ပ္ဍဲတွဵုရးဍုၚ်မန်ဂှ် ထပ်ခါန်ဂလိုၚ်ပ္တိုန် လၟိဟ်အ္စာဗ္တောန်တန်မူလ ဗၞတ် ၂၀၀ တၠဏောၚ်

by | Apr 27, 2016 | ပရိုၚ် | 0 comments

ပ္ဍဲတွဵုရးမန်ပိုဲ ထပ်ခါန်ဂလိုၚ်ပ္တိုန် အ္စာတန်မူလ (စလိၚ်တ္ၚဲ) တြုံတြုံဗြဴဗြဴ ၜိုတ် ၂၀၀ တလပၠန်ဏောၚ်ဂှ် ဂွံတီကေတ် နူရုၚ် သ္ကိုပ်ပရေၚ်ပညာ တွဵုရးမန်ရ။

“ပ္ဍဲတွဵုရးမန်ဏအ် တၠပညာလေပ်လိက်တအ် နွံမံၚ်ဍိုက်က်ပေၚ်ၚ်ရတုဲ ယဝ်ဗ္စာရံၚ်ကဵု တွဵုရးတၞဟ်ဟ်တှေ် ပ္ဍဲတွဵုရးမန်ပိုဲဏအ် နွံပၟိက်ဟွံဂၠိုၚ်ရ။အတိုၚ်သၞောတ် 1 Plus 4 (ဂအုပ်ဘာ ၁ ကဵု ဒစှေ် ၄ တလ) မ္ဂး ညံၚ်ဂွံနွံပေၚ်ၚ်ဂှ် ပ္ဍဲတွဵုရးမန်ပိုဲ ဒးထပ် (၁၉၁) တလ၊ ပြဟ်ဟ်ဏအ် ဒးဗပေၚ်ဣဏအ်ဏောၚ်၊ညံၚ်ဂွံဒှ် 1 Plus 4 ဂှ် ဒးဗပေၚ်ဏောၚ်” ဥူမျဵုတေအ်အံၚ် သ္ကိုပ်ပရေၚ်ပညာ တွဵုရးမန် ဂးတဴသာ်ဂှ်ရ။

 ရုၚ်သ္ကိုပ်ပရေၚ်ပညာ တွဵုရးမန်(MNA)

ရုၚ်သ္ကိုပ်ပရေၚ်ပညာ တွဵုရးမန်(MNA)

အတိုၚ်သ္ဂုတ်သွာတ် ပ္ဍဲလက်ထက်အလဵုအသဳတုဲကၠုၚ်တေံဂှ်မ္ဂး ပ္ဍဲသၞာံဗ္တောန်ပညာ ၁၆-၁၇ ဏအ် သၞောတ်ဗ္တောန် ပြံၚ်လှာဲ အာဏောၚ်။ သၞောတ်ဗ္တောန် Kindergarten Games- KG Plus ဂှ် ဒးစဓမံက်ရုပ်ရဴ ပ္ဍဲဂိတုဂျုန်ဏအ်ရဏောၚ်ဒှ်တုဲ နွံကၠုၚ်ပၟိက်ကဵု အ္စာတြုံ အ္စာဗြဴတအ်ဣရဂှ်လေဝ် ညးဆက်ဟီုရ။

“အခါရအာ နကဵုသၞောတ်တၟိ ၁၆-၁၇ ဏအ်တှေ် ပ္ဍဲအဆံၚ်တန်မူလဂှ် ဒးစွံ ဂအုပ်ဘာ ၁ တလကဵု ဒစှေ် ၆ တလဏောၚ် ရန်လဝ်ဗီုဂှ်၊ ဆ္ဂး ပက္ကတိနွံမံၚ်လၟုဟ်ဏအ်မ္ဂး ပ္ဍဲဘာသဇိုၚ်တအ်ဂှ် 1 Plus 6 လ္ပဟီုဏီ၊ အဆံၚ် 1 Plus4 ဂအုပ်ဘာ ၁ ကဵု ဒစှေ် ၄ တလဂှ်လေဝ် ပေၚ်ၚ် ဟွံမွဲဏီ၊ဒးဗပေၚ်မံၚ်ဏီ” ဥူမျဵုတေအ်အံၚ် ဂးရ။

အ္စာတြုံ အ္စာဗြဴ ဒးဒုၚ်ရုဲစှ် နဒဒှ်အ္စာတန်မူလ မစၚုဟ်လိၚ်တ္ၚဲတအ်ဂှ်ဝွံ အဟိန်ယိုက်ဂၠေၚ်မံၚ်တာလျိုၚ်ဂှ်လေဝ် သီုဒးတိုန်တန်ဗ္တောန် ကွတ်ပညာအ္စာတန်မူလ (နကဵုဗီုပြၚ် ဏာနၚ်ဆက်စၠောံနကဵုလိက်-စာပေးစာယူ) ဏောၚ်ဒှ်တုဲ အံၚ်ဇၞးအာ တန်ဗ္တောန်ဂှ်မ္ဂး ဂွံဒုၚ်ခါန်ကၞက် နဒဒှ် အ္စာတြုံ အ္စာဗြဴ ထ္ၜးတန်မူလဂှ်ဏောၚ် သ္ကိုပ်စၞောန်ပ္ညုၚ် ပရေၚ်ပညာ တွဵုရးမန်ဂးရ။

ညးအာတ်မိက်ဂရၚ်ပ္တီလဝ် ဒဒှ် အ္စာတြုံ အ္စာဗြဴ ဗ္တောန်တန်မူလ မစလိၚ်တ္ၚဲတအ်ဂှ်ဝွံ ပ္ဍဲဂိတုအေဗရဴ (၃၀) ဂှ် ဒးဒုၚ်သၟာန်သှ် စပ်ကဵု သချာၚ်္၊အၚ်္ဂလိက်၊ ဗဟုသုတနာနာ ပွိုၚ် ၁ နာဍဳဏောၚ်ဒှ်တုဲ ပပ္တံနူ အေဗရဴ ၂၆ တုဲ ထ္ၜးအာတန်ဗ္တောန် KG အဆံၚ်ပွိုၚ်ဍုၚ်ကီုဏောၚ် ဂွံတီကေတ်ရ။

ပူဂဵု မအာတ်ဂရၚ်ပ္တီ ဒဒှ်ညးဗ္တောန်တန်မူလ မစလိၚ်တ္ၚဲတအ်ဂှ်ဝွံ ဒးဂွံလဝ် မဟိမု Ph.D ၊ မဟိမု မဟာ၊ မဟိမု အဆံၚ်ပညာ နူတက္ကသိုလ်မွဲမွဲကီုဏောၚ်ဂှ် ဓမံက်ထ္ၜးလဝ် ပ္ဍဲတၞးလိက် ဂရၚ်ပ္တီဂှ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.