က္ဍိုပ်ဒမၠ အကျာၚ် မက္လေၚ်မံက်တိုန် ပ္ဍဲပယျာံတံသၞာံ (သၞာံအၚ်ဂလိက်) ဏံဂှ် ချဳဓရာၚ်ထကဵုဂၟာဲဒၟံၚ် ပ္ဍဲဒေသ ရေဝ်သၠုၚ်ကျာ တွဵုရးဍုၚ်မန် ကဵု ရးတၞၚ်သဳ သ္ကုတ်သၟဝ်ကျာတေံတုဲ လောန်ကၠုၚ်ၜိုတ်မွဲဂိတုဂှ် ဗော်ဍုၚ်မန်တၟိ ရပ်ဂွံအကျာၚ်တုဲ ပအပ်ဗ္စိုပ်ကဵုတဲဗၠာဲသၟိၚ် ပွိုၚ်ဍုၚ်ရေဝ်တုဲဣယျရောၚ် ဂွံတီကေတ် နူသ္ကိုပ်ဒပ်ဗၠာဲသၟိၚ်ပွိုၚ်ဍုၚ်ရ။
Tag: ဌာန်ပရိုၚ်မန်
ပ္ဍဲလ္ပာ်ပွိုၚ်ဍုၚ်ဍာ်ဗု ကေုာံ ပွိုၚ်ဍုၚ်ရေဝ်သမၠုၚ်ကျာတေံ အကျာၚ်က္ဍိုက်ပ် ဂကောံဒမၠမွဲက္ဍိုပ် မၞိဟ်ၜိုတ် ၁၀ တၠ မံက်ကၠုၚ်ပၠန်တုဲ ဆက်ဒမၠစသြန် ပ္ဍဲကောန်ကွာန်ဌာန်ဒေသတံဂှ်ပၠန် သာ်ဝွံ ဂွံတီကေတ် နူကောန်ဒေသတံရ။
ဂကောံမှာဇန်နာနာတအ် သ္ပက္ဍိုပ်တုဲ ဂိတုဖေဖဝ်ဝါရဳ (၄) ဖါနူဂယးတုဲကၠုၚ်ဂှ် ကောန်ဍုၚ်အရၚ်မၞုံအပ္ဍဲတွဵုရး ဍုၚ်မန်ဂမၠိုၚ် ပံၚ်တောဲချဳဒရာၚ်ဓမံက်ထ္ၜးဆန္ဒ သွက်ပရေၚ်ၜိုဟ်လလမ် လ္တူဍုၚ်မတ်မလီုအိုတ်ရ။
ပ္ဍဲဂိတုဂျန္နဝါရဳ စၟတ်တ္ၚဲ ၁၁ ပယျဵုယး အခိၚ်ၜိုတ် ၅ နာဍဳကဝက်ဂှ် ဒပ်ဗော်ကရေၚ် KNU ကၠုၚ်ပန်ဗ္ဒိုပ်ကြုၚ်ဗ္တဳ ခရိုၚ်ထဝါဲ ဗော်ဍုၚ်မန်တၟိ ဒေသပွိုၚ်ဍုၚ်ဍာ်ဗု၊ ရးတၞၚ်သဳတေံရောၚ် ဂွံပရိုၚ်ရ။
အလဵုအသဳရးလ္ဂုၚ် စကာဥပဒေဆက်စၠောံပရိုၚ် ခေတ်အလဵုအသဳတြေံတေံတုဲ ဘဒၟံၚ်အခေါၚ်သၠးပွးပရိုၚ်မဳဒဳယာဂှ် ဒေါံကဵုပြဟ်ဟ်တုဲ ပံၚ်ကောံကၠောန်ၜိုတ် ကရောံကံၚ်ဇြဳပရိုၚ်မဳဒဳယာဍုၚ်ဗၟာတုဲ ဂၠာဲသွဟ်ပြသၞာပရိုၚ် အတိုၚ် ဥပဒေပရိုၚ်မဳဒဳယာညိ ဖတိုက်ဖအောဝ်ဏါရ သာ်ဝွံ ဂကောံပရိုၚ်မဳဒဳယာဍုၚ်ဗၟာ ၅ ဂကောံတံ ပ္တိတ်ဏာ လိက်လလောၚ်တြး နစၟတ်တ္ၚဲ နဝ်ဝေမ်ဗာ ၁၃ ရ။
သၞေဟ်ကွဳစက်တရဴသ္ၚောဲအဏ္ဏဝါဍုၚ်ရေဝ် ကၠောန်အာစိုပ်ဒတုဲတုဲ ရန်လဝ်သွက်ဂွံပံက် ပ္ဍဲဂိတုနဝ်ဝေမ်ဗာ ဖါမံက်ဏံကီုလေဝ် အရှာံကွဳစက်ကီု ဗ္ဒံဖျာတံကီု ကၠောန်လဝ် ဍာ်သကေဝ်ဍိုန်လျမံၚ် ညးဆေၚ်စပ်တံ ပ္တိုန်ထ္ၜးလဝ်တုဲ ဒးကလေၚ်ပဠေဝ်ဏီရောၚ် ဒှ်သာ်ဂှ်ရ ပြဟ်ဟ်ဏံ အတိုၚ်ချိၚ်လဝ်ဂှ် ပံက်ဟွံမာန်ဏီ ဂွံတီကေတ်ရ။
ဗော်ဍုၚ်မန်တၟိ ကေုာံ ဗော်ကရေၚ်ကေအေန်ယူတံ ဒပ်သၟဝ်တဲညးတံ နွံပ္ဍဲပွိုၚ်ဍုၚ်ဍာ်ဗုတေံ ညံၚ်ဟဂွံဒှ် ပဋိပက္ခပၞာန်ပၠန်ဂှ် ဆဵုဂဗသဳကၠဳညးသ္ကံ ပ္ဍဲဂိတုသေပ်တေမ်ဗာ ၁၁ ဂှ်တုဲ မွဲမွဲလ္ပာ် နကဵုညးတာလျိုၚ်ဒေသ (၃) တၠ ပံက်စွံကမ္မတဳဆက်ဆောံရ သာ်ဝွံ ဂွံတီကေတ်နူညးတာလျိုၚ်ၜါလ္ပာ်တံရ။
ပဟိုတ်ကဵုပရေၚ်တိဍာ်တုဲ ရဲဒပ်ဗော်ဍုၚ်မန်တၟိ ကေုာံ ရဲဒပ်ကရေၚ် KNU ဖျေံလဝ်သဇိုၚ် ပ္ဍဲပွိုၚ်ဍုၚ်ဍာ်ဗု ရးတနၚ်သဳတေံ ပ္ဍဲစၟတ်တ္ၚဲ သေပ်တေမ်ဗာ (၈) ပယာံတ္ၚဲစေၚ်ဂှ် မွဲလ္ပာ်ကဵုမွဲလ္ပာ် ခ္ဍိုၚ်ပန်ညးသ္ကံ နကဵုလွဟ် သာ်ဝွံ ညးတာလျိုၚ် သီုၜါလ္ပာ်တံ ဟီုရ။
နကဵုဗဟဵု (ဗော်ဒဳမဝ်ကရေဇြဳအလုံရးမန် AMDP) ဗ္စာကဵုဂုဏ်ဖဵုကောန်ဂကူမန်တုဲ နကဵုလညာတ်ဇြိုဟ်ဟ်နက်က် ထေက်ကဵုဂပ်ဝ်တိုန် ကောံဓရီုဇၞော်ပရေၚ်ဂကူမန်ရောၚ် သာ်ဝွံ ကောန်ဗော် AMDP ပွိုၚ်ဍုၚ်ရေဝ် ချူလိက်ဖ္တိုက်ဖၟောဝ် ပလံၚ်ဗ္စိုပ်လညာတ် ကုဌာန်ဂအုပ်ဗဟဵု ပ္ဍဲစၟတ်တ္ၚဲ အဝ်ဂါတ် ၁၄ ရ။
ပ္ဍဲအဝ်ဂါတ် ၁၃ တုဲကၠုၚ်ဏံ ရပ်ဂွံလဝ်မၞိဟ် သီုလွဟ် သီုဂဥုဲၜူမာဲ ပ္ဍဲဍုၚ်ကျာ်ပိဂှ် ဟွံဆေၚ်ဆက်ကဵု ဗော်ဍုၚ်မန်တၟိရ သာ်ဝွံ ညးလျိုၚ်ရုၚ်ဆက်ဆောံကျာ်ပိ (ဗော်ဍုၚ်မန်တၟိ) ဟီုရ။