ဟိုတ်နူဂမ္တဴၜက်လောန်အာ နူသၞောတ် တၞံဆုဂမၠိုၚ် ကှ်ကေဲအေဲချိုတ်

by | Jun 14, 2010 | ပရိုၚ် | 0 comments

နာဲတဵုလွဳ

ပ္ဍဲသၞာံဏံ ဟိုတ်နူဥတုကညၚ် ဂၠိၚ်သ္ၚောဲကီု သီုကဵုအသိၚ်ဂမ္တဴတံ ၜက်လောန် နူသၞောတ်ထ္ၜတ်တုဲ တၞံဆုဂမၠိုၚ် ကှ်ကေဲအေဲဇြအိုတ်တုဲ ချိုတ်အာဗွဲမဂၠိုၚ် နွံရောၚ်ဂှ် တၠကၠအ်ထၜိုတ် ရဲပွိုၚ်ဍုၚ်ရေဝ်တံ ဟီုဂးရ။ ကွာန်ဒေသကၞောတ်ၜဳရေဝ် မဒှ်ကွာန်ဖလာန်၊ ကွာန်ဟနဳ၊ ကွာန်ပသာ၊ ကွာန်ပၞၚ်ဗိုန် ကေုာံ ကွာန်ဇိုၚ်ဝိုတ်ဒိုဟ် မၞုံကရပ် ကွာန်ဘာတံဂှ် မပ္တံကဵု တၞံသတ်၊ တၞံသတ်ဗဗုၚ်၊ တၞံဒူရေန်တံကီု သီုတၞံတဵုလွဳလဝ်တၞဟ်ဟ်တံလေဝ် ကှ်ချိုတ်အာ နွံရောၚ် သာ်ဝွံ တၠကၠအ်သတ် ရဲကွာန်ဘာမွဲတၠ ဟီုဂးနၚ်ရ။

”ကၠအ်သတ်အဲဏံ နွံတၞံ ၜိုတ် ၃၀၀၀ ပြၚ်ၚ်၊ သၞာံဏံ ချိုတ်အာတၞံ ၜိုတ် ၈၀၀၊ သၞာံလောန်ကၠုၚ်ကၠာကၠာတေံ ချိုတ်မံၚ်နွံကီုလေဝ် ဟွံဂၠိုၚ်ဗီုသၞာံဏံပုဟ်” ရဴသာ်ဝွံလေဝ် ရဲကွာန်ဖလာန် တၠကၠအ်သတ်မွဲတၠ ဟီုရ။

”အတိုၚ်ကၠအ်မွဲ တၞးဂမၠိုၚ် ယောပ်တိုန် ဗီုအရံၚ်ဍာတ်မိတ်တုဲ တၞံကှ်အာအိုတ်ရ။ သတ်ခတောဲဍောတ်တ်ၜတ်တ်တံ ကှ်တုဲ သရိုဟ်စှေ်အာအိုတ်ရ။ တၞံသတ်တံဂှ် ချိုတ်ဂၠိုၚ်၊ ဗီုသၞာံဏံ ဂမ္တဴသၠုၚ်၊ ဍာ်ကညၚ်ဇတ်ကှ်ဗီုဗီုဏံ မွဲလှေ်မွဲဝါမှ ပိုဲဟွံကေၚ်ဆဵုကၠုၚ်ပုဟ်၊ သၞာံဏံ သတ်တိတ်ယအ်စှေ်အာဂှ် ချိုတ်ပၠိုတ်ဒၟံၚ်ရ၊ တၞံသတ်ၜိုတ်ပန်ဂအုံ မွဲဂအုံ ချိုတ်အာယျဏောၚ်” သာ်ဝွံ တၠကၠအ်ရဲပွိုၚ်ဍုၚ်ပါ်လၟိုၚ်မွဲတၠ ဟီုရ။

ဟိုတ်နူဍာ်ဇတ် ဒှ်ဒၟံၚ်သာ်ဏံတုဲ ကၠအ်သတ်ဆု တဵုလွဳလဝ် လပါ်ပွိုၚ်ဍုၚ်မုဟ်ဍုၚ်တေံလေဝ် ချိုတ်ဒၟံၚ်နွံကီုရောၚ်ဂှ် တၠကၠအ်မွဲတၠ ရဲကွာန်ကအ်ခပုၚ်၊ ပွိုၚ်ဍုၚ်မုဟ်ဍုၚ်ဂှ် ဟီုကီုရ။

ပ္ဍဲကၠအ်ဥဒျာန် ဌာနတဵုလွဳ အလဵုအသဳတံဂှ်လေဝ် ဟိုတ်နူဍာ်ပိုတ်အာတုဲ မပလောမ်လဝ်ဂမၠိုၚ် ချိုတ်အာနွံမံၚ်ကီုရောၚ် သၞာဲဒါ နူဌာနဂှ်မွဲတၠ ဟီုရ။

Written by

Related Posts

လံင်စဝ်ဗပေင်ဒြဟတ်ပၠန်ဂတးဇဳဒိုဟ်ဂံင်င်ညိ

လံင်စဝ်ဗပေင်ဒြဟတ်ပၠန်ဂတးဇဳဒိုဟ်ဂံင်င်ညိ

စနူကျပၞာန်ဗၟာအံင်ဇဲယျတုဲ မန်တအ် လုပ်ကၠုင်ပၠန်ဂတးနာနာဂှ် သ္ကိုပ်ပၞာန်တၠဗာန် ဍိုက်ဍိုပ်တုဲ နဒပ်ဍာ်၊ ဒပ်တိုက် ပၠန်ဂတးကၠုင်ပဒေသရာဇ်ဗၟာအဆက်ဆက် ဒဵုစိုပ်သ္ကိုပ်ပၞာန်ဗညာစိင် ဒဴစိုပ်ဍုင်ဒျူဒျာရ။

ယိုက်ဂၠေင် ဒလေင်ပၞာန်ဍုင်ဟာ ပၞာန်ဂြိုပ်ဟာ ချပ်ဗ္စာကဵုဒး သွက်အနာဂတ်ဘဝမၞး

ယိုက်ဂၠေင် ဒလေင်ပၞာန်ဍုင်ဟာ ပၞာန်ဂြိုပ်ဟာ ချပ်ဗ္စာကဵုဒး သွက်အနာဂတ်ဘဝမၞး

ပရေင်ဒးယိုက်ဂၠေင် ဒလေင်ပၞာန်ဍုင်ဂှ် ကံင်ဇြဳပၞာန်တံ ရပ်စပ်သုင်စောဲကၠုင် ၜိုန်ရမွဲသၞာံပြင်အာကီုလေဝ် ဒေသကွာန်မန်ပိုဲတံ ဒးကၠုင်ဒၟံင်နွံဂှ် နွံဒၟံင်ကီုရ။ ဆ္ဂး ဂွံဒးကၠုင်သ္ကာတ်တ်ဂှ် ဟွံမံက်ပြာကတ်တဴ ကွေံကွေံဏီရ။ အကြာဂိတုဂျူလာဲ၊ အဝ်ဂုက်ဏံ ပရိုင်သ္ကာတ်မြဟ်ကၠုင် အကြာကွာန်မန်တံ ဂွံမိင်ကေတ်ရ။ ဟိုတ်ဂှ်ရ ညးချူလိက် ဂွံတီကေတ်လဝ် ပရောပရာ ဒေသလ္ပာ် တွဵုရးသေံတေံ ဗီုဒးဒုင်ကၠုင်လဝ် ပရေင်ဒဒိုက်ယိုက်ဂၠေင် ဒလေင်ပၞာန်ဂှ် ပါ်ပရအ်ဏာကဵုကောန်ဂကူမန် ပိုဲတံ နကဵုလိက်ပရေင်ဝွံရ။

ကမ္မယှေန်ပၞာန်တအ် ပလေဝ်ပလေတ်ကၠုင် သွက်ပေါဲရုဲမာဲဂှ် ဂကောံရေင်တၠုင်ကဵုပညာ စပ်ကဵုပေါဲရုဲမာဲတအ် မုချဳဒရာင်ဟွံမွဲဏီ

ကမ္မယှေန်ပၞာန်တအ် ပလေဝ်ပလေတ်ကၠုင် သွက်ပေါဲရုဲမာဲဂှ် ဂကောံရေင်တၠုင်ကဵုပညာ စပ်ကဵုပေါဲရုဲမာဲတအ် မုချဳဒရာင်ဟွံမွဲဏီ

လ္ပာ်ကမ္မယှေန်ပၞာန်တအ် ဖန်ဇန်ပလေဝ်ပကေတ်ကၠုင် သွက်ဂွံကၠောန်ပေါဲရုဲမာဲ (၂၀၂၅) ဏံဂှ် ဂကောံဂွံရေင်တၠုင်ကဵုလညာတ်ပညာ စပ်ကဵုပေါဲရုဲမာဲတအ် မုလေဝ်ချဳဒရာင်ဟွံမွဲဏီရောင် ညးမင်ရံင် ပရေင်ပေါဲရုဲမာဲဒေသမန်မွဲတၠဂှ် ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.