ထ္ပက်ဒၟံၚ်ပၞာန် ပ္ဋဲဒေသကောန်ဂကူကောန်ဍုၚ်အရၚ်တံတုဲ ကၠောန်ပေဲါထံက်ဂလာန်ပၞာန်ဗဗွဲဓဝ်ဂှ် ဒှ်ဂုဏ်ဖဵုကဵုပရေၚ်ၜိုဟ်လလမ်ဟွံသေၚ်ရောၚ် ကောန်ဂကောံအလဵုအသဳတွဵုရးဍုၚ်မွဲတၠ ဝန်ဇၞော်သယံဇာတကဵု ပွဳပွူသဘာဝ အ္စာသဝ်ဟံၚ်ဍုၚ် ဟီုတးပဲါရ။
တုဲကၠုၚ်ဂျာန္နဝါရဳ (၈)၊ သၞာံ ၂၀၁၇ ဂှ် နူကဵုဂကောံ (အမျိုးသားရေး နှၚ့် ပရိဟိတ အၚ်အားစုများကွန် ရက်) တံ က္ဍိုက်ပ်တုဲ ကၠောန်ဏာပေဲါထံက်ဂလာန်ပၞာန်ဗဗွဲဓဝ်လ္တူဍုၚ်မတ်မလီုဂှ် ဇြဟတ်မၞိဟ်ဗၞတ် (၁၀၀၀) တၠ တိုန်စိုပ်ကၠုၚ်လဝ်နွံရ။
ပေဲါထံက်ဂလာန်ပၞာန်ဓဝ်ဍာံ လ္တူဍုၚ်မတ်မလီု (MNA)
စပ်ကဵုဂကောံ (အမျိုးသားရေး နှၚ့် ပရိဟိတ အၚ်အားစုများကွန်ရက်) တံ ကၠောန်ဏာပေဲါထံက် ဂလာန်ပၞာန်ဗဗွဲဓဝ်သာ်ဂှ်တုဲ က္ဍိုပ်သ္ကိုပ်ဂကောံမဟာဇန်မန်ဂမၠိုၚ်တံကီု၊ က္ဍိုပ်သ္ကိုပ်မန် မၞုံပ္ဍဲဗွိုၚ်အလဵုအသဳ တံကီု ဒုၚ်တဲဟွံမာန်တုဲ ဟီုဂရိုဟ်ပါ်ပဲါဒၟံၚ်အိုတ်ရ။
‘စၞးဒးဟီုကရေဲထံက်ဂလာန်ပၞာန်ဗဗွဲဓဝ်ဟီုဂှ် ကလေၚ်ရံၚ်အာမွဲလ္ပာ်ဂှ်တှေ် ဒှ်အာညံၚ်ရဴဍဵုဍိုက်ကောန်ဍုၚ် အရၚ်တံ ဒှ်အာအဓိပ္ပဲါဗီုဂှ်မာန်ဏောၚ်၊ ပိုဲတံဟီုမံၚ်ဒက်ပ္တန်မံၚ်ကၟိန်ဍုၚ်ဖေဝ်ဒရေဝ်ဇေတ်တ်ဟီုဂှ် မွဲလ္ပာ်ဂှ် လေဝ် ကဵုမံၚ်ဇြဟတ်ဗ္တိုက်မံၚ် ဍဵုဍိုက်မံၚ်ကောန်ဍုၚ်အရၚ်တံ တိတ်အာအဓိပ္ပဲါဂှ်ဏောၚ်တှေ် ပရေၚ်ၜိုဟ် လလမ်ဏံဒှ်အာခက်အခုဲတၟာဂလိုၚ်ဏောၚ်’ သာ်ဝွံ ဒုဥက္ကဌကၠတ်ထဝ်တွဵုရးဍုၚ်မန် ဒံက်တာအံၚ်နာၚ်ဥု ဟီုထံက်ထ္ၜးရ။
မွဲဒမြိပ်တွဵုရးဍုၚ်သေံ သ္ကုတ်သၟဝ်ကျာ ကဵု ပ္ဍဲကဵုဒေသကချေၚ်ဂှ် ဒပ်ပၞာန်အလဵုအသဳတံ ထ္ပက်ဒၟံၚ်ပၞာန် ကုဂ ကောံရပ်လွဟ်ကောန်ဂကူတံဇၞော်ကဵုဇြဟတ်နွံတုဲ အဃောပေဲါဗ္တိုက်ဒှ်ဒၟံၚ်ပ္ဍဲဂိတုဒဳဇြေမ်ဗါတုဲကၠုၚ်(၂၀၁၆) ဂှ် နူကဵုက္ဍိုပ်သ္ကိုပ်ဗော်ကျဖောအ်တံ ပ္တိုန်ထ္ၜးကၠုၚ်ဂလာန်ပ္ဍဲကၠတ်ထဝ် အဆံၚ်ၚ် လ္တူဂကောံရပ်လွဟ် ကောန်ဂကူတံဂှ် ညံၚ်ဂွံသ္ပထောံ ဂကောံပကီုပရာပ်(ပလီုပလာ်)ဂှ်နွံရ။
ဂလာန်ပ္တိုန်ထ္ၜးညံၚ်ဂွံစၟတ်သမ္တီထောံ ရဲပကီုပရာပ် (ပလီုပလာ်) ကုရဲဂကောံရပ်လွဟ်ကောန်ဂကူတံဂှ် ပ္ဍဲ ကဵုဗွိုၚ်ကၠတ်ထဝ်ညးဍုၚ်(ပြည်သူ႕လႊတ်တော်)ဂှ် မာဲဒစဵုဒစးဂၠိုၚ်တုဲ ဟွံဒှ်ဒတန်ရ၊ ဆဂးဂှ် ပ္ဍဲကဵုဗွိုၚ်ကၠတ် ထဝ်တွဵုရးဍုၚ်သေံဂှ် ညးစၞးတံ ထံက်ဂလာန်ဂၠိုၚ်တုဲ ဒှ်အာဒတန်ရ။
လ္တူဂှ် နူကဵု ဂကောံက္ဍိုက်ပ်ကၠောန်သ္ပဒၟံၚ် ပေဲါထံက်ဂလာန်ပၞာန်ဗဗွဲဓဝ်တံ ကၠောန်သ္ပဏာ ပ္ဍဲကဵုရးလ္ဂုၚ်၊ ရး မာန္တလေဝ်၊ မုၚ်ယဲ၊ ဖါသီ၊ မိတ္ထတဳလာ ကဵု ဍုၚ်မတ်မလီု ဂှ် သုၚ်စောဲဏာဝေါဟာ လ္တူဂကောံရပ်လွဟ် ကောန်ဂကူတံရဲပကီုပရာပ်(ရဲပလီုပလာ်)ရ။
0 Comments