အဃောပၞာန်ဗၟာတံ စှေ်ကရောၚ်ပၞာန်
မာံအဲ ။ ။ပ္ဍဲဂိတုဂျူလာၚ် 2010 ဒုတိယသတ္တဟဂှ် နူကဵုဒပ်ပၞာန်အလဵုအသဳဗၟာ စကခ (၇၇ ) တအ် ပံၚ်တောဲကဵု ဒပ်ပၞာန်ကရေၚ် ဒဳကေဗဳအေ (၉၀၆ ကဵု ၉၀၇) တုဲ စှေ်ထ္ပက်မံၚ်ပၞာန် သကုတ်ဒေသ ခရိုၚ်မတ်မလီုရ။
“နူဒပ်ပၞာန်ဗၟာ စကခ (၇၇) ကဵု ဒပ်ကရေၚ် ဒဳကေဗဳအေ (၉၀၆–၉၀၇) တအ် ပံၚ်တုဲ ဇြဟတ်ဍေံ နွံၜိုတ် (၄၀၀) တံဂှ်၊ ဍေံတအ်ဂေတ်မံၚ် ဗွိုၚ်၂၄ ကွာန် ပ္ဍဲဒေသ ခရိုၚ်မတ်မလီုဏအ်ရ” သာ်ဝွံ ကောန်ကွာန်သၞေဟ်သြောံ အပ္ဍဲဒေသခရိုၚ်မတ်မလီုမွဲတၠ ဟီုရ။
အတိုၚ်ညးလ္ၚတ်ပရေၚ်ပၞာန်မွဲတၠဟီုဂှ် “ဒပ်ပၞာန်အလဵုအသဳဗၟာတအ် စှေ်ထ္ပက်ပၞာန် ဝေၚ်မံၚ်ပၞာန် သကုတ်ဒေသခရိုၚ်မတ်မလီုလၟုဟ်ဏအ်ဂှ် အစဳအဇန်ဍေံတအ် ထ္မံက်ထ္ၜးလဝ်ဂှ် သွက်ဂွံထ္ပက်ပၞာန်ကဵု ဒပ်ပၞာန်ကရေၚ် ကေအေန်ယူ (တပ်မဟာ ၆) နွံ ဆဂး လၟုဟ်ဏအ်ဂှ် ဒပ်ပၞာန်အလဵုအသဳတအ်ဂှ် ဂေတ်မံၚ် သကုတ်ဒေသဗွိုၚ်တိဍာ် ဗော်ဍုၚ်မန်တၟိ ခရိုၚ်မတ်မလီုဏောၚ်”။
အကာဲအရာပြဟ်ပြဟ်ဏအ်ဂှ် ပၞာန်ဗၟာတံ လ္တူဗော်ဍုၚ်မန်တၟိတံဂှ် ပရေၚ်ခက်ခုဲမုလေဝ် ကၠောန်သ္ပကၠုၚ် ဟွံမွဲဏီပုဟ် အကာဲအရာဂတတေံ ဗီုလဵုကၠုၚ်ပၠန်ဂှ်လေဝ် နကဵုပိုဲတံ ဆက်လ္ၚတ်မံၚ်ဖိုဟ်ရောၚ် ညးဆက်ဟီုရ။
အခိၚ်ဒပ်ပၞာန်ဗၟာတအ် စှေ်ထ္ပက်မံၚ်ပၞာန် သကုတ်ဒေသခရိုၚ်မတ်မလီုဂှ် ညးဍုၚ်ကွာန် ဒေသပွဳူတအ် ဒှ်ဓဝိၚ် ဖေက်ဒပ်ပၞာန်ဗၟာတအ် ရပ်တံၚ်ဗဝ်တာကွေံကွေံရောၚ်။“နူကဵု ပၞာန်ဗၟာတအ် ယဝ်ဒှ်ဝေၚ်ပၞာန်ကဵု ကေအေန်ယူတအ်တှေ် သွက်ဍေံတံ ဂွံကေတ်အရီုဗၚ် ကောန်ဗဝ်တာ နူညးဍုၚ်ကွာန်တအ်နွံမံၚ်၊ သ္ကိုပ်ဗျူဟာ နူကဵုဒပ်ဗၟာ စကခ (၇၇) ကဵုလဝ်စၞောန်ကဵု ဥက္ကဌကွာန်တံနွံ” သာ်ဝွံ မၞိဟ်စုတ်ကဵု ဥက္ကဌကွာန် အပ္ဍဲဒေသပွဳူ ခရိုၚ်မတ်မလီုမွဲတၠ ဟီုရ။
လောန်ကၠုၚ် ဂျူလာၚ် ၁၂ တေံလေဝ် ဒေသကျာ်ပိ နူဝၚ်ကနာၚ် စဵုကဵုစိုပ်ကျာ်ပိဂှ် နူဒပ်ပၞာန်ဗၟာ ခမရ (၄၀၉) သ္ကိုပ်ဗျူဟာ(၂) သ္ကိုပ်ဗိုလ်ဇၞော် မိုၚ်မိုၚ်တအ် က္ဍိုက်ပ်တုဲ အဃောကၠုၚ်ထ္ပက်မံၚ်ပၞာန် သကုတ်ဒေကျာ်ပိ ဗဒဲါကွာန်ကြုၚ်ထဝ်ဂှ် ရပ်တံၚ်ဏါဗဝ်တာ နူကဵု ဒပ်အရန်ဗော်ဍုၚ်မတ်တၟိ (၃) တၠနွံကၠုၚ်လဝ်ရ။
0 Comments