တ္ၚဲကောန်ဂကူမန် (၆၉) ဝါ ကၠောန်ဗဒှ်ဗွိုၚ်တိဍာ်ဗော်ဍုၚ်မန်တၟိတံဂှ် စံၚ်ပလီုကၠေံဂဥုဲၜူမာဲ ဂတမုက်ညးဍုၚ်ကွာန်

by ဌာန်ပရိုၚ်ဗၠးၜးမန် | Feb 25, 2016 | ပရိုၚ် | 0 comments

တ္ၚဲကောန်ဂကူမန် ၆၉ ဝါ မကၠောန်ဗဒှ်လဝ်ပ္ဍဲဗွိုၚ်တိဍာ်ဗော်ဍုၚ်မန်တၟိ ခရိုၚ်မတ်မလီုကဵုခရိုၚ်သဓီုတံဂှ် နကဵုအစဳဇန် တၟေၚ် သီုစံၚ်ပလီုကၠေံဂဥုဲၜူမာဲ ဂတမုက်ညးဍုၚ်ကွာန်မတိုန်စိုပ်တံဂှ်ရောၚ် ဂွံတီကေတ်ရ။

ပ္ဍဲကဵုခရိုၚ်မတ်မလီုဂှ် အပ္ဍဲပွိုၚ်သၞာံ ၂၀၁၅ သၟး ရပ်စပ်ကေတ်လဝ်အရေဝ် ရဲသွံရာန်သုၚ်စောဲဂဥုဲၜူမာဲ (၁၀၆) တၠကဵု လၟိဟ်မဂဥုဲ (၇၀၆) မကီု၊ ပ္ဍဲကဵုခရိုၚ်သဓီုဂှ် အပ္ဍဲပွိုၚ်သၞာံ ၂၀၁၆ ဏအ်သၟး ရပ်စပ်ဂွံလဝ်မၞိဟ်သွံရာန်သုၚ်စောဲ (၁၄) တၠကဵု လၟိဟ်မဂဥုဲ (၁၀၀၀) ပြၚ်ၚ်ကီုနွံတုဲ မဂဥုဲၜူမာဲတအ်ဂှ် စံၚ်ပလီုကၠေံ ဂတမုက်ညးဍုၚ်ကွာန်တအ်အိုတ်ရ။

ဒုသ္ကိုပ်ဗိုလ်ဇၞော်ထဝ်နွံ သ္ကိုပ်တမ်ဒပ်လၟိဟ် (၂) ခရိုၚ်သဓီုဂှ် “မူဗော်ပိုယ်ဂှ် နွံမံၚ်ရရ၊ အတိုၚ်မူဗော်ပိုယ် ပိုယ်ဆက် ရပ်ထိၚ် ဒဝ်အာဏောၚ် ဂဥုဲဂှ်ဍေံဂၠိုၚ်မံၚ်ရရ ဆဂးတန်တဴကဵုမၞိိဟ်ပိုယ် ၜိုတ်လဵုဂစာန်ကဵုမာန်ရော ညးဍုၚ်ကွာန် တအ် ကဵုရီုဗၚ်ကဵုပိုယ်ဂၠိုၚ်တှေ် ပိုယ်တအ်ရပ်ဂွံဂၠိုၚ်ရ ဂွိၚ်ဖေက် ကောန်ဂကူမန်ပိုယ် သၟတ်မန်ပို်ယ် လီုလာ်အိုတ်တုဲ ပိုယ်ဒးထိၚ်ဒဝ်မၚ်မွဲရ မၞိဟ်ပိုယ်ရပ်ဂွံလဝ်တအ်ဂှ် ပိုယ်ကဵုပညာဏောၚ် ပဠေဝ်ကဵုဍေံတအ်ရောၚ်” သာ်ဝွံ ညးဟီုရ။

ပ္ဍဲကဵုမၞိဟ်ဒးဒုၚ်ရပ်စပ်ကေတ်လဝ်အရေဝ် ဟိုတ်နူသွံရာန်သုၚ်စောဲဂဥုဲၜူမာဲတအ်ဂှ်ဝွံ သၟတ်မန်ဃောအဝဲပၠိုၚ်ၚ်တအ် ပါလုပ်ဂၠိုၚ်တုဲ မၞိဟ်ဗြဴဗြဴလေဝ် ပါလုပ်မံၚ် နွံကီုရောၚ် ညးဆက်ဟီုရ။

“ရန်ကဵုသၟတ်တအ်ညးဂမၠိုၚ် ဂွံဆဵုတုဲ နူကဵုဗော်ဍုၚ်မန်တၟိ စံၚ်ကၠေံဂဥုဲၜူမာဲ ဂတမုက်စၚ်တ္ၚဲကောန်ဂကူပိုယ်ရ၊ တုဲ ပၠန် သၟတ်ပိုယ် ဒက်ပတန်လဝ်ကမ္မတဳတိုၚ် သၞာံဏအ်တှေ် ပိုယ်ရန် တၟအ်လဝ် သွက်ဂွံထံက်ပၚ် လိက်ပတ်ကဵု လာပ်ကဵုကုကွးဘာယေန်သၞာၚ်မန် အနာဂတ်ဂတနူဏအ် ကွာန်ညးကဵုညး ညံၚ်ဂွံဒက်ပတန်အာမာနှ်ရောၚ်” သာ် ဝွံ နာဲထဝ်သိုက် ကွာန်ကံဂဵု ဟီုရ။

ဗီုစံၚ်ပၠေၚ်ကၠေံမံၚ်ဂဥုဲၜူမာဲ (MNA)

p

တ္ၚဲကောန်ဂကူမန် ၆၉ ဝါ ပံၚ်ကောံထပှ်ကွာန် ခရိုၚ်သဓီု ဗော်ဍုၚ်မန်တၟိဂှ် ကၠောန်ဗဒှ်ဏာ ဋ္ဌာနကွာန်ကံဂဵု တွဵုရး ကရေၚ် ပွိုၚ်ဍုၚ်ကအ်ကြိက်တုဲ ပ္ဍဲကဵုခရိုၚ်မတ်မလီုဂှ် ကၠောန်ဗဒှ်လဝ်ဋ္ဌာနကွာန်ဒဵုထောၚ် ပွိုၚ်ဍုၚ်လှာဒကှ် ရောၚ် ဂွံတီကေတ်ရ။

← ပ္ဍဲတွဵုရးဍုၚ်မန် မၞိဟ်ဟဂွံပ္တိတ်ကေတ် သြန်ဒုၚ်လျိုၚ် လုပ်ပေဲါရုဲမာဲ သှေ်မံၚ် (၄၃) တၠဏီ ကေတ်ဓဝ်ကၠိုဟ်ခၠၚ်ကဵုညးမၞုံအဝဵုဒေသတုဲ သ္ဘၚ်ကျာ်ကွာန်မၞုံအပ္ဍဲပွိုၚ်ဍုၚ်ဍာ်ဗုလ္ၚဵု ပံက်ဒၟံၚ်ဝိုၚ်ဝေၚ်နွံ →

Written by

က္ဍိပ်သ္ကိုပ်ဗီုညးကဵု ဂၠံင်တရဴရက္ခိတ (သ္ကုတ်နိဂီု)

by ဌာန်ပရိုၚ်ဗၠးၜးမန် | Oct 14, 2025 | ပရိုၚ်

လ္တူအကာဲအရာဂှ် ကေတ်အရီုအဗင် အလဵုအသဳဍုင်ကြုက်တုဲ ဂိုတ်ဂစာန် ပတိတ်အစောန် သွက်သ္ဂောံကလေင် ထိင်ဒဝ်ကေတ် ဂကောံ ERO မဖျေံလဝ်သဇိုင် အကြာပယျဵုကြုက်ရ။ အတိုင်ဂိုတ်ဂစာန် ပတိတ်ကၠုင်အစောန်ဂှ် ၜိုတ်ထေက်ကြိုက် ကလိဂွံပေါဲဇၞးနွံတုဲ သွက်သ္ဂောံကလေင်ထိင်ဒဝ်ကၠေံ ပရေင်ချဳဓရာင် ဒပ် AA ဂှ် နကဵုနဲကဲဇဳ မေန်အံင်လှာင် ဂစာန်ကေတ်ဒၟံင်အရီုအဗင် အလဵုအသဳအိန္ဒိယျ ကေုာံ အလဵုအသဳ ၜင်္ဂလာဒေတ်တံပၠန်ရ။ အဓိက စောဲစပ်ဒပ်ပၞာန် AA တအ် နကဵုပရေင်ကူသာန်သွံရာန် ဂဥုဲၜူမာဲရ။ နူကဵုပးဒၞက်ဏအ် က္ဍိုပ်သကိုပ် ဒပ်ပၞာန် AA ထောန်မျာတ်နာင် နကဵုဓဝ်သတိဇၞော်ဇၞော် ညံင်သ္ဂောံတတ်ကၠောံၜက်အာမာန်ဂှ် ပၟိက်ဇၞော်တဴရ။

ပ္ဍဲကဵု “သ္ဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်” လ္တူဍုၚ်ဖူကေတ်ဂှ် ဂကူမန်တအ် တိုန်စိုပ်ဂၠိုၚ်အိုတ်ရောၚ်ဂး

by ဌာန်ပရိုၚ်ဗၠးၜးမန် | Sep 30, 2025 | ပရိုၚ်

ပ္ဍဲကၟိန်ဍုၚ်သေံ လ္တူဍုၚ်ဖူကေတ်၊ ပ္ဍဲကဵုဘာမိုဝ်နေတ်ဂှ် ကျာ်ဇၞော်အ္စာဘာမိုဝ်နေတ် ကေုာံ ညးတာလျိုၚ် ကဆံၚ်ကဆံၚ်တအ် က္ဍိုက်က္ဍိုပ်ပၠတရဴတုဲ ကၠောန်ဗဒှ်ကၠုၚ်လဝ် ဘဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်ဂကူဂှ်မ္ဂး ကောန်ဂကူမန်တအ် ပါလုပ်တိုန်စိုပ်လဝ်ဂၠိုၚ်အိုတ်ရောၚ် ဂွံတီကေတ်ရ။

0 Comments