Categories
ပရိုၚ်

ကိုန်အစဳဇန်သိုၚ်ဗ္ဒိုပ်ထံက်ပၚ် ဗ္ဒာဲကွာန်အၚ်ဒၚ်ဂှ် ညးဒေသတံစှေ်စိုတ်မှ ကၠောန်ရောၚ် ဂး

သွက်ကိုန်အစဳဇန် ကမၠောန်သိုၚ်ဗ္ဒိုပ်ထံက်ပၚ် Offshore Supply Base ပ္ဍဲၜဳဇၞော်မုတ္တမ လ္ပာ်ဇရေၚ်ကွာန်အၚ်ဒၚ် ပွိုၚ်ဍုၚ်ရေဝ်၊ ဒေသဖါလိန်ဂှ် နူကဵုကမ္ပဏဳ Forever Thanlwin Company Ltd. ပ္တိုန်ထ္ၜးလဝ်ကဵု ကမ္မယှေန်ပရေၚ်ဓလိုက်တမ် ဍုၚ်ဗၟာတုဲကီုလေဝ် ကိစ္စကိုန်အစဳဇန်ဏံ ကောန်ဒေသတံ ယဝ်ဟွံစှေ်စိုတ်မ္ဂး ဒးကၠောန်ဓမံက်ရုပ်ရဴအတေၚ်ဏောၚ်ဂှ် ချပ်လဝ်ဟွံမွဲရောၚ် သာ်ဝွံ မာန်နေဂျေန်ဒါရာ်တာ ဥူဇြဝ်မေန်အံၚ် နူကမ္ပဏဳ Forever Thanlwin Company Ltd. ဂးရ။

Categories
ပရိုၚ်

တန်ဗ္တောန်ကွတ်ဂယိုၚ်လမျီု အပ္ဍဲသ္ၚိ သွက်ညးဗြဴ ပံက်ဗ္တောန်လ္တူဍုၚ်ရေဝ်ဂှ် ဟွံဒးအိုတ်ခရိတ်

ဘာတန်ဗ္တောန်ကမၠောန်ဂယိုၚ်လမျီုအပ္ဍဲသ္ၚိ သွက်ညးဗြဴတံ ပံက်လဝ် ပ္ဍဲအရာပ်အဏ္ဏဝါ၊ အရာပ်သဳရိနန္ဒာ၊ လ္တူဍုၚ်ရေဝ်ဂှ် ညးဗြဴလဵုမွဲဟွံဟီု စိုတ်လုပ်စတုဲ ယဝ်ချူဗှ်လေပ်လဝ်လိက်ဗၟာမ္ဂး ဒဵုကဵုဒုၚ်လျိုၚ်ဘဝဇကုမာန် ဟွံဒးအိုတ်ခရိတ်မွဲသာ် တိုန်ကတ်ဗ္တောန်မာန်မံၚ်ရောၚ် ဂွံတီလဝ် နူဘာဂှ်ရ။

Categories
ပရိုၚ်

စပ်ကဵု ဂဗုတ် ကတဵုဒှ်မံၚ်ပ္ဍဲၜဳတုဲ သွက်သၟာတမ္ၚာတံ ဒးပၠာံဗ္ဇးကဵု စိုတ်ဓာတ်ထေက်ရောၚ်

ဂဗုတ်ဂစိုတ်မၞိဟ်ကီု၊ ဂဗုတ်မၞိဟ်ချိုတ်ကီု ကတဵုဒှ်မံၚ် အပ္ဍဲကေမၠာန်တမ္ၚာ ပ္ဍဲပွိုၚ်ဍုၚ်ရေဝ်၊ တွဵုရးဍုၚ်မန်ဂှ်တုဲ သွက်သၟာတမ္ၚာဂမၠိုၚ် ဒးပၠာံဗ္ဇး ဆေၚ်စပ်ကဵုစိုတ်ဓာတ်ဂမၠိုၚ် ထေက်ရောၚ်ဂှ် သ္ကိုပ်ဌာနက္ဍိုက်က္ဍိုပ်ကေမၠာန်တမ္ၚာ ပွိုၚ်ဍုၚ်ရေဝ် ဥုဇြဝ်မေန်ဥု ဟီုရ။

Categories
ပရိုၚ်

ဂကောံပံၚ်တောဲစၟဳစၟတ် နူဍုၚ်ရေဝ် သီဂွံလွဟ်ဂၠေံ(၂) ဇကိုအ်သီုမကမ်

ပ္ဍဲဗ္တံဂိတုသေပ်တေမ်ဗာ ၂၂ ဂှ် ကွဳလိုန်ဓါတ်ၜါမ ကၠုၚ်နူဍာန်ထဝါဲတေံ အခါစိုပ်ဒဒန်ဇၞော် မလုပ်ကဵုဍုၚ်ရေဝ်ဂှ် နူဂကောံပံၚ်တောဲစၟဳစၟတ်တံ ရပ်ဗဒိုအ်စၟဳစၟတ်တုဲ ရပ်ဂွံလွဟ်ဂၠေံ ပေဿတိုဝ် (၂) ဇကိုအ် သီုကဵုမကမ်တံရောၚ် ဂွံတီကေတ် နူဗ္ဒိုပ်ဗၠာဲသၟိၚ်ၝောံဍုၚ် ဍုၚ်ရေဝ်ရ။

Categories
ပရိုၚ်

ပ္ဍဲၜဳဇၞော်ပွိုၚ်ဍုၚ်ရေဝ် ကောန်ကလောန်ဂၠုၚ်ကမွဲတၠ ဒးဒုၚ်တက်ကဵုပသဲပၠံၚ်တုဲ ဒတုံစှေ်ဍာ်

ကောန်ကလောန်မွဲတၠ ကၠောန်မံၚ်ပ္ဍဲဂၠုၚ်ရပ်က (စိန်ပိုက်) ကွာန်အစေန် တိတ်ရပ်ဒၟံၚ် အပ္ဍဲၜဳဇၞော်ကာပ္ပလဳ ပွိုၚ်ဍုၚ်ရေဝ် တွဵုရးဍုၚ်​မန်ဂှ် ဒးဒုၚ်တက်ကဵုပသဲပၠံၚ် ပြဟ်ဒတုံစှေ်ဍာ် လအ်ဂွံၜိုတ်မွဲဂိတုတုဲ ပ္ဍဲဂိတုသေပ်တေမ်ဗာ ၂၀ ဂှ် တေၚ်လဝ်အမှုပ္ဍဲရုၚ်ဗၠာဲသၟိၚ်ဍုၚ်ရေဝ် တုဲဣရရောၚ် ဂွံတီကေတ်နူရုၚ်ဗၠာဲသၟိၚ်ဂှ်ကီုရ။