Tag: မန်ထဝ်

ပ္ဍဲကဵုဒေသပွိုၚ်ဍုၚ်ရေဝ်သၠုၚ်ကျာ၊ ကွာန်ပါၚ်မ္ၚဵု (ကဗျာဝ) ဂှ်ဝွံ လောန်ကၠုၚ်ဂိတုမာတ် (၂၂)၊ အခိၚ်သဝ်တ္ၚဲ ၜိုတ် (၇) နာဍဳဂှ် ကောန်ၚာ်ဗြဴမၞုံအာယုက် (၄) သၞာံမွဲတၠ ဒးဒုၚ်သ္ပကောန်ဗြဴအဓမ္မရောၚ် ဂွံတီကေတ်နူညး ဒေသတံဟီုရ။

အမှုဗိုလ်ဇၞော် ဇြဝ်မျဵုထိတ် (တံဒပ် ၂၈၀) ညးမဂးလဝ် ပန်မှာရာအာ ကုမၞိဟ် (၂) တၠ ပ္ဍဲအခိၚ်သ္ဂာဗ္တံ ဂိတုမာတ် (၈) ပ္ဍဲကွာန်ပါၚ်မၚ်ဂၠန် ရေဝ်သမၠုၚ်ကျာ တွဵုရးဍုၚ်မန်ဂှ် ခြာဟွံလအ် ပအပ်ကဵု ရုၚ်ဗၠာဲသၟိၚ်ဍုၚ်ရေဝ်ဏောၚ် ဂွံတီကေတ် နူသ္ကိုပ် ဒပ်ဗၠာဲသၟိၚ်ပွိုၚ်ဍုၚ်ရေဝ်ရ။

ပ္ဍဲပွိုၚ်ဍုၚ်မုဟ်ဍုၚ် တိသၠး၊ တိဖဠာတ်ကွာန်လှာ လၟိဟ် (၂၃.၆၅) ဧကဂှ် ဂကောံအုပ်ဓုပ်ကွာန်တံ ဟွံတီမွဲသာ် နူကဵုဌာနဗ်ၜတ်တဝ်တိ (မြို့နယ်မြေစာရၚ်း) ပ္တိတ်ဏာကဵုလိက်အခေါၚ်ကၠောန်တိ (ပုံစံ ၇) တုဲ မၞိဟ်ဂွံဏာတံဂှ် ဟိုတ်နူဒှ်တဴညးဒေသကွာန်ဂှ် ဟွံသေၚ်ကီု၊ ဗီုပြၚ်ပ္တိတ်ကဵုဏာလဝ်ဂှ်လေဝ် ဟွံကိတ်ညဳကဵုသၞောဝ်တိဍာ်ဍုၚ်ဗၟာ ပ္တိတ်လဝ် သၞာံ (၂၀၁၂) ဂးတုဲ ကောန်ကွာန်လှာ လၟိဟ်ၜိုတ် (၄၀၀) တၠပြၚ်တံ ဟွံပေၚ်စိုတ်အိုတ်ရ။

ပ္ဍဲဂိတုမာတ် (၈)၊ သၞာံ (၂၀၁၆)၊ အခိၚ်ဗ္တံၜိုတ် (၁၂) နာဍဳဂှ် နူကဵုကောန်ပၞာန် တမ်ဒပ်ခလရ (၂၈၀) ပွိုၚ်ဍုၚ်ဍာ်ဗု ပန်စုတ်ကဵုလွဟ် ဒးပ္ဍဲသြိုဟ်တုဲ ကောန်ကွာန်မၚ်ဂၠန် မၞုံပွိုၚ်ဍုၚ်ရေဝ်သၠုၚ်ကျာ (၂) တၠ မ္ဒးချိုတ်အာရောၚ် ဂွံတီ ကေတ်ရ။

ကမ္ပဏဳတိဗုတ်မတ်မလီု MCL သ္ဂောံဗ္ဂေတ်ရုၚ်စက်ဍေံ နကဵုဒြဟတ်ဓါတ်လလဳဂှ် ဍေံသ္ဒးစံၚ်ဗဂဵု ချးတၟံဏောၚ်တုဲ သွက်ဂွံမၚ်မွဲ စဵုဒၞါအာဒေသပိုဲဂှ် တာလျိုၚ်သဇိုၚ်ဝန် နွံပ္ဍဲဒါယကာတံရ သာ်ဝွံ ပ္ဍဲဂိတုမာတ်ချ် (၁) မံက် အဃောသ္ပဒၟံၚ်ပေါဲဟီုတွံ ပရူချးတၟံဂှ် ကျာ်ဇၞော်ဘဒန္တသုမန ကွာန်ကံဒုန် ပွိုၚ်ဍုၚ်ကျာ်မြဟ် တွဵုရး’ဍုၚ်မန် ဟီုမြော်ဏာဂလာန်ရ။

ပ္ဍဲကဵုရးတနၚ်သဳ၊ ပွိုၚ်ဍုၚ်ဍာ်ဗု၊ ဒေသကာန်ဗံက်တံဂှ် ကေတ်ဓဝ်ကၠိုဟ်ခၠၚ်ကဵု ညးနွံအဝဵုပ္ဍဲဒေသမဆေၚ်စပ်တံတုဲ ပံက်ဝိုၚ်ဝေၚ် ဂၠာဲမံၚ်သြန်ဂအုံ သွက်ဂွံကၠောန်ဗဒှ် သ္ဘၚ်ကျာ်/သဘၚ်ကွာန်ဂမၠိုၚ်နွံရောၚ် ဂွံတီကေတ် နူညးဒေသ တံဟီုအိုတ်ရ။

ရုၚ်စက်တိဗဳလာတ်မတ်မလီု MCL အဃောကၠောန်သိုၚ်မံၚ် ပ္ဍဲပွဳပွူကွာန်ကအ်ဒုန်၊ ကအ်ပၞဟ် ပွိုၚ်ဍုၚ်ကျာ်မြဟ်ဂှ် ဗ္ဂေတ်ရုၚ်စက် သုၚ်စောဲချးတၟအ်မ္ဂး ညးဒေသဂမၠိုၚ်တအ် ဒစဵုဒစးအာဏောၚ် ဟီုအိုတ်ရ။

ပ္ဍဲစၟတ်တ္ၚဲ ဖေဝ်ဝါရဳ (၆) ပယာံ သဝ်တ္ၚဲ ၄ နာဍဳကဵု ၁၀ မိဏေတ်ဂှ် နာဲသိုက် အာယုက် (၈၅) ဥက္ကဌ ဗော်ဒဳမဵု ကရေဇြဳအလုံရးမန်ဂှ် နကဵုယဲဗျုထဴ စုတိက္လိစဴအာ ဘဝပလိုက် ပ္ဍဲသ္ၚိညး ဂၞန်သ္ၚိ (၂၇၀)၊ ဂၠံၚ် ၂၁၊ အရာပ်မျာၚ် သာယျာ ဍုၚ်မတ်မလီုရ။

ပ္ဍဲဒေသဂတှေ်ဒဵုသာဲ ပွိုၚ်ဍုၚ်ကျာ်မြဟ် တွဵုရးမန်ဂှ်ဝွံ ကမ္ပဏဳ လုပ်ဖျေံသဇိုၚ် ကလောန်တအ် ဟိုတ်နူ ဂၠိုၚ်ကၠုၚ် ဂှ်ရ ရဲကွာန်ဗွဲပွဳပွူ မပ္တံ ကံဒုန်၊ကံပၞဟ် တအ် ရန်ကဵု သွက်သ္ဂောံသောၚ်က္လး ပြသနာပရေၚ်မၞိဟ် မလေပ်က္တဵုဒှ် မာန် ဗွဲအဓာန်ဂတတေံဂှ်တုဲ ဒက်ပ္တန်လဝ် ဂကောံပရေၚ်ဖေါအ်ဗြေဝ် ဝေါဟာမၞိဟ် (ပရေၚ်မၞိဟ်) ရ။