ပူဂဵုပၟိက်ဇၞော်အိုတ် အပ္ဍဲအမှုသွံရာန်ဂဥုဲၜူမာဲ ＂ၜေန် ထာဇြာဲ＂ ဒးဒုၚ်ရပ်ယျ

by ဌာန်ပရိုၚ်ဗၠးၜးမန် | Mar 12, 2015 | ပရိုၚ် | 0 comments

: ဗီုနာဲအာဍိသိုက် ဒးဒုၚ်ရပ်ထိၚ်ဂွံ ဒၞာဲဂၠံၚ်ပါ် ဍာ်လဂေါဝ် (တခေၚ်ထံၚ်) အကြပ်ဒေသပယျဵုမွဲဒၞာဲ (Bangkok Post)

ပူဂဵုပၟိက်ဇၞော်အိုတ် အပ္ဍဲအမှုသွံရာန်ဂဥုဲၜူမာဲ နာဲအာဍိသိုက် ဇြဳသအာတ် ဒယှ်ဒၟံၚ် နကဵုယၟု＂ ၜေန် ထာဇြာဲ＂ ဂြိပ်ဒဴအောပ်မံၚ်အမှုဂဥုဲချေံ ပွိုၚ်ကဵုဂိတုဂှ် နူကနေံဏံ ဗၠာဲသၟီသေံတံ ရပ်ထိၚ်ဂွံ ဒၞာဲဒေသပယျဵုသေံကဵုဗၟာမွဲဒၞာဲ မၞုံဗဒဲါဍုၚ်စံခလပူရဳ ခရိုၚ်ကာမ္မရဳဂှ် ဂွံတီနူ ဌာန်ပရိုၚ် Bangkok Post ရ။

နာဲအာဍိသိုက် အာယုက် ၂၆ သၞာံ ဂှ် ဒးဒုၚ်ရပ်ထိၚ်ဂွံ ဒၞာဲဂၠံၚ်ပါ် ဍာ်လဂေါဝ် (တခေၚ်ထံၚ်) မၞံုသ္ၚောဲ နူဍုၚ်ကျာ်ပိ ၜိုတ် ၁ ကဳလဝ်ဂှ်ရ သာ်ဏံ သ္ကိုပ်ဗၠာဲသၟီခရိုၚ်ကာမ္မရဳ သ္ကိုပ်ဗိုလ် ကမဝ်သာန်ဒိ ကလာန်ဖုတ် ဟီုရ။

အခိၚ်ဗၠာဲသၟီတံ ပဒေံါကွဳစက်ဒရိပ်ဒၟံၚ်ဂၠံၚ် ကာမ်မရဳ-သၚ်ခလပူရဳ သွက်ဂွံစၟဳစၟတ်ဂှ် နာဲၜေန်လေဝ် ပါကၠုၚ်မံၚ် အပ္ဍဲကွဳစက်ကီုရ၊ နာဲၜေန်ဂှ် ဂြိပ်ဒဴတိတ်နူဍုၚ်တုဲ အောပ်ဗဒမံၚ် အပ္ဍဲဒေသပယျဵုဗၟာ ၜိုတ်ပွိုၚ် ၄ ဂိတုဒှ်ရ။

နာဲအာဍိသိုက်ဝွံ ဒှ်မံၚ်က္ဍိုပ်သ္ကိုပ် ရဲသွံရာန်ဂဥုဲၜူမာဲ အပ္ဍဲခရိုၚ်သုဖာန်ပူရဳတုဲ ဗၠာဲသၟီတံ ဗက်ဂၠာဲရပ်မံၚ် စနူနာဲအာဍိသိုက် ချူပတိုန်လဝ်လိက် လ္တူမုက်လိက် Facebook ညး ဒဒှ်ရ ညးတေံ ဂစိုတ်ဗၠာဲသၟီ မၞံုဒၟံၚ်အပ္ဍဲရုၚ်ဗၠာဲသၟီ ဇြဳဖရ္ၚာန် အပ္ဍဲခရိုၚ် သုဖာန်ပူရဳဂှ်ရ၊ တုဲပၠန် ခြာဟွံလအ်ဏံဂှ် ဗၠာဲသၟီရပ်ထိၚ်ဂွံလ် ၝဲဒေံမသ နာဲအာဍိသိုက်ကီု သီုကဵုမၞိဟ်ဆေၚ်စမံၚ်ကဵု နာဲအာဍိသိုက် နကဵုအမူဂဥုဲၜူမာဲတံရ။

ဗၠာဲသၟီဒေသ၊ ပၞာန် ကေုာံဗၠာဲသၟီမၞံုဒေသပယျဵုတံ နူဍုၚ်သၚ်ခလပူရဳဂှ် ပဍိုက်ဏာနာဲအာဍိသိုက် နကဵုက္ၜၚ်ကျာ (ဟေဝ်လဳခါပ်တာ) ပလံၚ်ပစိုပ်ဏာ ဒၞာဲရုၚ်ဂအုပ်ဗၠာဲသၟီ အပ္ဍဲခရိုၚ်ကာမ်မရဳတုဲ နူဂှ်မွဲကဆံၚ် ပလံၚ်ပစိုပ်ဏာ ရုၚ်ဂအုပ်ဗၠာဲသၟီ အပ္ဍဲဍုၚ်ၜၚ်ကံက် သွက်ဂွံ စၟဳစၟတ်အမှု ချိုတ်တ်ပၠိုတ်တ်မာန်ရ။

တမ်ရိုဟ်နူ: Βangkok Post
မၞိဟ်ဂၠာဲဘာသာ: မိရတ်ဆာဲ

← ပ္ဍဲဍုၚ်လ္ဂုၚ်ပံက်မံၚ် တန်ဗ္တောန်လိက်ပတ်မန်ကေုာံ အရေဝ်မန်ဥတုကညၚ်ယျ ကွးဘာတက္ကသိုလ်ထဝါဲ ထ္ၜးလဝ်ဆန္ဒ ၃ တၠ ဒးဒုၚ်ပံက်လဝ်အမှု ပ္ဍဲဍုၚ်ရေဝ် →

Written by

က္ဍိပ်သ္ကိုပ်ဗီုညးကဵု ဂၠံင်တရဴရက္ခိတ (သ္ကုတ်နိဂီု)

by ဌာန်ပရိုၚ်ဗၠးၜးမန် | Oct 14, 2025 | ပရိုၚ်

လ္တူအကာဲအရာဂှ် ကေတ်အရီုအဗင် အလဵုအသဳဍုင်ကြုက်တုဲ ဂိုတ်ဂစာန် ပတိတ်အစောန် သွက်သ္ဂောံကလေင် ထိင်ဒဝ်ကေတ် ဂကောံ ERO မဖျေံလဝ်သဇိုင် အကြာပယျဵုကြုက်ရ။ အတိုင်ဂိုတ်ဂစာန် ပတိတ်ကၠုင်အစောန်ဂှ် ၜိုတ်ထေက်ကြိုက် ကလိဂွံပေါဲဇၞးနွံတုဲ သွက်သ္ဂောံကလေင်ထိင်ဒဝ်ကၠေံ ပရေင်ချဳဓရာင် ဒပ် AA ဂှ် နကဵုနဲကဲဇဳ မေန်အံင်လှာင် ဂစာန်ကေတ်ဒၟံင်အရီုအဗင် အလဵုအသဳအိန္ဒိယျ ကေုာံ အလဵုအသဳ ၜင်္ဂလာဒေတ်တံပၠန်ရ။ အဓိက စောဲစပ်ဒပ်ပၞာန် AA တအ် နကဵုပရေင်ကူသာန်သွံရာန် ဂဥုဲၜူမာဲရ။ နူကဵုပးဒၞက်ဏအ် က္ဍိုပ်သကိုပ် ဒပ်ပၞာန် AA ထောန်မျာတ်နာင် နကဵုဓဝ်သတိဇၞော်ဇၞော် ညံင်သ္ဂောံတတ်ကၠောံၜက်အာမာန်ဂှ် ပၟိက်ဇၞော်တဴရ။

ပ္ဍဲကဵု “သ္ဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်” လ္တူဍုၚ်ဖူကေတ်ဂှ် ဂကူမန်တအ် တိုန်စိုပ်ဂၠိုၚ်အိုတ်ရောၚ်ဂး

by ဌာန်ပရိုၚ်ဗၠးၜးမန် | Sep 30, 2025 | ပရိုၚ်

ပ္ဍဲကၟိန်ဍုၚ်သေံ လ္တူဍုၚ်ဖူကေတ်၊ ပ္ဍဲကဵုဘာမိုဝ်နေတ်ဂှ် ကျာ်ဇၞော်အ္စာဘာမိုဝ်နေတ် ကေုာံ ညးတာလျိုၚ် ကဆံၚ်ကဆံၚ်တအ် က္ဍိုက်က္ဍိုပ်ပၠတရဴတုဲ ကၠောန်ဗဒှ်ကၠုၚ်လဝ် ဘဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်ဂကူဂှ်မ္ဂး ကောန်ဂကူမန်တအ် ပါလုပ်တိုန်စိုပ်လဝ်ဂၠိုၚ်အိုတ်ရောၚ် ဂွံတီကေတ်ရ။

0 Comments