ပေါဲသဳကၠဳကမ္မယှေန်ပရေၚ်ၜိုဟ်လလံ အလဵုအသဳဗၟာ Peace Commission-PC ကေုာံ ဂကောံညးစၞးပ္ညဳ ပ္ညပ် သဳကၠဳ ပရေၚ်ဍုၚ်ကွာန် Delegation for Political Negotiation-DPN နူ UNFC တံ သဳကၠဳ လဝ်ဂှ် တၠုၚ်လအာခိုဟ်ကၠုၚ် ဣရတုဲ သွက်ဂွံတုပ်စိုတ် ကဵုဂလာန် UNFC ပ္တိုန်ထ္ၜးလဝ်ဂှ်လေဝ် အကာဲအရာဍေံ ညောန်ကြပ်ကၠုၚ်ကီုဣရ သာ်ဝွံ ခူဥူရာ က္ဍိုပ်သ္ကိုပ် ဂကောံ DPN ဂးရ။
ကောံဓရီုကမ္မတဳပံၚ်တောဲအရာသဳကၠဳ ပရေၚ်ၜိုဟ်လလံကၟိန်ဍုၚ် Union Political Dialogue Joint Committee-UPDJC မရနုက်ကဵု ၁၂ ဝါ ကၠောန်လဝ်ပ္ဍဲဌာနဗဟဵုပရေၚ်သၟဟ်သၟန် ကောန်ဂကူ ကေုာံပရေၚ်ၜိုဟ်လလံ (NRPC) ဍုၚ်နေပျဳဒဝ် နူအံက်တဝ်ဗာ ၃၀ ဒဵုကဵု ၃၁ ဂှ် ဆၜိုတ် သွက်ဂွံက္လေၚ်သ္ၚဳဂၠိပ် (Framework) မူပၞောန် ဆေၚ်ကဵုအရာသဳကၠဳ ပရေၚ်ဍုၚ်ကွာန် ကေုာံ သွက်ဂွံက္လေၚ်သ္ၚဳဂၠိပ် ဂၠံၚ်စၞောန်ကမၠောန် (ToR) ဟေၚ် ဂွံလဝ်တၚ်တုပ်စိုတ်ရောၚ် ဂွံတီကေတ်ရ။
ရံၚ်လ္တူအကာဲအရာပရေၚ်ဍုၚ်ကွာန် က္တဵုဒှ်ဒၟံၚ်တ္ၚဲဏံတုဲ ဟိုတ်နူဟွံမွဲပၟိက်ကဵု ဂၠံၚ်ဒဳမဝ်ကရေဇြဳဍုၚ်ဗၟာ ဂတးက္လေၚ် လက္ကရဴတေံပၠန်ဂှ်ရ နူဂကောံဇၞော်ညးဗြဴ (ဍုၚ်ဗၟာ) Women’s League of Burma-WLB ပ္တိတ်လဝ်လိက်လလောၚ်တြး နစၟတ်တ္ၚဲ ဂိတုအံက်တဝ်ဗာ ၃၁ ၊ သၞာံ ၂၀၁၇ ဂှ် ဂွံဆဵုကေတ်ရ။
ကမ္မယှေန်ပရေၚ်ၜိုဟ်လလံ Peace Commission-PC ကဵု ဂကောံညးစၞးပ္ညဳပ္ညပ်သဳကၠဳ ပရေၚ်ဍုၚ်ကွာန် Delegation for Political Negotiation-DPN တံ သဳကၠဳလဝ် ဂလာန် (၉) တၚ် နူကံၚ်ဇြဳဖေဝ်ဒရေဝ် ဂကောံကောန်ဍုၚ်အရၚ် (United Nationalities Federal Council-UNFC) ပ္တိုန်လဝ်ဂှ် ဟွံစိုပ်ဒတုဲ ဏီတုဲ ဂိတုနဝ်ဝေမ်ဗာ ၈ ဏံမ္ဂး က္လေၚ်သဳကၠဳပၠန်ဏောၚ် ဂွံတီလဝ်ရ။
လ္တူတၚ် UNFC ကံၚ်ဇြဳဖေဝ်ဒရေဝ်ကောန်ဍုၚ်အရၚ် ပ္တိုန်ထ္ၜးကၠုၚ်လဝ် (၈) တၚ်ဂှ် ဂစာန်တတ်ကၠောံ နကဵုနဲကဲနာနာသာ်ထေက်ဣရ သာ်ဝွံ ညးမဒှ်က္ဍိုက်သ္ကိုပ်ဂကောံ DPN ခူဥူရာ ဟီုပ္တိတ်ကၠုၚ် ပ္ဍဲဂလာန်ပံက်ကောံဓရီု တ္ၚဲအံက်တဝ်ဗာ ၂၃ ဂှ်ရ။
စပ်ကဵုပရေၚ် NCA ဂှ် ဟိုတ်နူတီကၠိုဟ်လဝ်အောန်ဂှ်ရ ကမၠောန် JMC ဂှ် ဍေံဟွံအံၚ်ဇၞးလောဲလောဲ သာ်ဝွံ သ္ကိုပ်ပၞာန်သဝ်အာၚ်ဇြက်ဖိုဝ် ဒုဥက္ကဌ (၁) JMC-U ဟီုဂးကၠုၚ် ပ္ဍဲကောံဓရီု ကမ္မတဳပံၚ်တောဲ မၚ်ရံၚ်ကမၠောန်ပရေၚ်ဒေံါပန်ပှော်အဆံၚ်ကၟိန်ဍုၚ် Joint Ceasefire Monitoring Committee-JMC-U မရနုက်ကဵု ၁၂ ဝါရ။
ညးကဵုကသပ်ကၟိ်န်ဍုၚ် ဒဝ်အံၚ်သာန်သုကျဳ ဥက္ကဌ ဌာနဗဟဵုပရေၚ်သၟဟ်သၟန်ကောန်ဂကူ ကေုာံပရေၚ်ၜိုဟ်လလမ် (NRPC) ကဵု ဂကောံညးစၞးဗော်ဍုၚ်မန်တၟိ ဒုဥက္ကဌဗဟဵု နာဲဟံသာ က္ဍိုက်ပ်တံ ဂိတုသေပ်တေမ်ဗာ (၁) မံက် ဒေါဝ်တ္ၚဲ ၁၂ နာဍဳဂှ် ဆဵုဂဗညးသ္ကံ ပ္ဍဲရုၚ် NRPC နေပျဳဒဝ်တေံရ။
ထ္ပက်စၟတ်တဲ NCA လိက်ကသုက်တုပ်စိုတ်ဒေံါပန်ပှော် အလုံမွဲဍုၚ်တုဲ အပ္ဍဲကာလပွိုၚ်ၜါသၞာံဏံ ဒဒှ်ပရေၚ်ၜိုဟ်လလမ်ဂှ် ထုဲကၞာန်ဂၠိုၚ်တိုန်ခ္ဍၚ်ဏောၚ် သာၚ်ကျဝ်ညောအ် ညးလုပ်အဝေါၚ် ဂကောံညးအုပ်ကာ UPDJC ကမ္မတဳပံၚ်တောဲသဳကၠဳပရေၚ်ၜိုဟ်လလမ်ကၟိန်ဍုၚ် ဂးရ။
ပေါဲဆဵုဂဗသဳကၠဳ အလန်ဆဋ္ဌမ ကမ္မယှေန်ပရေၚ်ၜိုဟ်လလံ (Peace Commission) အလဵုအသဳ ကုာံ ညးစၞး DPN နူ UNFC တံဂှ် တ္ၚဲဏံ အဝ်ဂါတ် ၁၀ ဖါနူဂယး ၉ နာဍဳ ကၠောန်ကၠုၚ် ပ္ဍဲဌာနဗဟဵုပရေၚ်ၜိုဟ်လလံ ကေုာံ ပရေၚ်သၟဟ်န်ကောန်ဂကူ (NRPC) ပ္ဍဲဂၠံၚ်ယှိုဲလဳ ဍုၚ်လ္ဂုၚ်တုဲ အဆံၚ်ဓဝ်ပတှေ်ဂှ် စိုပ်မံၚ်သုညရောၚ် သာ်ဝွံ ခူဥူရာ ညးမဒှ်က္ဍိုပ်သ္ကိုပ်ဂကောံသဳကၠဳပရေၚ်ဍုၚ်ကွာန် (DPN) နူကဵုဒပ်ပံၚ်ကောံယူအေန်အေပ်ဇြဳ ဟီုပ္တိတ်ဏာ ပ္ဍဲဂလာန်ပံက်ပေါဲသဳကၠဳဂှ်ရ။