Categories
ပရေၚ်ဍုၚ်ကွာန်

ဝးပ္ကဝ်ထောံ တၚ်တုပ်စိုတ် နူသဘၚ်သဳကၠဳ ၜိုဟ်လလမ်တေံရဟာ?

ဝဏ္ဏမာန်၊ ဂိတုအံက်တဝ်ဗာ ၅၊ ၂၀၁၉
နူကဵုအလဵုအသဳ ဗော်အေန်အေဝ်ဒဳတံဂှ် ဟိုတ်နူအခေါၚ်အရာ ဒဳမဝ်ကရေဇြဳဍာံဇေတ်ဂှ် ဟွံကလိဂွံဏီတုဲ ဂွံအ ခေါၚ်ဒဳမဝ်ကဇြဳဍာံဇေတ်တုဲမှ အတိုၚ်ကောန်ဍုၚ်အရၚ်တံဟီုဒၟံၚ် ကံကုသဵုဂကူညး ညးဖက်ဖန်ကေတ်တ်၊ သၞောတ်ဖေဝ်ဒရေဝ်ဂှ် ဆက်ဓမံက်အာရုပ်ရဴရောၚ် ညးတာလျိုၚ်ဗော်အေန်အေဝ်ဒဳတံ ဂးရ။ ဗော်အေန်အေဝ်ဒဳဝွံ စတံနူလက်ထက် (၁၉၈၈) တေံဂှ် အခေါၚ်အရာမၞိဟ် ကေုာံ ဒဳမဝ်ကရေဇြဳဂှ် ဆက်ရုန်ဂစာန် ကၠုၚ်ဒၟံၚ်တုဲ အခိၚ်ညးတံဂွံအဝဵု အလဵုအသဳတ္ၚဲဏံလေဝ် ဒးရုန်ဂစာန်ဒၟံၚ် ဒဳမဝ်ကရေဇြဳဏီရ။ သၞောတ်ဒဳမဝ်ကရေ ဇြဳဂှ် ကလိဂွံဍာံစၟတ်တုဲမှ သၞောတ်ဖေဝ်ဒရေဝ်ဂှ် ပံၚ်ကောံတုဲ ဓမံက်အာရုပ်ရဴရောၚ် ညးဂွံအခေါၚ်ဟီုဂး ဒံက်တာ မျဵုညောံ ဟီုဏာ ပ္ဍဲတ္ၚဲစၟတ်သမ္တီ ဗော်အေန်အေဝ်ဒဳ ပေၚ် (၃၁) သၞာံဂှ် သာ်ဝွံရ။ “အတိုၚ်ဗော်ပိုဲအာဒၟံၚ် ဂၠံၚ်တရဴဒဳမဝ်ကရေဇြဳဂှ် ဂွံဍာံစၟတ်တုဲ နကဵုသၞောတ်ဒဳမဝ်ကရေဇြဳဂှ် ကောန်ဍုၚ်အရၚ်တံသီု ဖအိုတ် ပံၚ်ကောံတုဲ သၞောတ်ဗီုပြၚ်ဖေဝ်ဒရေဝ်ဂှ် ဆက်သဳကၠဳအာဏောၚ်။ လၟုဟ် အတိုၚ်ဇကုမိက်ဂွံဒှ်ဂှ် လညာတ် အကြာညးမွဲ ကေုာံ ညးမွဲ တၞဟ်ခြာနွံတုဲ ဆလံလဝ် ဆက်အာဂတဟွံဂွံရ။ ဟိုတ်ဂှ်ရ ဂွံဒဳမဝ်ကရေဇြဳဍာံစၟတ်တုဲမှ ပိုဲ တံ နကဵုဇြဟတ်ခိုဟ်ဟ်ဂှ် ဆက်ဓမံက်အာရုပ်ရဴ သၞောတ်ဖေဝ်ဒရေဝ်ဂှ်ဏောၚ်” သာ်ဏံ ဂးရ။ ဂကောံရပ်လွဟ်ကောန်ဂကူကောန်ဍုၚ်အရၚ်ဂမၠိုၚ်တံကဵု အလဵုအသဳတံ တုပ်လဝ်စိုတ် အတိုၚ်ပ္ဍဲလိက်ကသုက် ဒေံါပန်ပှော်အလုံဍုၚ်နွံတုဲ အတိုၚ်တုပ်လဝ်စိုတ်ဂှ် သွက်ဂွံဓမံက်အာရုပ်ရဴ ဗွဲလၟေၚ်လၟေၚ်ရောၚ် သဳကၠဳတုပ်လဝ်စိုတ် ညးသ္ကံရ။ အတိုၚ်တၚ်တုပ်စိုတ် ပ္ဍဲလိက်ကသုက်ဒေံါပန်ပှော်အလုံကၟိန်ဍုၚ် (Nationwide Ceasefire Agreement-NCA) အခန် (၅) ဗီုတိလးဂၠံၚ်ပရေၚ်ဍုၚ်ကွာန် (နိုၚ်ၚံရေးလမ်းပြမြေပုံချမှတ်ခြၚ်း) ပ္ဍဲၝောံပိုဒ် (၂၀) ဂှ်မ္ဂး –
(က) သွက်ဂွံထပက်စၟတ်တဲ လိက်ကသုက်ဒေံါပန်ပှော်အလုံဍုၚ်။
(ခ) ညးစၞးအလဵုအသဳဂမၠိုၚ်ကဵု ဂကောံရပ်လွဟ်ကောန်ဂကူကောန်ဍုၚ်အရၚ်ဂမၠိုၚ်တအ် မူသဳကၠဳပရေၚ်ဍုၚ်ကွာန် (The Framework for Political Dialogue) ဂှ် ကေတ်တၚ်တုပ်စိုတ်တုဲ သွက်ဂွံချူဓဇက်အာကီု။
(ဂ) ဒုၚ်သ္ဇိုၚ်ကဵုလတူမူဗီု (မူဘောၚ်) ဂှ်တုဲ သွက်ဂွံကၠောန်အာ ပေဲါသဳကၠဳပရေၚ်ဍုၚ်ကွာန်၊ ဆေၚ်စပ်ကဵု ကိစ္စပရေၚ် ပံၚ်ဗစပ်ပရေၚ်ဂီုကၠီုကီု၊ လၟေၚ်ကမၠောန်ဂမၠိုၚ်တအ်ဂှ် သဳကၠဳပညဳပညပ်တုဲ ဒးရေၚ်တၠုၚ်အာကီု။
(ဃ) ကၠောန်ဗဒှ်အာ သဘၚ်သဳကၠဳၜိုဟ်လလမ်ကၟိန်ဍုၚ်ကီု။
(ၚ) ထပက်လိက်ကသုက် တၚ်တုပ်စိုတ်ကၟိန်ဍုၚ်ကီု။
(စ) ပတိုန်ထ္ၜးပ္ဍဲကၠတ်ထဝ်ကၟိန်ဍုၚ်တုဲ ကေတ်သ္ပဒတန်။
(ဆ) အတိုၚ်လိက်ကသုက် တၚ်တုပ်စိုတ်ကၟိန်ဍုၚ် (Pyidaungsu Accord) ဂှ် ဓမံက်အာရုပ်ရဴတုဲ ပရေၚ်ပံၚ်ဗစပ် လတူပရေၚ်ဂီုကၠီုဂမၠိုၚ်၊ သွက်ဂွံရေၚ်တၠုၚ်ဓမံက်အာရုပ်ရဴ လၟေၚ်ကမၠောန်ဂမၠိုၚ်ကီု သာ်ဝွံ အဆံၚ်အဆံၚ် လးဓဇက် လဝ်နွံရ။ အတိုၚ်တုပ်လဝ်စိုတ် ပ္ဍဲလိက်ကသုက် တၚ် (ဃ) ဂှ် ကၠောန်သဘၚ်သဳကၠဳၜိုဟ်လလမ် ကော် သဘၚ်သဳကၠဳပေန်လုၚ် (၂၁) ဗွဝ်ကၠံရ။ တၚ်နၚ်ဂွံတၚ်တုပ်စိုတ် နူကဵုသဘၚ်သဳကၠဳဂှ် ထပက်စၟတ်တဲတုဲ သွက်ဂွံချူစုတ်အာ ပ္ဍဲကဵုသၞောဝ်ဒက်ပတန် ကၟိန်ဍုၚ်ဖေဝ်ဒရေဝ်အနာဂတ်ဏံရ။ ဂကောံရပ်လွဟ်ကောန်ဂကူကောန်ဍုၚ်အရၚ် ထ္ပက်လဝ်စၟတ်တဲ လိက်ကသုက်ဒေံါပန်ပှော်အလုံဍုၚ်တံကဵု အလဵု အသဳတံ ကၠောန်လဝ် သဘၚ်သဳကၠဳကၠဳပေန်လုၚ် (၂၁) ဗွဝ်ကၠံ အလန်ဒုတိယ ပ္ဍဲကဵုသၞာံ (၂၀၁၇) ဂိတုမေ (၂၄) စိုပ် (၂၉) ဂှ် ကလိဂွံလဝ်တၚ်တုပ်စိုတ် ကော်ဗတ်ဗမာ (ပြည်ထောၚ်စုသဘောတူစာချုပ်အစိတ်အပိုၚ်း ၁) ဖအိုတ် (၃၇) တၚ်နွံရ။
ပ္ဍဲဂှ်မ္ဂး ကဏ္ဍပရေၚ်ဍုၚ်ကွာန်ဂှ် (၁၂) တၚ်၊ ကဏ္ဍပရေၚ်ပိုန်ဒြပ်ဂှ် (၁၁) တၚ်၊ ကဏ္ဍပရေၚ်မၞိဟ် (၄) တၚ်ကဵု ကဏ္ဍတိဍာ် ကေုာံ ပွဳပွူသဘာဝ (၁၀) တၚ် ဂွံဏာလဝ်တၚ်တုပ်စိုတ်တုဲ အလဵုအသဳ ကေုာံ ဒပ်ပၞာန် လ္ပာ်ဂကောံရပ်လွဟ် ကောန်ဂကူကောန်ဍုၚ်အရၚ်ဂမၠိုၚ်တံ ထ္ပက်ဏာလဝ်စၟတ်တဲရ။ ပ္ဍဲကဵုကဏ္ဍပရေၚ်ဍုၚ်ကွာန်ဂှ် ကလေၚ်ကံက်နုက်ပတိုန်ထ္ၜးမ္ဂး –
တၚ်ဒုၚ်သ္ဇိုၚ် သၞောတ်မူဖေဝ်ဒရေဝ်ဂမၠိုၚ် (ဖက်ဒရယ်စနစ်တွၚ် အခြေခံရမည့်မူများ)
ပ္ဍဲကဵုတၚ် (၄) ပရေၚ်ဒက်ပတန်ဖေဝ်ဒရေဝ် (ပရေၚ်ဒက်ပ္တန်ကဵု ပရေၚ်ပါ်ပရအ်အဝဵုအာဏာ) (ဖက်ဒရယ်ပြည် ထောၚ်စုမှု) – (ဖွဲ႕စည်းမှုနှၚ့် အာဏာခွဲဝေမှု) ဂှ် ချူဓမံက်လဝ် သာ်ဝွံရ။
(က) ဍုၚ်ဝွံ ဒုၚ်သ္ဇိုၚ် ဒဳမဝ်ကရေဇြဳကဵု ဖေဝ်ဒရေဝ်တုဲ ဒးဒက်ပတန်ရောၚ်။ (နိုၚ်ၚံတော်ကို ဒီမိုကရေစီနှၚ့် ဖက်ဒရယ်ကို အခြေခံသောပြည်ထောၚ်စုအဖြစ် ဖွဲ႕စည်းရမည်။)
(ခ) ကၟိန်ဍုၚ် ဒုၚ်သ္ဇိုၚ်ကဵု ဒဳမဝ်ကရေဇြဳကဵု ဖေဝ်ဒရေဝ်ဂှ် ဒေသရးဇၞော်/တွဵုရးဂမၠိုၚ် ဒးဒက်ပတန်ရောၚ်။
(ဒီမိုကရေစီနှၚ့် ဖက်ဒရယ်ကို အခြေခံသော ပြည်ထောၚ်စုကို တိုၚ်းဒေသကြီး/ပြည်နယ်များဖြၚ့် ဖွဲ႕စည်းရမည်။)
ဗီုပြၚ်ဒက်ပတန်ကၟိန်ဍုၚ် သၞောတ်ဖေဝ်ဒရေဝ်ဂှ် ဂွံလဝ်တၚ်တုပ်စိုတ် နွံ (၇) တၚ် စိုပ် (ဆ) နွံရ။ သၟဝ်ဂှ်ပၠန်ဂှ် ဗီုပြၚ် သၞောတ်ဒဳမဝ်ကရေဇြဳဂှ် ဂွံလဝ် တၚ် (က) ကဵု (ခ) နွံၜါတၚ်ရ။ နူကဵုဂွံလဝ်တၚ်တုပ်စိုတ် ထပက်လဝ်စၟတ်တဲညးသ္ကံဂှ် အလဵုအသဳကီု ဒပ်ပၞာန်ကီု တုပ်လဝ်စိုတ်ညးသ္ကံ သွက်ဂွံဒက် ပတန်ကၟိန်ဍုၚ်ဖေဝ်ဒရေဝ်ဟေၚ်ရ။ ဆဂးဂှ် ပ္ဍဲကဵုဝေါဟာ ဖေဝ်ဒရေဝ်ဂှ် ‘ဒဳမဝ်ကရေဇြဳ ဖေဝ်ဒရေဝ်’ ကဵု ‘ဖေဝ်ဒရေဝ် ဒဳမဝ်ကရေဇြဳ’ ၜါသာ်ဏံ လညာတ်တၞဟ်ခြာညးသ္ကံနွံရ။ လ္ပာ်အလဵုအသဳတံဂှ် ဒဳမဝ်ကရေဇြဳ စွံဂတ ‘ဒဳမဝ်ကရေဇြဳ ဖေဝ်ဒရေဝ်’ တုဲ လ္ပာ်ဂကောံရပ်လွဟ်ကောန်ဂကူတံဂှ် ဖေဝ်ဒရေဝ်စွံဂတ ‘ဖေဝ်ဒရေဝ် ဒဳမဝ်ကရေဇြဳ’ သာ်ဝွံ ဒှ်မံၚ် ဝိဝါဒနွံရ။
သဘၚ်သဳကၠဳပေန်လုၚ် (၂၁) ဗွဝ်ကၠံ အလန်ဒုတိယတုဲဂှ် ကာလဆက်ကၠောန် သဘၚ်သဳကၠဳၜိုဟ်လလမ် (သဘၚ်သဳကၠဳပေန်လုၚ် ၂၁ ဗွဝ်ကၠံ) အလန်တတိယတုဲကၠုၚ်ဏံဂှ် လ္ပာ်ဒပ်ပၞာန် (အလဵုအသဳ) တံ သဳကၠဳပတိုန်ထ္ၜးကၠုၚ် ‘တၚ်ပါ်တိတ်’ ကဵု ‘ဒပ်ပၞာန် ဒးနွံမွဲဟေၚ်’ ဂှ်တုဲ ဒှ်ကၠုၚ်တၚ်ဆိုအ်ဗရ။ လ္ပာ်ဂကောံရပ်လွဟ် ကောန်ဂကူကောန်ဍုၚ်အရၚ် (ထပက်လဝ်လိက်ကသုက်တုဲ) တံ ဟွံတုပ်စိုတ် လတူၜါတၚ်ဂှ်တုဲ ပ္ဍဲသဘၚ်သဳကၠဳအလန်တတိယ ကၠောန်ဏာ ပ္ဍဲကဵုသၞာံ (၂၀၁၈) ဂိတုဂျူလာၚ် (၁၆) ပ္ဍဲကဵုကဏ္ဍ ပရေၚ်ဍုၚ်ကွာန်ဂှ် စပ်ကဵုအခေါၚ်အရာ ကောန်ဂကူကောန်ဍုၚ်အရၚ်တံဂှ် လ္ပာ်ဒပ်ပၞာန်တံ ကၟာတ်လဒဵုကၠုၚ်တုဲ ၜိုတ်ဆတၚ်ပရေၚ်ညဳသၟဟ် ဆေၚ်စပ်ကဵု တြုံဗြဴ (ကျားမဆိုၚ်ရာ တန်တူညီမျှမှု) ဟေၚ် ဂွံဆၜါတၚ်ရ။ ပ္ဍဲကဵုသဘၚ်သဳကၠဳပေန်လုၚ် (၂၁) ဗွဝ်ကၠံ အလန်တတိယဂှ် ကြက်ရှ်သာကဏ္ဍပရေၚ်ဍုၚ်ကွာန် မုလေဝ်ဟွံကလိဂွံ မွဲသာ်ရ။ နူဂှ်တုဲ ဒှ်ဆိုအ်ဗရ။ အခိၚ်ဒှ်ဆိုအ်ဗသာ်ဏံဂှ် အလဵုအသဳအေန်အေဝ်ဒဳတံ ထပ်ပ္တိတ်လစွံစိုတ်ညးတံ စပ်ကဵုတုပ်လဝ်စိုတ် သၞောတ်ဒက်ပတန်ဍုၚ်ဖေဝ်ဒရေဝ်ဂှ်ရ။ အခေါၚ်ဒဳမဝ်ကရေဇြဳ ဂွံဍာံပြတုဲမှ ဆက်အာဂၠံၚ်တရဴ သၞောတ်ဖေဝ်ဒရေဝ် ဂှ်ရောၚ် မံက်ကၠုၚ်ဂှ် ဂလာန်ဝွံ တုပ်တဴညံၚ်ရဴ ဝးပ္ကဝ်ထောံ တၚ်တုပ်စိုတ်ကလိဂွံလဝ် ပ္ဍဲသဘၚ်သဳကၠဳပေန်လုၚ် (၂၁) ဗွဝ်ကၠံဂှ်ရောၚ်။
Categories
ပရိုၚ်

နကဵုကြက်ဂလာန် ‘သၟတ်မန်တ္ၚဲဏံ ၂၀၂၀ တံ’ ဂှ် သ္ပဏာဒတန် သွက်တ္ၚဲသၟတ်မန် အလန်အဋ္ဌမ

ဝဏ္ဏမာန်၊ အံက်တဝ်ဗာ ၁၂၊ ၂၀၁၉
သွက်ဂွံဒှ်ပရေၚ်ဆဝ်မ္ၚုဟ် ကုသၟတ်တံတုဲ နကဵုကြက်ဂလာန် ‘သၟတ်မန်တ္ၚဲဏံ ၂၀၂၀တံ’ ဂှ်
သ္ပဏာဒတန် ပ္ဍဲကောံဓရီုကမ္မတဳကၠောန်ဗဒှ် မရနုက်ကဵု (၄) ဝါ ဂှ်ရ။
Categories
ပရိုၚ် လိက်ပရေၚ်

အရာလဵုဂှ် ဒှ်ပရေၚ်ညဳသၟဟ် သွဟ်ဍာံရော?

ဟိုတ်နူဓဝ်ညဳသၟဟ်ဂကူမန် လီုလာ်ကၠုၚ်ဒၟံၚ်ဂှ်တုဲ နူကဵုဗော်ပရေၚ်ဍုၚ်ကွာန်တအ်၊ ဂကောံမဟာဇန်လ္ၚဵုတအ် ဂၠာဲကၠုၚ်သွဟ်ပရေၚ်ညဳသၟဟ်ဂကူမန်အိုတ်ရ၊ ပေရေၚ်ညဳသၟဟ်ဟီုဂှ် ဗီုလဵုမှ ဒှ်ဂၠံၚ်တရဴပရေၚ်ညဳသၟဟ်သွဟ်ဍာံဂှ် ဗော် ညးဗီုညး၊ ဂကောံညးဗီုညး ဓမံက်ကၠုၚ်ရုပ်ရဴ ဂၠာဲချပ်ဖန်ဇန်ဒၟံၚ် နွံကၠုၚ်ရ။

Categories
ပရိုၚ်

ကၠာဂိတုနဝ်ဝေမ်ဗါဏံဟွံအိုတ်မ္ဂး ပတဴအာဂတဵုမုက်ဗ္စူတိ တ္ၚဲကောန်ဂကူမန်ဗဟဵု (၇၁) ဝါရောၚ်

ဂိတုနဝ်ဝေမ်ဗါဏံ ကၠာဟွံအိုတ်မ္ဂး ညံၚ်ဂွံပတဴအာဂတဵုမုက်ဗ္စူတိ ဒၞာဲကၠောန်စၚ်တ္ၚဲကောန်ဂကူမန် ဗဟဵု ပ္ဍဲကဵုကွာန်ထဝ်ပၠၚ် ပွိုၚ်ဍုၚ်ဖါအၚ်ဂှ်မာန် ကမ္မတဳကၠောန်ဗဒှ်တံ ဖျေံလဝ်သ္ဂုတ်သွာတ်ရောၚ် ဂွံတီကေတ်ရ။

Categories
ပရိုၚ်

ကော်ဘိက်ညးစၞးဗွိုၚ်မန်နာနာတုဲ ဂကောံမန်အဝ်သတြေလျတံ ကၠောန်ပေဲါသဳကၠဳမွဲရောၚ်

ဂကောံမန် ဍုၚ်အဝ်သတြေလျာ (Australia Mon Association Inc.) ကဵု တက္ကသဵု ကောန်ဂကူအဝ်သတြေလျာ (Australian National University) တံ ပံၚ်တောဲတုဲ သၞာံ (၂၀၁၈) မံက်တေံမ္ဂး သွက်ဂွံကၠောန်အာ ပေဲါသဳကၠဳနွံဒၟံၚ်ဂှ် ကော်ဘိက်အာညးစၞးဗွိုၚ်မန်စုၚ်ၚ်ရောၚ် ဂွံတီကေတ်နူဂကောံဖန်ဇန်ပေဲါသဳကၠဳတံ ဟီုရ။

Categories
ပရိုၚ်

ပ္ဍဲသဘၚ်ပံက်တိုက်ဗှ်လိက် ပါလိတဂှ် သွက်ဂွံကၠောန်အာ ပေဲါသဳကၠဳ ပရေၚ်ညဳသၟဟ် ဂကူမန်မွဲနွံ

ပ္ဍဲကဵုသဘၚ်စရိုဟ်ဍာ် တိုက်ဗှ်လိက် ပါလိတ ဂိတုမာ် (၃) မံက်တေံမ္ဂး ရန်ကဵုပရေၚ်ဂွံဒက်ပ္တန်ဓဝ်ညဳ သာဂကူန်တုဲ ကၠောန်အာပေဲါသဳကၠဳ ပရေၚ်ညဳသၟဟ် ဂကူမန် ပ္ဍဲဍုၚ်ကၟာဝက်မွဲရောၚ် ဂွံတီကေတ်ရ။

Categories
ပရိုၚ် လိက်ပရေၚ်

သၟတ်မန်ဗွဲမဂၠိုၚ် ဘဝလီုအာကဵု ဂဥုဲၜူမာဲ

တ္ၚဲ ဂိတုဘတ် (၁၀)မံက်၊ အဝ်ဂေတ် (၃၁)ဂှ် ညးတြုံမၞုံအာယုက် ဗၞတ် (၅၀) သၞာံပြၚ် မွဲတၠ ကဵု ညးဗြဴအာယုက်ဗၞတ် (၅၀)သၞာံ မွဲတၠ ဂ္ဇအ်မံၚ် ပ္ဍဲတာဲကၚ် ကရပ်ရုၚ်ခရိုၚ်သဓီု(ဌာန်ဂအုပ်ခရိုၚ်သဓီု) တုဲ ဟီုဂးမံၚ်ညးသ္ကအ် သာသာ ကၠာမိၚ် ကဵု ဟွံမိၚ်ရ။

Categories
ပရိုၚ် သၟာန်သွဟ်

စပ်ကဵုအကာဲအပေဲါဇာတ်မန် သၞာံတၟိဏံတုဲ ဆဵုဂဗသၟာန်လဝ်ကဵု “နာဲမလဵု”

မာန်- အကာဲအရာဂကောံဇါတ်မန်တအ် တ္ၚဲဏံ ဗီုလဵုနွံရော ၊ တဴတက်တိုန်ဟာ အာမံၚ်လ္ပာ်စှေ်ဟာ ?

Categories
လိက်ပရေၚ်

သၟာပရိုၚ်မန် ချူဘာသာ အေၚ်္ဂလိက် နာဲလွဳဝၚ် (ဟွံသေၚ်မ္ဂး) ပရေၚ်ဒဒှ် ဘဝသၟာပရိုၚ် နာဲလွဳဝၚ် မွဲဒကုတ် မွဲဒကဴ

အခိၚ်နူကၠာ ရုၚ်ဌာန်ပရိုၚ်မန် ဟွံဂွံဒုၚ်သၟဝ်သၞောဝ်အလဵုအသဳဏီ အဃောဖျေံဒၟံၚ်သ္ဇိုၚ် ရုၚ်ဌာန်ဒတန် ယေန်သၞာၚ်မန် ပ္ဍဲဝၚ် ကဂှ် ဇၟာပ်ကၠောန်သ္ပကောံဓရီုမ္ဂး၊ သၟာပရိုၚ် နာဲလွဳဝၚ် မွဲ ဒးကေတ်တာ လျိုၚ်ညး ကၠာဲအရေဝ် မန်-အေၚ်္ဂ လိက် လၟိုန်ရ၊ နာဲလွဳဝၚ် ဂှ် နူဘဝသၟာပရိုၚ် ဌာန်ပရိုၚ်ဗၠးၜးကောန်ဂကူမန် ဂှ် ကေၚ်ကေတ်လဝ်တာလျိုၚ် အေဝ်ဒဳတာ မွဲတၠကီုရ။

Categories
ပရိုၚ်

ဓဝ်ညဳသာဆိုအ်ဗမံၚ်ဂှ် ပံၚ်ကောံသဳကၠဳ ဒးသှ်ကလးညးသ္ကအ်ဟေၚ်

ဓဝ်ညဳသာဂကူမန်ကီု၊ အကြာဗော်ပရေၚ်ဍုၚ်ကွာန်ဂကူမန်တအ်ကီု ဗွဲကြဴနူကဵုဂကောံပညဳပညပ်ဒက်ပ္တန် ဓဝ်ညဳသာဗော်ပရေၚ်ဍုၚ်ကွာန်ဂကူမန်တအ် ဒှ်အာပရေၚ်ဆိုအ်ဗတုဲ လၟေၚ်ကမၠောန်ဓဝ်ညဳသာဂကူမန်ဂှ် ဆိုအ်ဗအာမွဲအခိၚ်ပၠန်ရ။