ရန်ကဵုသွက်ဂွံ လုပ်ဗလိုက်သြန်တံ ပ္ဍဲကမၠောန် ကၠောန်ပ္တိတ် ကၠေၚ်ဂေဿ်ပြိုက်ဗူ ပ္ဍဲတွဵုရးဍုၚ်မန်ဏအ်ဂှ်တုဲ လဂါံဇိုၚ် ကမ္ပဏဳတဵုယဵုထာဲ (Toyo Thai Corporation Public Company Limited – TTCL) လုပ်ဆက်ဆောံ အလန်ပထမ ကုဂအုပ်ဝန်ဇၞော်ရးမန်ဂှ် ဒးမၚ်ရံၚ်အာ ဟဂွံသ္ကုတ်မတ် နကဵုဓဝိၚ်ဏောၚ် ဂကောံ ဒ္စဵုဒ္စး ပရေၚ်ချးတၟံတအ် ဟီုရ။
ရန်ကဵုတၞဟ်နသ္ဂောံဓမံက်ပ္တိုန် မူဖေဝ်ဒရေဝ် မဒုၚ်သဇိုၚ်ကဵုပရေၚ်ကောန်ဂကူတုဲ ညးက္ဍိုပ်သၟတ်မန်တအ်ကီု အ္စာတန်ဗ္တောန်ဂမၠိုၚ် မစဳကၠးပ္ဍဲအရာပရေၚ်ဖေဝ်ဒရေဝ်ဂှ်ကီု တက်က္ဍိုပ်ပံၚ်ကောံ ကၠောန်ကၠုၚ်ပေါဲသဳကၠဳမွဲ ပ္ဍဲၝောံခန် ပိုၚ်ခေတ် ဍုၚ်မတ်မလီု ပ္ဍဲဂိတုဂျောန် (၁၄) ရဂှ် ဂွံတီကေတ် နူဂကောံညးဗြဴမန်ပံၚ်တောဲ (MWN) ရ။
သွက်ဂွံ ခါန်စုတ် အ္စာဘာဝှ်ကြံၚ်ၚ် ပ္ဍဲဘာတန်သၠုၚ် ကောန်ဂကူမန် နွံသၟဝ်ဌာနပရေၚ်ပညာကောန်ဂကူမန်ဂှ် ဟိုတ်နူနွံကဵု အခက်ခုဲသြန်ဂအုံဂှ်ရ ပ္ဍဲအရာလုပ်သှ်စှ်တန်ဂှ် ဗ္ၜတ်အံၚ်လိက် သဝ်စှေ်ကၠုၚ် သာ်ဝွံ ညးတာလျိုၚ် ဌာနပရေၚ်ပညာ ကောန်ဂကူမန် ဟီုလဴကဵု ဌာန်ပရိုၚ်ဗၠးၜးမန်ရ။
ဟိုတ်နူ ဟွံဂွံအထံက်အပၚ် နူအလဵုအသဳဂှ်ရ ကောန်ဒပ် ဗော်ဍုၚ်မန်တၟိ တန်တဴချဳဒရာၚ်ဒၟံၚ် ပ္ဍဲဒေသ ပွိုၚ်ဍုၚ်ကျာ်မြဟ်၊ တွဵုရးဍုၚ်မန်တအ် သွက်ဂွံတန်တဴအာမာန်ဂှ် ပါဲဟွံဗၠး ဒးဗက်သြန်ထံက်ပၚ် နူညးဍုၚ်ကွာန် ဌာန်ဒေသတအ်ဂှ်ရ သာ်ဝွံ နာဲဟံသာ ဒုဥက္ကဌ ဗော်ဍုၚ်မန်တၟိ ဟီုရ။
ဇၟာပ်ကမ္ပနဳ မာၚ်တၟံ မကၠောန်ဒၟံၚ် အပ္ဍဲဗွိုၚ်ဂြိုပ်ဆု ဒဵုဣဏၚ်္ဂလာ (ကုလားမတောၚ်သစ်တောကြိုးဝိုၚ်) ပွိုၚ်ဍုၚ်ပံၚ် တွဵုရးမန်ဂှ် နူညးမဆေၚ်စပ်တအ် ပဒိုအ်ကဵုပိုတ်တ်ညိဂှ် အာတ်မိက် ပ္တိုန်ထ္ၜးလဝ် ကုဝန်ဇၞော်ကၟိန်ဍုၚ် ဒၞါဲမဆေၚ်စပ်တုဲရ သာ်ဝွံ မိကောန်ဆာန် ညးစၞးကၠတ်ထဝ်ညးဍုၚ် ပွိုၚ်ဍုၚ်ပံၚ် ဟီုရ။
ဗြဲဇၞော်ထတ်တုဲ ဟိုတ်နူဍာ်နူဒဵု လိုအ်စှေ်ကၠုၚ်ဂှ်ရ ပ္ဍဲဂၠံၚ်ရေဝ် ကဵု ခေါဇာ ဒဒန်တိုက်မွဲတၞုၚ် နွံပ္ဍဲဝါ မ္ၚးကွာန်ဆၚ်ဂူ သၟဝ်ကုန်ကျာ်ဂှ် ပ္ဍဲဂိတုဂျောန် ၁၂ ပယာံတ္ၚဲစေၚ် သရိုဟ်လီုအာ သာ်ဝွံဂွံတီကေတ် နူကောန်ဒေသတအ်ရ။
ပ္ဍဲသၞာံ ၂၀၁၆ ၊ဂိတုဂျောန် ၁၁ ဂှ် စရၚ်အံၚ်စှ်တန် တိတ်ကၠုၚ်တုဲ ပ္ဍဲတွဵုရးမန်ဏအ် ပၞောဝ်ကဵုကွးဘာ နွံ (၁၉၆၈၁) တလဂှ် အံၚ်အာ (၇၇၄၉) တလ (၃၉.၃၇%) တုဲ ၜတ်ကဵု ဗ္ၜတ်အလုံမွဲဍုၚ်မ္ဂး တွဵုးမန် အံၚ်ခိုဟ်အိုတ်ရ။
ရန်ကဵု သၟာကမၠောန်ဆုဲပြံၚ် ကၠုၚ်လုပ်ကၠောန်ဒၟံၚ် ပ္ဍဲတွဵုရးမန်ဏအ်တုဲ ဖန်ဇန်လဝ် သွက်ဂွံကၠောန်ကဵု စရၚ်သ္ၚိကၟိန်အိန်ထံၚ်ဂှ် က္လေၚ်သ္ၚဳဂၠိပ် ဗ္စာရဏာကဵုမွဲဝါညိ ဂကောံမန်ဂလိုၚ် ပ္တိုန်လိက် အာတ်မိက်လဝ် ကုသ္ကိုပ်ဝန်ဇၞော်တွဵုရးဍုၚ်မန်ရ ဂွံတီကေတ်။
ကိစ္စပံက်သၞေဟ်ကၚ်ပယျဵု သွက်ဂွံစၠောံဗၞိက် ပ္ဍဲပယျဵုသေံ-ဗၟာ ဍုၚ်ကျာ်ပိဂှ် အလဵုအသဳၜါဍုၚ် (သေံ-ဗၟာ) တအ် တက်ကျာဖျေံဗီု ပရေၚ်သက်ပယျဵု ချိုတ်တ်ပၠိုတ်တ်မာန်မ္ဂး ကိစ္စစၠောံဗၞိက်ရၚ်သ္ကအ်ဂှ် ရၚ်တၠုၚ်မာန်ဏောၚ် ဒံက်တာတာန်မျေအ် (ဝန်ဇၞော် ပရေၚ်သွံရာန်လှာဲဂတးဗၞိက်ကေုာံပရေၚ်ပိုန်ဒြပ်-ဗၟာ) ဂးရ။
ၜိုတ်ကဝက်ဂိတုဏအ်မ္ဂး သွက်ဂွံဆဵုဂဗသဳကၠဳကဵု ဂကောံကံၚ်ဇြဳဝှိဒ္ဒရဴ ဂကူကောန်ဍုၚ်အရၚ် မညဳသာသၟဟ်န် UNFC ဂှ် ဘိက်လဝ်နွံ သာ်ဝွံ ဥူလှမိုၚ်ယှိုဲ ညးအုပ်ကာ ဆာပ်ကမ္မတဳ လၟိဟ် (၂) သၟဝ်ဂကောံပဠေဝ်ပဠေတ် သ္ဘၚ်သဳကၠဳ ပေန်လုၚ် ၂၁ ဗွဝ်ကၠံ နူသမ္မတကၟိန်ဍုၚ် ပံက်စွံလဝ် အရၚ်ဂွံဆဵုဂဗသဳကၠဳကဵု ဂကောံဟဂွံထ္ပက်စၟတ်တဲ NCA ဏီဂှ် ဂးရ။