ဆေၚ် အၚ်တာနက် ဂျာပါန် ပ္ဍဲဍုၚ်မတ်မလီု
ဌာန်ပရိုၚ်ဗၠးၜးမန်။ ။ လ္တူဍုၚ်မတ်မလီု ပၟတ်ကလေၚ်ကၠုၚ်ကဵုအတိုၚ်တြေံတုဲ ရဲပံက်လဝ်ဆေၚ်အၚ်တာနက်တံ ပြေပြံၚ်ဏောၚ်ထေၚ်လဝ်ကၠာလေဝ် ဟိုတ်နူ (connection) ပရေံစှေ်တုဲ ရဲသုၚ်စောဲတံအောန်စှေ် တၠဆေၚ်တံဒှ်ခက်ခုဲအိုတ်ရ။
“ၜိုတ်မွဲဂိတုဒှ်ယျဏောၚ် ပၟတ်ကၠုၚ်ခိုဟ်တိုန် ပွိုၚ် ၂၄ နာဍဳကြပ်ဒှ်မံၚ်ယျ ကၠုၚ်မံၚ် ပြေပြံၚ်ဏောၚ်ထေၚ် ဆဂး လၟုဟ်ဂှ် connection ဟွံခိုဟ်ပၠန်ယျ မၞိဟ်ကၠုၚ်သုၚ်စောဲလေဝ် အောန်စှေ်မံၚ်အရိုဟ်တ္ၚဲရ ယဝ်အာအတိုၚ်ဏံရတှေ် ဒဵုဒးကၟာတ်ဖျာဒှ်မံၚ်ဏောၚ်” ဂှ် မၞိဟ်ကြပ်ကဵု ရဲပံက်လဝ်ဆေၚ်အၚ်တာနက် လ္တူဍုၚ်မတ်မလီုမွဲတၠ ဟီုရ။
လ္တူဍုၚ်မတ်မလီုဝွံ ဆေၚ်အၚ်တာနက် နွံၜိုတ် ၈ ဆေၚ်ဒှ်မံၚ်တုဲ သွက်မၞိဟ်သုၚ်စောဲ အၚ်တာနက်တံဂှ် မွဲနာဍဳမ္ဂး ဒးကဵု ၅၀၀ ဒကေဝ်ရ။
ကၠာတေံ ပၟတ်ဟွံကၠုၚ်တုဲ ဒးပဒှ်စက်ပၟတ်ဂှ် ဒှ်အခက်အခုဲမွဲ လၟုဟ်ဂှ် ပၟတ်ကလေၚ်ကၠုၚ်ခိုဟ်ဟ်ပၠန်လေဝ် connection ဟွံခိုဟ်ပၠန် ဗီုလဵုဂွံပ ပိုဲဂှ် ဒးဂေတ်မံၚ်အကြာဏံရ ကၠောန်စကမၠောန်လေဝ်ဟွံခိုဟ်ရပုဟ် ဟိုတ်နူပတိတ်လဝ်တမ်တုဲရ ဒးဆက်ကၠောန်မံၚ်ရောၚ် ညးဆက်ဟီုရ။
လောန်ကၠုၚ် သၞာံ ၂၀၀၄ တေံဂှ် လ္တူဍုၚ်မတ်မလီု ဆေၚ်အၚ်တာနက်ဒှ်ကၠုၚ်တုဲ စကၠာတဲဂှ် မၞိဟ်သုၚ်စောဲအောန်ဒၟံၚ်တုဲ လက်ကရဴဏံ အကြာသၟတ်တံ ဟိုတ်နူပရေၚ်ပညာတဴတက်ကၠုၚ်တုဲ မၞိဟ်သုၚ်စောဲအၚ်တာနက်တံလေဝ် ဂၠိုၚ်တိုန်ရ။
အတိုၚ်ရဲသုၚ်စောဲအၚ်တာနက် မွဲတၠ ဟီုဂှ်မ္ဂး “လၟုဟ် connection ဟွံခိုဟ်ရပုဟ်၊ ယဝ်ရသုၚ်စောဲ ၜိုတ်ပွိုၚ် မွဲနာဍဳရတှေ် မုလေဝ်ပဟွံဂွံပုဟ် ဒးမၚ်တၟာလအ်ဏောၚ်၊ ကၠာတေံ ၜိုတ်ဟလိုၚ်ဏံ ဟွံပရေံပုဟ်၊ လၟုဟ်တှေ် အဲဟွံသုၚ်စောဲကွေံကွေံရ ဆလဆလမှ သုၚ်စောဲမွဲမွဲအလန်” သာ်ဏံ ညးဟီုရ။
ကတဵုဒှ်မံၚ်ဗီုဏံဂှ် ဂွံၜိုတ်မွဲဂိတုယျ ကၠာတေံဂှ် ပၟတ်ဟွံကၠုၚ်တုဲ နူဆေၚ်တံ ဗဒှ်ကဵုစက်ပၟတ်တုဲ သုၚ်စောဲအၚ်တာနက် ဒဵုကဵု connection ခိုဟ်ကွေံကွေံဟွံသေၚ်ကၠာလေဝ် အကာဲအရာ ဟွံပရေံၜိုတ်ဟလဵုဏံ လၟုဟ်ဂှ် ပၟတ်လေဝ် ကၠုၚ်ခိုဟ်တိုန်ယျ ပၠိုတ်လေဝ် မွဲလစုတ်ရ ပၠိုတ်ဂှ် ကောန်ကွးဘာဂှ် ဟီုရ။
“ကၠာတေံဂှ် ပၟတ်ဟွံကၠုၚ်တုဲ ဗဒှ်စက်ပၟတ်တုဲ ပံက်ကၠုၚ်ဆေၚ် မုဟီုဟီုရ မၞိဟ်ကၠုၚ်သုၚ်စောဲဂှ် ဍေံတံမံၚ် ဓမ္မတာလေဝ် ဆဂး ပရဲဂှ်ဂွံအောန် လၟုဟ်ဂှ် သုၚ်စောဲလေဝ်ဟွံဂွံတှေ် ညးဂှ်ဂွံကၠုၚ်မံၚ်ဆေၚ်ဇကုဏီရော ကၠာတေံတှေ် ကွန်ပျူတာလေဝ်ဟွံသၠးပုဟ်” ဂှ် ညးကြပ်ကဵုတၠဆေၚ်ဂှ် ဆက်ဟီုရ။
