ကောံဓရီုဇၞော် ပရေၚ်ဂကူမန် မရနူက်ကဵု (၈) ဝါဂှ် ဗော်ပရေၚ်ဍုၚ်ကွာန်မန်တံ ဟွံတိုန်စိုပ် ဂး

by | Apr 25, 2016 | ပရိုၚ် | 0 comments

ဂကောံပံၚ်ကောံပရေၚ်ဂကူမန် MAU က္ဍိုက်ပ်တုဲ ပ္ဍဲကဵုဂိတုမေဂှ် သွက်ဂွံကၠောန်ဗဒှ် အာ ကောံဓရီုဇၞော်ပရေၚ် ဂကူ မန် မရနူက်ကဵု (၈) ပ္ဍဲကွာန်ပလိုၚ်ဂျပါ ဒေသကျာ်ပိဂှ် ဗော်ပရေၚ်ဍုၚ်ကွာန်မန် ဗွိုၚ်အပ္ဍဲဍုၚ်တံ ဟွံတိုန်စိုပ်ရောၚ် ဟီု ဂးမံၚ်အိုတ်ရ။

“ပိုဲဒုၚ်ကေတ်လဝ်ဂှ် သၞာံ (၂၀၁၃) ဂှ် ကၠောန်လဝ်ကောံဓရီုဇၞော် တုဲအာမွဲဝါယျ။ ပ္ဍဲကောံဓရီုဇၞော်ဂှ်တှေ် ဖျေံလဝ် သ္ဂုတ်သွာတ် အရၚ်ဂွံကၠောန် သဘၚ်သဳကၠဳကောန်ဂကူဏောၚ်။ လၟုဟ်ဏံ ကၠောန်ကောံဓရီုဇၞော်ပၠန်ဂှ် မုအဓိပ္ပါယ် ဟွံမွဲပုဟ်။ ကောံဓရီုဇၞော်ဂှ်တှေ် ပိုဲဂှ် အစဳဇန်ဘိုအ်ဂွံတိုန် ဟွံမွဲပုဟ်” သာ်ဝွံ ညးအုပ်ကာနာနာ ဗော်ကောန်ဂကူမန် နာဲလျးတၟး ဟီုရ။

ပေဲါဆဵုဂဗသဳကၠဳ ညးစၞး MAU ကဵု ညးစၞးဗော်ဍုၚ်မန်တၟိ ဂိတုအေပရဴ ရ (သၞံၚ်တိုၚ်)

ပေဲါဆဵုဂဗသဳကၠဳ ညးစၞး MAU ကဵု ညးစၞးဗော်ဍုၚ်မန်တၟိ ဂိတုအေပရဴ ရ (သၞံၚ်တိုၚ်)


နကဵုညးစၞးဗော်တံကီု ညးစၞး CSO တံကီု ပံၚ်တောဲတုဲ ညံၚ်ဂွံကၠောန်အာ သဘၚ်သဳကၠဳဂှ် ဖျေံလဝ်သ္ဂုတ်သွာတ်နွံကီု လေဝ် ဟိုတ်နူကဵုအကာဲအရာပရေၚ်ဍုၚ်ကွာန်တုဲ သဘၚ်သဳကၠဳဂှ် ကၠောန်ဗဒှ်ဟွံမာန်ဏီရောၚ်။

“(ကောံဓရီုဇၞော်) ကၠောန်ပ္ဍဲပလိုၚ်ဂျပါန်ဂှ် မၚ်ရံၚ်အာဏောၚ်။ မုဟွံဟီုပုဟ်။ မၚ်ရံၚ်အာတုဲ တိုန်ဟာ ဟွံတိုန်ဟာဂှ် ပိုဲဟွံဖျေံလဝ်သ္ဂုတ်သွာတ်ပုဟ်။ မုညးတံသ္ပလေဝ် ပိုဲဟွံတီပုဟ်၊ ဒှ်မံၚ်ဟဂှ်လေဝ်၊ နဒဒှ်ကၟုဲမွဲရတှေ် ပိုဲဂှ်ဠတိုန်မှတိုန်၊ မုကၠောန်လေဝ်ဟွံတီ၊ ဗီုလဵုကၠောန်လေဝ် ဟွံတီတှေ် ပိုဲဟွံတိုန်ပုဟ်” သာ်ဝွံ ညးအုပ်ကာနာနာ ဗော်ဒဳမဵုကရေဇြဳအ လုံရးမန် ဒံက်တာမာံနဲသဵု ဟီုရ။

တုဲကၠုၚ်ဂိတုအေပရဴ ရ သၞာံ ၂၀၁၆ ဂှ် ညးစၞးကမ္မတဳတိုၚ်ဂကောံပံၚ်ကောံပရေၚ်ဂကူမန်ကဵု ညးစၞးဗော်ဍုၚ်မန်တၟိ ဆဵုဂဗသဳကၠဳညးသ္ကံ ပ္ဍဲရုၚ်ဆက်ဆောံဝၚ်ကတုဲ အပ္ဍဲဂိတုမေဏံ ကောံဓရီုဇၞော်ပရေၚ်ဂကူမန် ညံၚ်ဂွံဒှ်ကၠောန်မာန်ဂှ် ဆက်ရေၚ်တၠုၚ်ဓမံက်အာရုပ်ရဴရောၚ် တုပ်လဝ်စိုတ်နွံရ။

ညးစၞးနူကဵုဗွိုၚ်အပ္ဍဲဍုၚ်၊ ဗွိုၚ်ဗော်ဍုၚ်မန်တၟိ၊ ဗွိုၚ်ပယျဵု ကေုာံ ဍုၚ်သေံ၊ ဗွိုၚ်ဍုၚ်သ်အာၚ်တံ သီုဖအိုတ်ညးစၞးဗၞတ် (၁၅၀) တၠ သွက်ဂွံဘိက်အာနွံရောၚ် ဂကောံ MAU ဟီုဂးလဝ်ရ။

ပ္ဍဲကဵုကောံဓရီုဒစးဒုၚ်ကောံဓရီုဇၞော်ပရေၚ်ဂကူမန် သွာၚ်ဗွိုၚ်အပ္ဍဲဍုၚ် ဂွံချူဇန်ပ္တိုန်လိက်စံၚ်ပရေၚ်ညဳသၟဟ်ဂကူမန်ဂှ် ညးစၞးနူကဵုဗော်တံ ဟွံတိုန်စိုပ်ကီုလေဝ် ညးတာလျိုၚ်ကဆံၚ်ကေၚ်ကာ၊ ကမ္မတဳဗဟဵုတံလေဝ် နဒဒှ်ပူဂဵုတိုန်စိုပ်လဝ် နွံကီုရောၚ် ဂွံတီကေတ်ရ။

ကောံဓရီုဇၞော်ပရေၚ်ဂကူမန်ဂှ် ပ္ဍဲကဵုသၞာံ (၂၀၁၃) မွဲဝါဓဝ်ဟေၚ် ကေၚ်ကၠောန်လဝ် ပ္ဍဲလ္တူဍုၚ်မတ်မလီုတုဲ သၟေဟ် နူဂှ် ကၠောန်ဗဒှ်လဝ်ပ္ဍဲကဵုတိဍာ်ပယျဵု ဒေသဗော်ဍုၚ်မန်တၟိ သြဇာတဴတံဂှ်ရောၚ်။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.