တ္ၚဲကောန်ဂကူမန် (၆၉) ဝါ က္ဆံၚ်ပွိုၚ်ဍုၚ်ဂှ် ကၠောန်အာပ္ဍဲဒေသဇဳတုဲ ပ္ဍဲပွိုၚ်ဍုၚ်ၜိုတ် (၈) ပွိုၚ်ဍုၚ်ဂှ် ဒကမ္မတဳ တိုၚ်ကီု စၟတ်သမ္တီဒၞဲါဂွံကၠောန်ဗဒှ်ကီု တုဲဒှ်မံၚ်ယျရောၚ် ဂကောံညးအုပ်ကာ ကမ္မတဳကၠောန်ဗဒှ်တ္ၚဲဂကူမန် (၆၉) ဝါ ဗဟဵု နာဲမန်ရာဇာ ဟီုရ။
Category: ပရိုၚ်
ကလောန်ရုဲပ္တိုန် ညးဇၞော်ကွာန် (သ္ကိုပ်အုပ်ဓုပ်ကွာန်) /အရာပ် ပ္ဍဲပွိုၚ်ဍုၚ်ကျာ်မြဟ် တွဵုရးမန်ဂှ် ကာလလၟုဟ် ရုဲစှ် ကြပ်တုဲဒှ်အိုတ်ရဂှ် ဂွံတီကေတ် နူရုၚ် ညးတာလျိုၚ် ရုၚ်သ္ကိုပ်ပရေၚ်အုပ်ဓုပ် ပွိုၚ်ဍုၚ် ရ။
ဟွံမိက်ဟီု ဟွံမိက်ချူလေဝ် ဒးဟီုဒးချူပၠန်ရ။ ပ္ဍဲပေဲါရုဲစှ်မာဲ အလံၚ်အမာတ်ကၠတ်ထဝ် (၂၀၁၅) တုဲဒှ်အာဂှ် ဗော် ပရေၚ်ဍုၚ်ကွာန်မန်လုပ်သၞောဝ်ပိဗော် ကျအာမာဲအိုတ်တုဲ ခက်ဂၚ်အာလ္တူကၞာဲဇာညးဍုၚ်ကွာန်တံ အလံၚ်အ မာတ်ကၠတ်ထဝ်ကောန်ဂကူမွဲတၠကဵု အလံၚ်အမာတ်တွဵုရးဍုၚ်မန် ပိတၠဓဝ်တုဲ က္ဍိုပ်သ္ကိုပ်ဗော် ကောန်ဗော် ရဲ ဗော် မွဲဟာန်ကေုာံ ညးဍုၚ်ကွာန်သီုကဵုခမဳသၚ်တံ ဟီုဂးပါ်ပဲါသ္ၚဳဂၠိပ်ကၠုၚ် လ္တူဂကူမန်တံ နာနာသာ်ဂှ် ဂွံမိၚ် ကေတ်ရ။ “အကြာလဟီုပါ်ပဲါမံၚ်နာနာသာ်ဂှ် ဟီုဂးကၠုၚ်တုပ်ညးသ္ကံမွဲ
ပ္ဍဲကဵုသ္ဘၚ်သဳကၠဳ ပရေၚ်ၜိုဟ်လလံဍုၚ် မကၠောန်ကၠုၚ်လဝ် နူစၟတ်တ္ၚဲ ဇာန္နဝါရဳ ၁၂-ဒဵုကဵု ၁၆ ဂှ် ညးစၞးဂမၠိုၚ် နူဗော်ပရေၚ်ဍုၚ်ကွာန်မန်၊ နူဂကောံ မချဳဒရာၚ် ပရေၚ်ဝေါဟာမၞိဟ်မန် တံ တိုန်စိုပ်ကီုတုဲ ညးတံ ပ္တိုန်ထ္ၜး သဳကၠဳဏာ ကိစ္စဒက်ပ္တန်ဍုၚ်ဖေတ်ဒရာ ကဵု ပရေၚ်ဂီုကၠီုဍုၚ်ရ ဂွံတီရ။
ပ္ဍဲဂိတုဇာန္နဝါရဳ ၁၈၊၁၉ ဂှ် ဥက္ကဌကၠတ်ထဝ် တွဵုရးမန် လၟုဟ်ဏံကဵု ညးစၞးကၠတ်ထဝ် အပ္ဍဲတွဵုရးမန် မတိုန်ကၠုၚ်နူပေါဲရုဲမာဲ ၂၀၁၅ တံ သ္ပပေါဲဆဵုဂဗသဳကၠဳ ပ္ဍဲၝောံခန် ကၠတ်ထဝ်တွဵုရးမန်ရ။
ပ္ဍဲကဵုပွိုၚ်ဍုၚ်ကျာ်မြဟ်ဂှ် ပရေၚ်ရုဲစှ်သကိုပ်အုပ်ဓုပ်ကွာန်၊ အရာပ်တံ ကြပ်တုဲဒှ်အိုတ်ရရောၚ် ဂွံလ္ၚတ်တီကေတ် နူရုၚ်အုပ်ဓုပ်ပွိုၚ်ဍုၚ်ကျာ်မြဟ်ရ။
ဒုၚ်လဝ်ယၟု “ဂကောံမၚ်မွဲဂကူမန်” တုဲ ပ္ဍဲဂိတုဂျာန္နဝါရဳ (၁၇)၊ အခိၚ်ပယျာံနူဂယးဂှ် နကဵုလိက်တၞးသ္ကုတ် ကဵုဗစိုပ် ကုရဲကွာန်ဝါကွဴ၊ မၞုံပွိုၚ်ဍုၚ်ဍာ်ဗု၊ ဒေသရးတၞၚ်သဳတုဲ အာတ်မိက်ဗက်အကံက်သြန် ဗွဲအဓမ္မရောၚ် ညးဒေသတံ ကဵုပရိုၚ်ရ။
ရန်တၟံကဵုကောန်ဂကူမန်တံ သွက်ဂွံဂွံအခေါၚ်ကောန်ဍုၚ်အရၚ် ဗွဲမတုပ်သၟဟ်မာန်ကီု၊ ပ္ဍဲကဵုတ္ၚဲကောန်ဂကူမန် ညံၚ်ဂွံဒှ် တ္ၚဲကၟာတ်ရုၚ် ဗွဲမလုပ်သၞောဝ်မာန်ကီုဂှ် နူကဵုဂကောံကမ္မတဳကၠောန်ဗဒှ် တ္ၚဲကောန်ဂကူမန်တံကီု၊ နူကဵုဂကောံသၚ်သၟတ်တံ အာတ်မိက် ချဳဒရာၚ်အာရောၚ် ဂွံတီကေတ်ရ။
ကၠောန်ဗဒှ် ပေဲါရုဲစှ်သ္ကိုပ်အုပ်ဓုပ်ကွာန် ပ္ဍဲကွာန်ကြေဝ်ဏာ ပွိုၚ်ဍုၚ်ကျာ်မြဟ် ဂိတုဂျာန္နဝါရဳ (၁၇) ဂှ် ညးဗြဴမန်မၞုံအာ ယုက် (၄၁) သၞာံမွဲတၠ ပါလုပ်ဒုၚ်ရုဲစှ်တုဲ နဒဒှ်အလန်ကၠာအိုတ် ဂွံဇၞးအာရောၚ် ဂွံတီကေတ်ရ။
ကျာ်ဇၞော်ဘာဂြိုပ် ကာန္နဳ သ္ပက္ဍိုပ်တုဲ ကၠောန်သိုၚ်ဒၟံၚ်ဒဒန် မနောမယ (ၜဳဃယၚ်) ပ္ဍဲသၞေဟ်ကွာန်ကအ်ခိုက် ကရပ်ကွာန် ကာန္နဳ ကအ်ကျာ်၊ ပွိုၚ်ဍုၚ်ကအ်ကြိက်၊ တွဵုရးကရေၚ်ဂှ် ဒဒန်ဏံ သွက်ဂွံအာစိုပ်ဒတုဲ နွံပၟိက်ကဵုသြန် ၜိုတ် ၈၀၀ ကိုဋ်ဒ္ကေဝ်ဏီ ဥုကျဝ်လွေန်ဥု ဥက္ကဌ ကမ္မတဳသိုၚ်ခၞံ ဒဒန် ဟီုရ။