သွက်ဂွံဂလိုင်ပ္တိုန်လၟိဟ်မၞိဟ် ညးမလုပ်ယိုက်ဝန်ပၞာန် အတိုင်သၞောဝ်ဥပဒေ လုပ်ယိုက်ဝန်ပၞာန် (ပြည်သူ့စစ်မှုထမ်းဥပဒေ) မာန်ဂှ် နူကဵုညးစၞးဗော်ပရေင်ဍုင်ကွာန်တအ် ကဵုလဝ်ကသပ်နွံရောင် တ္ရဲဏအ် (ဂျာန္နဝါရဳ ၂၅) ဂှ် ကံင်ဇြဳပၞာန်တအ် ချူဓမံက်ကၠုင် ပ္ဍဲမုက်လိက်ပရိုင်ညးတအ် (မျာန်မာအလေန် စတမ်တအ်) ရ။

ဆေင်ပုင်အလုံတွဵုရးဍုင်မန်မွဲဂှ်ကွဳစက်အာတရဴဇမ္ၚောဲ ညးဇူဒီုတိက်ဗတမ်တံ လုပ်ဇူဒီုမ္ဂး ဒးပလံင်စရင်တေင်ကၟုဲရောင် ဌာနမဆေင်စပ်တံ ကဵုကၠုင်စၞောန်တုဲ ဆေင်ပုင်ဗွဲမဂၠိုင် ရဲအာတရဴဇမ္ၚောဲတံ ဟွံဂံင်တိက်ဇူဂှ်ရ ဟွံဂွံသွံဖျာအိုတ်ရောင် တၠဆေင်သွံပုင်တံ ဟီုလဴထ္ၜးရ။

တ္ရဲဏအ် (ဂျာန္နဝါရဳ ၂၃) ဖါနူဂယး အခိင်ၜိုတ် ၈ နာဍဳပြင်င်ဂှ် အကြာဒပ်ပၠန်ဂတးတအ်ကဵု ဒပ်ကင်ပၞာန်ဗမာ ခလရ – ၃၁ မၞုံဍုင်ခေါဇာတအ် ဒှ်ပေါဲဗ္တိုက်ဆေင်မုက်ညးသ္ကအ် ဗၞတ်မွဲချိုန်ခဏရောင် ဂွံတီကေတ်ရ။