ပံက်ဂကောံကၠောန်ဗဒှ် တ္ၚဲပၠန်ဂတး ၆၈ ဝါ

by | Aug 15, 2015 | ပရိုၚ် | 1 comment

ကောံဓရီုပံက်ဂကောံကၠောန်ဗဒှ် တ္ၚဲပၠန်ဂတး(IMNA)

ကောံဓရီုပံက်ဂကောံကၠောန်ဗဒှ် တ္ၚဲပၠန်ဂတး(IMNA)

ဂျူမန် – ပ္ဍဲဂိတုအဝ်ဂေတ် စၟတ်တ္ၚဲ ၁၃ ဂိတု၈ – ၂၀၁၅ ပ္ဍဲကဵုကွာန်ၜဝ် ဘာအံၚ်မေတ္တာ ပွိုၚ်ဍုၚ်မုဟ်ဍုၚ်ဂှ် ကၠောန်ဗဒှ်ပံက််ကမ္မတဳစိုပ်ကဵုတ္ၚဲပၠန်ဂတး မရနုက်ကဵု ၆၈ ဝါ ရုဲစှ်လဝ်ညးအာက္ဍိုပ် ၃ တၠရောၚ် ဂွံတီကေတ်ရ။

ကၠောန်ဗဒှ်ပံက်ကမ္မတဳ စိုပ်ကဵုတ္ၚဲပၠန်ဂတး မရနုက်ကဵု ၆၈ ဝါဂှ် နူကဵုဂကောံ MYEO ၊ လဂံါအာဇာနယ် ၊ ဂကောံသၟတ်ပွိုၚ်ဍုၚ််ကအ်ကြိက် ၊ ဂကောံဂဳတ MNP ၊ဂကောံဂဳတမန် ၊ဂကောံထံက်ပၚ်ပရေၚ်ပညာမန် ၊ ဂကောံသၟတ်ပွိုၚ်ဍုၚ်မုဟ်ဍုၚ် ၊ဂကောံ MYBO ၊ ဂကောံစဳပျး ၊ အပံၚ် ဂကောံ ၉ ဂကောံတိုန်စိုပ်ရ။

ညးအာက္ဍိုပ်တ္ၚဲပၠန်ဂတးမွဲတၠ မာံအာနန်ဂှ် “အဓိကဍေံ ပိုယ်ဂှ်တှေ် တံၚ်ဂြဲစိုတ်ဓာတ် ကဵုလညာတ်၊ အခေါၚ်အရာကံကုသဵုပိုယ် ပိုယ်ဂွံဖန်ကေတ်တ်ဂှ်တှေ်သၟတ်ပိုယ်တအ်ဒးပၠန်ဂတးဏောၚ်၊ တုဲတှေ်ယေန်သၞာၚ် ၊ လိက်ပတ် အရေဝ်ဘာသာမိမပိုယ် ညံၚ်သ္ဂောံဂွံအခေါၚ် ကျိုၚ် ၊ ဗ္တောန် ဗၠးဗၠးၜးၜးမာန်တုဲ ပိုယ်တအ်ချဳဒရာၚ်ကၠောန်တ္ၚဲပၠန်ဂတးရောၚ် “ ဟီုရ။

ညးအာက္ဍိုပ်တ္ၚဲပၠန်ဂတးမွဲတၠ နာဲစိစောန်ဂှ် “တၚ်ရန်တၟအ်ဂှ်တှေ် ဂကောံပိုယ်သီုဖအို်တ် ပံၚ်တောဲတုဲတှေ် ဗီုလဵုဂွံဆက်အာဂတနူဏအ် နကဵုကတိုၚ်ကတိုၚ်ကၟဟ်ဟ်ပိုယ်ဟပၠောပ်အာစိုတ်ဓာတ်သၟတ်တအ်ဂှ်မွဲ မွဲပၠန်ဂှ်တှေ် ဝၚ်ပိုယ်ပၠန်ဂတးကၠုၚ်ဗီုလဵုဒးဇီုကပိုက်မံၚ်ဂှ် ညံၚ်ကဵုသၟတ်တအ်ဂွံတီ် ပိုယ်ကၠောန်ဗဒှ်ပေါဲဏအ်တှေ် ၜိုတ်ညးတအ်တီီဂှ် တီအာဏောၚ်ပိုယ်ရန်တၟအ်လဝ်ဗီုဂှ်ရောၚ်” ဟီုရ။

တ္ၚဲပၠန်ဂတးဗဟဵု မရနုက်ကဵု ၆၈ ဂှ် ကၠောန်ဗဒှ်ဒၞာဲကျာ်ပံက်ၜါ (ဗျိုၚ်နှစ်ကောၚ်) ပွိုၚ်ဍုၚ်မုဟ်ဍုၚ််ရ၊ ပ္ဍဲကဵုတ္ၚဲပၠန်ဂတးဂှ်တှေ် ဒေါဝ်တ္ၚဲ ၂ နာဍဳဂှ် စပံက်အခန်ကၞာရ ၊အစဳဇန်ပေါဲဟီုတွံ နာဲယက္ခ ၊ဂကောံ RPF နာဲလွဳအံၚ် ၊ နကဵုဗော်ဍုၚ်မန်တၟိဂှ် ၁ တၠ ညးတအ်ဘိက်ပၟိၚ်လဝ်ရ ၊ လ္ပာ်လဟိၚ်စိုတ်ပၠန်လေဝ် နူကဵုဂကောံဂဳတ MNP တအ်ကီု ဂကောံဂဳတမန်တအ်ကီု ညးတအ်ကၠုၚ်ကဵုအရီုဗၚ် မွဲမွဲဂကောံ ၂ တၠရောၚ် ဂွံတီကေတ်ရ။

Written by

Related Posts

ပ္ဍဲမဟာၛာဲ ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာမွဲတၠ ဒးချိုတ်

ပ္ဍဲမဟာၛာဲ ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာမွဲတၠ ဒးချိုတ်

ပ္ဍဲခရိုင်သမုတ်သဃန် ကၟိန်ဍုင်သေံ၊ ဍုင်မဟာၛာဲဂှ် ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာ မၞိဟ်ဗြဴမွဲတၠ ဒးချိုတ်အာလဝ်ရောင် ပရိုင်သေံဂမၠိုင် ချူဓမံက်လဝ်ရ။

ဒေသဍုၚ်မန်သ္ကုတ်လ္တူ ဒပ်ကံၚ်သဳပၞာန်ထ္ပက်ပၞာန်တုဲ ရဲကၠောန်ကၠအ် နူဒေသသ္ကုတ်သၠုၚ်ကျာတအ် ဒးက္လေၚ်စဴ

ဒေသဍုၚ်မန်သ္ကုတ်လ္တူ ဒပ်ကံၚ်သဳပၞာန်ထ္ပက်ပၞာန်တုဲ ရဲကၠောန်ကၠအ် နူဒေသသ္ကုတ်သၠုၚ်ကျာတအ် ဒးက္လေၚ်စဴ

ဒေသဍုၚ်မန်သကုတ်လ္တူ ပွိုၚ်ဍုၚ်သဓီုကဵု ပွိုၚ်ဍုၚ်ၜဳကလေၚ်ဂှ် ဒၟာနူဒပ်ကံၚ်သဳပၞာန်တအ် ထ္ပက်လုပ်ကၠုၚ်နကဵုဇြဟတ်ဂၠိုၚ်ဂၠိုၚ်တုဲ ရဲနူကဵုမတ်မလီု၊ မုဟ်ဍုၚ်၊ ဇြပ်ဗု အာကၠောန်မံၚ်ကၠအ်ဒေသဂှ်ဝွံ ဒးကလေၚ်စဴကၠုၚ်အိုတ်ရောၚ် ညးမကၠောန်မံၚ်ကၠအ်မွဲတၠ ဟီုထ္ၜးရ။

ညးမပြာပ်အာစိုပ်ဌာနစှ်ေဘာဥတုကညၚ် အလုံဒေသရးမန်တအ် သ္ဂောံဂီုကၠီုမာန်ဂှ် ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်နွံ

ညးမပြာပ်အာစိုပ်ဌာနစှ်ေဘာဥတုကညၚ် အလုံဒေသရးမန်တအ် သ္ဂောံဂီုကၠီုမာန်ဂှ် ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်နွံ

တၠဳပိုန်သၚ်တၠပညာဂမၠိုၚ်၊ ကွးဘာဂမၠိၚ် ကေုာံ မိမညးဍုၚ်ကွာန်မန်တအ် သ္ဂောံအာစိုပ်သဘၚ်စှ်ေဘာဥတုကညၚ် အလုံဒေသရးမန် ပ္ဍဲဘာသာံလှေဝ်တေံမာန်ဂှ် နကဵုညးတာလျိုၚ်ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်ရောၚ် ဂွံတီကေတ်ရ။

1 Comment

  1. ဂကောံ MNP ဟွံသေၚ် ဂကောံဂီတ MMB ဏောၚ်

    Reply

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.