ပ္ဍဲကဵုကောံဓရီုဒစးဒုၚ် ကောံဓရီုဇၞော်ပရေၚ်ဂကူမန် ဗွိုၚ်အပ္ဍဲဍုၚ်ဂှ် အလာံလဵုလေဝ် ဟွံသုၚ်စောဲဏီ

by | Mar 5, 2016 | ပရိုၚ် | 0 comments

ပ္ဍဲကဵုအသေအဟာန်ကောံဓရီုဒစးဒုၚ် ကောံဓရီုဇၞော်ပရေၚ်ဂကူမန် ဗွိုၚ်အပ္ဍဲဍုၚ်
ခြာဟွံလအ်သွက်ဂွံ ကၠောန်ဂှ် ပရေၚ်သုၚ်စောဲအလာံဂှ် ဒှ်မံၚ်ဝိဝါဒတုဲ
အလာံလဵုလေဝ် ဟွံသုၚ်စောဲဏီရောၚ် ကမ္မတဳကၠောန် ဗဒှ်ကောံဓရီုတံ သ္ဂးရ။

တုဲကၠုၚ်ဂိတုမာတ်ချ် ၄ ဂှ်ကမ္မတဳဗဟဵု ဂကောံပံၚ်ကောံပရေၚ်ဂကူမန်
(MAU)ဗွိုၚ်အပ္ဍဲဍုၚ်တံသ္ပကောံဓရီု ချပ်သဳကၠဳသွက်ဂွံကၠောန်ဗဒှ်အာ
ဒစးဒုၚ်ကောံဓရီုဇၞော်ပရေၚ်ဂကူမန်မရနုက်ကဵု(၈)ဝါ ပ္ဍဲဗွိုၚ်အပ္ဍဲဍုၚ်ရ။

ပ္ဍဲကဵုပေဲါကောံဓရီုဂှ် ဂိတုမာတ်ချ် ၂၆-၂ရ ဏံမ္ဂး သွက်ဂွံကၠောန်ဗဒှ်အာ
ဒစးဒုၚ်ကောံဓရီုဇၞော်ပရေၚ်ဂကူ မန် လ္တူဍုၚ်မတ်မလီု ပ္ဍဲဘာဓါတုမာလာ ပွိုၚ် ၂
တ္ၚဲနွံတုဲ ပ္ဍဲကဵုအသေအဟာန်ကောံဓရီုဂှ် ဟိုတ်နူဒှ်
ကၠုၚ်ပရေၚ်ကယျာန်ဓဝါတ်ကိစ္စအလာံဂှ်နွံကၠုၚ်တုဲ အလာံလဵုလေဝ်
ဟွံပစူသုၚ်စောဲဏီရောၚ် ကမ္မတဳ ကၠောန်ဗဒှ်ကောံဓရီုတံ ဟီုထ်ၜးရ။

‘ပ္ဍဲကောံဓရီုဂှ် ပိုဲချပ်သဳကၠဳသွက်ဂွံကၠောန်ကောံဓရီု ဒစးဒုၚ်ဂှ်
ပိုဲသဳကၠဳသ္ၚဳဂၠိပ်ဏာပရောအလာံတၟာဂလိုၚ်ကီု ပိုဲသုၚ်စောဲဏာအလာံတေံတှေ်
ညးမွဲလ္ပာ်ဂှ် ဂွိၚ်ဖေက်ဟွံစှေ်စိုတ်၊ ပိုဲကၠောန်ကောံဓရီုပရေၚ်ညဳသၟဟ်တ္ၚဲ
ဏံဂှ် ကိစ္စဇၞော်ပရေၚ်အလာံဂှ်ဟွံသေၚ်၊
အဓိကဗီုလဵုပိုဲဒက်ပ္တန်အာပရေၚ်ဓဝ်ညဳသၟဟ်အလုံဂကူရောၚ်၊ ကိစ္စအလာံဂှ်
ပိုဲစွံလဝ်မွဲလစုတ်ကၠာတုဲ ပရေၚ်ကောန်ဂကူပိုဲတ္ၚဲဏံဂှ်
ပိုဲသဳကၠဳဂၠာဲအာသွဟ်ကၠာရောၚ်’ သာ် ဏံ ညးက္ဍိုက်ပ်ကမ္မတဳကၠောန်ဗဒှ်
ဒစးဒုၚ်ကောံဓရီုဇၞော်ပရေၚ်ဂကူမန် နာဲဗညာဂ္ဇံ ဟီုထ်ၜးရ။

အပ္ဍဲကဵုပရေၚ်ကောန်ဂကူမန်ဝွံ ချပ်သဳကၠဳကၠောန်သ္ပမွဲမွဲသာ်မ္ဂး
ဒးချပ်ဟီုဂးဒးသဳကၠဳပရေၚ်အလာံကောန် ဂကူမန်တုဲ စပ်ကဵုပရေၚ်အလာံဂှ်
ဒှ်ဒၟံၚ်ပရေၚ်ဆိုအ်ဗခက်ခုဲဒၟံၚ်လၟိုန်တုဲ ပ္ဍဲကဵုပေဲါကောံဓရီုဏံဂှ် ကိစ္စအ
လာံဟွံသဳကၠဳဏီရ၊ ကာလ သဘၚ်သဳကၠဳကောာန်ဂကူတေံမ္ဂး သွက်ဒးသဳကၠဳ
သ္ပအာဒတန်နွံရောၚ် ဂှ်လေဝ် ညးက္ဍိုက်ပ်ကမ္မတဳကၠောန်ဗဒှ်
ဒစးဒုၚ်ကောံဓရီုဇၞော်ပရေၚ်ဂကူမန် မရနုက်ကဵု(၈)ဝါ နာဲဗညာဂ္ဇံ ဆက်ဟီုထ်ၜးရ။

အလာံကောန်ဂကူမန်ဂှ် ဗွိုၚ်မဆက်စပ်ဂကောံမန်ပယျဵုသေံကီု၊
ဗွိုၚ်တိဍာ်ဒေသဗော်ဍုၚ်မန်တၟိကီု၊ ဗွိုၚ်ဂ
ကောံမန်စိုပ်ဒၟံၚ်ဍုၚ်သ်အာၚ်တံကီု၊ သုၚ်စောဲကၠုၚ်ဒၟံၚ်အလာံၜိုပ်ပဝ်တုဲ
ဗွိုၚ်အပ္ဍဲဍုၚ်မဆက်စပ်ကဵုကမ္မတဳ ကၠောန်ဗဒှ်တ္ၚဲကောန်ဂကူမန်တံဂှ်
သုၚ်စောဲကၠုၚ်ဒၟံၚ်အလာံၜိုပ်ယာဇိုၚ် နွံ ၂ သာ်ရ။

ကောံဓရီုဇၞော်ပရေၚ်ဂကူမန် ကၠောန်လဝ် ပ္ဍဲသေပ်တေမ်ဗါ ၂၀၁၄

ကောံဓရီုဇၞော်ပရေၚ်ဂကူမန် ကၠောန်လဝ် ပ္ဍဲသေပ်တေမ်ဗါ ၂၀၁၄


‘စၞးပိုဲသုၚ်စောဲဏာအလာံမွဲမွဲသာ်ဂှ်တှေ် ပိုဲဟွံသုၚ်စောဲဏာအလာံတေံ
အလာံဏံဂှ်တှေ် ပရေၚ်ဒးဟီုဂးဇီု ကပါ်ဍေံအောန်ညိ၊
အဓိကပရေၚ်ကမၠောန်ပိုဲတ္ၚဲဏံဂှ် ကိစ္စအလာံဏံဟွံသေၚ်ဏီပုဟ် ပိုဲအရၚ်ဂွံဂၠာဲအာ
သွဟ် သွက်ဂွံဒက်ပ္တန်အာဓဝ်ညဳသာအပ္ဍဲကဵုကောန်ဂကူမန်ပိုဲဏောဝ်’ သာ်ဏံ
ညးဂွံအခေါၚ်ဟီုဂးပ္ဍဲကမ္မ တဳတိုၚ် ကၠောန်ဗဒှ်ပေဲါကောံဓရီုဒစးဒုၚ်
နာဲဇာတိနာဲဟီုရ။

ကာလကောံဓရီုဇၞော်ပရေၚ်ဂကူမန် တုဲကၠုၚ် ၂၀၁၃
ကၠောန်လဝ်လ္တူဍုၚ်မတ်မလီုတုဲကၠုၚ်တေံဂှ် ကေၚ်ဒှ်
ဟီုဂးကၠုၚ်ပရေၚ်ကိစ္စအလာံဇၞော်ကဵုဇြဟတ်နွံတုဲ ကြဴတုဲ ဒးသုၚ်စောဲဗက်အာ
အလာံရပ်စပ်စကာဒၟံၚ် အလာံတ္ၚဲကောန်ဂကူမန်ၜိုပ်ယာဇိုၚ်ဂှ်ရ။

Written by

Related Posts

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.