လၟေၚ်ကမၠောန် (၁၀) တၚ် အလုံကောန်ဂကူကရေၚ် ဒးရေၚ်တၠုၚ်ကၠောန်အာ ဗွဲကိုပ်ကၠာဂှ် ဖျေံသ္ဂုတ်သွာတ်

by | May 22, 2013 | ပရိုၚ် | 0 comments

ခတ္တာနန် – ဂကောံကမ္မတဳပရေၚ်ၜိုဟ်လလံကဵု ပရေၚ်ပံၚ်ကောံကောန်ဂကူကရေၚ် မကၠောန်ဗဒှ် ပေဲါသဳကၠဳအလန်ပထမ နူကနေံတေံဂှ်ဝွံ ဖျေံဏာသ္ဂုတ်သွာတ် လၟေၚ်ကမၠောန် (၁၀) တၚ် အလုံကောန်ဂကူကရေၚ် ဒးရေၚ်တၠုၚ်ကၠောန်အာ ဗွဲကိုပ်ကၠာရောၚ်ဂှ် လလောၚ်တြးဏာ ပ္ဍဲတၚ်လစွံစိုတ် ပေဲါကောံဓရီုဝွံဂှ်ရ။

“သွက်ဂွံဓမံက်ရုပ်ရဴ လၟေၚ်ကမၠောန်တံဏံဂှ် နကဵုဂကောံပိုဲမွဲဓဝ်ဟွံသေၚ်တုဲ သွက်ဂွံကၠောန် ပရေၚ်ၜိုဟ်လလံကဵု ပရေၚ်ပံၚ်ကောံမာန်ဂှ် ဆေၚ်စပ်ကဵုအရာဏံတုဲ ကၠောန်သ္ပအာ နကဵုကမ္မတဳ သီုညးဖအိုတ်ပါလုပ်ရေၚ်တၠုၚ်အာမာန်ရောၚ်” သာ်ဝွံ ကောန်ဂကောံကမ္မတဳပရေၚ်ၜိုဟ်လလံကဵု ပရေၚ်ပံၚ်ကောံကောန်ဂကူကရေၚ် ဖဒဝ်သဝ်လှထောန် ဟီုရ။

ပၞောဝ်ကဵုသ္ဂုတ်သွာတ်လဝ် လၟေၚ်ကမၠောန် (၁၀) တၚ် ပ္ဍဲပေဲါကောံဓရီုဂှ်ဝွံ ဂစာန်ကၠောန်ဗဒှ်အာ ပေဲါကောံဓရီုကောန်ဂကူကရေၚ် ညးစၞးညးဍုၚ်ကွာန်ကောန်ဂကူကရေၚ်ဂမၠိုၚ် အခေါၚ်တိုန်စိုပ်ပါလုပ်နွံဂှ် ညံၚ်သ္ဂောံဒှ်ကီု၊ သွက်ပရေၚ်ၜိုဟ်လလံကရေၚ်ဂှ် စဳဇန်ကဵု သွက်ဂွံဆဵုဂဗ ကုဂကောံရပ်လွဟ်ကောန်ဂကူကရေၚ်ဂမၠိုၚ်ကီု မပ္တံတၚ်တံဏံ ပါလုပ်ရောၚ် ဂွံတီကေတ်ရ။

ဖဒဝ်သဝ်လှထောန်ဝွံ “လၟေၚ်ကမၠောန်ဓမံက်ရုပ်ရဴ သွက်ပရေၚ်ၜိုဟ်လလံ ပၞာန်အပ္ဍဲဍုၚ် ကၟိန်ဍုၚ်ဗၟာဂှ် နကဵုပိုဲ ဒးကဵုလ္ပာ် ပရေၚ်ထံက်ပၚ်တံကီု၊ မွဲလ္ပာ်ပၠန်ဂှ် အရာနွံပၟိက် ပရေၚ်ပံၚ်ကောံကောန်ဂကူကရေၚ်တံ ဂှ်လေဝ် ရေၚ်တၠုၚ်အာဏောၚ်။ တုဲပၠန် ကိစ္စပရေၚ်ဆဵုဂဗသဳကၠဳ ပရေၚ်ၜိုဟ်လလံ အလဵုအသဳကဵု KNU တံ ကၠောန်ဒၟံၚ်ဂှ်လေဝ် ဗီုလဵုဂွံကဵုအထံက်အပၚ်ရောဂှ် သ္ပအဓိကတုဲ သဳကၠဳလဝ်ရ” သာ်ဝွံ ညးဟီုရ။

ကမ္မတဳပရေၚ်ၜိုဟ်လလံကဵု ပရေၚ်ပံၚ်ကောံကောန်ဂကူကရေၚ်ဂှ် ဒက်ပတန်လဝ် နကဵုညးစၞး ဂကောံကောန်ဂကူကရေၚ် မနွံပ္ဍဲရးလ္ဂုၚ်၊ ရးဧရာဝတဳ၊ ရးတနၚ်သဳ၊ ရးဗဂေါ၊ တွဵုရးမန်၊ တွဵုရးကရေၚ်ဂမၠိုၚ်ကဵု က္ဍိုပ်သ္ကိုပ်ကရေၚ်ဂမၠိုၚ်၊ မပ္တံဂကောံရပ်လွဟ် ဗော်သွးကောန်ဂကူကရေၚ် KNU၊ ဒပ်ပၞာန်ဗၠးၜးကောန်ဂကူကရေၚ် KNLA၊ ဒပ်မၚ်ပယျဵု အလဵုအသဳ BGF၊ ဂကောံညးဗြဴကရေၚ် ကေုာံ ဂကောံသၟတ်ကရေၚ်ဂမၠိုၚ် ပ္ဍဲဂိတုမာတ် (၃၀) လောန်ကၠုၚ်ဂှ်ရောၚ် ဂွံတီကေတ်ရ။

“ကမ္မတဳဏံဂှ် ဟွံအာနကဵုသၞောတ် ညးအုပ်ကာ၊ ဥက္ကဌတံတုဲ အပ္ဍဲဂကောံကမ္မတဳ ရုဲစှ်လဝ်ဂှ်ရ နဒဒှ်သဘာပတိအလန် ရေၚ်တၠုၚ်အာရ။ အပ္ဍဲဏံဂှ် လ္ပာ်ဂကောံအလဵုအသဳတံလေဝ် ပါလုပ်ကီုရ” သာ်ဝွံ ဖဒဝ်သဝ်လှထောန် ဆက်ဟီုရ။

ဂကောံကမ္မတဳဂှ်ဝွံ သွက်ဂွံဓမံက်ရုပ်ရဴ ကမၠောန်ဂတဂမၠိုၚ်မာန်ဂှ် ကၠောန်ဗဒှ်ဏာ ပေဲါကောံဓရီု အလန်ပထမတုဲ နူကဵုပေဲါကောံဓရီုဂှ်ဝွံ နကဵုသဘာပတိအလန်ကဵု Coordinating Team ရေၚ်တၠုၚ်ဆက်စပ်ကမၠောန်တံ ကၠောန်သ္ပရေၚ်တၠုၚ်အာရောၚ် ညးဆက်ဟီုရ။

ကမ္မတဳပရေၚ်ၜိုဟ်လလံကဵု ပရေၚ်ပံၚ်ကောံကောန်ဂကူကရေၚ်ဂှ်ဝွံ ဒက်ပတန်လဝ် ပ္ဍဲဍုၚ်ဖာအၚ်၊ တွဵုရးဍုၚ်ကရေၚ်တုဲ ပေဲါကောံဓရီုအလန်ပထမဂှ် ကၠောန်ဗဒှ်ဏာ ပ္ဍဲဂိတုမေ (၁၈ – ၁၉)၊ ပ္ဍဲဍုၚ်လ္ဂုၚ် မဒှ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.