သီုဟွံဂွံအခေါၚ်မွဲသာ်ဏီ ကုမ္ပဏဳရုၚ်စက်တိဗုတ်မတ်မလီု (MCL) ပ္ဍဲပွိုၚ်ဍုၚ်ကျာ်မြဟ် ဗဂေတ်စက် ပ္တိတ်ဇြဟတ်ဓါတ်လလဳ နကဵုချးတၟံဂှ် အတိုၚ်ဥပဒေနွံဂှ်ဟေၚ် ကေတ်အရေဝ်ဂပ်ဝ်ရောၚ် ပၠောပ်လဝ်ဂလာန်သာ်ဏံဂှ် သ္ကိုပ်ဝန်ဇၞော်တွဵုရးမန် ဆေဝ်ဒဝ်ကၠုၚ်ကီုလေဝ် ကောံဓရီုကၠတ်ထဝ်မန် သေပ်တေမ်ဗာ ၆ ဂှ် ပါ်မာဲတုဲ သ္ပလဝ်ဒ္တန် သွက်ဂွံကေတ်အရေဝ်ရ။
ရန်ကဵုသွက်ဂွံမၚ်မွဲဝဳပရာ ကောန်ၚာ်က္ဍဟ်ဟွံပေၚ် ကော်ဂး ယဲအဝ်တေတ်ဇြေမ် Autism နွံအပ္ဍဲတွဵုရးမန်၊ တွဵုရးကရေၚ် ကေုာံရးတနၚ်သဳတံဂှ်တုဲ ပ္ဍဲဂိတုသေပ်တေမ်ဗာ ၂ မံက်ဂှ် စပံက်တိုန်ဌာနသွက်ဂွံမၚ်မွဲဝဳပရာ ပ္ဍဲဍုၚ်မတ်မလီုဣရ သာ်ဝွံ ဂွံတီကေတ် နူညးမၞုံတာလျိုၚ်ဌာနဂှ်ရ။
ပ္ဍဲတွဵုရးဍုၚ်မန် ကော်လဝ်လေလာန် ဗွိုၚ်ရပ်က ပ္ဍဲဂိတုအဝ်ဂါတ် ၂၈ ဂှ် က္လိဂွံသြန် ကြပ်ပေၚ် ၁၄၀၀ ကိုဋ်ဒကေဝ်ရောၚ် ဂွံတီလဝ် နူဌာနက္ဍိုက်ပ်ကမၠောန်က တွဵုရးဍုၚ်မန်ရ။
တုဲကၠုၚ်ဏံ အပ္ဍဲတွဵုရးမန် ဟိုတ်နူဗြဲထတ် ဍာ်ဇၞော် ဝါဗ္ၚတံ ဗၠိုက်အာဍာ်ဂှ်ရ ဝါဗ္ၚလီုလာ်အာ ဗၞတ် ၄ လ္ၚီဨကပြၚ်တုဲ အလဵုအသဳတွဵုရး ကဵုသြန်ထံက်ပၚ် မွဲဨကတှေ် ၅ ဠက်ဒကေဝ်ရောၚ် ဂွံတီလဝ် နူဝန်ဇၞော် တဵု,လွဳ ကေုာံပရေၚ်ဆက်စၠောံပလံၚ်ဗ္စိုပ် တွဵုရးဍုၚ်မန်ရ။
ကိစ္စသၞာဲဒါဂၠေၚ်ဝန် သၟဟ်ကဵုအဆံၚ်သ္ကိုပ်က္ဍိုက်ပ် နူဌာနက္ဍိုက်ပ်ပရေၚ်အုပ်ဓုပ်နာနာ မကေတ်ဒၟံၚ်တာလျိုၚ် အပ္ဍဲကၠတ်ထဝ် အာတ်လဝ်သြန် ပ္ဍဲဇခဳတန်ဍောတ် ခါန်လဝ်တၟိ သွက်ရုၚ်ကၠတ်ထဝ်ဂှ်တုဲ နူဌာနက္ဍိုက်ပ် ပရေၚ်အုပ်ဓုပ်နာနာ ရပ်စပ်စၟဳစၟတ်ဒၟံၚ် အတိုၚ်ဥပဒေသ ညးဂၠေၚ်ဝန်ဒုၚ်ကာဂှ်ဣရရောၚ် ဂွံတီကေတ် နူဂကောံအလဵုအသဳ တွဵုရးဍုၚ်မန်ရ။
ဖက်ဆောညးအုပ်ကာဗဟဵု နာဲဇဲယက္ဍိုက်ပ် ဂကောံညးစၞးဗော်ဍုၚ်မန်တၟိ ကေုာံ သ္ကိုပ်ဝန်ဇၞော် ဒံက်တာအေဇြာန်က္ဍိုက်ပ် ဂကောံအလဵုအသဳတွဵုရးဍုၚ်မန်တံ တ္ၚဲဏံ အဝ်ဂါတ် ၂၃ ဆဵုဂဗသဳကၠဳလဝ် ပ္ဍဲရုၚ်ဂကောံအလဵုအသဳ တွဵုရးဍုၚ်မန်ရ။
ပ္ဍဲတွဵုရးဍုၚ်မန် ပၞောဝ်ကဵုဍာ်သုၚ် မသွံတရးဒၟံၚ်တံ ညံၚ်ဟဂွံသွံတရး ဍာ်သုၚ် ၃ ဂကူဂှ် နူဌာနဆေၚ်စပ် တာဒၞါဗဒေံါလဝ်ဗွဲယာယဳရောၚ် ဂွံတီလဝ် နူဌာနက္ဍိုက်ပ် ကောပ်ကာဲစၞစသုၚ်ကေုာံဂဥုဲဇဗ တွဵုရးဍုၚ်မန်ရ။
ဍာ်ဇၞော်ဒၟံၚ်ပ္ဍဲပွိုၚ်ဍုၚ်ကျာ်ထဝ်ဂှ် က္လေၚ်ဇတ်စှေ်အာဣရ၊ ညးဒဴဘဲဍာ်တံလေဝ် ဂိတုဂျူလာၚ် ၂၅ စနူပယျာံအဒေါဝ်တ္ၚဲဂှ် က္လေၚ်စဴသ္ၚိဌာန်အိုတ်ဣရရောၚ် ဂွံတီကေတ် နူကောန်ဒေသ ကေုာံ ညးကဵုအရီုဗၚ် ကုရဲဒးဘဲဍာ်တံရ။
သြန်အကံက်အခေါန်ခဠာ ပ္ဍဲတွဵုရးဍုၚ်မန်ဂှ် စကာပ္ဍဲကမၠောန်ပရေၚ်ဖေါအ်ဗြေဝ်ဒေသရောၚ် ဂွံတီကေတ် နူဂကောံဗဂဵုလဟဵုဍုၚ်ကွာန် တွဵုရးမန်ရ။
ပ္ဍဲတွဵုရးမန် ပ္ဍဲဖျာဍုၚ်မတ်မလီု ကဵု ဍုၚ်ၜဳက္လေၚ်ဂှ် စၟဳစၟတ် ဂွံဆဵုကေတ် ခရံက်ဖျောန်ပ္တိုန်လဝ်အရၚ် နကဵုဍာ်ဂဥုဲ ဟွံလုပ်ကဵုသၞောဝ် ကေုာံ ဆီအဒါ မစကာလဝ် ဂဥုဲဖဝ်မလေန်တံရ သာ်ဝွံ ဂွံတီကေတ် နူဌာနက္ဍိုက်ပ် ကောပ်ကာဲစၞစသုၚ် ကေုာံဂဥုဲဇဗ တွဵုရးဍုၚ်မန်ရ။