ရုၚ်ပရိဘောဂ ပ္ဍဲဍုၚ်ကျာ်ပိတံ ကၠောန်လာၚ်ဇြေန်ယျ

by | Oct 2, 2012 | ပရိုၚ် | 0 comments

မာံတဵုလွဳ – ပ္ဍဲဂိတုမေ တရဴဝန်ဇၞော်တွဵုရးကရေၚ် ဥူဇြဝ်မေန်ဂှ် ကမၠောန်ကပေါတ်ဆု၊ ရုၚ်ပရိဘောဂတံ ဒးကၠောန် လိက်စၟတ်သမ္တီလုပ်သၞောဝ် (လာၚ်ဇြေန်) ရောၚ် ကဵုလဝ်စၞောန်တုဲ လၟုဟ်ဓမံက်မံၚ်ရုပ်ရဴရောၚ် ဂွံတီကေတ်ရ။

ရုၚ်စက်ပရိဘောဂ၊ ရုၚ်ကမၠောန်တံ ဂွံလုပ်အဝေါၚ်သၞောဝ်ကီု၊ သွက်ဍုၚ် သ္ဂောံဂွံအကံက်အခေါန်ကီု၊ တၠကမၠောန်တံ ဂွံနွံကဵု သၞောဝ်သၞောတ်ကီု ရန်တၟံတုဲ ကဵုကၠောန်လာၚ်ဇြေန်ရောၚ်ဂှ် တၠကမၠောန် ပရိဘောဂမွဲတၠ မတိုန်စိုပ်လဝ် ကောံဓရီု သကိုပ်ဝန်ဇၞော်ဂှ် ဟီုရ။

“အတိုၚ်စၞောန်ဂှ် သကိုပ်ဝန်ဇၞော်ကၠုၚ်တုဲ ၜိုတ်ဂိတုဂျုန်တေံ ရုၚ်ပရိဘောဂလ္ၚဵုတံ ကၠောန်တုဲယျ၊ လ္ၚဵုသှေ်မံၚ် သွက်ဂွံကၠောန်ဏီ” သာ်ဝွံ တၠကမၠောန်ပရိဘောဂ လတူဍုၚ်ကျာ်ပိမွဲတၠ ဟီုရ။

ကပေါတ်ပရိဘောဂ ဒေသပယျဵု(Internet)

လတူဍုၚ်ကျာ်ပိဂှ် ရုၚ်စက် ပရိဘောဂ မၞုံ ၆၀ ရုၚ်ပြၚ်တုဲ၊ အပ္ဍဲဂှ်မ္ဂး ရုၚ်ဇၞော် မၞုံ ၂၃ ရုၚ်ရ။ ပြဟ်ပြဟ်ဏံမ္ဂး ရုၚ်စက်ပရိဘောဂ ၁၁ ရုၚ်ဂှ် ပတိုန်လဝ် လာၚ်ဇြေန်တုဲယျရောၚ်ဂှ် ကောန်ဂကောံ ပတိုန်စရၚ်လုပ်သၞောဝ် ကောပ်ကာဲပရေၚ်စက် နူဍုၚ်ကျာ်ပိဂှ် ဟီုရ။

“လာၚ်ဇြေန်ကမၠောန်ရဏောၚ်၊ ကွေံကွေံတေံဂှ် ကဵုကၠောန်လိက်စၟတ်သမ္တီ ကောပ်ကာဲပရေၚ်စက်ဏောၚ်၊ ကော်စမံၚ် အကြာအရာပ်တှေ် လာၚ်ဇြေန်။ ၚုဟ်ကၠောန်လိက်ဂှ် သွက်မွဲသၞာံ အိုတ် (၁၂၀၀၀) ဒကေတ်တုဲ နူဂကောံပရိဘောဂ ဍုၚ်ကျာ်ပိ ကၠောန်ကဵုမံၚ်လာၚ်ဇြေန် အိုတ်မံၚ် (၃၀၀၀) ၜါတ်” သာ်ဝွံ ညးဟီုရ။

ကမၠောန်ပရိဘောဂဝွံ မဒှ်ကမၠောန်အဓိက ဍုၚ်ကျာ်ပိမွဲတုဲ တၠကမၠောန် ပရိဘောဂတံ ပြးဆာဲမံၚ် လတူဍုၚ်ကျာ်ပိတုဲ ပရေၚ်ကောံကလောံ ဟွံမွဲမ္ဂး ပ္ညဳပ္ညပ်ၚုဟ်မး သွက်ဗွဝ်ဖျာ ဍုၚ်သအာၚ် ဟွံဂွံတုဲ ဆဵုဂဗအခက်အခုဲမာန်ရောၚ်ဂှ် ကောန်ဂကောံပရိဘောဂမွဲတၠ ဟီုရ။

လၟုဟ် ပရေၚ်ကောံကလောံ၊ မၞုံကဵုသၞောဝ်သၞောတ်တံ ဒှ်ကၠုၚ်မ္ဂး ကေတ်အရီုအဗၚ်ကဵု ကဆံၚ်ကၟိန်ဍုၚ်တုဲ နကဵုဂကောံ ခိုဟ်မိုဟ်ကၠုၚ်မာန်ရောၚ်ဂှ်လေဝ် ညးဆက်ဟီုရ။

ရုၚ်စက်ပရိဘောဂ မၞုံပ္ဍဲဍုၚ်ကျာ်ပိတံ သ္ဂောံပတိုန်စရၚ်လုပ်သၞောဝ် ကောပ်ကာဲပရေၚ်စက်ဝွံ မဒှ်စၞောန် ဌာနဝန်ဇၞော်ပရေၚ်စက်ကၟိန်ဍုၚ်တုဲ မ္ဒးပတိုန်ထ္ၜးကဵု ဌာနဍိုက်က္ဍိုပ်ကောပ်ကာဲပရေၚ်စက် ကေုာံ ပရေၚ်စၟဳစၟတ်တံရောၚ်ဂှ် ဂွံတီကေတ် နူဂကောံပတိုန်စရၚ်လုပ်သၞောဝ် ကောပ်ကာဲပရေၚ်စက်ရ။

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.