မာံလုၚ် – ပ္ဍဲကဵု ဂိတုနဝ်ဝေန်ဘာဏံမ္ဂး အတိုၚ်ကောန်ဍုၚ်အရၚ်တအ် အာတ်မိက်ဒၟံၚ် သွက်ဂွံကၠောန် ပေဲါသဳကၠဳပရေၚ်ဍုၚ်ကွာန်မာန်ဂးတုဲ နူကဵု အလဵုအသဳကၟိန်ဍုၚ်တအ် ပလေဝ်ပဠေတ်ဒၟံၚ် သွက်ဂွံ ထ္ပက်စၟတ်တုဲ ဒေံါပန်ပှော် အလုံဍုၚ်မွဲ ဖန်ဇန်ဒၟံၚ်ရ။
ဝန်ဇၞော် ဥူအံၚ်မေန်ကဵု ဗော်ကောန်ဍုၚ်အရၚ် ၄ ဗော်တက်မံၚ်ကျာ(Hla Mg Shwe)
“သွက်ဂွံသဳကၠဳ Framework Meeting ဂှ်တှေ် ကၠာအိုတ် ဒးထ္ပက်စၟတ်တဲ ဒေံါပန်ပှော်ကၠာဏောၚ်၊ လပါ်ကောန်ဍုၚ်အရၚ်တအ်ဂှ်တှေ် သၟာန်ကၠုၚ်နွံမံၚ်ဏောၚ်၊ ထ္ပက်လဝ် စၟတ်တဲဒေံါပန်ပှော်တုဲမံၚ်ရတှေ် ဒးထပ်ထ္ပက်မံၚ်ဏီဟာ သာ်ဏံ သၟာန်ကၠုၚ်နွံမံၚ်ဏောၚ်၊ ဣဏံဂှ်တှေ် တ္ၚဲလဵုကၠောန် ပေဲါသဳကၠဳပရေၚ်ဍုၚ်ကွာန် ကၠောန်ဒၞာဲလဵုရော သွက်ဂွံကဵုဂတိပါၚ် ညးသကအ်တုဲ ဒးထ္ပက်စၟတ်တဲဏံဏောၚ်” ဥူလှမိုၚ်ယှိုဲ ဟီုလဴရ။
ဂကောံဓမံက်ရုၚ်ရဴ ပရေၚ်ၜိုဟ်လလမ် ဝန်ဇၞော် ဥူအံၚ်မေန်တံ ကာလဆဵုဂဗလဝ်ကု ညးစၞးဗော်ဍုၚ်မန်တၟိ၊ ဗော်ကရေၚ် KNU ၊ DKBA- ကံၚ်သဳၜိုဟ်လလမ် KNU-KNLA/PC ဂကောံ ဒေံါလဝ်ပန်ပှော် ၄ ဗော် ပ္ဍဲကဵုသိပ်တောန်ပါ ၂၈ ဒၞာဲရုၚ်ၝောံခန် အလဵုအသဳတွဵုရးဍုၚ်မန်၊ ဍုၚ်မတ်မလီုဂှ် သောၚ်ကလးလဝ် ပရေၚ်ၜိုဟ်လလမ်အခိၚ်လၟုဟ်ကီု၊ သွက်ဂွံကၠောန် ပေဲါသဳကၠဳ ပရေၚ်ဍုၚ်ကွာန်အနာဂတ်တအ် ဂးရ။
ပ္ဍဲကဵုဆဵုဂဗဏံ နကဵုညးစၞး ဗော်ဍုၚ်မန်တၟိဂှ် ဖက်ဆောဲညးအုပ်ကာ (၁) နာဲအံၚ်မေန်၊ ဖက်ဆောညးအုပ်ကာ (၂) သ္ကိုပ်က္ဍိုက်ပ်ပၞာန် သ္ကိုပ်ဗိုလ်ဇဲယျ၊ ကမ္မတဳရေၚ်တၠုၚ်ကေၚ်ကာဗဟိုဲနာဲတၠညးတအ် တိုန်စိုပ်အိုတ်လဝ်ရ။
သွက်ဂွံတိုန်အခန်ကၞာထ္ပက်စၟတ်တဲ ပရေၚ်ဒေါအ်ပန်ပှော်အလုံဍုၚ်မွဲဂှ် လပါ်အလဵုအသဳတံ ရန်လဝ်ပ္ဍဲကဵုဂိတုနဝ်ဝေန်ဘာ လပါ်မံက်တေံဒှ်တုဲ ဥူအံၚ်မေန် သၟာန်လဝ် နကဵုဗော်ကောန်ဍုၚ်အရၚ် ၄ ဗော်ဏံ တိုန်စိုပ်မာန်/ ဟွံမာန် ဂးရ။
နကဵုညးစၞးဗော် ၄ ဗော်တအ်ဂှ်ပၠန် ဒးကလေၚ်ပတိုန်ထ္ၜးကု ညးတာလျိုၚ်ဗော်ညကဵုညး ဖျေံသ္ဂုတ်သွာတ်တုဲမှ ကလေၚ်အာပရိုၚ်မာန်ရောၚ်ဂှ် ဂွံတီသွဟ်နူကဵုညးတာလျိုၚ်ဗော်ဍုၚ်မန်တၟိတံရ။
လၟုဟ်မ္ဂး ဂကောံဒေါအ်ပန်ပှော်လဝ်ကု အလဵုအသဳ ထပက်လဝ်စၟတ်တဲနွံမံၚ် ၁၄ ကီုလေဝ် ဂကောံကချေန် KIO ကဵု ပလံၚ် TNLA တံဂှ် ဟွံဂွံထပက်စၟတ်တဲဏီရ။
