သွက်ဂွံပါလုပ်ထ္ပက်စၟတ်တဲ NCA အလဵုအသဳတွဵုရးဍုၚ်မန် ဖ္တိုက်ဖ်ေအာဝ်ဗော်ဍုၚ်မန်တၟိ

by | Feb 29, 2016 | ပရိုၚ် | 0 comments

သွက်ဂွံပါလုပ်ထ္ပက်စၟတ်တဲ ပ္ဍဲလိက်ကသုက်ဒေံါပန်ပှော်အလုံဍုၚ် NCA မာန်ဂှ် နူဂကောံအလဵုအသဳတွဵုရးဍုၚ်မန် တအ် ဖ္တိုက်ဖ်ေအာဝ်ကၠုၚ် ကုဂကောံရပ်လွဟ်ကောန်ဍုၚ်အရၚ် ဗော်ဍုၚ်မန်တၟိနွံရောၚ် ဂွံတီကေတ်ရ။

ပ္ဍဲဂိတုဖေဖဝ်ဝါရဳ ၂၈၊ သၞာံ ၂၀၁၆ ဂှ် နူဂကောံအလဵုအသဳတွဵုရး သ္ကိုပ်ဝန်ဇၞော် ဥူအုမ်မျေအ် က္ဍိုက်ပ်တအ် ကော် ဘိက် ဆဵုဂဗတက်ကျာ ကုဗော်ဍုၚ်မန်တၟိ ဥက္ကဋ္ဌဇၞော် နာဲထဝ်မန် မက္ဍိုက်ပ် ပ္ဍဲရုၚ်အလဵုအသဳတွဵုရး ကေုာံ သီုဆဵုကဵုညးသ္ကိုပ်ဋ္ဌာန်ဂအုပ်ပၞာန်ရးအဂၞဲ သ္ကိုပ်ပၞာန်မျဵုဝေန် ဗွဲပလးဂှ် ဖ္တိုက်ဖ်ေအာဝ်လဝ်ရောၚ် ညးလျိုၚ်ဗွိုၚ်အပ္ဍဲဍုၚ် ကေၚ်ကာဗဟဵု ဗော် ဍုၚ်မန်တၟိ နာဲဝေန်လှ ဟီုထ်ၜးရ။

“အနှေန်ဥက္ကဋ္ဌဇၞော်ပိုဲ တိုန်စိုပ်ကၠုၚ်သဘၚ်စရိုဟ်ဍာ်ဘာရာမညရဋ္ဌဂှ် အလဵုအသဳတွဵုရးကော်ဘိက်ကၠုၚ်တုဲတှေ် အာဆဵုလဝ်ညးတအ် ဗွဲပလးရ၊ ပ္ဍဲကဵုဆဵုဂဗဏံ တၚ်တၟေၚ်ဍေံနွွံမွဲဂှ်တှေ် ညးတံ ဖ္တိုက်ဖ်ေအာဝ်ဟီုကၠုၚ်ကဵုဗော်ဍုၚ်မန်တၟိ ညံၚ်ဂွံပါလုပ် ပ္ဍဲကိစ္စထ္ပက်စၟတ်တဲ NCA ဂှ်နွံ” သာ်ဝွံ ကေၚ်ကာဗဟဵု နာဲဝေန်လှဂှ် ဟီုကဵုသၞံၚ်တိုၚ်ရ။

ကြဴနူဆဵုဂဗတက်ကျာကဵု ဂကောံအလဵုအသဳတွဵုရးဍုၚ်မန်တုဲဂှ် ဥက္ကဋ္ဌဇၞော်နာဲထဝ်မန် မက္ဍိုက်ပ် ညးစၞးဗော်ဍုၚ်မန် တၟိတအ် ထပ်ဆဵုဂဗလဝ် ကုညးသ္ကိုပ်ဋ္ဌာန်ဂအုပ်ပၞာန်ရးအဂၞဲ သ္ကိုပ်ပၞာန်မျဵုဝေန် ပ္ဍဲကဵုဋ္ဌာန်ဂအုပ်ပၞာန်ရးအဂၞဲ (ရတခ) မၞုံပ္ဍဲကုန်ရခိုၚ် (ရခိုၚ်ကုန်) ဍုၚ်မတ်မလီုတေံပၠန်ရောၚ်။

ဥက္ကဋ္ဌဇၞော်ဗော်ဍုၚ်မန်တၟိကဵုသ္ကိုပ်ဝန်ဇၞော်တွဵုရး ဆဵုဂဗလဝ်ဗွဲပလး လောန်ကၠုၚ်သၞာံ ၂၀၁၄ တေံ (Seikchan Htaw)

ဥက္ကဋ္ဌဇၞော်ဗော်ဍုၚ်မန်တၟိကဵုသ္ကိုပ်ဝန်ဇၞော်တွဵုရး ဆဵုဂဗလဝ်ဗွဲပလး လောန်ကၠုၚ်သၞာံ ၂၀၁၄ တေံ (Seikchan Htaw)

ပေဲါဆဵုဂဗဗွဲပလးဏံဝွံ လ္ပာ်ဗော်ဍုၚ်မန်တၟိဂှ် ဥက္ကဋ္ဌဇၞော် နာဲထဝ်မန်၊ ကေၚ်ကာဗဟဵု နာဲဝေန်လှ၊ ကမ္မတဳဗဟဵု နာဲဟံ သာဗိုန်ခိုၚ်၊ ဒုသ္ကိုပ်ဗိုလ်ဇၞော် အာမ်သိုက်ဆာန်၊ သ္ကိုပ်ဗိုလ်ရာဇာတအ်ပါလုပ်တုဲ လ္ပာ်ဂကောံ အလဵုအသဳတွဵုရးဂှ် သ္ကိုပ်ဝန်ဇၞော် ဥူအုမ်မျေအ်၊ ဝန်ဇၞော်ဂီုကၠီုပယျဵုတွဵုရး သ္ကိုပ်ဗိုလ်ဇၞော် ဝေန်နိုၚ်ဥူ၊ ဥက္ကဋ္ဌကၠတ်ထဝ်တွဵုရး ဒဝ်တေန် အိ ကေုာံ ညးအုပ်ကာဂကောံ အလဵုအသဳတွဵုရး ဥူဇြဝ်လေန်ထောန်တအ် ပါလုပ်ရ။

နကဵုဗော်ဍုၚ်မန်တၟိဂှ် တၚ်နၚ်မပါလုပ်ချူလဝ် အပ္ဍဲလိက်ကသုက် NCA ဂမၠိုၚ်ဂှ် ဒုၚ်တဲမာန်ကီုလေဝ် ကာလထ္ပက် စၟတ်တဲဂှ် ဂကောံရပ်လွဟ်ကောန်ဍုၚ်အရၚ်ဖ်အိုတ် ဟွံပါလုပ်ကီု၊ နကဵုအလဵုအသဳတံ ကၠောန်ဇန်အာဒၟံၚ် ဗီုပၟိက်ဇကုမွဲ လ္ပာ်ဓဝ်တုဲဂှ်ရ ပြဟ်ဟ်ဏံ ဟွံဒှ်ထ္ပက်စၟတ်တဲဏီရောၚ် ဂးလဝ်နွံရ။

ကေၚ်ကာဗဟဵုဗော်ဍုၚ်မန်တၟိ နာဲဝေန်လှဂှ် “ဆဂး တန်တဴကဵုအကာဲအရာအလဵုအသဳတိုန်တၟိဂတတေံတုဲ ကိစ္စ ထ္ပက်စၟတ်တဲ NCA ဏံဂှ် ကာလဒှ်လေဝ် ဒှ်အာမာန်မံၚ်” သာ်ဝွံ ညးဟီုရ။

ဒုၚ်သ္ဇိုၚ်ကဵု အလဵုအသဳ ကေုာံ ဂကောံရပ်လွဟ်မထ္ပက်လဝ်စၟတ်တဲ ပ္ဍဲလိက်ကသုက်ဒေံါပန်ပှော်အလုံဍုၚ် NCA (၈) ဂကောံတုဲ ပ္ဍဲဂိတုဂျာန္နဝါရဳ သၞာံ ၂၀၁၆ ဂှ် ကၠောန်ဗဒှ်ကၠုၚ်လဝ် သဘၚ်သဳကၠဳပရေၚ်ၜိုဟ်လလံဍုၚ် ပ္ဍဲနေပျဳတဝ် မွဲဝါ တုဲဒှ်အာရ။

Written by

Related Posts

သၟာကမၠောန်ဆုဲပြံင်တံ ဂွံကဵုမာဲပ္ဍဲဒေသမန်ဂှ် ဂစာန်ကၠောန်ဒၟံင်ကဵု ကာတ်ကောန်ဍုင်မန်နွံ

သၟာကမၠောန်ဆုဲပြံင်တံ ဂွံကဵုမာဲပ္ဍဲဒေသမန်ဂှ် ဂစာန်ကၠောန်ဒၟံင်ကဵု ကာတ်ကောန်ဍုင်မန်နွံ

ကၠာသၞာံဟွံအိုတ်ဏံ သွက်ဂွံကၠောန်အာပေဲါရုဲမာဲနွံတုဲ သၟာကမၠောန်ဆုဲပြံင်တအ် ဂွံကဵုမာဲပ္ဍဲဒေသမန်ဂွံဂှ် ဂစာန်ကၠောန်ပ္တိတ်ဒၟံင်ကဵု ကာတ်ကောန်ဍုင်မန်ဖိုဟ်ရောင် ပရိုင်ကြပ်ကဵု ကမ္မေယှန်ပေဲါရုဲမာဲမွဲတၠဂှ် ဟီုလဴထ္ၜးရ။

ကွဳစက်၊ ကွဳလိုန်ဓာတ် ပ္ဍဲဍုင်မန်ဂှ် ဒှ်လတေင်ပၞော်ဩန်လုပ် သွက်ကံင်သဳပၞာန်ခိုဟ်ခိုဟ်မွဲ

ကွဳစက်၊ ကွဳလိုန်ဓာတ် ပ္ဍဲဍုင်မန်ဂှ် ဒှ်လတေင်ပၞော်ဩန်လုပ် သွက်ကံင်သဳပၞာန်ခိုဟ်ခိုဟ်မွဲ

ကွဳစက်၊ ကွဳလိုန်ဓာတ် ပ္ဍဲဍုင်မန် လုပ်သၞောဝ်ကီု ဟွံလုပ်သၞောဝ်ကီုဂှ် ဒှ်လတေၚ်ပၞော်ဩန်လုပ် သွက်စက်ယန်ကံင်သဳပၞာန် ဂွံဂေတ်ခိုဟ်ခိုဟ်မွဲရောင် ညးရေင်တၠုင်သွံရာန်ကွဳစက်ပယျဵုသေံ ပၠုပ်ပ္ဍဲဍုင်မွဲတၠ ဟီုရ။

ဒပ်ကံင်ဇြဳပၞာန်တအ် လုပ်စိုပ်ဗပေင်မံင်ဇြဟတ် လ္တူဍုင်ကျာ်ပိပြဳပြဳနွံ ဂး

ဒပ်ကံင်ဇြဳပၞာန်တအ် လုပ်စိုပ်ဗပေင်မံင်ဇြဟတ် လ္တူဍုင်ကျာ်ပိပြဳပြဳနွံ ဂး

လဂွံကဵုတမ်ရိုဟ်ပရိုင် ဌာန်ပရိုင်ဗၠးၜးမန် မဟီုလဴကၠုင်လဝ်မ္ဂး ပြဟ်ဟ်ဏအ် နူကဵုဒပ်ကံင်ဇြဳပၞာန်တအ် လုပ်စိုပ်ကၠုင်မံင် ပ္ဍဲလ္တူဍုင်ကျာ်ပိပြဳပြဳနွံတုဲ ပ္ဍဲကဵုဂှ်မ္ဂး ကောန်သ္ဂံင်၊ ညးတာလျိုင်တအ်  ပါလုပ်မံင်ရောင် ဂးရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.