ပေဲါသဳကၠဳဒေံါပန်ပှော်ဂှ် ဆုတ်စှေ်မံၚ်ရောၚ် NCCT ဟီု

by | Sep 30, 2014 | ပရိုၚ် | 0 comments

ပ္ဍဲပေဲါဆဵုဂဗ ကဵု ဂကောံမဟာဇန် CSO ပေဲါသဳကၠဳဒေံါပန်ပှော်အလုံဍုၚ် ကၠောန် ဒၟံၚ်လၟုဟ်ဂှ် သွက်ဂွံသၠုၚ်တိုန်ဟွံသေၚ် ဆုတ်စှေ်အာမံၚ် ရောၚ် ညးအာက္ဍိုပ်ဂကောံ NCCT ပရေၚ်ပညဳပညပ်ဒေံါပန်ပှော်အလုံဍုၚ် နာဲဟံသာ ဟီုကဵုဌာန်ပရိုၚ်ဗၠးၜးမန် (IMNA) ရ။

“ပေဲါသဳကၠဳအလန်ဏံဂှ် ခက်ခိုအ်ဆိုအ်ဗ နွံမံၚ်ညိညဏောၚ်၊ ဂွံဒှ်အာဗီုဏံဂှ်လေဝ် လ္ပာ်ဒပ်တေံ ညာတ်လ္တူပိုယ်ပရေံ ပရေံဂၠိုၚ်အာရ၊ လ္တူ UNFC လေဝ် လ္ပာ်ဍေံတံ ပါ်ပဲါကၠုၚ်နွံရ” သာ်ဝွံ ညးဟီုရ။

ဆက်တုဲ တၚ်လောဲသွာတံဂှ် ပ္ဍဲပေဲါသဳကၠဳကၠာတေံတုပ်လဝ်စိုတ်တုဲ တၚ်ဝါတ်ဂါတ်တံဂှ် ဟိုတ်နူကလေၚ်ဂိုၚ်စွံလဝ်ဂှ် ရ၊ အလန်ဏံ ပေဲါသဳကၠဳ UPWC ကဵု NCCT ဂှ် သွက်ဂွံတဴတက်တုဲအောန်တုဲ ဒးဆဵုမံၚ်ကဵုတၚ်ခက်ခုဲဂၠိုၚ်ဂှ်ရ လ္ပာ် ဆုတ်စှေ်နွံရောၚ် ညးဆက်ဟီုရ။

“ပေဲါသဳကၠဳဂှ် နအလဵုညးစၞးဒပ်တံ တိုန်စိုပ်ဂှ်လေဝ် တၚ်ပိုယ်သဳကၠဳဏာသီုဖအိုတ်ဂှ် တၚ်သ္ဂုတ်သွာတ်လဵုမွဲလေဝ် ဖျေံကဵုဟွံမာန်ပုဟ်၊ ဍေံ ကလေၚ်ပတိုန်ကဵုက္ဆံၚ်လ္တူတေံဏောၚ် ဆက်သဳကၠဳအာပၠန်ဏောၚ် ဗီုဏံရ ဍေံတံဟီုမံၚ်” သာ်ဝွံ နာဲဟံသာ ဆက်ဟီုရ။

ပေဲါသဳကၠဳ ဂကောံပညဳပညပ် ဒေံါပန်ပှော်အလုံဍုၚ် NCCT ကဵု ဂကောံမဟာဇန် CSO ဂှ် ပ္ဍဲဂိတုဏံ စၟတ်တ္ၚဲ ၂၈ ဂှ် သီုဂကောံဇာနှိက် မဟာဇန်(လူမှုကွန်ယက်) သီုဖအိုတ် ၂၉ ဂကောံတိုန်စိုပ်တုဲ ကၠောန်သ္ပပ္ဍဲဍုၚ်လ္ဂုၚ် ဟဝ်တေဝ် Freen Hill အလန်ဏံဂှ် ဒှ်ပေဲါဆဵုဂဗ အလန်ဒုတိယ ရ။

ညးတိုန်စိုပ်ပေဲါဆဵုဂဗ ဂကောံ NCCT ကဵု CSO ညးအုပ်ကာကမ္ပတဳ ပရေၚ်မံၚ်ရံၚ်ကျောဝ် ဒေံါပန်ပှော်နူတွဵုရးဍုၚ် မန် နာဲအံၚ်ထူ ဟီုဂှ် “ပ္ဍဲတၚ်သောၚ်ကလး လ္ပာ် NCCT ဂှ် တၚ်နၚ်သဳကၠဳအလန်လက္ကရဴအိုတ်ဂှ် နကဵုဒပ်အလဵုအသဳ တံတှေ် ဒှ်မံၚ်ဗီုပြၚ် ဆုတ်စှေ်အာနွံရောၚ် လ္ပာ် NCCT ပံက်ဟီုဏာရ” သာ်ဝွံ ညးဟီုရ။

တုဲတှေ် ပ္ဍဲပေဲါသဳကၠဳဂှ် တၚ်နူကဵုဂကောံမဟာဇန်တံပတိုန်လဝ် ကဏ္ဍမၞိဟ်ဗြဴကဵု ပရေၚ်ၜိုဟ်လလံ၊ ပ္ဍဲပေဲါသဳကၠဳပ ရေၚ်ၜိုဟ်လလံ ညံၚ်သၟတ်တံဂွံပါလုပ်မာန်၊ ကဏ္ဍကဵုပညာဆေၚ်ကဵု ကမၠောန်ပရေၚ်ၜိုဟ်လလံ၊ ကဏ္ဍအခန်ပ ရေၚ်လ္ၚတ်ကျောဝ် ပရေၚ်ဒေံါပန်ပှော်၊ ပရေၚ်ကိုန်စဳမာန်ဇၞော် ညးမကၠုၚ်ဗၠိုက်လဝ်တမ်ဒြပ် ပ္ဍဲဒေသကောန်ဍုၚ်အ ရၚ် ညံၚ်မၞိဟ်တံဂွံကၠးဖ္ဍး၊ ကဏ္ဍအခန်ကလေန်ဖျေံဒၞာဲဝဲါကဵု ဒဒိုက်မၞိဟ်ဒဴပၞာန် (IDP) တံ၊ ကဏ္ဍပရေၚ်ချဳဒရာၚ် Civil Society forum For Peace တံ ပတိုန်ထ္ၜးသဳကၠဳအာလဝ်ရောၚ် တဳကေတ်ရ။

“NCCT အတိုၚ်ညးတံဒတူလာၚ်ပရေၚ်ဒေံါပန်ပှော်ဂှ်ရ ညးတံပတဝ်ဏာက္ဍိုပ်ရ၊ ဆ္ဂး လ္ပာ်အနာဂတ်တေံဂှ် Political Dialogue ဂှ်ရ အခန်ကဏ္ဍ CSO, CBO ပါလုပ်တံဂှ် နအလဵုဂကောံ NCCT ဒုၚ်လဝ်တဲရ၊ ဆ္ဂး တၚ်သဳကၠဳပတိုန်နၚ်လ္ၚဵုဂှ် တၚ်အခက်အခုဲနွံမံၚ် ညိညိဏောၚ်” နာဲအံၚ်ထူး ဟီုရ။

ကမၠောန် CBO, CSO သီုဖအိုတ်ဂှ် ဟိုတ်နူဂကောံ NCCT ဟွံတီကေတ်သီုဖအိုတ်ဂှ်ရ၊ညံၚ်ပတိုန်ကဵုဂှ် NCCT အာတ်လဝ်အခေါၚ်တုဲ ကမၠောန်ဇကုကၠောန်မာန် တံဂှ် ခ္ဍန်တုဲ ပတိုန်ထ္ၜးကဵု Concept paper ရ၊ သာ်ဝွံ နာဲအံၚ်ထူ ဆက်ဟီု ရ။

လအာဗီုဏံကီု ပ္ဍဲဂိတုဏံ စၟတ်တ္ၚဲ ၂၇ ဂှ်လေဝ် ကမ္ပတဳပရေၚ်ဓမံက်ရုပ်ရဴ ပရေၚ်ၜိုဟ်လလံကၟိန်ဍုၚ် UPWC ၊ ဂကောံပညဳပညပ်ဒေံါပန်ပှော် ဆေၚ်ကဵုဂကောံရပ်လွဟ်အလုံဍုၚ် NCCT ဂှ် ကဵု ဗော်ပရေၚ်ဍုၚ်ကွာန်ၜိုတ် ၆၀ ပြၚ် ကၠောန်သ္ပလဝ်ပေဲါသဳကၠဳက္ဍိုပ်ဖဴ ပိဖဴ ပ္ဍဲသေန်တာ ပရေၚ်ၜို်ဟ်လလံကၟိန်ဍုၚ်ဗၟာ ( MPC ) ဂှ်ရ။

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.