ပ္ဍဲသၞာံဗ္တောန်ပညာ ၂၀၁၆/၁၇ ဏံ ကွးဘာဌာနပရေၚ်ပညာကောန်ဂကူမန်တအ် လုပ်သှ်လိခ်ပုစ္ဆာအလဵုအသဳ ၈ တန်တုဲမှ ဂွံအခေါၚ်ပြံၚ်တိုန်ဘာအလဵုအသဳ ၉ တန်ဒှ်တုဲ ကွးဘာမန်လ္ၚဵုဒှ်ကၠုၚ်အခက်ရောၚ် ဂွံတီကေတ်ရ။
Tag: ပရိုၚ်
ဂကောံဇြဟတ်ညးနွံပၟိက်ကဵု ဗော်မန်ညံၚ်ဂွံဒှ်မွဲတံ သ္ပကၠုၚ်ပေဲါကောံဓရီုလအ်ပွိုၚ် ၈ ဂိတုရလဝ် ရုပ်ရဴမ မိက်ကဵုမွဲမွဲ ဓမံက်ကၠုၚ်ဟွံမာန်ဏီရောၚ် ဂွံတီကေတ်နူကဵုညးတိုန်စိုပ်ကောံဓရီုတံ ဟီုဂးသဳကၠဳလဝ်ဂှ်ရ။
ဒုဥက္ကဌ ကၠတ်ထဝ်တွဵုရးဍုၚ်မန်ကီု ဥက္ကဌကမ္မတဳပရေၚ်ကေၚ်ကာကၠတ်ထဝ် ၃ တၠ ကေုာံ ညးတာလျိုၚ်တအ်ဂမၠိုၚ် ပ္ဍဲဂိတုဂျုန် (၁) ဂှ် အာစိုပ်လ္ၚတ်ဗဵု ရုၚ်စက်တိဗုတ် MCL ရောၚ် ဂွံတီကေတ်ရ။
အခါကၠောန် သ္ဘၚ်သဳကၠဳပေန်လုၚ် ၂၁ ဗွဝ်ကၠံမ္ဂး အတိုၚ်ပိုဒ် ၂၂ (က) မၞုံပ္ဍဲလိက်ကသုက် ဒိုအ်ပန်ပှော်အလုံမွဲဍုၚ် (NCA) ဂှ်ရ ဗော်ပရေၚ်ဍုၚ်ကွာန် ကောန်ဍုၚ်အရၚ်ဖအိုတ် မဒက်ပ္တန်လဝ်ဗဗွဲသၞောဝ် ညံၚ်ဂွံပါလုပ် မာန် ဗော်ကောဒေံ ကောန်ဍုၚ်အရၚ် NBF ပ္တိတ်လလောၚ်တရး မအာတ်မိက်ဖ္တိုက်ဖအောဝ် မွဲတၞး နစၟတ်တ္ၚဲ ဂိတုမေ ၃၁ ဂှ်ရ။
က္ဆံၚ်ဒု-ဥက္ကဋ္ဌလၟိဟ် (၁) ဗော်ကောန်ဂကူမန်ဂှ် နကဵုဆန္ဒမာဲကမ္မတဳဗဟဵုတံ သ္ဂုတ်သွာတ်တုဲ ရုဲစှ်ပ္တိုန်လဝ် နာဲတၠနန် ကော် နာဲတေန်အံၚ်ရောၚ် ဂွံတီကေတ်ရ။
ခမဳသၚ်ဒေသကဵု ဂကောံဖေါအ်ဗြေဝ်ဒေသဒဵုသာဲ တအ်ပံၚ်တောဲတုဲ ဒဒှ်ရ ဟွံမွဲပၟိက်ကဵု ရုၚ်စက်တိဗိလာတ် မတ်မလီု MCL မဗ္ဂေတ်စက်ကဵု ချးတၟံရဂှ် ညးဂလိုၚ်ဂွံတီကေတ်မာန် ပ္စူပ္တဴအာ ဂလာန်ဒ္စဵုဒ္စး နကဵုဗဳနာၚ်ပဝ်သတာ ၜိုတ် (၂၀) ဒၞါဲ ပ္ဍဲကွာန်ဂမၠိုၚ် ဒေသဒဵုသာဲ ပွိုၚ်ဍုၚ်ကျာ်မြဟ် တွဵုရးမန်ဂှ်ဏောၚ် ဂွံတီလဝ် နူရဲဒေသတအ်ရ။
သွက်ကောန်ဂကူ ကောန်ဍုၚ်အရၚ် မတန်တဴဒၟံၚ် ပ္ဍဲတွဵုရးဍုၚ်မန် ကေုာံ ပ္ၚံက်ၜဳမုဟ်တၟံတအ် သ္ဂောံဇၞော်မောဝ် ဖေါအ်ဗြေဝ်ကီု၊ သ္ဂောံဂွံအခေါၚ်အဝဵုညးကဵုညးကီုဂှ် ပၟိက်ဇၞော်ကွေံကွေံရောၚ် ပတှေ်ကေတ်တုဲ ပ္ဋဲဂိတုမေ ၃၀ ဂှ် ဂကောံမှာဇန်မန် ဗၞတ် (၁၀) ဂကောံ မၞုံအပ္ဍဲတွဵုရးဍုၚ်မန်တအ် ပံၚ်တောဲတုဲ ဒက်ပ္တန်ဂကောံ နကဵုယၟု ‘ဂကောံပံၚ် တောဲဖောအ်ဗြေဝ် ပ္ၚံက်ၜဳမုဟ်တၟံ’ (The Gulf of Martaban Development Consortium-GMDC) မွဲရ။
ပ္ဍဲတိဝါ ကွာန်ဒံၚ်ရာတ်ပလိုတ် ပွိုၚ်ဍုၚ်ၜါသွာၚ် (တ္ကအ်ခၟိုၚ်) တွဵုရးမန်ဂှ် ဍာ်ၜဳဇၞော် တိုန်စိုုပ်ဒၟံၚ်တုဲ အခါဍာ်ကလေၚ်စှေ်မ္ဂး တိဝါ ဒှ်ဒၟံၚ်ပရၚ်ၜဳ ဂှ်လေဝ် လာ်စှေ်ဒၟံၚ်သိုက်က် သာ်ဝွံ ဂွံတီကေတ် နူရဲဒေသဂှ်ရ။
သွက်ဂွံပကောံဗော်ပရေၚ်ဍုၚ်ကွာန်မန် မလုပ်ရုဲမာဲတံမာန်တုဲ နူကဵုဗော်ဍုၚ်မန်တၟိ သ္ပက္ဍိုပ် ပညဳပညပ်အာရောၚ် ဟီုဓမံက်လဝ်ဂှ် စဵုကဵုစိုပ်အခိၚ်တ္ၚဲချူပရိုၚ် မေ ၂၇ ဏံ နဗွဲဂကောံ ဟဂွံဟီုဂးတက်ကျာညးသ္ကံ လုပ်သၞောဝ်ဏီရောၚ် ဂွံတီကေတ်နူကဵုညးတာလျိုၚ်ဗော်မဆေၚ်တံ ဟီုထ္ၜးလဝ်ကဵုရ။
နူကဵုသမ္မတအမေရိကာန်တြေံ ဗုတ် (GEORGE W. BUSH) က္ဍိုက်က္ဍိုပ်သ္ကိုပ်သ္ကတုဲ ကၠောန်ဗဒှ်တဴ အစဳဇန် အပ် ပြာပ်လိက်တၞး ပ္တိုန်ဂုဏ်စရာဲ ကုညးနွံမံၚ်အပ္ဍဲဗွိုၚ်ကမၠောန် ကၠောန်ဗဒှ်ပရေၚ်ပြံၚ်သၠာဲဒဳမဝ်ကရေဇြဳ ပ္ဍဲကၟိန်ဍုၚ်ဗၟာ ဂမၠိုၚ် တုဲကၠုၚ်ဂိတုမေ ၂၅ ဂှ် သၟတ်မန်မွဲတၠလေဝ် က္လိဂွံဒုၚ်ကေတ်လိက်တၞးပ္တိုန်စရာဲဂှ်ကီုရ။