သၟာကမၠောန်ဗၟာစိုပ်ဍုၚ်မလေဝ်ယှာတအ် ကလေၚ်စဴမာန်ယျ

by | Sep 13, 2013 | ပရိုၚ် | 0 comments

အေမဳအံၚ် – နကဵု အစီအဇန် လာၚ်က္ၜၚ်ကျာ MAI တအ် ပံၚ်ကောံကဵု ရဲရေၚ်တၠုၚ်ကမၠောန်ပရဟိတတအ်တုဲ သၟာကမၠောန် စိုပ်ဒၟံၚ်ဍုၚ်မလေဝ်ယှာ ရဲမိက်ဂွံကလေၚ်စဴဍုၚ်ဗၟာတံဂှ် သွက်ဂွံဒုၚ်ဖျဴနၚ်စဳဇန် ဒၟံၚ်ရ။

ဗီုရပ်လဝ်သၟာကမၠောန်(internet)

ဗီုရပ်လဝ်သၟာကမၠောန်(internet)

သွက်ရဲမိက်ဂွံကလေၚ်စဴတအ်ဂှ် နူကဵုဂကောံ ရီုဗၚ်ပရေၚ်ချိုတ်ဂြိုၚ် ဍုၚ်မလေဝ်ယှာ၊ ဂကောံကဵုအထံက်အပၚ် “သဳတဂူ”၊ ဂကောံ ဧရာဝတဳဖံၚ်ဒဵုယှေန် ကေုာံ ရုၚ်အမာတ်ကလုတ်ဍုၚ်ဗၟာ ဍုၚ်မလေဝ်ယှာတအ် ပံၚ်ကောံတုဲ စဳဇန်ဒၟံၚ်ရောၚ်ဂှ် ဥက္ကဌ ဂကောံချိုတ်ဂျိုၚ် ဥူသာန်ဝေန် ဟီုလဝ်ရ။

ဥူသာန်ဝေန်ဂှ်“ သက်သဳဒှ်ကောန်ဍုၚ်ဗၟာ ဍာံဍာံဒးနွံရောၚ်၊ ဥပမာ ကာဒ်စၟတ်သမ္တီကောန်ဍုၚ်၊ လိခ်တၞးစရၚ်သ္ၚိ ယဝ်ထ္ၜးသက်သဳခိုၚ်ၚ်ဟၟဲတှေ် ဟွံစုတ်ပ္ဍဲကဵု စရၚ်ပလံၚ်ဖျဴဂှ်ပုဟ်” သာ်ဏံ ညးဟီုလဝ်ရ။

နကဵု ကျာ်ဇၞော်အစာတၠ “တဳတဂူ” သ္ပက္ဍိုပ်တုဲ ဂကောံထံက်ပၚ်တဳတဂူ ကေုာံ ဗေန်ကမ္ဘောဇတအ်ပံၚ်ကောံလိၚ်ကေတ် က္ၜၚ်ကျာ အတိုၚ်မတုဲ စနူစၟတ်တ္ၚဲ ၁၃ ဏံ ပလံၚ်ဖျဴ ကောန်ဍုၚ်ဗၟာ လၟိဟ်ၜိုတ် ၁၇၀ နကဵုစေတနာရ။

ဥူသာန်ဝေန်ဂှ် “ ကျာ်ဇၞော်အစာ က္ဍိုက်ပ်တုဲ ပလံၚ်ဖျဴမံၚ်ဂှ်တှေ် သီုအလန်ဏံဂှ် ဂွံအာပန်လတိုန်ယျ” သာ်ဏံ ညးဆက်ဟီုလဝ်ရ။

နူကဵုဂကောံ ပရဟိတဂှ်တှေ် ဍေံယှအ်ဖျေံ ၚုဟ်စၟတ်တဲ က္ၜၚ်ကျာကဝက်ဂှ် လၟိဟ်မၞိဟ် ၃၀၀၀ ကေုာံ ဟွံကေတ်ၚုဟ်က္ၜၚ်ကျာ သွက်မၞိဟ် ရ၀၀ တအ်ဂှ် ကလေၚ်ပလံၚ်ဖျဴလဝ် ဍုၚ်ဗၟာတုဲရ။

သွက်ရဲစိုပ်ဍုၚ်မလေဝ်ယှာ နကဵုဟွံလုပ်သၞေဝ်တအ်ဂှ် နူကဵုရုၚ်အမာတ်ကလုတ်တအ် ပံၚ်ကဵုအလဵုအသဳမလေဝ်ယှာတုဲ ပတိတ်ကဵုလိခ်ထံက်ဂလာန်နကဵုသၞောတ် One Stop Service ရောၚ်ဂှ် အလဵုအသဳၜါဍုၚ်ဏံတုပ်ကၠုၚ်လဝ်စိုတ်နွံရ။

သွက်ဂွံ သေၚ်ကလး ပရောသၟာကမၠောန် စိုပ်ဍုၚ်မလေဝ်ယှာတအ်တုဲ နူကဵုဌာန ဝန်ဇၞော်ကၟိန်ဍုၚ် ပရေၚ်မံၚ်စံၚ်စသုၚ်သၠဲလး ဥူဧမျေအ် ကုအာဆဵုဂဗကဵု ဝန်ဇၞော် ဌာနပရေၚ်ကေၚ်ကာအပ္ဍဲဍုၚ် မလေဝ်ယှာတအ် ပ္ဍဲကဵု ဂိတုဏံ စၟတ်တ္ၚဲ ၁၀ တုဲကၠုၚ်ဏံရ။

သၟာကမၠောန် ဟွံလုပ်သၞောဝ်တအ်ဏံ ဒှ်ဒၟံၚ်အခုက်အခဲ ဟိုတ်နူကဵု ရဲစလိၚ်အကြာ(ပွဲစား)တအ် ပတိုန်ကေတ်ၚုဟ်မးဂၠိုၚ်ကီု ရုၚ်အမာတ်ကလုတ်ဗၟာတအ် ပၠုဲပၠအ်အ်အခိၚ်ဂးတုဲ စဳဇန်ကၠုၚ်သာ်ဏံရောၚ်ဂှ် ဂွံတီကေတ်ရ။

ကိစ္စရပ်စပ် သၟာကမၠောန် ဟွံလုပ်သၞောဝ်ပွိုၚ်ပိဂိတုလလောၚ်တြးလဝ်ကီုလေဝ် ပ္ဍဲသတ္တဟလောန်ကၠုၚ်တေံအလဵုအသဳ မလေဝ်ယှာတအ် ဒေံါလဝ်ပၠန်ဂှ် ထမံက်ပတိတ်လဝ်ပရိုၚ်နွံရ။

Written by

Related Posts

ပရေၚ်ရပ်စပ် ကွဳလိုန်ဓာတ်၊ ကွဳစက် တေၚ်သ္ကာတ်ဒၟံၚ်တုဲ သၟာကမၠောန်၊ တၠကမၠောန် နကဵု ကွဳစက်ယာန်နာနာတအ် ဒးဒေံါဇူကမၠောန်

ပရေၚ်ရပ်စပ် ကွဳလိုန်ဓာတ်၊ ကွဳစက် တေၚ်သ္ကာတ်ဒၟံၚ်တုဲ သၟာကမၠောန်၊ တၠကမၠောန် နကဵု ကွဳစက်ယာန်နာနာတအ် ဒးဒေံါဇူကမၠောန်

ပရေၚ်ရပ်စပ် ကွဳလိုန်ဓာတ်၊ ကွဳစက် တေၚ်သ္ကာတ်ဒၟံၚ်တုဲ သၟာကမၠောန်၊ တၠကမၠောန် နကဵု ကွဳစက်ယာန်နာနာတအ် ဒးဒေံါဇူကမၠောန်

ဌာန်ပရိုၚ်ဗၠးၜးမန်၊ ဇှ်ေ (၈) မံက်၊ (၁၃၈၇) သၞာံ။

နူကဵုဂကောံပံၚ်ကောံ လစှ်ေကံၚ်သဳပၞာန်တအ် ရပ်စပ်ဒၟံၚ် ကွဳလိုန်ဓာတ်၊ ကွဳစက် တေၚ်သ္ကာတ်ဒၟံၚ်တုဲ သၟာကမၠောန် ဒးကၠောန်စဒၟံၚ် နကဵုကွဳစက်ယာန်တအ် ဟွံဂွံတိတ်ကမၠောန်အိုတ်ရောၚ် ညးတၠကွဳစက် သွံဒၟံၚ် ခၞေဝ်ကေဝ်၊ ကဖျုန် နူပွိုၚ် ဍုၚ်ကျာ်မြဟ်မွဲတၠ ဟီုရ။

“နူကဵုဍေံရပ်ကွဳလိုန်ဓာတ်၊ ကွဳစက် (Without) လိုၚ်ဇြေန်ဟွံမွဲဂှ်တုဲတှ်ေ ကွဳစက်ကာ သွံမံၚ်ခၞေဝ် အကြာကွာန်ဂှ်ကီု၊ ကွဳလိုန်ဓာတ်သၠာပိဂှ်ကီု၊ ကွဳလိုန်ဓာတ်တောဲဂှ်ကီု ညးမွဲလေဝ် ဟွံဂံၚ်တိတ်ကမၠောန် ဒးဒေါံဇူလဝ်ကမၠောန်ဖအိုတ်၊ ကွဳစက်၊ ကွဳလိုန်ဓာတ် ရဲကၠောန်ကမၠောန်ဖအိုတ်ဂှ်တှ်ေ ဂွံကၠောန်စကိတ်ဂးတုဲတှ်ေ သုၚ်စောဲကၠောန်မံၚ်ကဵု ကာ၊ ကွဳလိုန်ဓာတ် လိုၚ်ဇြေန်ဟွံမွဲ (Without) ဖအိုတ်ရ၊ ဍေံဗက်ရပ်မံၚ် ဗီုလၟုဟ်ဏံတှ်ေ ဒးဒေါံဇူလဝ်ကမၠောန်ဖအိုတ်ရ” သာ်ဝွံ နာဲသောဲ ညးမသွံဒၟံၚ်ဖျာ အကြာကွာန်ဂမၠိုၚ် ပ္ဍဲပွိုၚ်ဍုၚ်ကျာ်မြဟ်ဂှ် ဟီုရ။

ပ္ဍဲဍုၚ်မန် စတမ်နူ မေ (၃၁) ဂှ် စရပ်ဒၟံၚ် ကွဳစက်ကာ၊ ကွဳလိုန်ဓာတ် လိုၚ်ဇြေန်ဟွံမွဲ (Without) တေၚ်တေၚ်ဂြတ်ဂြတ်နွံဂှ်တုဲ ကွဳစက်ကာကမၠောန်နာနာကီု ကွဳလိုန်ဓာတ်ကမၠောန်ဂမၠိုၚ်ကီု ဒးဒေါံဇူဒၟံၚ်ကမၠောန်အိုတ်ရ။

“ဍေံရပ်အလန်ဏံ ဒှ်အာဒဒိုက်ဖအိုတ်ရ၊ ကာ ကမၠောန်သွံခၞေဝ်အကြာကွာန်၊ ကာပလံၚ်ကွးဘာ၊ ကာပလံၚ်မၞိဟ်ယဲ ဟွံဂံၚ်ဇက်ပလံၚ် ဒးဒေါံဇူမံၚ်ဖအိုတ်၊ ဒှ်မံၚ်ဒဒိုက် ဗီုညး ဗီုညး ဖအိုတ်ရ” သာ်ဝွံ ညးဇက်ပလံၚ်ဒၟံၚ် ကွးဘာ နာဲခိုၚ်လေန် နူပွိုၚ် ဍုၚ်ရေဝ်(သၟဝ်ကျာ)ဂှ် ဟီုရ။

ဟိုတ်နူဂကောံပံၚ်ကောံ (ကံၚ်သဳပၞာန်) တအ် ဗက်ရပ်ဒၟံၚ်ကွဳစက်ယာန် လိုၚ်ဇြေန်ဟွံမွဲ (Without) တေၚ်တေၚ်ဂှ်တုဲ ကွဳစက်ကာဖ္ဍိုက်ပလံၚ်မၞိဟ်ဂိယဲကီု၊ ကွဳစက်ကာ၊ ကွဳလိုန်ဓာတ် ပလံၚ်ကွးဘာတအ်ကီု ဟွံဂံၚ်ဇက်ပလံၚ်တုဲ ဒှ်ခက်ခုဲ ဇၟာပ်ပွိုၚ်ဍုၚ်အိုတ်ရ။

ပရေၚ်ရပ်ကွဳစက်ယာန် လိုၚ်ဇြေန်ဟွံမွဲ (Without) ဏံဂှ် နကဵုကံၚ်သဳပၞာန်တအ် ဖျေံလဝ်ကိုန်စဳဇန် အလုံဍုၚ်မွဲတုဲ ပ္ဍဲဆေၚ်သွံကွဳစက်ကာ၊ ကွဳလိုန်ဓာတ်လတူဍုၚ်တအ်ဂှ် ဒပ်ဗၠာဲသၟိၚ် ကေုာံ ဂကောံပံၚ်ကောံတအ် ဗက်စၟဳစၟတ်ဒၟံၚ်နွံတုဲ ဒဵုကဵုဗက်ရပ် ပ္ဍဲအကြာအရာပ်၊ အကြာကွာန်၊ အကြာသ္ၚိနွံရောၚ်ဂှ်လေဝ် ပရိုၚ်ဟောလဟောလံၚ် တိတ်မံၚ်နွံရ။

မွဲကာလကံၚ်သဳပၞာန်ဏံ ရပ်ကွဳလိုန်ဓာတ်၊ ကွဳစက် လိုၚ်ဇြေန်ဟွံမွဲ (Without) တေၚ်တေၚ်ဂြတ်ဂြတ်ဗီုလၟုဟ် ဟွံမွဲကၠုၚ်မွဲလှ်ေ

မွဲကာလကံၚ်သဳပၞာန်ဏံ ရပ်ကွဳလိုန်ဓာတ်၊ ကွဳစက် လိုၚ်ဇြေန်ဟွံမွဲ (Without) တေၚ်တေၚ်ဂြတ်ဂြတ်ဗီုလၟုဟ် ဟွံမွဲကၠုၚ်မွဲလှ်ေ

မွဲကာလကံၚ်သဳပၞာန်ဏံ ရပ်ဒၟံၚ်ကွဳလိုန်ဓာတ်၊ ကွဳစက်လိုၚ်ဇြေန်ဟွံမွဲ တေၚ်တေၚ်ဂြတ်ဂြတ်ဗီုလၟုဟ်ဏံ ဟွံမွဲကၠုၚ်မွဲလှေ် ညးဒးဒုၚ်ရပ်လဝ်ကွဳလိုန်ဓာတ် နူပွိုၚ်ဍုၚ်မုဟ်ဍုၚ်မွဲတၠ ဟီုလဴထ္ၜးရ။

ပ္ဍဲကၟိန်ဍုင်သေံ ဒဳကွဳစက်၊ ကွဳလိုန်ဓါတ် ဟွံဒ္ဂေတ်ဗက်သၞောဝ်မ္ဂး ဒးဒုင်တပ်ဒဏ်ဩန်ရောင်

ပ္ဍဲကၟိန်ဍုင်သေံ ဒဳကွဳစက်၊ ကွဳလိုန်ဓါတ် ဟွံဒ္ဂေတ်ဗက်သၞောဝ်မ္ဂး ဒးဒုင်တပ်ဒဏ်ဩန်ရောင်

ပ္ဍဲသၞာံ (၂၀၂၅) စနူဂိတုဂျောန်စၟတ်တ္ၚဲ (၁) နူတနေံဏံတုဲ ပ္ဍဲကၟိန်ဍုင်သေံ ညးဒဳကွဳလိုန်ဓါတ်ဟွံစုတ်ခၟော်တအ် ဒးဒုင်တပ်ဒဏ်ဩန် (၂၀၀၀) ၝာတ်ရောင် ညးတာလျိုင်ဗၠာဲသၟိင်သေံတအ် လလောင်ကၠုင်လဝ်ဂှ် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.