သၞံၚ်တိုၚ် – သွက်ညးဍုၚ်ကွာန် တွဵုရးဍုၚ်မန် ဒှ်မံၚ်ဝေဒနာမတ် (မျက်စိတိမ်) တံဂှ် ဂိတုအံက်တဝ်ဗာ (၈) ဂှ် ကုတၠဝေဒနာ (၁၅၀) တၠကီု စၟတ်တ္ၚဲ (၉) ဂှ် ကုမၞိဟ်ယဲ

(၅၀) တၠကီု ကမ္ပဏဳ SCG ပါ်ကရေက်ကဵုယဲမတ်ကၠု (မျက်စိတိမ်) ဒၞာဲရုၚ်ဂဥုဲမတ်မလီုရောၚ် ဂွံတီကေတ်ရ။

နကဵုအစဳဇန် Sharing a Brighter Vision ဂှ် နူကဵုဍုၚ်သေံ ရုၚ်ဂဥုဲ Banphaeo မပါ်ကရေက်ယဲမတ်ဂှ် ပံၚ်တောဲ ကဵုဂကောံထံက်ပၚ် The Crown Property Bureau၊ ရုၚ်က လုတ်သေံ၊ ဌာနပရေၚ်ထတ်ယုက်ညးဍုၚ်ကွာန် တွဵုရးဍုၚ်မန် ကေုာံ ရုၚ်ဂဥုဲဇၞော်ဍုၚ်မတ်မလီုတံတုဲ ထမံက်လဝ်ရုပ်ရဴရောၚ်။

“ဂတနူဏံ ၜါတ္ၚဲပၠန်တှေ် ညးပါ်ကရေက်လဝ်မတ်တံဏံဂှ် ကလေၚ်ညာတ်ကေတ် လျးအာရီုပေၚ်ၚ်မာန်ဏောၚ်။ ဇကုညးတံလေဝ် ညးတံကလေၚ်ရံၚ်စံၚ်ကေတ်တ်မာန်ရဏောၚ်။ ပရေၚ်ဒးဗဒဗဒဲါမံၚ်ညးတၞဟ်တံဂှ်လေဝ် အောန်စှေ်အာမာန်တုဲ ဓဝ်ပတှေ်ဇကုညးတံလေဝ် ပေၚ်ကၠုၚ်မာန်ဏောၚ်” သာ်ဝွံ နူကဵုဂကောံထံက်ပၚ် The Crown Property Bureau ညးက္ဍိုက်ပ် Mrs. Vunvimol Supprasert ဟီုလဝ်ရ။

မၞိဟ်ယဲမတ်တံဂှ် နူကဵုတွဵုရးဍုၚ်မန် နူပွိုၚ်ဍုၚ်နာနာတံဂှ် ကၠုၚ်ဇူမံၚ်ပ္ဍဲမတ်မလီုအိုတ်ရောၚ်။ အခိၚ်ပါ်ကရေက်ကီု ဒၞာဲဂွံဇူဒီုကီု ပ္ဍဲကဵုရုၚ်ဂဥုဲဂှ် ဍန်ဂြက်မံၚ်ရောၚ် ညးကၠုၚ်ဝဳယဲတံ ဟီုရ။

“နူသၞာံအာတေံရ မတ်ဟဏှော်တုဲ အဲကေၚ်ထ်ၜးပ္ဍဲဍုၚ် (မတ်မလီု) ဏံရ။ လၟုဟ်ဏံ ဒးရေက်ဏောၚ် ဂွံပတိတ် (တိမ်) ဂှ်၊ ကရေက်တုဲတှေ် ဒးတိက်ပ္ဍဲရုၚ်ဂဥုဲဏံ မွဲဗတံရ။ တ္ၚဲတၟးတှေ် ဍေံစုတ်ကဵုဂဥုဲ ကဵုဒ္ၚေါဝ်မတ်၊ တုဲတှေ် စဴသ္ၚိဂွံရ” သာ်ဝွံ ညးကၠုၚ်ကရေက်မတ် နူကဵုပွိုၚ်ဍုၚ်ပံၚ် ကွာန်ဝါကပိုဟ် မိတေန်သုၚ် ဟီုရ။

သွက်ဂွံပါ်ကရေက်မတ်ဂှ် ပံၚ်တောဲလဝ်ကဵုအ္စာသဝ် နူကဵုဍုၚ်သေံတေံကီု ကုမၞိဟ်ယဲတံဂှ် ဟွံကေတ်ၚ္ၚုဟ်မး သီုပရအ်ကဵုပုၚ်ဂွဳ ဍာ်သုၚ်တံဏီရောၚ်။

ကမၠောန်ရုၚ်စက်တိဗိလာတ်ကီု ကမၠောန်ကပေါတ်ပါ်ဓာတ်တံကီု ကမၠောန်စက္ခူကီု ကမ္ပဏဳ SCG ဂှ် ပြာကတ်မံၚ်ကမၠောန်ပိသာ် ပ္ဍဲဒေသအာသဳယာန်ရောၚ်။ ပ္ဍဲကမ္ပဏဳဇၞော်ဂှ် ကမ္ပဏဳဆက်စပ် (၂၀၀) ပြၚ်ကဵု သၟာကမၠောန် (၅၁၀၀၀) ပြၚ် နွံရောၚ်။

ပ္ဍဲကဵုတွဵုရးဍုၚ်မန် ရုၚ်စက်တိဗိလာတ်မတ်မလီု မသိုၚ်ခၞံမံၚ် ပ္ဍဲဍုၚ်ကျာ်မြဟ် ဒေသကံဒုန်၊ ကံပၞဟ် နကဵုယၟု MCL ဂှ် ဓလိုလဝ်တမ်ရိုဟ် (၁၂၄၀၀) ပြကောတ်ဋိကိုတ်ၝာတ်တုဲ ပ္ဍဲကဵုသၞာံ (၂၀၁၆) ဏံ ဗဂေတ်စက်မာန်ရောၚ် ဂွံတီကေတ်ရ။