သွက်ဂွံပ္တန်ဗဒှ်ခအံၚ်ဝဳဖ္ဍတ်တိရစ္ဆာန် (မွေးမြူရေးဇုံ) ပ္ဍဲဇၟာပ်ပွိုၚ်ဍုၚ် တွဵုရးဍုၚ်မန်ဂှ် နူဂကောံအလဵုအသဳ တွဵုရးဍုၚ်မန် ဂၠာဲဒၟံၚ်တိဂအာၚ်ဖိုဟ်ရောၚ် သာ်ဝွံ ဒုၚ်သဇိုၚ်ကဵု ညးစၞးမွဲတၠသၟာန်လဝ် ပ္ဍဲကောံဓရီုလၟေၚ်သတ္တမ ကၠတ်ထဝ်တွဵုရးဍုၚ်မန် အလန်ဒုတိယ တ္ၚဲလက္ကရဴအိုတ် သေပ်တေမ်ဗာ (၂၀) ဂှ်တုဲ နူဂကောံအလဵုအသဳ ဟီုကဵုဏာသွဟ်သာ်ဂှ်ရောၚ် ဂွံတီကေတ်ရ။
လၟုဟ်ပ္ဍဲဍုၚ်ဗၟာ ဒှ်ဒၟံၚ်အခိၚ်အခါ ယဲ H1N1 ကၠောံထၞာန်ကီုလေဝ် ပ္ဍဲတွဵုရးဍုၚ်မန် ညးက္လိဂွံယဲဏံ ဟွံမွဲဏီ ဒံက်တာဇြဝ်မေန်ထောန် သ္ကိုပ်က္ဍိုက်ပ်ပရေၚ်ထတ်ယုက်တွဵုရးဍုၚ်မန် ဟီုရ။
အပ္ဍဲတွဵုရးဍုၚ်မန်ဝွံ နူကဵုဌာနအကံက်အခေါန်တံ ၜိုန်ရလလောၚ်လဝ်စနူကဵုဂိတုအေဗရဴ စၟတ်တ္ၚဲ (၁) ဏံ သွက်ဂွံစကံက် အာအခေါန်ထဝ်နွံကၠာလေဝ် ညးဍုၚ်ကွာန်မသွံရာန်ထဝ်တံ ဗွဲမဂၠိုၚ် လ္တူကိစ္စဏံ ဟွံတီ ကၠးလဝ်ဖၟိုတ် ဏီတုဲဟွံဒှ်ဓမံက်ရုပ်ရဴညးသ္ကံဏီရောၚ် ဂွံတီကေတ်ရ။
အဳန်ရဳ။ ။ ဗွဲကိုပ်ကၠာဏံ ဆက်ကဵုမိတ်ယၟု ကဵု ဇာတိဌာန်တုပ်ကသုက်ညိ ဂွံဟာ?
ပိုၚ်ပိုၚ်။ ။ ယၟုဂှ်တှေ် ပိုၚ်ပိုၚ်၊ ဂွံအယုက် (၂၄) သၞာံ ဇာတိဂှ် ကွာန်ကအ်တာ၊ လၟုဟ်မံၚ်ဒၟံၚ် ကွာန်ကအ်ဗိန်ရ၊ ပ္ဍဲကောံဒေံနွံမံၚ်ပိဂှ် ဒှ်ကောန်မရနုက်ကဵု ၜါရ။