Results for "Covid-19"

စပ်ကဵုကိစ္စပါ်ဓာတ်ဏံဂှ် နူကဵုဂိတုဂျောန် (၄) တေံ စရပ်ကၠုၚ်လဝ်ကမၠောန်တုဲ စၟဳစၟတ်လဝ် ပွိုၚ် (၃၃) တ္ၚဲဂှ် မၞိဟ်ယဲသံသယယဲကဝ်ဝေဒ် တိုန်မံၚ်ရုၚ်ဂဥုဲပ္ဍဲတွဵုရးဍုၚ်မန်တံကီု မၞိဟ်ဒးလုပ်မံၚ် ပ္ဍဲကဵု Quarantine တံကီု ပါ်ဓာတ်စၟဳစၟတ်လဝ် မၞိဟ် (၆၆၇၇) တၠရ။

“ပြဟ်ဟ်ဏံ အရိုဟ်ဟ်တ္ၚဲဂှ် စမ်ၜတ်အာဟွံမာန်ပုဟ်။ မွဲသတ္တဟဂှ်မှပွိုၚ် ၃ တ္ၚဲစမ်ၜတ်အာကဵုရ။ လၟုဟ်ဂှ် အခိၚ်ပၟိက်ဇၞော်တိုန်တှ်ေ စမ်ၜတ်အာပွိုၚ် ၅ တ္ၚဲတုဲ အဒိုတ်ကဵုစန်ဂှ်တှ်ေ ပိုဲဇူဏောၚ်” သာ်ဝွံ နူကဵုဌာနပရေၚ်ထတ်ယုက်ညးဍုၚ်ကွာန်တွဵုရး ဒံက်တာထောန်အံၚ်ကျဳ ဟီုကၠုၚ်လဝ်ရ။

အခိၚ်စမ်ၜတ်အလန်တတိယဏံ ၜိုန်ရဟွံဆဵုစၟယဲကီုလေဝ် ပြဟ်ဟ်ဏံ ဟွံကဵုအခေါၚ်စှ်ေနူကဵုရုၚ်ဂဥုဲဏီတုဲ ဒုၚ်သ္ဇိုၚ်ကဵုအကာဲအရာပရေၚ်ထတ်ယုက်မၞိဟ်ယဲတံတုဲ ဖျေံအာသ္ဂုတ်သွာတ်ရောၚ် ညးက္ဍိုက်ပ်ဌာနပရေၚ်ထတ်ယုက်တွဵုရး ဂးရ။

ပ္ဍဲကဵုတွဵုရးဍုၚ်မန် ဟဒမ်ပါ်ဓာတ်ယဲ Covid-19 ဍုၚ်မတ်မလီု စမ်ၜတ်လဝ်ပ္ဍဲဂိတုဂျောန် ၁၀ ကဵု ၁၁ ပွိုၚ် (၂) တ္ၚဲဂှ် ဂွံမၞိဟ်ယဲ ၂၅၅ တၠတုဲ ညးမွဲလေဝ် စၟယဲဟွံမွဲရောၚ် ဌာနက္ဍိုက်ပ်ပရေၚ်ထတ်ယုက်တွဵုရး လလောၚ်တြးလဝ်ရ။
ပ္ဍဲကဵုဟဒမ်ပါ်ဓာတ်စၟယဲကိုဝ်ဗေတ်ဍုၚ်မတ်မလီုဂှ် ၜိုတ်သၟဟ်အစော စၟဳစၟတ်ကဵုတုဲ လၟိဟ်ဂၠိုၚ်လောန်အာမ္ဂး ပလံၚ်ဏာကဵုဌာနပါ်ဓာတ်အဆံၚ်ကောန်ဂကူ (ဍုၚ်လ္ဂုၚ်) တေံရောၚ် နူကဵုဌာနက္ဍိုက်ပ်ပရေၚ်ထတ်ယုက်တွဵုရး ဒံက်တာတာန်လွေန်အံၚ် ဂးရ။
“ပ္ဍဲဍုၚ်မတ်မလီုပိုဲလေဝ် စမ်ၜတ်ပါ်ဓာတ်မံၚ်ရ။ လၟိဟ်မၞိဟ်ဂၠိုၚ်လောန်အာ အရၚ်ဂွံစမ်ၜတ်ကေတ်ဟွံဂတာပ်တှေ် ပလံၚ်ပစိုပ်ဏာ ဍုၚ်လ္ဂုၚ်ရ” သာ်ဝွံ ညးဟီုရ။