတ်ရုၚ်စက်ဍေံ နကဵုဒြဟတ်ဓါတ်လလဳဂှ် ဍေံသ္ဒးစံၚ်ဗဂဵု ချးတၟံဏောၚ်တုဲ သွက်ဂွံမၚ်မွဲ စဵုဒၞါအာဒေသပိုဲဂှ် တာလျိုၚ်သဇိုၚ်ဝန် နွံပ္ဍဲဒါယကာတံရ သာ်ဝွံ ပ္ဍဲဂိတုမာတ်ချ် (၁) မံက် အဃောသ္ပဒၟံၚ်ပေါဲဟီုတွံ ပရူချးတၟံဂှ် ကျာ်ဇၞော်ဘဒန္တသုမန ကွာန်ကံဒုန် ပွိုၚ်ဍုၚ်ကျာ်မြဟ် တွဵုရး’ဍုၚ်မန် ဟီုမြော်ဏာဂလာန်ရ။

သၟတ်မန် ညးစိုတ်လုပ်စကဵုကွတ်နဲကဲတၚ်နၚ်ပရိုၚ်တံ ပံၚ်ကောံညးသ္ကံတုဲ ပ္ဍဲဂိတုမာတ် (၅) သၞာံ ၂၀၁၆ ဏံ သွက်ဂွံကၠောန်ဗဒှ်စၚ်ဟီုတွံ ပါ်ပရအ် ကွတ်နဲကဲတၚ်နၚ်ပရိုၚ် (IT) မွဲနွံရောၚ် ဂွံတီကေတ်ရ။

ပ္ဍဲဒေသမန်ဒှ်ဒှ် ပ္ဍဲဍုၚ်မန်ဗၟာ သ္ကုတ်ဒေသတၞဟ်ဟ်ဒှ်ဒှ် ယြဴကုကမ္ပဏဳလဵုမွဲဟွံဟီု ယဝ်လုပ်ဓလိုက်တံရိုဟ် နကဵုတံကလောန် သ္ဒးစကာချးတၟံမ္ဂး နကဵုဗော်ကောန်ဂကူမန်ပိုဲ ဒတဴလိုၚ် လ္ပာ်ညးဍုၚ်ကွာန် ဒေသ မ္ဒးဒုၚ်ဂိတံဂှ်တုဲ ဒ္စဵုဒ္စးအာဏောၚ် သာ်ဝွံ ပ္ဍဲဂိတုဖေဖဝ်ဝါရဳ ၂၈ ၊ ၂၀၁၆ တုဲကၠုၚ်ဏံ ကမ္မတဳဗဟဵု ဗော်ကောန်ဂကူမန် MNP လလောၚ်ပ္တိတ် လိက်လလောၚ်တရး မွဲတၞးရ။