ရဲကွာန်တံ ဒးဒုၚ်လီဠာန်ကဵုစရၚ် စၟတ်တဲထံက်ဂလာန် ရုၚ်စက်တၟံချးကွာန်အံၚ်ဒၚ်

by ဌာန်ပရိုၚ်ဗၠးၜးမန် | Mar 11, 2015 | ပရိုၚ် | 0 comments

: ပေဲါသောၚ်ကလး ညးဒးဒုၚ်လီဠာန်လဝ် ၃၅ တၠတံ (IMNA)

သွက်ဂွံသိုၚ်ရုၚ်စက်တၟံချး ပ္ဍဲတွဵုရးဍုၚ်မန် ကွာန်အံၚ်ဒၚ်ဂှ် ကံက်လဝ်စရၚ် စၟတ်တဲထံက်ဂလန်တုဲ ပတိုန်ဏာ ရုၚ်သမ္မတ နေဗျဳတဝ်တေံဂှ် ဒှ်မံၚ်စၟတ်တဲလီဠာန်ရောၚ် သာ်ဏံ ညးမပါလုပ်မံၚ် ပ္ဍဲညးဒးဒုၚ်ကံက်လဝ် စရၚ်ထံက်ဂလာန်မွဲတၠ ဟီုရ။

ပ္ဍဲကဵုဂိတုမာတ် စၟတ်တ္ၚဲ ၁၀ ဂှ် စပ်ကဵုကိစ္စ ဒးဒုၚ်ကံက်လဝ် စၟတ်တဲထံက်ဂလာန် ရုၚ်စက်တၟံချးတုဲ ကၠောန်သ္ပပေါဲသောၚ်ကလး” ပ္ဍဲဇြပ်သဘၚ်ဓရ် ဍုၚ်ရေဝ် မၞုံပ္ဍဲအရာပ်အံၚ်မေတ္တာဂှ် သာ်ဏံ ညးမပါလုပ်မံၚ် ပ္ဍဲညးဒးဒုၚ်ကံက်လဝ် စရၚ်ထံက်ဂလာန် ၃၅ တၠတံဂှ် ဟီုရ။

ဒဝ်မျေတ် နူအရာပ်အံၚ်မေတ္တာဂှ် “ကာလညးတံ ကၠုၚ်ကံက်စၟတ်တဲဂှ် ဂွံပၟတ်ဓါတ်လလဳဏာၚ် ညးတံဟီု၊ အဲသၟာန်ညးတံ နူကဵုရုၚ်စက်တၟံချးဟာ ညးဟီုဟွံသေၚ်ပုဟ်၊ ညးတံအာတ်စရၚ်မၞိဟ်တုဲ အဲလေဝ် ကဵုဏာစရၚ်ကီုရ၊ ညးတံချူဏာယၟုဖအိုတ် ပိုဲတံ ဟွံဒးထ္ပက်စၟတ်တဲပုဟ်” သာ်ဏံ ညးဟီုရ။

ကာလညးတံကၠုၚ်ကံက်စၟတ်တဲဂှ် တြးကဵုပၟတ်မွဲယူနစ် ၂၅၀ ဒကေဝ်ဏောၚ်၊ တၞးလိက်ကောန်ဍုၚ်ဟွံမွဲမ္ဂး ညးတံကၠောန်ကဵုဏောၚ်၊ ကွးဘာတံလေဝ် ဂွံအခေါၚ်ခိုဟ်တိုန်ဏောၚ်＂သာ်ဏံ ညးတံစန်ဒက်တုဲ ကံက်ဏာသီုစရၚ်ကွးဘာတံရဂှ် မၞိဟ်ယၟုပါလုပ်မံၚ် ပ္ဍဲညးဒးဒုၚ်ကံက်လဝ် စရၚ်ထံက်ဂလာန်တံ ဟီုထ္ၜးဏာ အပ္ဍဲပေဲါသောၚ်ကလးဝွံရ။

ညးကံက်စရၚ်တံဂှ် ညးဇၞော်အရာပ် အရာပ်အံၚ်မေတ္တာ ၂ တၠ ပါလုပ်တုဲ သွက်ဂွံသဳကၠဳစပ်ကဵုကိစ္စကံက်စရၚ်ဂှ် ၜိုန်ရကော်ဘိက်လဝ်ညးတံ တိုန်ရုၚ်ကီုလေဝ် ဆဂး ညးမွဲလေဝ် ကၠုၚ်စိုပ်ဟွံမာန်ရ သာ်ဏံ ဥက္ကဌ အရာပ်အံၚ်မေတ္တာ ဥူခေန်မံၚ်ညဝ် ဟီုရ။

ဥူခေန်မံၚ်ညဝ်ဂှ် “ရုၚ်စက်တၟံချးဏံဂှ် မၞိဟ်ဒစဵုဒစးလေဝ်နွံ မၞိဟ်ထံက်ဂလာန်လေဝ်နွံ ပိုဲစွံလဝ်စိုတ်ဗၠးဗၠးၜးၜးရဏောၚ်၊ မဳတာ ပၟတ် ၂၅၀ ဟီုဂှ် ပိုဲမုဟွံတီလဝ်ပုဟ် လက္ကရဴဏံမှ ဠာန်မံၚ်ကောန်အရာပ်တံဏောၚ်ဂှ် ပိုဲတီကၠုၚ် ပိုဲကော်ညးတံကၠုၚ်သောၚ်ကလး ပ္ဍဲရုၚ်ဂှ်လေဝ် ညးတံဟွံကၠုၚ်ပုဟ်” သာ်ဏံ ညးဆက်ဟီုရ။

ပ္ဍဲဂိတုဂျန်နဝါရဳဂှ် ဗက်ကံက်မံၚ်စရၚ် စၟတ်တဲမၞိဟ်ထံက်ဂလာန်ရုၚ်စက်တၟံချး ပ္ဍဲပွိုၚ်ဍုၚ်ရေဝ် မွဲၜါအရာပ်ကဵု ကွာန်ဗဒါဲတံ ၁၈ ကွာန်တုဲ စရၚ်ညးထံက်ဂလာန် ၆၂၆၅ တၠတံဂှ် ပတိုန်ဏာလဝ် ကုရုၚ်သမ္မတနေပျဳတဝ် အပ္ဍဲဂိတုဖေဖဝ်ဝါရဳ စၟတ်တ္ၚဲ ၁၁ ရဂှ် ဂွံတီကေတ်ရ။

အပ္ဍဲကဵုမၞိဟ်ကေတ်တာလျိုၚ်ပတိုန်ထ္ၜး ၄ တၠတံဂှ် ညးဇၞော်အရာပ် နူကဵုအရာပ်အံၚ်မေတ္တာ ၂ တၠ ပါလုပ်မံၚ်ကီုလေဝ် စပ်ကဵုဌာန်ဒၟံၚ်တံဂှ် စုတ်လဝ် နဒဒှ်ရဲကွာန်အၚ်ဒၚ်ဂှ် ညးအုပ်ကာ ဂကောံရၚ်တၠုၚ်ပရေၚ်မၞိဟ် (YSS) ဥူအံၚ်နာၚ်ဝေန် ဟီုရ။

ဂကောံ (YSS) ဂှ် ဒှ်ဂကောံဒစဵုဒစးကၠုၚ် ရုၚ်စက်တၟံချးအဆက်ဆက်တုဲ စပ်ကဵုကိစ္စကံက်မံၚ်စၟတ်တဲဏံတုဲ ညးတံဂၠိုက်ဂၠာဲဓမံက်ထ္ၜးအာရောၚ်ဂှ် ဖျေံလဝ်သ္ဂုတ်သွာတ် ပ္ဍဲကောံဓရီု ကၠောန်ဗဒှ်လဝ် အပ္ဍဲဂိတုဖေဖဝ်ဝါရီတုဲကၠုၚ်ဏံဂှ်ရ။

← ဇၟာပ်သၟတ်မန်ပေၚ်အာယုက် ၁၈ သၞာံတံ ဂွံတိုန်ဘာကွတ်ပၞာန်ဂှ် ဒှ်ဟွံမာန်ဏီ ပ္ဍဲဍုၚ်လ္ဂုၚ်ပံက်မံၚ် တန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ်ယျ →

Written by

က္ဍိပ်သ္ကိုပ်ဗီုညးကဵု ဂၠံင်တရဴရက္ခိတ (သ္ကုတ်နိဂီု)

by ဌာန်ပရိုၚ်ဗၠးၜးမန် | Oct 14, 2025 | ပရိုၚ်

လ္တူအကာဲအရာဂှ် ကေတ်အရီုအဗင် အလဵုအသဳဍုင်ကြုက်တုဲ ဂိုတ်ဂစာန် ပတိတ်အစောန် သွက်သ္ဂောံကလေင် ထိင်ဒဝ်ကေတ် ဂကောံ ERO မဖျေံလဝ်သဇိုင် အကြာပယျဵုကြုက်ရ။ အတိုင်ဂိုတ်ဂစာန် ပတိတ်ကၠုင်အစောန်ဂှ် ၜိုတ်ထေက်ကြိုက် ကလိဂွံပေါဲဇၞးနွံတုဲ သွက်သ္ဂောံကလေင်ထိင်ဒဝ်ကၠေံ ပရေင်ချဳဓရာင် ဒပ် AA ဂှ် နကဵုနဲကဲဇဳ မေန်အံင်လှာင် ဂစာန်ကေတ်ဒၟံင်အရီုအဗင် အလဵုအသဳအိန္ဒိယျ ကေုာံ အလဵုအသဳ ၜင်္ဂလာဒေတ်တံပၠန်ရ။ အဓိက စောဲစပ်ဒပ်ပၞာန် AA တအ် နကဵုပရေင်ကူသာန်သွံရာန် ဂဥုဲၜူမာဲရ။ နူကဵုပးဒၞက်ဏအ် က္ဍိုပ်သကိုပ် ဒပ်ပၞာန် AA ထောန်မျာတ်နာင် နကဵုဓဝ်သတိဇၞော်ဇၞော် ညံင်သ္ဂောံတတ်ကၠောံၜက်အာမာန်ဂှ် ပၟိက်ဇၞော်တဴရ။

ပ္ဍဲကဵု “သ္ဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်” လ္တူဍုၚ်ဖူကေတ်ဂှ် ဂကူမန်တအ် တိုန်စိုပ်ဂၠိုၚ်အိုတ်ရောၚ်ဂး

by ဌာန်ပရိုၚ်ဗၠးၜးမန် | Sep 30, 2025 | ပရိုၚ်

ပ္ဍဲကၟိန်ဍုၚ်သေံ လ္တူဍုၚ်ဖူကေတ်၊ ပ္ဍဲကဵုဘာမိုဝ်နေတ်ဂှ် ကျာ်ဇၞော်အ္စာဘာမိုဝ်နေတ် ကေုာံ ညးတာလျိုၚ် ကဆံၚ်ကဆံၚ်တအ် က္ဍိုက်က္ဍိုပ်ပၠတရဴတုဲ ကၠောန်ဗဒှ်ကၠုၚ်လဝ် ဘဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်ဂကူဂှ်မ္ဂး ကောန်ဂကူမန်တအ် ပါလုပ်တိုန်စိုပ်လဝ်ဂၠိုၚ်အိုတ်ရောၚ် ဂွံတီကေတ်ရ။

0 Comments