နူလ္ပာ်ဒပ်ကံၚ်သဳပၞာန်ဗၟာတအ် ဗ္တိုက်ပၞာန်သၠုၚ်ပ္တိုန်အဆံၚ်ပၞာန်ကျာတုဲ ထောံဖျေံဗမ်ဇၞော် ပ္ဍဲအကြာညးဍုၚ်ကွာန်တအ် ကတဵုဒှ်ဂၠိုၚ်ကၠုၚ်တုဲ ညးဍုၚ်ကွာန်ဂမၠိုၚ် ဒးဒုၚ်ဇီုကပိုက် ဘဲချိုတ်ဂျိုၚ်ဂၠိုၚ်ကၠုၚ်မံၚ်ရ။

နူကဵုတိုက်ဩန်ဗေန်တံ ဗၞတ်ဗ္ၜတ်ကၠုၚ် ပရေၚ်ပ္တိတ်ဩန်ပၠန်တုဲ ရဲကမၠောန်ပြၚ်ပလံၚ်ဩန် ကေပေ Kpay ဂမၠိုၚ် ဒှ်ခက်ခုဲကဵု ပရေၚ်ကမၠောန်နွံရောၚ် နူကဵုဆေၚ်ပြၚ်ပလံၚ်ဩန်ဂမၠိုၚ် ဟီုထ္ၜးဂှ် ဂွံတီကေတ်ရ။

တွဵုရးဍုင်သေံ ဍုင်လာယှဵုဝွံ တုဲကၠုင်အေပရဴ (၂၂) ဂှ်စတုဲ နူကဵုဒပ်ကံင်သဳပၞာန်ဗၟာ ၜိုတ် (၂၀၀) ကွဳစက် နကဵုဇြ ဟတ်ဗၞတ် (၂၀၀၀၀) လုပ်ကၠုင်ဍုင်လာယှဵုတုဲ ကလေင်ပြေင်ဖျေံဒၞာဲဗီုပြင်ပရေင်အုပ်ဓုပ် ကောပ်ကာဲ အာဍုင်ပၠန် ဏောင် ဂွံဗှ်လ္ရတ်ကေတ် ပ္ဍဲမုက်လိက်ပရိုင်ဂမၠိုင်ရ။