ပရေၚ်ရုဲစှ်သကိုပ်အုပ်ဓုပ်ကွာန်/ အရာပ် ပ္ဍဲပွိုၚ်ဍုၚ်ကျာ်မြဟ် ကြပ်တုဲဒှ်အိုတ်

by | Jan 20, 2016 | ပရိုၚ် | 0 comments

ပ္ဍဲကဵုပွိုၚ်

အဃောရုဲမံၚ်သ္ကိုပ်အုပ်ဓုပ်ကွာန်ကြေဝ်ဏာ (MNA)

အဃောရုဲမံၚ်သ္ကိုပ်အုပ်ဓုပ်ကွာန်ကြေဝ်ဏာ (MNA)

ဍုၚ်ကျာ်မြဟ်ဂှ် ပရေၚ်ရုဲစှ်သကိုပ်အုပ်ဓုပ်ကွာန်၊ အရာပ်တံ ကြပ်တုဲဒှ်အိုတ်ရရောၚ် ဂွံလ္ၚတ်တီကေတ် နူရုၚ်အုပ်ဓုပ်ပွိုၚ်ဍုၚ်ကျာ်မြဟ်ရ။

“ပ္ဍဲပွိုၚ်ဍုၚ်ကျာ်မြဟ်ဂှ် အရာပ်လ္တူဍုၚ် (၂) ကီု ပွိုၚ်ဂကောံကွာန် (၄၃)၊ သီုဖ်အိုတ်နွံမံၚ် (၄၅) ဂကောံ နွံမံၚ်ဏောၚ်။ စဵုကဵုလၟုဟ်ဂှ် အရာပ်လ္တူဍုၚ် (၂) ကဵု ဂကောံကွာန် (၄၂) ဂကောံ၊ သီုဖအိုတ် (၄၄) ဂှ် ရုဲစှ်တုဲအာယျဏောၚ်။ ဂ ကောံကွာန်ကအ်ခနိ မွဲကွာန်ရ သှေ်မံၚ်ဏီ” သာ်ဝွံ သကိုပ်အုပ်ဓုပ်ပွိုၚ်ဍုၚ်ကျာ်မြဟ် ဥူအံၚ်ထိုက် ဟီုကဵုသၞံၚ်တိုၚ် ပ္ဍဲဂိတုဂျာန္နဝါရဳ (၁၉) ဂှ်ရောၚ်။

အဃောရုဲမံၚ် သကိုပ်အုပ်ဓုပ်ဂှ် စပ်ပရေၚ်ပါ်ပရအ် ဒက်ပတန်ညးဂကောံစှ်သ္ၚိ (ဆယ်အိမ်မှူး) ဂှ်ပရေၚ်ကယျာန် ဓဝါတ်ညးသ္ကအ် နွံကၠုၚ်လဝ် တၟာဟလိုၚ်ရောၚ်။ ပ္ဍဲကဵုကွာန်ကအ်သိုက်ဂှ် နူကဵုဂကောံကောပ်ကာဲတံ ရုဲစှ်ဂကောံစှ် သ္ၚိ (ဆယ်အိမ်မှူး) ဂှ် ဟွံပြေပြံၚ်ကဵု ညးဍုၚ်ကွာန်တံတုဲ နကဵုဂကောံအုပ်ဓုပ်ပွိုၚ်ဍုၚ် ဒးစှေ်သောၚ်ကလး၊ ဒးထပ်ရုဲစှ် တၟိလေဝ် နွံမံၚ်ကီုရောၚ်။ ရုဲစှ်လဝ်အုပ်ဓုပ်ကွာန်တုဲ အဃောပတိုန်မံၚ်ကဆံၚ်ခရိုၚ် ဂွံသ္ပတန် အပ်ပြာပ်ကဵုတာလျိုၚ် ဂှ် ပရေၚ်ဒစဵုဒစး (ကန့်ကွက်) ဍာ်ဒ္ကေဝ်ဟွံပေၚ်တံ နွံမံၚ်ညိညိရောၚ်။

“ဗွဲမပြဟ်ဟ်ဒးရုဲတှေ် လၟုဟ်ဂှ်အခက်ခုဲမံၚ်ကဵုအခိၚ် ပေၚ်ထာတ်ရ။ ရုဲပ္ဍဲကွာန်ဏံ ဟီုကၠာလေဝ် မၞိဟ်သ္ပဒေၚ် (ကြီး ကြပ်ရေးအဖွဲ့) ဒးရုဲမၞိဟ် (၅) ဂှ် ၜိုတ်လဵုဍေံကၠးမးရောဂှ် ပၟိက်ဇၞော်မံၚ်လေဝ်။ ယဝ်ရ လၟေၚ်ကမၠောန် ဍေံကၠောန်ဟွံ လေပ်တှေ် ပြသၞာဍေံဒှ်မံၚ်ဟဂှ်ရ။ အေမၞိဟ် (၅) ဏံ ဒးကဵုအခိၚ် ဒးဗ္တောန်ချိုတ်တ်ပၠိုတ်တ်ဏောၚ်။ လၟုဟ်ဂှ် ကဵုအ ခိၚ်လေဝ်ဟွံဂတာပ် ဃရက်ကၠောန်မံၚ်ဂှ် ယှုက်ထုဲမံၚ်ဖိုဟ်ရ” သာ်ဝွံ ညးစၞးကၠတ်ထဝ်တွဵုရးမန် ဒံက်တာအံၚ်နာၚ်ဥူ ဟီုပတိတ်လညာတ်ညးရ။

ပ္ဍဲကဵုဂိတုဂျာန္နဝါရဳ (၁၆) နူကဵုကၠတ်ထဝ်ကၟိန်ဍုၚ်သ္ပဒတန်လဝ် စပ်ကဵုသၞောဝ်ဥပဒေအုပ်ဓုပ်ကွာန်တၟိပၠန်ဂှ် အာယုက် သကိုပ်အုပ်ဓုပ်ကွာန်ဂှ် တုပ်သၟဟ်ကဵုအာယုက်သမ္မတကၟိန်ဍုၚ်တုဲ အခိၚ်ပြံၚ်သၠာဲအလဵုအသဳဂှ် ဒးရုဲစှ်သကိုပ်အုပ်ဓုပ် ကွာန် အတိုၚ်သၞောဝ်ရောၚ်။

ရုဲစှ်မံၚ်လၟုဟ်ဝွံ အတိုၚ်သၞောဝ်သ္ပဒတန်လဝ်တြေံ ကၠာနူကဵုအာယုက်ကၠတ်ထဝ်ညးဍုၚ်ကွာန် ဟွံဂွံအိုတ်ဏီ ဂွံဒှ်ပ ရေၚ်ပြံၚ်သၠာဲတာလျိုၚ်မာန်ဂှ် ဒးရုဲစှ်မံၚ်ရောၚ်။ စပ်ကဵုသၞောဝ်အုပ်ဓုပ်ကွာန် ကၠတ်ထဝ်ကၟိန်ဍုၚ်သ္ပဒတန်လဝ် ပြဟ်ဟ်ဏံတုဲ ပရေၚ်စၞောန်ပ္ညုၚ်နူကဵုကဆံၚ်လ္တူ ဟွံစိုပ်ကၠုၚ်ဏီရောၚ် သကိုပ်အုပ်ဓုပ်ပွိုၚ်ဍုၚ်ကျာ်မြဟ် ဟီုရ။

ပ္ဍဲပွိုၚ်ဍုၚ်ကျာ်မြဟ် ရုဲစှ်လဝ် သကိုပ်အုပ်ဓုပ်ကွာန် တုဲဒှ်အာ (၄၄) ဒၞာဲဂှ် မၞိဟ်တြေံ ပါလုပ် (၂၀) တၠတုဲ မၞိဟ်တၟိ ပါလုပ် (၂၄) တၠဂှ် သကိုပ်အုပ်ဓုပ်ကွာန်မၞိဟ်ဗြဴ မိစၠန်ထဝ် ကွာန်ကြေဝ်ဏာ ပါလုပ်မွဲတၠကီုရောၚ် ဂွံတီကေတ်ရ။

Written by

Related Posts

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.