ဂျူရဳဆာဲ – က္ဍိုပ်သကိုပ် ဒဳမဝ်ကရေဇြဳ ဍုၚ်ဗၟာ ဒဝ်အံၚ်သာန်သုကျဳ မစိုပ်မံၚ်ဍုၚ်သေံ ၜၚ်ကံက်ဂှ် ပ္ဍဲဂိတုဂျုန် ၂ အခိၚ်နူဂယး ၁၀ နာဍဳ အာစိုပ်ဗဒိုပ်ညးဒဒိုက် မာဠ မၞုံပ္ဍဲပယျဵုသေံ-ဗၟာရ။
ဒေါ်အောင်ဆန်းစုကြည် မဟာချိုင်ခရီးစဉ် ပုံ- AP
“ပ္ဍဲဖလာတ်ဗဝ် ညးဒုၚ်တၠုၚ်မံၚ် ဒဝ်သုကၠုၚ် ဂၠိုၚ်ကွေံကွေံ၊ ၜေတ်လေဝ် ဟွံမာန်ပုဟ်၊ ဂွံညာတ်ကေတ်မံၚ် နူသ္ၚောဲသ္ၚောဲ၊ မုဒှ်ဒှ်လေဝ် ဂွံဆဵုဂှ် အဲမိပ်စိုတ်ကွေံကွေံ” သာ်ဝွံ သၟတ်ဂှ် ဟီုရ။
သအာၚ်နူဂှ်ပၠန် အာလ္ၚတ်ဗဵု ရုၚ်ဂဥုဲ AMI မၞုံပ္ဍဲဗဒိုပ်ဂှ်တုဲ ၜိုတ်ဒေါဝ်တ္ၚဲ ၁၂ နာဍဳဂှ် ကလေၚ်တိတ်အာ နူဗဒိုပ်ဂှ်ရ။
ညးဒဒိုက် ဒုၚ်တၠုၚ်မံၚ် ဒဝ်အံၚ်သာန်သုကျဳ နွံကဵုလ္ၚီဏောၚ် ဂွံတီကေတ်ရ။
က္ဍိုပ်သကိုပ် ဒဳမဝ်ကရေဇြဳ ဍုၚ်ဗၟာ ဒဝ်အံၚ်သာန်သုကျဳဝွံ တိုန်စိုပ်သဘၚ်သဳကၠဳ ပရေၚ်ပိုန်ဒြပ်ဂၠးကဝ် မကၠောန်သ္ပ ပ္ဍဲဍုၚ်ၜၚ်ကံက် ပ္ဍဲဂိတုမေ ၃၀ ဂှ်တုဲ အာဆဵုဂဗ ဟီုဂလာန် ကုသၟာကမၠောန် ကောန်ဍုၚ်ဗၟာ မၞုံပ္ဍဲမဟ္ၚာဲဂှ်တုဲ အာဆဵုဂဗကဵု ညးဒဒိုက် ပ္ဍဲဗဒိုပ်ဂှ်ရ။
တရဴဍုၚ်သေံ ဒဝ်အံၚ်သာန်သုကျဳဏံဂှ် အပ္ဍဲပွိုၚ် ၂၄ သၞာံ တိတ်တရဴဍုၚ်မ္ၚး အလန်ကိုပ်ကၠာအိုတ် မဒှ်ရောၚ်။
0 Comments