ကမ္မယှေန်ပေါဲရုဲမာဲအဆံင်ကွာန်/ အရာပ်တအ် ဗက်ဂၠာဲလိင်မၞိဟ်တုဲ တက်ဗီု ဒးပ္တိုန်မံင်လိက်ဒုင်စဳရေင် စပ်ကဵုလၟေင်ကမၠောန်ပေါဲရုဲမာဲ ဆဒှ်ကဵုဒှ်နွံ

by | Nov 8, 2025 | ပရိုၚ် | 0 comments

ညးဍုင်ကွာန်တအ် စိုတ်လုပ်စကဵုပေါဲရုဲမာဲအောန်၊ မၞိဟ်ကၠုင်ကျောဝ်စရင်မာဲအောန်ကီုလေဝ် လတူအကာဲအရာ လၟေင်ကမၠောန်ပေါဲရုဲမာဲဂှ် ဂွံပတိုန်လိက်ဒုင်စဳရေင်ကဵု အဆံင်လတူမာန် ဒးဗက်ဂၠာဲလိင်ကော်ကေတ်မၞိဟ်တုဲ တက်ဗီု ပတိုန်ဏာလိက်ဒုင်စဳရေင် ဆဒှ်ကဵုဒှ်ရောင် ညးပါလုပ်ဂကောံကမ္မယှေန်ပေါဲရုဲမာဲဍုင်မန်မွဲတၠ ဟီုထ္ၜးရ။

သွက်ဂွံကၠောန်အာပေါဲရုဲမာဲ ဒကုတ်လၟေင် ၁ ပ္ဍဲဂိတုဒဳဇြေမ်ဗာ ၂၈ ဏံဂှ် နူကဵုကမ္မယှေန်ပေါဲရုဲမာဲအဆံင်င်တအ် ကၠုင် ကာတ်ဗာန်လဝ်စရင်မာဲဂှ် ညးဍုင်ကွာန်တအ် စိုပ်လုပ်စအောန်၊ မၞိဟ်ကၠုင်ကျောဝ်စရင်မာဲအောန်ဂှ်တုဲ ဒဒှ်ရ ညးဍုင် ကွာန်တအ် စိုပ်လုပ်စမံင်ကဵုပေါဲရုဲမာဲဂှ် ဒးဒုင်စဳရေင်ဏာ ဆဒှ်ကဵုဒှ်ရောင် သ္ဂးရ။

“မွဲဟူကာတ်ဗာန်လဝ်စရင်မာဲ ပ္ဍဲရုင်ကမ္မယှေန်မာဲဂှ် ညးဍုင်ကွာန်တအ် မွဲတၠလေဝ် ဟွံကၠုင်ရံင်ပုဟ် ဟွံကၠုင်စၟဳစၟတ် ပုဟ် တီကၠးမွဲဂှ် လတူပေါဲရုဲမာဲလၟုဟ်ဏံဂှ် နကဵုညးဍုင်ကွာန်တအ် မွဲလေဝ် စိုတ်ညးဟွံလုပ်စပုဟ်၊ ဆဂး ဒးပတိုန် လိက်ဒုင်စဳရေင်တွဵုရ နူလတူတေံ စၞောန်လဝ်တှ်ေ ဒးဗက်ကေတ်မၞိဟ်အိက်ဗ္ၜူအကြာအရာပ် အကြာကွာန်တုဲတှ်ေ တက်ဗီု ပတိုန်ဏာလိက်ဒုင်စဳရေင် ဆဒှ်ကဵုဒှ်ကီု” သာ်ဝွံ ဂကောံအုပ်ဓုပ်အရာပ် ပါလုပ် ဂကောံကမ္မယှေန်ပေါဲရုဲမာဲ အဆံင်အရာပ် လတူဍုင်မတ်မလီုမွဲတၠ ဟီုထ္ၜးရ။

ပေါဲရုဲမာဲ ၂၀၂၅ ကမ္မယှေန်ပၞာန်တအ်ကၠောန်ဂှ် ညးဒစဵုဒစး ဗျုတ်ဗ္ဒေက်ပါ်ပါဲပလီုပလာ်မ္ဂး ကဵုအာဒုဟ်ဒဏ်နွံကီု၊ တုပ် သာ်ဂှ်ကီု မၞိဟ်ကဵုဇြဟတ်ကဵုပေါဲရုဲမာဲကီု မၞိဟ်လုပ်ဒုင်ရုဲမာဲကီုတအ်ဂှ် သွက်ဂွံကေတ်အာအရေဝ်နွံကီု သီုၜါလ္ပာ်ဂှ် ဟီု ဘပဠလဝ် ညးဍုင်ကွာန်တအ်နွံတုဲ နကဵု ညးဍုင်ကွာန်ဗွဲမဂၠိုင်ဂှ် ဟွံစွံအာရီုကဵုပေါဲရုဲမာဲအိုတ်ရ။

“နကဵုညးဍုင်ကွာန်တအ်ဂှ် ချဳဒရာင်ပါဒးလ္ပာ် ရဲလုပ်ပေါဲရုဲမာဲ ဗီုကဵု အလံင်အမာတ်ဗော်ညဳသၟဟ်မန်တှ်ေ ရဲပၠန်ဂတး တအ်သ္ပဒုဟ် ကေတ်အရေဝ်၊ ဗီုဂှ်ကီု ယဝ်ဒစဵုဒစးဒး ပရေင်ကမၠောန်ပေါဲရုဲမာဲဍေံတှ်ေ ဍေံဘိုအ်ဂွံကေတ်အာ ဒုဟ်ဒဏ် သီုၜါလ္ပာ်ဂှ် ကဵုလဝ်ဇြဟတ်ဓရိုဟ်နွံမံင်သီုၜါလ္ပာ်တှ်ေ ညးဍုင်ကွာန်တအ်ဗွဲမဂၠိုင်တှ်ေ ညးမွဲလေဝ် ညးဟွံမိက် ပါလုပ်ရ၊ ယဝ်ဘိုင်တှ်ေ ဒးဖေက်ရဲစတေံ ယဝ်ဒစဵုဒစးတှ်ေ ဒးဖေက်ရဲပ္ဍဲဏံ မံင်ထောံသောင်သောင်ဂှ် ခိုဟ်အိုတ်ရ” ညး ကေင်ဘိုင်ချဳဒရာင်လဝ် ပရေင်စန်ဒက်မာဲ ပေါဲရုဲမာဲ ၂၀၂၀ မွဲတၠ ဟီုရ။

ပေါဲရုဲမာဲကမ္မယှေန်ပၞာန်တအ်ကၠောန်ဂှ် နကဵုညးဍုင်ကွာန်အဆံင်ဍုင်ကွာန် အရာပ်အဆံင်င်တအ် စိုတ်လုပ်စ အောန်ကွေံကွေံတုဲ ဂွံချဳဒရာင်ဟီုတွံစန်ဒက်မာဲကီု၊ ဂွံဟီုသဳကၠဳအကြာမၞိဟ်မဂၠိုင်ကီု နွံအောန်ကွေံကွေံရ။

လတူအကာဲအရာပေါဲရုဲမာဲဂှ် ဍုင်ကွာန် အရာပ်ဂမၠိုင်တအ် အကာဲအရာဗီုလဵုနွံဂှ် ကမ္မယှေန်ပေါဲရုဲမာဲအဆံင်င်ဂမၠိုင် တအ် ဒးဒုင်စဳရေင်ဒၟံင်ပရေင်ကမၠောန်လၟေင်င်နွံဂှ်တုဲ ကမ္မယှေန်ပေါဲရုဲမာဲအဆံင်သၟဝ်တအ် ဗီုဒှ်ကဵုဒှ် ဒုင်စဳရေင်ဏာ မံင်အိုတ်ရောင် ဂွံတီကေတ်ရ။ 

Written by

Related Posts

အလံၚ်အမာတ်လုပ်ပြိုၚ်ပေဲါရုဲမာဲဂမၠိုၚ်တအ် စှ်ေချဳဒရာၚ်စန်ဒက်မာဲ ပ္ဍဲဗလးတိဟွံမွဲဏီ

အလံၚ်အမာတ်လုပ်ပြိုၚ်ပေဲါရုဲမာဲဂမၠိုၚ်တအ် စှ်ေချဳဒရာၚ်စန်ဒက်မာဲ ပ္ဍဲဗလးတိဟွံမွဲဏီ

အလံၚ်အမာတ်လုပ်ပြိုၚ်ပေါဲရုဲမာဲ သၞာံ (၂၀၂၅) ဏံဂှ် စှ်ေချဳဒရာၚ်စန်ဒက်မာဲ ပ္ဍဲဗလးတိ ဟွံမွဲဏီရောၚ် ညးပူဗိုၚ် အလံၚ်အမာတ်ဗော်ညဳသၟဟ်မန်မွဲတၠ ဟီုရ။

ရုၚ်ဂဥုဲပုဂ္ဂလိက လ္တူဍုၚ်လ္ၚဵု ကဵုဇြဟတ်ဓရိုဟ်ပါ်ကရေက်တုဲ အာတ်မိက်ကေတ်ဩန်ဂၠိုၚ်

ရုၚ်ဂဥုဲပုဂ္ဂလိက လ္တူဍုၚ်လ္ၚဵု ကဵုဇြဟတ်ဓရိုဟ်ပါ်ကရေက်တုဲ အာတ်မိက်ကေတ်ဩန်ဂၠိုၚ်

ရုၚ်ဂဥုဲပုဂ္ဂလိက လ္တူဍုၚ်လ္ၚဵု ထ္ၜးယဲဝေဒနာမွဲမွဲသာ်မ္ဂး ကဵုဇြဟတ်ဓရိုဟ်ပါ်ကရေက်တုဲ အာတ်မိက်ကေတ်ဩန်သၟးနွံဂၠိုၚ်ရောၚ် ညးတၠခန္ဓယဲဝေဒနာပါ်ကရေက်လဝ် နူဇြပ်ဗုမွဲတၠ ဟီုရ။

ရာန်ကၠေၚ်ဝါတ်တုဲ ကွဳစက်ပရဟိတ ရီုဗၚ်ပရေၚ်မၞိဟ်လ္ၚဵု ဒးဒေါံဇူ

ရာန်ကၠေၚ်ဝါတ်တုဲ ကွဳစက်ပရဟိတ ရီုဗၚ်ပရေၚ်မၞိဟ်လ္ၚဵု ဒးဒေါံဇူ

ပ္ဍဲဍုၚ်မန် ဟိုတ်နူရာန်ကၠေၚ်ဝါတ်တုဲ ကွဳစက်ပရဟိတ ရီုဗၚ်ပရေၚ်မၞိဟ်လ္ၚဵု ဒးဒေါံဇူလဝ်နွံရောၚ် ဂကောံပရဟိတ ရေၚ်တၠုၚ်ရီုဗၚ်ပရေၚ်မၞိဟ်ဍုၚ်မန်မွဲတၠ ဟီုထ္ၜးရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.