ဂွံဒှ် ဥက္ကဌ အာဇြဳယာန်ဂှ် ဒးကၠောန် ပရေၚ်ပြံၚ်သၠာဲ ပ္ဍဲဍုၚ်ဇကုကၠာရောၚ် က္ဍိုပ်သ္ကိုပ်မန်တံ ဟီု

by ဌာန်ပရိုၚ်ဗၠးၜးမန် | May 12, 2011 | ပရိုၚ် | 0 comments

ဌာန်ပရိုၚ်ဗၠးၜးမန် – ပ္ဍဲသၞာံ ၂၀၁၄ ဏံ နကဵုကၟိန်ဍုၚ်ဗၟာ မိက်ဂွံကေတ်ဒၞာဲ ဥက္ကဌ အာဇြဳယာန်မ္ဂး သၞောတ်ထၜတ် ဍုၚ်ဒဳမဝ်ကရေဇြဳ စှေ်စှေ် ညံၚ်ဂွံမံက်ဂတဝ်တိုန်ဂှ် ကိုပ်ကၠာ ဒးဒက်ပတန်အာရောၚ် သာ်ဝွံ က္ဍိုပ်သ္ကိုပ် သၟာပရေၚ်ဍုၚ်ကွာန်မန် လုပ်/ဟွံလုပ် ပေါဲရုဲမာဲတံ ဟီုအိုတ်ရ။

ဒု - ဥက္ကဌ ဗော်ဒဳမဝ်ကရေသဳ ကောန်ဂကူမန် နာဲၚိုဲသိၚ် ကေုာံ ဥက္ကဌ ဗော်ဒဳမဝ် ကရေဇြဳ အလုံရးမန် နာဲၚိုဲသိၚ် ကော် နာဲဇၞူမန်

အတိုၚ်လိခ်ကၞပ်ပဋိညာဏ် အာဇြဳယာန် ဓမံက်ပတိတ်လဝ်မ္ဂး ဍုၚ်မရေၚ်တၠုၚ်မံၚ် အခေါၚ်အရာမၞိဟ် စေအ်စေအ်ပေါတ်တ်ဂှ်ဟေၚ် သွက်သၞာံ ၂၀၁၄ ဏံ ဒုၚ်တဲကဵုဒှ် ဥက္ကဌ အာဇြဳယာန် ထေက်ရောၚ် သာ်ဝွံ ဒု-ဥက္ကဌ ဗော်ဒဳမဝ်ကရေဇြဳ ကောန်ဂကူမန် ဟွံလုပ်ပြိုၚ် ပေါဲရုဲမာဲ ၂၀၁၀ နာဲၚိုဲတိၚ် ဟီုရ။

“ဟွံဒှ် ဍုၚ်ဒဳမဝ်ကရေဇြဳဏီပုဟ်၊ ပံက်လဝ် အလဵုအသဳတၟိဂှ် တုဲမံၚ်ရ၊ ဆဂးဂှ် စပ်ကဵုအခေါၚ်အရာမၞိဟ် မွဲသာ် ဟွံဂွံကၠောန်ဏီပုဟ်” သာ်ဝွံ ညးဟီုရ။

နကဵုကၟိန်ဍုၚ်ဗၟာဂှ် ဒှ်ဥက္ကဌ အာဇြဳယာန်ထေက် ဟီုကီုလေဝ် ယဝ်ရ ဟွံအာဂၠံၚ်တရဴ ဒဳမဝ်ကရေဇြဳမ္ဂး ဂွံဒၞာဲဏံ ဟွံမာန်ရောၚ်ဂှ် ဥက္ကဌ ဗော်ဒဳမဝ်ကရေဇြဳ အလုံဒေသရးမန် (AMDP) လုပ်ပြိုၚ် ပေါဲရုဲမာဲ နာဲၚိုဲတိၚ် (ကော်) နာဲဇၞူမန် ဟီုရ။

“ဒဳမဝ်ကရေဇြဳ ဟီုဂှ် ဒှ်အၚပ် ညးဍုၚ်ကွာန်တံရ၊ သွက်သ္ဂောံဂွံ ဒၞာဲဥက္ကဌ အာဇြဳယာန်မာန်ဂှ် နကဵုအလဵုအသဳတၟိ ဍုၚ်ပိုဲ အကာဲအရာ ညံၚ်ဂွံပြံၚ်သၠာဲအာ ဒးဖန်ကၠာရောၚ်” သာ်ဝွံ ညးဟီုရ။

ပ္ဍဲဂိတုမေ ရ-၈ လောန်ကၠုၚ်တေံ၊ ဒၞာဲဍုၚ်ဂျာကာတာ နိဂီုဍုၚ်အေန်ဒိုဝ်ဏဳယျှာ၊ ကၠောန်ဗဒှ်ကၠုၚ် သဘၚ်သဳကၠဳဇၞော် ဍုၚ်အာသဳယျာန်ဂမၠိုၚ် မရနုက်ကဵု (၁၈) ဝါတုဲ ညးစၞးဍုၚ်ဗၟာတံ အာတ်မိက်ဂရၚ်ပ္တီ ပတိုန်ထ္ၜးလဝ် ညံၚ်ဂွံကေတ်အာ တာလျိုၚ်ဥက္ကဌ အလန်ဇကု ပ္ဍဲသၞာံ ၂၀၁၄ ဏံ နွံတုဲ က္ဍိုပ်သ္ကိုပ် အာဇြဳယာန်ဂမၠိုၚ် အဃောဗစာရဏာမံၚ် ကိစ္စဏံဏီရ။

လၟုဟ် ညးမဒှ်မံၚ် ဥက္ကဌ နကဵုဍုၚ်အေန်ဒိုဝ်ဏဳယျှာဂှ် ဒုၚ်တဲ ထံက်မံၚ်ဂလာန် ကုအလဵုအသဳဗၟာ မံက်ကၠုၚ်တၟိဏံရောၚ် သာ်ဝွံ ပ္ဍဲကဵု သဘၚ်သဳကၠဳဇၞော် ဍုၚ်အာသဳယျာန်ဏံ လလောၚ်တြးလဝ် နွံရ။

← သၟာကမၠောန် ဗွဲမဂၠိုၚ် စိုတ်လုပ်စ သွက်ဂွံကၠောန် လိက်စၟတ်သမ္တီ သၟာကမၠောန် ပံက်တန်ဗတောန် လိခ်အၚ်္ဂလိက် နကဵုစေတနာ ကုကွးဘာ ၃၀၀ တၠပြၚ် →

Written by

ၚုဟ်ထဝ်သွက်ဂွံတိုန်ဟွံမွဲ ညးတာလျိုင်ဂကောံတၠကမၠောန်ထဝ်လ္ဂုင် လစှ်ေနူကံင်ဇြဳပၞာန်တံ ဟီုမံင်ကၠာလေဝ် ၚုဟ်မ္ရးဏံ တိုန်ဒှ်အာ ၆၆ ကိုဋ်

by ဌာန်ပရိုၚ်ဗၠးၜးမန် | Jan 16, 2025 | ပရိုၚ်

ၚုဟ်ထဝ်သွက်ဂွံတိုန်ဂှ် ဂၠံင်ဟွံမွဲ နူကဵုဥက္ကဌဂကောံတၠကမၠောန်ထဝ်လ္ဂုင် ဥူမျိုဝ်မျေအ် ဟီုကီုလေဝ် ၚုဟ်ထဝ် မ္ၚးဏံနတဲဍာံဍာံဂှ် တိုန်ဒှ်မံင် လျိုၚ်မွဲဒ္ကေဝ် စဵုကဵု ၆၀ ကိုဋ်ပြၚ်ရောင် ဂွံတီကေတ်ရ။

ဂကူမန်တအ် စိုပ်အခိၚ်ဒးစွံအာရီုကဵုဖျုန် ကမၠောန်ပၠန်ဂတးဂၠိုင်င်

by ဌာန်ပရိုၚ်ဗၠးၜးမန် | Jan 15, 2025 | ပရိုၚ်

လက္ကရဴနူသၞာံ ၁၉၉၅ သွက်ဂွံတက်ကျာသဳကၠဳ ဒက်ပ္တန်အာဇြဟတ်ပရေင်ပညာ၊ ပရေင်ပိုန်ဒြပ်၊ ပရေင်ထတ်ယုက်တုဲ ဗော်ဍုၚ်မန်တၟိ ဒေါံကၠုင်ပန်ပှော်ကဵု တၠအဝဵုပၞာန်ဗမာတအ်ရ။ နူဗော်ဍုၚ်မန်တၟိ ဒေါံကၠုၚ်ပန်ပှော်တုဲဗက် စပ္တံနူရုင်ဆက်ဆောံဗော်ဍုၚ်မန်တၟိ၊ ရုင်ပိုန်ဒြပ်ဗော်ဍုၚ်မန်တၟိကီု အာစိုပ်ဖျေံကၠုင် လ္တူဍုင်ဇၞော်ဗီုကဵုဍုင် လ္ဂုၚ်၊ မတ်မလီုတအ်တုဲ နူဂှ်မွဲအဆံၚ် ကၠောန်ကၠုင်ပေါဲဆဵုဂဗ သောင်ကလး ကုညးဍုင်ကွာန် လ္တူဂၠံင်တရဴဗော်တအ်ရ။ ဟီုဍန်ဍန်မ္ဂး စနူတ္ၚဲဝွံတုဲ အခေါၚ်အရာဂကူမန် ၜိုတ်ကေတ်ဂွံ ၜိုတ်ကၠောန်ဂွံဂှ် ကၠောန်အာကေတ်အာရောင် ပ္တဝ်ကၠုၚ်က္ဍိုပ်ရ။

တ္ၚဲအာစာကဝိမန် မရနုက်ကဵု(၉)ဝါဏံ သီုကၠောန်ဗဒှ်အာ ကောံဓရီုဇၞော်ဂကောံအာစာကၞေဟ်မန်ရောၚ်

by ဌာန်ပရိုၚ်ဗၠးၜးမန် | Jan 14, 2025 | ပရိုၚ်

တ္ၚဲအာစာကဝိမန် မရနုက်ကဵု (၉) ဝါဏံဝွံ ရန်လဝ်သွက်ဂွံကၠောန်အာ ပ္ဍဲဘာရာမည နိကာယ ဘာဝေဠုဝန် ကွာန်ဖအံက် ပွိုၚ်ဍုၚ်မတ်မလီုနွံတုဲ ပ္ဍဲတ္ၚဲဂှ်မ္ဂး သီုကၠောန်အာ ကောံဓရီုဇၞော် ဂကေံာအာစာကၞေဟ်မန် အလန်စတုတ္တနွံရောၚ်ဂှ် ဂွံလဝ်ပရိုၚ်ရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.