Tag: မာံလုၚ်

ကျာ်ဇၞော်ဘာဂြိုပ် ကာန္နဳ သ္ပက္ဍိုပ်တုဲ ကၠောန်သိုၚ်ဒၟံၚ်ဒဒန် မနောမယ (ၜဳဃယၚ်) ပ္ဍဲသၞေဟ်ကွာန်ကအ်ခိုက် ကရပ်ကွာန် ကာန္နဳ ကအ်ကျာ်၊ ပွိုၚ်ဍုၚ်ကအ်ကြိက်၊ တွဵုရးကရေၚ်ဂှ် ဒဒန်ဏံ သွက်ဂွံအာစိုပ်ဒတုဲ နွံပၟိက်ကဵုသြန် ၜိုတ် ၈၀၀ ကိုဋ်ဒ္ကေဝ်ဏီ ဥုကျဝ်လွေန်ဥု ဥက္ကဌ ကမ္မတဳသိုၚ်ခၞံ ဒဒန် ဟီုရ။

ဂတဵုမုခ် တိုက်အလဵုအသဳပိုၚ်ပြဳလဝ် ပ္ဍဲတွဵုရးဍုၚ်မန် မပ္တံ ရုၚ်ဂဥုဲ၊ ဘာဗ္တောန်လိက်ကဵု ရုၚ်အုပ်ဓုပ်တံ ညံၚ်ဂွံဓမံက်ထ္ၜးအာ သီုဘာသာမန် ကေုာံ ဘာသာဗၟာဂှ် ပ္ဍဲဒၞာဲကၠောန်သ္ပကောံဓရီု ကၠတ်ထဝ်တွဵုရး နူသတ္တဟ တုဲကၠုၚ်တေံဂှ် ဗတိုက်ဖအောဝ်လဝ်ရောၚ် သာ်ဝွံ ညးစၞးကၠတ် ထဝ်တွဵုရး၊ ပွိုၚ်ဍုၚ်ဇြပ်ဗု နာဲတၠဆာန် ဟီုကဵု ဌာန်ပရိုၚ်ဗၠးၜးမန်ရ။

သ္ဂောံပြံၚ်လှာဲအာ သၞောတ်ဒဳမဝ်ကရေဇြဳဇေတ်တ် ဗွဲမအံၚ်ဇၞးမာန်ဂှ် အလဵုသဳတံ ထေက်ကဵုဒးဖ္ဍိုက်ဗပေၚ်ကဵု တၚ်အာတ်မိက်ညးဍုၚ်ကွာန် ရဲဒးဒုၚ်ဖံက်ပကဝ်ကၠုၚ်လဝ် အခေါၚ်အရာမၞိဟ်ကာလအတိက်တံရောၚ်ဂှ် အပ္ဍဲကဵုဂိတုဂျုလာၚ် ရ ဏံ နူကဵုဂကောံအခေါၚ်အရာမၞိဟ်ဍုၚ်မန်

မာံလုၚ် – ဒပ်ပၞာန်သီထောံအဝဵုဍုၚ်သေံတုဲ ဆက်ရပ်ကၠုၚ်မံၚ် သၟာကမၠောန်ဟွံလုပ်သၞောဝ်တံဂှ် ကာလဒေံါလဝ်မွဲချိန်ခဏဏံ သွက်သၟာကမၠောန်တံ သ္ဂောံဂွံအခေါၚ်မံၚ်စံၚ်တန်တဴတုဲ ညံၚ်ဂွံကၠောန်အာကမၠောန်ဗွဲလုပ်သၞောဝ်မာန်ဂှ် အပ္ဍဲဂိတုဂျုန် ၂၉ လောန်ကၠုၚ်တေံ သၟိၚ်သေံတံ ကၠောန်ပတိတ်ကဵုမံၚ် လိက်တၞးအခေါၚ် နဗီုပြၚ် One Stop Service ပွိုၚ်မွဲတ္ၚဲကၠောန်ပတုဲမွဲဒၞာဲဓရ်ဂှ် ဂွံတီကေတ်ရ။

မာံလုၚ် – သွက်ဂွံပလေဝ် ၝောံပိုဒ် ၄၃၆ ဂှ် ပံၚ်တောဲကဵုဗော် NLD တုဲ ထမံက်အာရုပ်ရဴရောၚ်ဂှ် ကောံဓရီုကေၚ်ကာဗဟဵု ဗော်ကောန်ဂကူမန် MNP ဖျေံသ္ဂုတ်သွာတ်နွံ သာ်ဝွံ ဖက်ဆောညးအုပ်ကာ(၁) အစာသဝ်ဟံၚ်ဍုၚ် ဟီုလဴကဵုဌာန်ပရိုၚ်ဗၠးၜးမန် IMNA ရ။